mende, die vnnsere nicht lennger Im stille syttende, vptoholden vermuchten, sonnder wedder ehre vyennde, die sie darto gefordert, thor wedderfechtunge, inn vnsere Sehestrome ock affgeferdigt, Des wy denne, so vnns die hohe, vnvorbigengkliche ehaftige notturfft, we I. L. als die hoch- vnnd Rechtuorstendige, vth angetragenen, vnnd sunst mehr anderen thogefügten vorwaltungen vnd beschwerungen, by sick lichtlich thouornemende hebben, Dartho nicht erheischet, vnnd gebracht, erkenne es God der Almechtige, mit vnserm willen, alse der noch Blotuergetunge vnnd emporunge, begerlich edder trachtende vngerne gedaen, Besonnder vel leuer vndergelaten hedden, Bidden derwegen I. L. hirmit ganntz freuntlich vnd instendigs hoges vlites I. L. willen wol doen, vnnd vnns ethsolfftige nicht anders, dann we vorbeschreuen vnnd vth berurten beweghlicken, mercklicken, vnlitlicken vrsaken, vnd nicht inn boser botichtigunge, vnd als offt wy Iwer L. hochuerstendigen Rath, wolmeinunge vnd fruntliche ersukendt ehres schriuendes sulffmodich affgeschlagen, thometen edder bedencken willen, Dann God der Almechtige vnsere tuigh sy, wy vnns alwege tho fruntlicker vorhanudelunge, vp ein seker velich cristlich gelaide, vonn gemeynen Herrn vnd Stennden der Lande Corroberert, thor eindrechtlicken gemeynen dagefart vnnd fruntschafft nicht anders, dann aller gebor, ahne datlich vnnd vientlich vornemunge, guidtwillich ertoget hebben, vnnd so solckenns van den Wickeschen im anfange wo vonn vnns vnnd den vnsern, vnuorbrokenlich im gelicken vhalle ock geholden, vnd dusses Handels wider orsake vnd vpror nicht gegeuen hedden, daruan wy ock hirmit protestiren, where vns vnnd den vnnsern solcher vordret, mit nichts weniger bekummernusse vnnd beschwerunge vnnsers gemuets, vnde der Jegenwhere, alles vann vnnoden gewesen, Wo nu dem allem, Dewile die Wikeschen itzt in dato, noch tor tid, vnnder vnnserm Lannde Ozell, Kylekunder ort, mit Schepenn vnnd Boten inn der Sehe, liggenn Der Wikeschenn beuelch haluen, darsuluest vp kylekunde denn Erbarenn vnnsern lieuen Getruwenn, Johan Lewargk, gesterne vor dato schwerlich gespoliert, vnnd sampt einer anderen wedewen, die Bulfsbergessche genant alle dat ehre genommen, vnd entwheret hebben vnd vns edder die vnsern vndersaten ock nicht tho schonende genegedt, Wo nu vnns disses vhals stilie thosittende, vund die vnsern thobeschedigen, ouertotiehende, touerweldigen, vnd dat Ihre thonemen laten, wol anstan vnnd geboren magh, willen wy in I. L. hoch bedencken hiemit gestalt vnd geset hebben, whann wo wy vnd die vnsern muchten verschonet synn, wollen wy Iwer L. tho sunderlickem wolgefallen, vnns gernne ethwes lynnderich der sacken toertegendt wol vorwheten Dat I. L. vnns alle hanudelunge nicht anders als ehrlich, billich, vnnd christlich thomeynende, schinbarlich ersporen vnd befynden solten, Vnnd nachdeme I. L. tho fruntlicher Composition tobegeuende, vnnd die furangestelten, gefueglichen, billigen vnd rechtmetigen wege, fruntlicker voreynigunge intogen etc. vnns ferner anlangen, So hedden wy vnns gentzlich wol verhapet, vnnd vorsehen vnnserm byddend nha, inn vnnser getanen beantwerdunge nechst gescheen, dat sie vnns diesuluigen rechtmetigen wege vnnd vorschlege, bi jtzigem breues toger vnnd I. 1. Diener, wy vnns tegenn die vormeynte Malstad vnnd Dageleystunge desto bestendiger darnach thorichtende weten muchten, solden tosampt dem Christlichen Gelaidt gewislich thogesanndt hebbenn, Wo deme auerst noch nicht gescheen, So gelanget hirmit tho I. L. ouermals vanse empsige, vnafflatige Byt, I. L. willen wol dhoen, vnd vnns doch die wege vnnd temelicke vorschlege, dardorch die tweepen

nige handelunge bauen vnnsere keyserliche Regalien vnnd Pewestliche Connfirmation lidlich, vnnd vnnserm Styffte Ozel erspritlich mugen veroffnet, vnd gecomponirt werden, vpt furderlichste schrifftlich antegen, Dann vonn allen Rechten will sych vnnsers bedunckens nicht bether geboren edder gefueglich anstann, Alleine dat die Wykeschen, f. Dcht (diewile die postulation kraft vnd machtlofs;) vann deme ehrenn widrumb vth vnnserm Styffte Ozell ehrlich mit furstlicher Contentierunge affleggen, vnnd wy tho vnnser possession, nach boschreuenen Rechten, Romischer kaiserlicher vnnd koniglicher Reformatien Bullen, Recessen, Auescheiden vnnd Mandaten, inn Anfange restituirt, verhulpen, ingesettet, vnnd ergenntzet werden mogenn, Willen wy vnns keinsweges vonn gemeiner eindrechtlicken thohopkumpst, tho jeder tyd, so wy vann vnserm Metropolitan der Ertzbischofflicken Kercken Riga, vnnd den andern hochwirdigen herrn Prelaten, schrifftlich nach dem Olden ersucht werden, So wol vann Irer L. als anderen Herrn vnd Stenden der Lande, wann vnd wer es densoluigen entlich vnd sehlutlich drechligk vnd gelegen, nicht besundern, vtbliuen oder afftehen, Sonder gerne vnd guidtwilligh gewarten, Dan I. L. die wir hiemit God dem Almechtigen tho aller wolfart inn gluckseliger herschunge vnd heilsamer Regierunge lannge frischs vnnd gesund thoentholdende beuhelen, vile fruntlicker Dienste vnd wolgefallens thoertogende, syn wy alwege genegedt, Erwharten dessulfftigen vann I. L. eigentlich thouorlatich anthwort, thobeualende Datum ilender hast in vnnd vp vnnserm schlote Arennspurge Dinxstags negest na Assumptionis Marie Anno etc. xxxiij.

Vonn gots gnadenn Reynolt

Confirmirter Bischoff des Stifts Ozel.

102. Der Markgraf Wilhelm klagt dem Rath zu Riga die Räubereien und Mordthaten, welche der Bischof Reinhold Buxhöwden durch seinen Vogt auf Arensburg ausüben lasse, und fordert denselben auf, ihm mit Rath und That beizustehen. D. D. Habsal, am Freitag nach Mariä Himmelfahrt (den 22. August) 1555.

Gleichzeitige Abschrift im K. A., s. Index nro. 3076., Corp. 2. XVII. 2167. Von gots gnaden wilhelm Coadiutor des Ertzstifts Riga Postulierter her zu Otzell Marggraff zu Brandenburg etc.

Vnsern gnedigen gunstigen grus zuuor, Erbarn wolweysen lieben getreuen, mit mancherlei gewaltsamen einfallen, rauben, brennen, strassenschinden, haufsgewelden vnd morden, widder got, Recht billickeit, gemeynem landsfrieden vnentsachet vnnd vnuorwareter ehren, Reinoldus Buxhowden ein Zeitlang vnd noch, vber vnser hohes freuntlichs erbitten, vnd in vnserm stillestande zu der sachen freuntlicher Composition, dahin wir vns durch euern wolmeynenden getreuen christlichen Radt, am meisten haben keren vnd lencken lassen, vnd darauf auch noch nicht ane mercklichen vnsern schaden berühen, vne vnd die vnsern feindtlich angreiffet, beschediget, zum teil auch jamerlich vnd erbarmlich vmbracht, Wy wo wir euch nicht geschrieben, Achten wir doch, nochdeme es Landtruchtig, Ir werdet es, des merhn teil gutte wyssenschaft tragen, Das hirmit alles zuuerholen von vnnoten, So aber gemelter vnser feindt in teglicher vnd ye mehrer grausamer feintlicher vbung fortferet, wy er denne, negst vorlaufnen Freitag vor Laurency durch Gotharden von Gilsen seynen Vogt, den Ernuesten vnsern lieben getreuen Diterich Brackell vf Keyserlicher freyer strassen in des W.

Ordens Lande des weges nach Reuel gewaltiglich vberfallen, gefangen vnd daruber hart geschlagen vnd verwundet, vber das auch etliche paurn aufs vnsern Landen, vff demselben wege beströfet, vnd den armen leuten souil sie gehabt das Ire bis in die XV marck genomen, an dem allein nicht verguuget hat derselbige Vogt am negsten Dinstage vor dato bei nachtschlaffenden Zeiten, sechs seiner Dyner aufsgeschickt, welche den wirdigen, achtbarn etwan vnserer kirchen zu Otzel Domherrn, vnsern Radt vnd lieben andechtigen M. Michaeln Gralaw zu Roadt in seiner Prebenden in harrien im Schlaffgemach vberfallen, jamerlichen erstochen vnd ermordet, So dan solchs vnchristlichen raubens, brennens, fangens strassenschindens, haussgewaltens vnd mordens, sich teglich ane vnterlas viel zutregt, vns auch ferner zudulden vnd zuuerdrucken nicht allein zuuil sein, sondern auch nicht wol mehr geboren wil, vnd wir aber demnest, wie gemelt, auch noch, vnsers furgenomen tatlichen furtzoges, vff euern angetzogenen christlichen Radt, auch also hart zu andern genotdranget, stylle stehen, Als haben wir auch dis, als vnsern lieben getreuen vnd bundtgenossen, deren Raths wir vns bis anhere gehalten, vnd die, wy wir nicht zweifeln, des mit vns ein christlich mitleiden tragen sollen, in gnaden vnangetzeigt nicht wollen lassen, Mit gnedigen begern, Ir vns, vnser christlichen verbuntnus nach, wie wir vns ferner, damit solich vnerhort vncristlich rauben, brennen, morden etc. ane mehr weitherung vnd grofser vfrur, krieg vnd blutsturtzung zeitlich verhuttet, vndernhomen vnd affgeschaffet, vns halten sollen, euern getreuen Radt vnuerzoglich mitteilen, vns auch nochdeme mergedachter vnser widderwertiger vns am meisten zu wasser beschedigt vnd wir, damit Im zuweren mit schiffen nicht versorgt, mit zwen Jachten die ff dem Sonde zwischen der Arnsburch vnd der Wiecke nur Im zur Scheue leuiereten, nicht verlassen, Das seint wir gegen euch als vnser bundtgenossen, den wir auch sunst mit gnaden gewogenn in gleichem vnd mehrem gnediglich zuerkennen erbotig vnnd geneigt, Begern hirauf euer vnuertzogliche antwort. Datum Habsel freitags Assumptionis Marie Anno "etc. xxxiij...'

An den Rath zu Riga.

Ingelegter Zettel.

Auch Erbarn vnd wolweysen lieben getreuen Seindt jtzundt in den negstuerruckten tagen etliche des Vogts zu Sonneborch eigne bauren, an des Ernuesten vnsers lieben getreuen Peter Ixkuls zum Werder bauern, dieselbigen zuplonnern, eingefallen, dauon der Erbar auch vnser lieber getreuer Johan von der pole den wir dysser Zeit zum werder vorordent, Neun derselbigen Sonnenborgischen bauern gefangen, geen Werder gefurth, vnd sie gefragt, aufs wes beuelh sie solchs gethann, habenn sie bekanth das der Landtknecht zu Mon, welcher hoff dem Vogt zu Sonneborch gehorig, In solchs beuolhn, vnd derhalber dorhin geschickt, wes guts wir vns aber daraus zuersehen, habt Ir als die vorstondigen leichtlich zuermessen etc.

105. Georg von Ungern auf Pürkel meldet dem Herzog Albrecht, dass der Bischof Reinhold, besonders durch seinen Vogt auf Arensburg, Raub, Mord und Brand im Lande übe; verspricht, dem Markgrafen Wilhelm treu anzuhangen, und empfiehlt sich und die Seinigen dem Schutze des Herzogs. D. D. Habsal, am Tage Bartholomäi (den 24. Aug.) 1555.

Original im K. A, s. Index nro. 3077., Corp. 1. VIII. 924.

Durchlauchtigester Hochgeborne furste gnediger Herr, meine bereitwillige vndertenige Dennste sinnen e. f. Dcht. inn allewege zuuor Ick will e. f.-Dcht. vnterdenichlichen gebeden hebben, e. f. Dcht. wolle mir in gnaden fsu guide haltenn, das ich e. f. Dcht. breue noch bes heute nicht beandtwordt, Ist keiner annder vrsache vnderlassen, dann aus disser schwindenn geloftenn, das es dem hochwirdigsten durchlauchtigenn hochgebornne furstenn meinem g. h. vnd den stiffts stennden zu Ozell so ouell ergangen vnd von Reinoldho Buxhoueden vnd seinem anhange, vnafgesachter vientschaft, vnbewart der eehre, Mit sodaner grausam Mort, Rof, branndt, stratenschindunge Huisgewelde, so sonnderlich godert vonn gilsenn, vogedt zur Arnnfsburgh wedder godt eehr billicheit vnnd allenn Rechtenn geouet sonderlich kegen Magister Michaell gralow, Doemher vnd teusesarium [sic] der Doemkirchen-zu Ozell, denn he Dinxsthedages nha Laurentij, inn seiner egenn schlafkammnr jamerlichen ermordt vnd sein gelt vnd geschmide genhomen, darzu einen vth der Ernnthuesten Ritterschaft Diderick Brackell, vf Keyr. frien straten gefangenn vnd ehnnen nach der gefenngknis jamerlichenn ouerfallenn vnd gewunt Disses alles inn des Ritterlichen Ordens herlicheidt gescheen, inn harrigenn,

Tho deme heft he allenn de ehme denen wollen frien rof gegeuenn, Damit sich etlich anhengklich gemacht inn Menunge zu water vnd zu Lannde dat stift ann zu gripen etc. welchenns dem allerhoigesten gode, vnd e. f. Dcht. geklaget zu deme negest godt all mein trost.

Es ist mir auch dato e. f. Dcht. bref den 13. Augusti zu Konnigesberg gegeuen zu hannden komen, darinnen e. f. Dcht. vndder Andern gnedich gesunnen, das wir mit der Zakenn nicht eildenn, so hadt mein g. h. vnd seinen f. g. stifts stenndenn, niemandes gewaldigen ouerfaren gerouet gemort, oder gebranndt wie vnser kegendell zu oftermalen gedan vnnd vthgerichtet vnnd haben so langksam geilet, das wir nhu alle vnnses liues vnnd gudes in faren staen, Das e. f. Dcht. mich doet vormhanen fulherdich vnnd bestenndich bie meinem g. f. vnd h. zuuorharrenn Darahnne sall e. f. Dcht. ouerall keinen Zwifell dragen denne ich mich midt hulpe des Almechtigenn also kegenn den hochwirdigsten Durchlauchtigenn hochgebornne fursten vand hern, hern wilhelm Coadiutorn des Erzestifts Riga, postulirten Hern zu, Ozell Marggraf zu Brandenburgh etc. meinem g. H. bestendich halten will, als ich das vor gode dem almechtigen vnd e. f. Dcht. will bekanndt sein, Midt ganns vndertenigem bidden, e. f. Deht. wolle inn meiner jdtzigen vtersten vnnd hoigesten noedt, mir vnd mine armen kinder, inn ein gnedich beuell nhemen Das werdt e. f. Dcht. der Allerhoigeste belohnen vnnd ich mit meinem armen denste, vnngespartes leues vnd guides vndertenichlichenn uordenen Beuele hirmit e. f. Dcht. dem allerhoigestenn schuts godes zu lannger geluckzeliger Regerender vnnd herschennder wolmacht gesundt Datum Hapsell ahnn dage Bartolomei Anno etc. xxxiijo

E. F. Dcht.

vnderdeniger Jurgen von vngern her zu purkull

Eigenhändige Nachschrift.

Gnediger forst vnd Here De copie des breue apostolicum hebbe ick myt sunderlicken Erfreuten gemote gelesen vnd holt sick in rechter varheyt myt Reynoldo nicht anders als dar

in genarreret wolde godt dat de Originalia mynem G. f. vnd Heren midt Ersten muchten to handen komen solden syner f. g. saken gans nutte vnd todrechlik syn Heft ock vel gudes by dem W. Capittel to Ofsel opereret vnd werdt vellen anderen Eyn schu machen Datum vt supra Georgius ab vngeren etc. Manu ppa sptt

104. Antwort des Ordensmeisters Wolter von Plettenberg an den Herzog von Preussen, Markgrafen Albrecht, worin er ihm die Maassregeln anzeigt, die er zur Beilegung der Fehde zwischen dem Bischof zu Oesel, Reinhold Buxhöwden, und dem postulirten Bischof zu Oesel, dem Rig. Coadjutor, Markgrafen Wilhelm, zu nehmen gesonnen sei, worauf er noch mehrere andere Gegenstände berührt. D. D. Ruyen, am Tage Kreuz - Erköhung (den 14. Sept.) 1555.

Original im K. A., s. Index nro. 3078., Corp. 2, XVII. 2168.

Vnnsere freuntliche Diennste vnnd wes Wir liebs vnnd guides vermögenn stetz beuoren Durchleuchtiger Hoichgeborner Furst besonder geliebter Her vund freuntlicher Nachpur Ewer liebten brief denn 13ten Augustj zw Konnigfsberg gegebenn, habenn Wyr nhun furerst denn achtenn Septembris erlanget, Vnnd midt nicht geringer Vansers gemuets Wemut bekummernufs vndt Cristlichem mitleydenn daraus verstandenn, Wye Wyr den sunst alhie auch leyder mher dann es woll guidt vnnd Vnns lieb ist, In erfarung kommen, das der Erwirdig Her Reynolt Bixhöueden Confirmirter Bischoff zw Osell wyder denn Hoichwerdigstenn Durchleuchtigenn Hoichgepornenn Furstenn vnnd Hern Hernn Wilhelmenn Coadiutorn des Ertzstiffts Riga Postulierten Hernn zw Osell, Marggrauenn zw Branndenburgk etc. Vnsern freuntlichen geliebtenn Hernn vnnd Nachpur, vnnd derselbigenn seiner liebten Vnderthanen mit mordt vnnd Branndt eingelassen, Mith anhaft das E. 1. nith zweiueln woltten, Wier alls eynn Cristlich vnd friedtlich heupth das Lanndt woll stillenn vnnd solchenn muthwillen leichtlich zu werenn wisseten etc. Wuer auff wissenn Wir e. 1. freuntlicher vnnd Nachparlicher wolmeynunge anthwertlich nit zw bergenn, das Wyr, kenns der Almechtige ewige godt, der eyn erforscher aller hertzenn zwsambt vnnd boneben denn schweren bekommernissen, die Wir ane vnterlafs, derwegen gehat vnd noch haben, gaer keinen Vleis geltspildunge, vunlust, arbeyt vnnd muhe, Vnsers Vermögens vnterlassenn, darnach gestrebt vnnd hertzlich gerne gesehenn, das es vorlangest abgeschafft, vnnd die wege freuntlicher vnnd frietlicher Composition, hinlegung vnnd einigkeyt solt errichtet habenn Wir wollens auch darfur achtenn vnnd halthen, so die sachenn allenthalbenn nach Rade angefangen, vorgenomenn vnnd vorthgestält, Auch Vnsere gemeiner Hern vnnd Stende der lannde vilueltige trewhertzige vnnd vleissige ermanenn vnnd pitten, fruchtparlich angeseen vnnd nit vbergangen, das solches itzigenn beschwerlichen weitterunge empörunge vnnd schaden, leiterlicher furtzukomen vnnd zw Rathenn vnnd die auch vorhuttet geplieben sein soltten, Wuer mit Wyr dennoch den Hoichgemelten Vnsern freuntlichen geliebten Hern vnnd Coadiutorem nit wollen gemeint vnnd beschuldiget haben, dann bey wehne die hoichste schuldt, gebrechenn vnnd mangell desselbigen, stehn, lassenn Wyr, weil es menniglichen nit vnbewust, vor Vnser Personen difs maelfs also bleiben etc., Damit nhu aber solcher itztangefangener auch ferner vnchristlicher veintlicher eingrief, rawben, brennen, plutuergissen, vordruckunge vnd vorderben der Armen vnschuldigen Ja eigner Vnntertanen, vnd ent