ordinario predicto, per modum et formam in et eorum quolibet declaratos quam extra prout jam est superius, ut premittitur, declaratum et expressum. Que omnia universa et singula supra et infra scripta promisit prefatus dominus episcopus pro se et successoribus suis predictis stipulans sollempniter bona fide et in verbo episcopi ponendo manum ad pectus more pontificum prefatis capitulo et dominis canonicis michique notario stipulanti ut supra, rata, grata, firma, valida, irrevocabiliaque habere perpetuo et tenere et nunquam per se vel per alium clam vel palam, aliqua causa, vel ingenio de jure vel de facto contra facere de cetero, vel venire, nec alicui contra venire volenti modo aliquo consentire, sed ea omnia universa et singula attendere et complere ac inviolabiliter observare, renuntians idem dominus episcopus exceptioni dictarum confirmationis, garantationis, ratifficationis, approbationis, homologationis et promisit non factam vimque et singulorum premissorum non factorum et non sic vel rite seu legitime factorum doli mali metus et in factum actioni conditioni sine causa ob causam et ex injusta causa juri dicenti generalem renuntiationem non valere nisi precesserit specialis, et omni alii juri canonico et civili sibi in hoc facto competenti. Et de predictis preceperunt prefati dominus episcopus, capitulum et domini canonici plura fieri instrumenta per me notarium infrascriptum, que dictari, corrigi, reffici, emendari valeant ad opus et utilitatem prefati capituli semel et pluries si necesse fuerit levata vel non levata predicta in judicio vel non predicta dictamine et consilio unius vel plurium peritorum, facti tamen substantia non immutata, que instrumenta sigillentur et sigillari debeant sigillis prefatorum domini episcopi et capituli et cujuslibet eorumdem, ad majoris roboris firmitatem. Quibus tamen sigillis et eorum quolibet appositis vel non appositis et ipsis et eorum aliquo fractis, vel non fractis, nichilominus ipsa instrumenta omnia et singula plenam obtineant et obtinere debeant in futuro valoris firmitatem. Acta fuerunt hec apud Sanctum Johannem maurianensem in sacrario maurianensis ecclesie prelibate ubi testes ad hec vocati fuerunt specialiter et rogati viri nobiles et prudentes dominus Johannes Salerie legum doctor, Petrus de ultra Arcum doctor, Johannes filius quondam Amblardi Placentie, Viffredus Placentie et Petrus Bouverii clerici et Johannes Jordani appothecarius de civitate maurianensi. Et ego Aymo Daval de Albiaco veteri auctoritate imperiali et domus episcopalis maurianensis notarius publicus hanc cartam vocatus et rogatus recepi et notavi, levavique et in hanc publicam formam redigi feci manu Johannis Boneti notarii publici et adjutoris mei et de mandato et auctoritate domini maurianensis episcopi signo meo proprio signavi in ea me subscripsi et tradidi. 104 Le comte Amédée VI ordonne qu'il soit dressé un état de tous les biens meubles et immeubles de la commune de St-Julien, pour servir de base à l'assiette des impôts. (24 Avril 1381.) Nos Amedeus comes Sabaudie, dux Chablaysii et Auguste, in Ithalia marchio et princeps, notum facimus universis, quod dilectorum fidelium nostrorum hominum communitatis et parochie loci nostri Sancti Juliani maurianensis nobis exhibita supplicatio continebat quod quotienscumque aliquas taillias, levas, fogagia vel impositiones alias quavis ratione indictas fieri contingit ibidem, non pro modo facultatum suarum imponuntur ipsis hominibus, sed de facto potentiores portiones excessivas angariant minoribus ultra vires patrimoniorum suorum et contra debitum rationis, occasione quorum majoribus excusatis pro modico, inferiores premuntur, graves et intollerabiles lesiones recipiunt, et patriam nostram persepe facti pauperes deserere coguntur, poscentes per nos super hiis sibi de salubri remedio subveniri. Quapropter nos dictorum hominum supplicationi velut juri consone, sicut et convenit, annuentes, pro nobis et successoribus nostris deliberato proposito ordinamus et dictis hominibus et posteritatibus ipsorum gratiose concedimus per presentes quod abinde in antea omnes et singuli homines et persone bona aliqua per se vel alium possidentes infra terminos parochie supradicte sub vinculo juramenti teneantur res et bona in eadem parochia consistentia in manibus trium proborum eligendorum ab eis super hiis consignationem conficere et etiam declarare, et de ipsis rebus et bonis, sint mobilia vel immobilia, registrum fiat per tres probos ut supra eligendos, quod registrum renovetur et reparetur quotiens dictis supplicantibus videbitur opportunum, per formam cujus registri omnes et singule taillie, leve, impositiones, fogagia, subsidia et quelibet alia onera que dictos homines vel successores ipsorum pro necessitatibus communitatis predicte, aut pro confaciendis subventionibus, subire continget in futurum, dividantur et distribuantur inter homines et personas parochie et communitatis predicte, ac etiam inter omnes et alios singulos qui et que infra dictam parochiam bona quevis mobilia vel immobilia per se vel alium pro tempore possidebunt et successorum ipsorum pro modo facultatum suarum consistentium infra parochiam memoratam et secundum rectum ordinem et legitimam rationem et juxta facultatem bonorum mobilium et immobilium ut supra cujuslibet eorumdem. Mandantes et precipientes expresse judici, castellano, procuratori nostris maurianensibus, mistrali Sancti Michaelis maurianensis et ceteris officiariis nostris presentibus et futuris vel eorum loca tenentibus quatenus predictum modum et ordinem nostrum attendant et observent, in nullo contra faciant vel opponant, nec predictos aliter nec alio modo solvere talia seu consimilia munera coherceant vel compellant nisi per modum registri superius declarati, et si secus fieret, illud irritum ex nunc fore decernimus penitus et inane, sed dictum registrum modo predicto fieri, refici et reparari faciant semel et pluries et sicut dictis hominibus videbitur opportunum, et eosdem homines fortes faciant in predictis et singulis predictorum. Datum in Lanceo Burgo die 24 aprilis, anno 1581 2. 1 Fogagium, ou focagium, ou foagium, redevance due par tous les feux, ou par toutes les familles d'une même localité. a Ces lettres d'Amédée VI ont été confirmées par d'autres lettres obtenues successivement et datées des années 1391, 1454 et 1501. Cela prouve que durant tout ce temps au moins on a continué de mettre en usage les dispositions qui y sont contenues. 105 Le chapitre de St-Jean de Maurienne donne procuration à Pierre de la Palud pour administrer trois prébendes qui avaient été abandonnées, en recevoir les revenus et en rendre compte. (18 Décembre 1382.) Anno Domini millesimo trecentesimo octuagesimo secundo, indictione decima quarta, die decima octava mensis decembris, venerabili patre domino Henrico, Dei gratia maurianensi episcopo existente, coram testibus infrascriptis, per hoc presens publicum instrumentum, cunctis fiat manifestum quod venerabile capitulum maurianensis ecclesie ad sonum campane, more solito ad invicem congregatum, in quo capitulo inter ceteros presentes erant venerabiles viri domini Aymo de Albiaco, Johannes de Platea, Petrus de Sancto Remigio, Johannes Bouverii, Humbertus Bonyvardi, Stephanus de Laniaco, Largus Porralli, Guido de pede aye, Martinus Daval et Petrus Aymarii canonici maurianenses nominibus suis et aliorum dominorum canonicorum dicte maurianensis ecclesie absentium pro eo quod prebendarii prebendarum infrascriptarum scilicet unius trium prebendarum Sancti Remigii et Tygniaci, videlicet illius que collata fuerit domino Petro Villareti, prebende Clugniaci et prebende de Traversia et rector capelle Sancte Anne non serviunt nec servire faciunt, prout decet in dicta ecclesia beati Johannis Baptiste predictis prebendis nec in dicta capella, nec supportant alia onera incombentia ut tenentur, sicut pro parte dicti capituli asseritur, posuerunt ad manum dicti capituli dictas prebendas et capellam cum suis juribus et pertinentiis et cum fructibus, redditibus et exitibus eorumdem et ipsarum cujuslibet, precipiunt Petro Paludis, notario clavigero ipsorum, quatenus fructus, redditus, exitus et proventus dictarum prebendarum et capelle ct ipsarum cujuslibet nomine dicti capituli retineat et exigat, et omnia predicta supportet et faciat deserviri, et in premissis et eorum singulis ipsum Petrum presentem constituunt procuratorem suum in premissis et cetera eadem. Quam quidem constitutionem et omnia alia in presenti instrumento contenta promiserunt dicti capitulum et canonici bona fide rata, grata et firma habere perpetuo et tenere et non contra facere dicere vel venire. nec alicui contravenire volenti in aliquo consentire. Et dictus Petrus promisit et ad sancta Dei evangelia corporaliter juravit, et sub obligatione omnium bonorum suorum in premissis diligenter et fideliter se habere et de hiis que recipiet bonum computum reddere et legitimam rationem. Hoc actum fuit in sacrario dicte maurianensis ecclesie ubi testes ad hoc vocati fuerunt et rogati |