futurorum memorie commendamus: quod Woyslao fideli nostro famulo et sue posteritati legittime damus potestatem villam suam, que Vronztino (2) polonice nominatur, iure teuthonico collocare, absoluentes predictam villam et ipsius incolas a naraz, a povos, a prevod, a podvoraue, a stroza, a boue, a vacca, a porco, a perna, a poramb, a stan, a falconibus, a venatoribus, ab urna mellis provincialis, a curru feni, a capete siliginis, ab opole, a poradlne, et a castri citacione. Ita, quod coram nullo per ministerialem citati debeant comparere vel respondere, sed coram nobis tantum anulo nostro vel sigillo mediante litera provocati. Volumus eciam, ut iam dictus Comes Woyslaus. et sui successores, omnes causas maiores, mediocres et minores, que infra limites eiusdem hereditatis Vroncino emerserint, habeat iudicare, et penas iudicatas pro se recipere integraliter et complete. In cuius rei firmitudinem evidentem presentes conscribi fecimus, nostro sigillo perpetuo roborantes. Acta sunt hec in Piysdir, presentibus hijs Comitibus: Roscone Venatore Kalisiensi, Swanthomiro Castellano de Bechovia (3), Swanthoslao Venatore, et aliis quam plurimis fide dingnis (sic). Datum ibidem in crastino natiuitatis beate virginis Marie, per manus domini Dominici Notarii curie nostre, anno domini M° CC nonagesimo octavo.

(2) Villa Wrąbczyn sine dubio hic intelligenda est, Zagóroviensis oppidanae parochiae, Coninensis territorii et regionis, quam anno 1324 jam ad coenobium Ladense pertinuisse, ejus anni tabula inferius exhibita docet.

(3) Biechowo olim castrum, nunc villa parochialis in Ducatu Posnaniensi, Posnaniensis territorii, Wrześniensis vero regionis, inter Miloslaviam et Wrześniam oppida sita, non longe ab oppido Pyzdra distans.

XCI.

Calissiae, anno 1298 die 21 m. Novembris.

Vladislaus Locticus Dux Regni Poloniae etc. in media provinciae Calissiensis parte,, tributum frumentarium ad pontem civitatis Calissiensis reficiendum, imperat (').

Nouerint universi presentes et futuri, quorum audiencie presens scriptum deferetur, quod nos Wladislaus dei gracia Dux Regni Polonie et dominus

(1) Duo sunt tabulae hujus archetypa exempla, quorum alterum Comitis Rzyszczevii, alterum Comitis Rusiecii proprium; hoc sigillum habet filo serico viridis coloris appensum,

Pomoranie, Cuyauie, Lanchicie ac Syradie, de consensu et de voluntate Baronum nostrorum, statuimus in media parte terre Kalisiensis, quod quiuis homo, de quolibet manso siue sorte, pro reparacione pontis Kalisiensis ciuitatis, singulis annis..... anum (2) siliginis soluere tenebitur, omni amota contradiccione. Quod si quis vero huic statuto nostro contrarius inveniretur, nostram proinde se nouerit indignacionem incursurum. Ut autem hoc statutum nostrum et nostrorum predecessorum robur optineat perpetue firmitatis, presentes conscribi fecimus, nostri sigilli munimine roboratas. Actum anno domini M° CC° nonagesimo octauo. Datum Kalis sexta feria ante diem beate Katerine virginis (3).

jam saepius descriptum insigne provinciae Cujaviensis repraesentans, verbis in ambitu fere prorsus deletis; illius autem sigillum jam desideratur.

(2) Rima chartam laedens in exemplo Rusieciano integrum verbum legi impedit, ut incertum sit, num,,tercianun" an,,terciarium," aut,,quartanum" hic intelligi debeat. In Rzyszczeviano tamen exemplo claris literis scriptum est,quartale".

(3) Auno 1298 dies 25ta Novembris, sanctae Catherinae sacrata, dies Mercurii erat.

XCII.

Calissiae, anno 1299 die 6 men. Septembris. Vladislaus Locticus Dux Regni Poloniae etc. civitati Calissiensi cum Gnesnensi, Pysdrensi et aliis quibusvis foedere contra nefarios turbatores pacis publicae inito junctae, ut efficacius eosdem latrones persequi posset, severioribus nonnullis poenarum et insectationum remediis utendi potestatem tribuit (1).

Noverint universi quorum audiencie presens scriptum deferetur, quod nos Wladislaus dei gracia Dux Regni Polonie, Princeps Pomoranie, Cuyavie,

(1) Ex archetypo membranaceo, olim in tabulario civitatis Calissiensis asservato, nunc autem doctiss. Stronczyńscii proprio, cujus sigillum jam abruptum filis sericis rubei coloris appensum erat. Anonymo rerum polonicarum scriptori, quem plerique Archidiaconem Gnesnensem appellant (Sommersberg II. 91) plus, quam par erat, tribuens Dlugossius (L.VIII. 889) ejusque compilatores, Vladislaum Locticum nimiae tunc temporis in latrones indulgentiae quam injuste insimulaverint, non solum haec tabula nostra probat, sed etiam altera anni 1298 ab eo profecta, quam vide sis in Josephi Łukaszevicii opere „Obraz miasta Poznania” T. I. p. 173.

Lancycie ac Syradie, cupientes quod omnes fures, latrones, homicide, periuri, sacrilegij, (sic) opressores virginum et maritarum, et alij universi malefactores non debeant gaudere de sua malicia, et dilectis nostris civibus Kalisiensibus talem contulimus auctoritatem, et omnibus eis adherentibus, scilicet Gnezdnensibus, de Pysder, ac universis alijs qui cum eis voluerint stare, ut eosdem malefactores secundum exigenciam meritorum ipsorum justicia tamen exigente, habeant suspendere, decollare, rotare, mutilare, cremare ac alias penas infligere. Et quod cives nostri Kalisienses ac alij, qui cum eis voluerint stare, habeant prolocutores suos per omnes civitates nostras, pertinentes ad dominium nostrum, qui habeant omnem auctoritatem agendi contra omnes malefactores et penam infligendi, secundum exigenciam meriti cujuslibet malefactoris; nec apud prolocutores jam dictos aliquis aliquam pecuniam vel solidos seu denarios, si in aliquo eos cadere contingerit, audeat extorquere vel accipere; et eciam apud omnes actores qui vellent proponere vel proponent actionem querimonie contra quoscunque malefactores, simili modo prohibemus, ne audeant accipere pecuniam aliquam apud ipsos. Insuper volumus et mandamus et statuimus, quod ubicunque clamor super quemlibet malefactorem fuerit, eundem detineatis; quod si non feceritis, ex tunc contra vestram vestre temeritatis audaciam, in quantum justicia suadebit, procedemus. Et in quacunque civitate vel villa aliquis malefactor proscribetur, sit proscripticius per totum dominium nostrum, et talis ubicunque capietur, utatur jure suo. Et super eo promittimus civibus nostris, tam Kalisiensibus quam alijs omnibus per totum dominium nostrum constitutis, assistere contra omnes qui vellent eos molestare pro infligendis penis malefactorum. Et ut predicta omnia et singula robur obtineant perpetue firmitatis, in hujus rei testimonium presentes scribi jussimus nostri sigilli munimine roboratas. Actum anno domini M° CC nonagesimo nono. Datum Kalis dominico die proximo ante diem nativitatis beate virginis (2).

(2) Dies feriatus nativitatis beatae virginis Mariae (dies scilicet 8va mensis Septembris), anno 1299, die Martis celebrabatur.

XCIII.

Toruniae, anno 1300 die 1o mensis Junii.

Christianus Scultetus venditionem molendini sui in villa Koszuty siti, dum adhuc in Polonia erat, monasterio Lądensi factam, in Borussia, publica auctoritate Conradi de Lichtenhagen Elbingensis ordinis equitum Teutonicorum Commendatoris (qui

dicebatur) et consensu filiorum suorum accedente, ratam esse declarat (1).

Nos frater Con.(radus) de Lyhtenhagen Commendator fratrum domus Theutonicae in Elbingo, notum esse cupimus presencium inspectoribus universis: Quod Cristianus quondam Scultetus in Kosschuth in presencia nostra et quorumdam fratrum nostrorum publice est professus, se cum consensu uxoris sue ac liberorum suorum molendinum in dicta villa Kosschuth situm, quod sub annuo censu duorum lapidum cere possederat (2), venerabilibus viris domino Abbati et fratribus suis de Lynda pro certa pecunia vendidisse, et in civitate dicta Slubzec (3) coram contestato iudicio resignasse. Postea vero, cum dictus Cristianus ad terram nostram de Polonia se transferret cum filiis suis Will.(helmo) et Theodrico, qui predicte vendicioni non intererant, prefatum molendinum et privilegium, quod supra (sic) eo confectum habuit, domino fratri Johanni de aquis loco predicti claustri sui, coram nobis in castro Thorun denuo resignavit. In cuius rei evidens testimonium et cautelam, sygillum nostrum presentibus est appensum. Testes sunt: frater Conradus Saccus Commendator, et frater Gozwinus Vicecommendator in Thorun, frater Hermannus Capellanus Magistri Pruscie, frater Marquardus Sacerdos, frater Waltherus Pincerna, et plures alij ordinis nostri fratres. Item Apez Scultetus in nova civitate Thorun, Waltherus Braseator, Johannes

(1) E tabula authentica membranacea Ill. Josephi Rusiecii propria, cujus sigillum de cera communi factum crucem ordinis Teutonici, in eaque media scutum parvum effigiem aquilae Borussicae praeseferens repraesentat, et taeniola pergamena appensum est. In ambitu verborum fragmenta: „t S. Conradi....... Elbingo" conspiciuntur.

(2) Conf. tabulam anni 1296 Nro LXXXV. praemissam.

Oppidum Słupca, de qua vide sis annotationem tertiam ad tabulam Nro LXXXV.

praemissam.

Pistor, nec non alij fide digni. Actum et datum in castro Thorun, anno domini M° CCC° Kalendas Junii.

XCIV.

(Miechoviae?) anno 1300 die 5 m. Junii.

Gerardus Advocatus Miechoviensis, assentientibus filiis suis, Adamo de Komorów Judici Miechoviensi, unum macellum quod in Miechovia proprium habebat, dono confert (1).

In nomine domini, amen. Omni kalumpnie via precluditur, dum quod geritur, scriptis memorie commendatur. Quapropter nouerint uniuersj, quod nos Gerardus ciuis Cracouiensis et Aduocatus ciuitatis Mechouiensis (2) huna (sic) cum dilectis filijs nostris, videlicet Johanne, Petro et Philippo, ffideli amico nostro viro discreto et honesto Ade de Comorov (3) Judici Mechouiensi, in recompensacionem aliquantulam sue fidelis amicicie, quam nobis in omnibus iugiter exibuit (sic), mere et libere contulimus in ciuitate nostra Mechouiensi unum macellum cum eodem iure, quo illud ipsi possedimus, sibi et suis successoribus in perpetuum hereditarie possidendum. Ita ut singulis annis, quod nos de prefato macello domino Preposito soluebamus, idem de eodem eidem persoluere teneatur. Et ne super donacione talj in posterum aliqua dubitacio uel calumpnia ab aliquibus moueatur, presentes sibi conscribj fecimus, ac sigillj nostrj munimine roborarj. Datum anno domini M° C°C°C° presentibus: Hugone ciue Mechouiensi, Hothone et Hulrico similiter ciuibus nostris Mechouiensibus, et alijs quam pluribus hydoneis testibus: et hoc in die sacrosancte et jndiuidue trinitatis.

(1) Ex archetypo membranaceo Ill. Comitis Rusiecii proprio, cujus sigillum jam desideratur; fila autem, quibus appensum erat, rubei et viridis sunt coloris.

(2) Vid. pag. 36.

(3) Komorów villa publica parochiae Miechoviensis, oppido huic proxima.