vorigen frede leeffmoede vnd enicheit vngetrennet irholden bliuen moegen Welcke dusse vnse entfoldighe wolmeninghe eyn ieder del vorbororter beyder stede geschickeden erer g. f. vnd hern sampt erer achtbarn rede vpm vorbeterent nu tor tidt wollen ouergegeuen hebben

Dar negest warth eyne lange klageschrift van den parnouschen des mortbrandes haluen ouergegeuen vnd gelesen vnd na dersuluesten yngenamenen vnd gehorden Zaken is den stenden Forloeff gegeuen

Sonnauendes na purificacionis Marie Syn aller hernn gemeynen stende vnd der drie Stede geschickeden zo thom vthschotte vorordent weren Im grauwen kloster bie eyn ander vorgaddert gewesen welcken de Ratslege der hern prelaten vnses g. h. Meysters vnd s. f. g. ordens gebediger vp de gedachte Ozelsche twistzake darsuluigest anfenglick vorgelesen syn Wor negest vorhalet dat de gelesene vnd ouergegeuene Ratslege gemeyner Ridderschop vnd stende vp de gelofte vnd vorsekeringhe zo de her Ertzebisschop vor den hern Coadiutorn er vnd ock na der tidt he Int, landt gekamen gedan vnd myt ouergegeuenen schriften zegelen vnd breuen bofestiget hedde vast ouereyn stymmeden vnd gerichtet weren Der wegen zo wurden dessuluesten Ertzebisschops schrifte vorsegelde breue vnd bowillynge des vpgerichteden Wolmarschen Recesses darsuluigest In iegenwordicheit der vorbororten vorordenten vnd der geschickeden des hern Coadiutors gelesen Nach mennigerley reden vnd wedderreden syn de geschickeden des hern Coadiutors affgetreden, Dar denne de Ertzebisschop tho Righe eynen breff th der Mouwen heft her vor halet vnd lesen laten de nicht alleyne vam hern Coadiutor dem Ertzebisachop vorsegelt sunder ock myt syner egenen hant vndergeschreuen vnd allenthaluen vnuorbraken vastlick tho holden van syner f. g. myt vorgedaner eedeplicht bofestiget syn sal, vnder anderen velen artickelen bogripende yn allen den vorgedanen geloften des Ertzebisschops zo vor s. f. g. gescheen sick gemete tho holden vnd an synem Ingegeuenen dele des Ertzestichts Rige bonogen Ock eynen iedern stant bie gelike vnd rechte olden priuilegien vnd frigheiden etc. to laten vnd sick dar In nicht to drengende etc.

Wor en tegen de geschickeden des hern Coadiutorn vorwendedenn de frigwilkorige postulation vnd election esschinge des W. Capittels vnd achtbarn Ridderschop Int sulueste Stichte dar sick s. f. g. nicht suluest Ingedrungen sunder vth egenen wal vnd kore des w. hern Capittels togekamen were, borepen sick ock dath s. f. g. Im stole to Rome sunderlicke vortrostinghe pt sulueste stichte zodaner election haluen van eynem Cardinal togeschreuen dar durch seh ock eyn breue aplicum to vorhinderinge vnd nalatinge der Consecration gemelten hern Confirmerten irlanget hedden, Allegerende vnd vorwendede dat he vth mennigerley orzake In geistlicken rechten vorfatet des Bisschoplicken amptes vnduchtich vnwerdich vnd dessuluesten vorfallen were vnd dar vmb billich bogerde restitucion vnd possession vorbororten Stichts na rechte nicht egede etc.

Nach mennigerley yorgeuenten hulpereden hebben sick de vpgedachten dar gewesenen hern myt den vorordenten des vthschates dar vp bospraken vnd eynes iedern syn vnd gudemening na erer ordeninge als seh seten vorforsschet vnd van sick to seggende bogert Deme na v pgelechten bouele zo gescheen is, Na affgesechter meninge eynes Jedern yn vorbororten zaken is In Jegenwordicheit des hern Coadiutors geschickeden dar vp frunthlicker wise irkant vnd

affgesecht In deme de her Electus vnd Confirmerder to Ozel erstlick van dem w. hern Capittel elegert van en vnd der Ridderschop dar vor geholdenn angenamen vnd darnegest van Romischer key. Mat. de Regalien vnd vam paweste de Confirmation ane Jenigerley vorhindering vnd wedderrede irlanget vnd dargestellet hedde, Vnd synes Jegendeils exception orsake and Inrede der Illegitimation vnd vnduchticheit haluen, Demsuluesten hern to Ozel vorhen na rechte nicht ouerbracht weren So weren sch plege den key. vnd pawestlicken breuen mer als des Jegendeils exception vnd ansynnende to volgen, Vnd de her Coadiutor wer billich plege dem electo vnd Confirmerten syn Stichte to rumen, Welckt seh vpn vorbetern van allen parten zo yn bodenck to nemen bogerden bet seh des negestuolgenden dages dar vmb sick wieder boreden mochten vnd ym rade wes beters irfinden vnd entsluten,

Sondages na x. vrn syn de hern vnd geschickedenn aller stende van nuges vpn gildestauen to sam'ende gekamen dar denne vor der drier stede an kumpst kon. w. to palen bodeschop gewesen vnd ere werue vnd bouel geworuen vnd kon. w. vorschrifte ouergegeuen hadde, Welckt den gemeynen stenden darsuluigest angesecht is, Vnd yn deme kon. breue yn latynscher sprake vorfatet weren solden desuluesten In dudisch vorwandelt vnd en dar negest vorgelesen werden etc. Wieder ock van den prelaten vnd hern bogert wart dat de geordenten stende thom vthschate zo des vorigen dages Im kloster tor handelinge gewesen sick vort van dar wedder dar hen vorfoegen solden, Deme zo gescheen is, worsuluigest des hern to Ozels geschickedenn vormoege erer yngelechten key. vnd pawestlicken breue de restitution vnd ouerantwording des yngenamenen Stichts slote vnd gudere van den Wickschen deden fordern Dar en tegen sick des hern Coadiutorn geschickeden der frigen postulation kore pawestlicken breues aplici der illegittimation haluen vthgegan vnd sunderlick des Lealschen affschedes borepen bogereden de Ingenamene Stichts sloete vnd guder mit rechte to vordegedingen vnd nicht er to rumende er seh myt rechte dar vth entsettet wurden dar to zo de frunthlicke handel entstunde seh sick allewege wolden irbaden hebben.

Wor vp na wo vorhen gesecht dat men yn der saken mer key. vnd pawestlicken vorsegelden breuen bolening vnd confirmation mer achtende to volgende plege dar bie eth ock den dach gelaten vnd gebleuen is,

Am mandaghe syn de hern prelaten vnnd de gemeinen Stende tho gewonlicker malstede wedder thosamede gekamen Worsuluigest vor best angesehen deh beiden parte mit Statlicker bosendinghe tho bosicken vnd tom compromis vnd van handen gennige der Zaken ypt aller flitigest tho vormanende wor tho de her van Curlant vorordent de van dar erstlick an de geschickeden des hern Coadiutors vnd dar negest an den hern to Ozel gegangen syn welcke bosendynge wol yn de drudde stunde geduret heft, als auer de geschickeden wedder to den hern vpn gildestauen gekamen, hebben seh anfengklick ere anbringent emsyge vormaninge vnd ansynnent zo schriftlick vorfatet vnd beiden parten vorgelesen was, ock darsuluigest lesen laten

Wor vp des hern Coadiutorn geschickeden yn antwort gegeuen vnd vor aff den hern vnd stenden erer groten moege sorchfoldicheit vnd boflitynge yn den Zaken hochlick bodancket mit irbedynge sick des bie eren g. hern seher hoch to romende etc. der genedigen touorsicht etc.

Dar negest vorgegeuen wo seh vormoege des Lealschen recesses vnd aueschedes tor frunthlicker vnderhandelynge der Zaken dar gekamen vnnd to handelen gesynet konden vnnd vormochten sick yn keyne frunthlicke vorhandelynge zo demsuluesten recesse vngemete bogeuen, hedden des ock'gar keyne macht vnd bouel van erem g. hern vnd fursten entfangen etc. dar vp et de geschickeden hebben moeten berouwen laten Vnd syn van dar tom hern van Ozel gegangenn Welcke en nach vorgedaner bodanck seggynge vnd irbedynge de vorhen gedane frig election irworuene regalien pawestlicke dispensation confirmation vund syn hoge recht tomsuluigen stichte vorgewent dar van he kenerley wise sick aff geuen vnd yn-et bogerde Compromis vorwilligen konde, er he yn et sine restitueret vnd gesettet were, biddende na WO vor hen dar yn to vorhelpen zo he vor hen vpm gildestauen to dren tiden vmb gades willen eyn elende recht em dar Inne mede to deylen gebeden hedde, Als denne wen he restituert were wolde he et ienige wes em In egener parsonen an klenoden gesmide perden vnd harnissche genamen zo he wel vp 1. gulden ane de irledene Iniurien schattede so erer irkentnisse gestellet hebben, welck he sust wol vp C. Rinsche gulden rekede vnd estimerde, Sust gedochte he sick bauen syn hoge recht gar yn keynen frunthlicken handel vor der restitution to bogeuende Welck alles van den geschickeden mit vele mer dar gefallenen reden den hern vnd stenden alfso Ingebracht hebben, de van en yn wieder bodenck bet to andern dage genamen syn,

Des negestuolgenden dages to vij vrn syn deh Ridderschoppe des darptschen Stichts ock de vt harrigen vnd Wirlant sampt der beiden stede darpt vnd Reuel geschickeden ym grawen kloster to same gekamen, Worsuluigest der stede geschickeden van der Ridderschop vmb eren gruntlicken vnnd slutlicken Vorslach yn den Zaken gefraget vnd en to iropenen geforderth syn, Dar vp der stede geschickeden na geholdener bosprak durch h. Laurenfs langen yngebracht Den hern Ertzebisschop mit ernstlicken flite antolangen, den hern Coadiutor tor ruminge des Ingenamenen Stichts to vormoegen, Wo auer de her Coadiutor dar an nicht wolde Vnd seh van eren g. hern tor saken gefordert erer eede vnd plichte vormanet wurden, Wuste alfsdenne sick eyn Jeder hir bie wol to hebben vnd synen eren eeden vnd plichten genoch to doende, Welcks vorgegeuene antworden sick de Ridderschop gantz hochlick bodanckede Vnd heft ethsulueste wo wol mit wiederem vorhale vnd mer worden als van en gesecht, durch Bernt Risebiter des g. h. meister Lengeseten [?] yn erer ankumpt repeteret vnd vmb gehaleth,

Wor negest de geschickeden vp der Rigisschenn vthforderung zo erer dar buten toeneden van dar to en gegangen syn de vorgeuen wo seh vam g. h. meyster qwemen vnd s. g. ere radessmening Ingebracht hedden, bogerden seh dar ynne nicht to vordencken: moesten sick yn den Zaken wol vorsehen vnd konden sick neffen gelicks den andern stenden nicht dar yn laten en were wes mer als en dar ane gelegen,

Eth syn ock de hern vnnd prelaten mit den stenden des vormiddages vpn gildestauen tosamede gekamen, vnd noch vnder sick geholdenen langen bospreken hebben seh van nuges eyne statlicke bosendynge erstlick an den g. h. to Ozel vnd dar negest an des hern Coadiutorn geschickeden gedan, der bouel vnd werue yn schriften vorfatet ock beiden deylen vorgelesen syn, mit mer vmb stendicheit bogripende dat zodan yngenamene Stichts sloete vnd guder vp Mon. Liv. ant. V. 49

beider parte geforderde boleuinge sequestrerert vnnd den hern prelaten Ingedan mochten_ werden vp eynes iedern partes beropene recht alfsolange, dat de twistzake richtlick irkant vnd entscheden were,

Dar vp de her van Ozel nach bodanckeder boslitinge dar vor vnd gedaner irbedynge sine g. ere entschulding vorgewant dat f. g. Capittel vast hen vnd her vorstrouwet de meisten der Ridderschop vp Ozel gebleuen vormochte ane eren rat dar bie nicht to doende wo he sick ock mit synen Rutern vnd knechten In angefangener sake hedde verplichten moeten were velen wol buwust vnd biegekamen etc.

Dede sick nach wo vorhen synes hogen tapperen rechts beropen Nichteste weiniger were s. g. yn zodan sequestere to vorwilligen zo he van ersten Int syne restitueret were,

Wolde ock alsdenne den schaden zo s. g. parsoenen an segelen breuen suluer golde gesmide klenoeden harnisschen vnd perden gescheen mit den togemetenen Iniurien zo he vp 1. dusent Rinsche gulden schattede vnnd sust nicht vmb C. dusent gl. liden wolde, hebben to der hern richtlicken irkentnisse stellen, bogerende dat alle der Oselschen kercken guder tusschen Dyt vnd mit vasten dar wedder biegebracht vnd den hern Seqwestrerern ton handen gestellet werden, dar mede twe furstgenaten wesen solden, alfsolange dat de Zake richtlick irkant vnnd entscheden were, etc.

Des Coadiutorn geschickeden hedden vpt vorbororte ansynnent In antwort gegeuen Seh bauen den Lealschen Reces nichts Ingan vnd bowilligen konden hedden van dem bogerden Sequestreren gar keyn bouel de vorgegeuene vorslege vnnd middel weren en vndrechlick Intogande hedde sick wol vorhapet welcke ander dem Lealschen Recesse gemete, solden vorgenamen wesen etc.

Dusse Ingebrochte antworde hebben de hern geschickeden nach bet tom negestuolgenden dage In flitich bodenck to nemen boualen, vnd sick nach mit der saken vpt aller forderlicks to bokummern angenamen, ock ethsulueste van allen parten to gescheende bogeret,

Dem vorigen vorlate nach syn de hern prelaten des vormiddages vpn Middeweken bie sick yn sunderheit vnd vnse g. h. Meyster mit s. f. g. gebedigern ock alleyne to rade vorgaddert gewesen, Vnd des nahmiddages wedder vpn gildestauen sampt allen andern stenden gekamen Vnnd als eyn ieder parth mith synen tobohorigen stenden ouer eyne syde getreden was, heft vnse g. her Meister van s. f. g. gebedigern anfangende eynen iedern syner stende yn sunderheit gefraget wes eyn ieder van en dar eth deh noet furderde dat syne f. g. angefochten wurde bie s. f. g. gedochte vptosettende, dar vp van elckem yn sunderheit eyn antwort gegeuen, To latest hebben deh geschickeden van Reuel vp s. f. g. angelechte frage gesecht, dath seh ere radefsmeninghe vp s. f. [add. g.] vorbeterte schriftlick ouergegeuen hedden, dar bie seh bliuen wolden, Vnnd twiuelden dar ane nicht et wurden ere oldesten sick eren eeden vnnd plichten nah tegen s. f. g. yn vor gegeuener Zaken wol weten to schicken vnd tho holdende, des sick s. f. g. wedder seh genedichlick dede bodancken, myt gedaner irbedynge liff vnd . . .

Dar negest syn de her van Ozel vnnd des hern Coadiutors geschickeden van nuges bosant wurden dar myt de dach vpn auent geschaten [leg. geschlaten], vnd de Zaken nach yn ferner bodenck aller stende gestellet syn, beth tom negestuolgenden donnerdaghe

Am donnerdaghe vollen froe syn de geschickeden van Reuel tho slate gekamen, vnd nah vorbeideder ankumpst des Erg. hern Lantmarschalcks vnd welcker gebediger, vor den g. hern Meister getreden, Worsuluigest deh her Burgermeister sick der gestranden kopmans guder vast hoch boklagede dat dem boschedigeden kopmanne desuluesten van den gudemannen genamen vnd geweldichlick vorentholden wurden, musten derhaluen dem boschedigeden kopmanne bynnen erer stat rechts vorhelpen etc. Im entegen de Vaget van Jeruen der gudemanne entschuldynge vnd ere hoge klage tegen de stat vorwende, dat se gar keynes rechten bokamen konden, etc. Wo ock dem geliken s. w. geborde yn synen hoch angetagenen Zaken, de van den geschickeden mit dem besten vpt gefochlicks vorantwordet syn, demgeliken ock dem Vagede to Rossiten vp syne witlopige klage gescheen is,

Vpt vorgeuent van der Bernischen Rullen vptozoeken is gesecht de vam hern Vagede gesocht vnd nicht gefunden, men solde dar nach wieder dar na soeken Van der munte solde vpm gildestauen gesecht vnd en eyn egentlick affschet gegeuen werden,

Als ock dar nach des angefangenen walles is gedacht heft de g. her Meister dar wedder nichts gesecht, dem erg. hern Landmarschalcke is ethsulucste gebuwete wol mede gewesen, dat he ock et meiste dar to gespraken vnd ethsulueste vpt vordelicks to vollentehende vor gut angesehen heft, aff schon dem slatisschen garden der wegen wes affgynge mochte vmb zo vele rumes tusschen dem slate vnd der stat nicht thokamen etc. dar negest syn de geschickeden van dar vpn gildestauen gegangen vnd hebben aldar eyn genedigen affschet gebeden vnd irlangeth, 114. Protestation und Appellation der bevollmächtigten Botschafter des Markgrafen Wilhelm wider das Ansinnen der Stände in Livland, die Restitution des Bischofs Reinhold Buxhöwden betreffend; in Form eines Notariats - Instruments. D. D. Fellin, den 8. Februar 1554.

Gleichzeitige Abschrift im K. A., s. Index nro. 3087., Corp. 1. VIII. 926.

In dem Namen des Herren Amen Ime Jare Tausent Funfhundert vnd viervnddrittigesten des achten tages des Monats Februarij, der Romer Zal Indictionn genannt der Siebende, Babstumbs des allerhilligesten inn got vaters herren herren Clementis von gotlicher schickunge des Siebenden, Sein vor vns offenbaren Notarien vnd niddengeschriebenen Zeugen erschienen des Hochwirdigen Hochgebornen, Irleuchtigisten Fursten herrn, herrn Wilhelm, des Ertzbischof thumbs Riga Coadiutoris, Postulirten herrn zw Osell, Marggraue zu Brandenburg etc. geschickten, dye Werdigen, Gestrengen, Erentfesten, herren Johannes Lode, der Kirchen Oesell Thumb-Dechant etc. Meinike Schirstede, vorgedachten herren herrn Wilhelm Coadiutoris vnd Postulirten Hofmeister, Wolffgangus Lofse, Helmolt Schwarthoff, Kersten Tituer, Wolfmer Treiden, habende in eren henden nidden geschriebens lautes eine Zettell, welche sie ins mittel zu lesende vorbrachten, in welcher sulfftige geschickten appellereden, aposteln biddende, vnd ander dinck zu solchenn geschefften der beschuldinge Zettell enthalten, des Inhalt von worten zu wortenn volget vnd is der. Vor euch offenbaren schreibern vnd diesen glaubwirdigen Zeugen geben vor die wirdigen Gestrengen vnnd Erentfesten herrn, Johannes Lode der Kirchen Osel Dohmtechant etc. Meinicke Schirstede,