Molario, Ludovicus Trucheti, etc., Johannes Fornerii de Fontecooperto, notarius, etc. 125 Les procureurs du chapitre de St-Jean demandent que le vicecorrier, juge commun du duc et de l'évêque, remette à la disposition du chapitre Jean Bernardi et Guigue Sibué. (18 Décembre 1453.) In nomine Domini amen, anno eiusdem Domini m.cccc.liii, die xviii mensis decembris, reverendissimo in Christo patre et dno Guillelmo sancte romane ecclesie presbytero cardinali de Estotevilla episcopo maur. coram testibus infra scriptis per hoc instrumentum publicum universis fiat manifestum quod ven. vir dominus Caterinus de Molario canonicus maur. procurator ven. capituli, et providus vir Petrus Oppinelli castellanus dicti capituli constituti coram nobili Janino de Costis vice correario maur. proposuerunt et dixerunt eidem vice correario quod ad ipsorum pervenerit notitiam quod ipse vice correarius personaliter carceratum detinuit Johannem Bernardi de Villario hominem dicti capituli sicuti eidem vice correario de homagio fuerat ostensum per publicum instrumentum receptum manu Johannis Rembaudi notarii anno m.cccc.viii die viii decemb. et de ostensione et fide sibi facta constat instrumentum manu mei subscripti notarii receptum anno presenti et die xix mensis novemb. ipseque vice correarius dictum hominem capituli pro casu ad ipsum non pertinente detinens, licet requisitus et iteratis vicibus exhortatus dicto capitulo et officiariis ipsius remittere distulit, ymo eumdem Johannem Bernardi hominem capituli fecit cavere et componere secum ad certam pecunie quantitatem et in grande prejudicium dicti ven. capituli et jurisdictionis sue ac ultra et preter mentem transactionis et sententie arbitrarie per arbitros inter dnum episcopum et capitulum maur. late, in qua dominus episcopus nichil aliud jurisdictionis habet in homines capituli preter quam fuerit reservatum in dicta transactione cujus clausula sequitur in hec verba. Item dicimus sic ordinando et pronunciando quod dominus episcopus maur. banna et justitias in proditoribus ac homicidis et bonorum eorumdem mobilium confiscationes in hominibus capituli maur. habeat, de cetero exerceat et levet, nisi dicti homicide probarent se inculpabiles legitimis documentis, in hominibus dicti capituli, si pena corporalis fuerit infligenda, per officiales episcopi infligatur, hoc addito quod de bonis ipsorum mobilibus seu immobilibus, episcopus vel aliquis nomine suo quicquam nullathenus accipiat, sed capitulum de ipsorum rebus pro velle suo ordinet et disponat, cujus transactionis sive sententie instrumentum publicum recepit Petrus de Albiaco notarius sub anno Domini m.cc.xlvii, xx die mensis junii, cujus copiam collationatam et tabellionatam ipsi procuratores asserebant et dictus vice correarius non denegavit alias sibi traditam fuisse parte capituli, exortantes tandem ipsi procuratores vice correarium et cum instantia per maxima requirentes quatinus omnia et singula contra dictum capitulum et jurisdictionem sic de facto attentata revocaret et dictum Johannem Bernardi, hominem capituli ipsi capitulo et suis officiariis plectendum remitteret, prout ordo exposcit rationis, et cum protestationibus de quibus ⚫ alias asserunt fuisse protestati et aliis sibi opportunis. Qui quidem vice correarius respondit et dixit dictum Johannem Bernardi non fecisse componere, tamen non intelligebat adhuc cessare donec aliud appareat sibi. Ceterum prefati dni procuratores et castellanus capituli requisierunt prefatum nobilem Janinum de Costis vice correarium Mauriane quatinus eisdem capitulo et officiariis suis reddat et remittat Guigonem Sibue de Jarriaco quem detinet in curia correariatus carceratum pro casu sibi non pertinente hominem dicti capituli maur. ut fidem sibi fecerunt de homagio per instrumentum publicum receptum manu Petri Comballis notarii publici sub anno Domini m.cccc.xxxii, die xxiv mensis decembris, alias et in eventum recusationis protestaverunt dicti procuratores et castellanus capituli contra dictum vice correarium de penis a jure et constitutione felicis recordationis dni nostri dni Felicis divina providentia pape quinti et provincialibus Vienne, ac sinodalibus Mauriane statutis contra turbantes jurisdictionem ecclesiasticam et in homines et bona ecelesiasticorum molestias inferentes promulgatis et inflictis et de faciendo declarari eumdem vice correarium ipsas penas incurrisse, ac de interesse et de injuria dicto capitulo illata. Qui vice correarius respondit quod habito advisamento super premissis faceret quod inde juris et rationis esset. De quibus omnibus petitum fuit parte capituli per me subscriptum notarium fieri publicum instrumentum. Acta fuerunt premissa ante bancham curie communis maur. ubi testes fuerunt nobilis Michael Trucheti et Petrus de Novellis, etc. Subsequenter anno premisso die xv mensis decembris ven. viri dni Catherinus de Molario et Johannes Marescalci canonici maur. et procuratorio nomine ven. capituli requisierunt iterato secundo et tertio ac perhenni et precise cum instancia per maxima prefatum nobilem Janinum de Costis vice correarium maur, et summaverunt prout supra quathinus dicto capitulo et officiariis suis remitteret prefatos homines capituli, videlicet Johannem Bernardi et Guigonem Sibue quem detinet carceratum pro casu sibi non pertinente. Unde ad instantiam procuratoris dicti capituli dnus Johannes Marchiandi curatus et rector parrochialis ecclesie beate Marie civitatis maur. eumdem vice correarium citavit apud Belli cium coram dno archidiacono dicti loci conservatore privilegiorum per sanctam sedem apostolicam ven. capitulo maur. concessorum ad diem sabbatti xxii hujus mensis decemb. in domo sue habitationis visurum se ipsum vice correarium declarari incidisse in penas excommunicationis et alias in corpore juris clausas et mentionatas in bullis constitutionis felicis recordationis dni nostri dni Felicis pape quinti contra turbantes jurisdictionem ecclesiasticam et in homines et bona ecclesiasticorum molestias inferentes et alias prout in quadam - citatione cujus copia eidem vice correario tradidit, continetur ad quam relatio habeatur, de quibus omnibus preceperunt parte dicti capituli fieri instrumentum. Acta fueruut premissa in bancha curie communis maur. ubi testes fuerunt nobilis Glaudius de Albiaco, Anth. de Columpnis, etc. 126 Par ordre du duc de Savoie, le vice-corrier de Maurienne casse et annulle tout ce qu'il avait fait au préjudice des droits du chapitre de St-Jean contre Jean Bernardi et Guigue Sibué. (23 Mars 1454.) In nomine Domini amen. Anno ejusdem Domini m.cccc.liv, die xxiii mensis martii, coram testibus infra scriptis per hoc instrumentum publicum universis fiat et sit manifestum quod cum nobilis predictus Janinus de Costis vice correarius Mauriane incarcerasset Johannem Bernardi de Villario et Guigonem Sibue de Jarriaco homines venerabilis capituli maur. ipsosque componere et per penas proclamari et mulctari fecisset. Hinc est quod ad instanciam procuratoris ven. capi tuli prefatus nobilis Janinus de Costis de mandato curie illustrissimi principis dni nostri Sabaudie ducis super hoc, in quantum ad eam pertinet, iteratorie a sibi facto et juxta illius tenorem et effectum incarcerationes compositionesque et cautiones atque proclamationes ab ipso factas remittit, cassat et annullat et prout si nunquam fuissent, ad statum pristinum suis propriis sumptibus et expensis reducit serie hujus instrumenti et tenore. De quibus idem procurator capituli et nobilis vice correarius preceperunt per nos notarios subscriptos fieri instrumentum publicum et tot quot inde fuerint petita. Acta fuerunt premissa ante bancham curie communis Mauriane ubi testes fuerunt dompnus Ludovicus de Camera, Petrus Giroleti, etc. 127 Paul Grassi, délégué par Mgr Aimon de Provana, évêque de Nice, vicaire et lieutenant de Mgr d'Estouteville, ordonne au châtelain et au mistral de Valloire de respecter la juridiction du chapitre de Maurienne et de restituer les gages qu'ils avaient exigés indûment. (10 Janvier 1455.) Paulus Grassi in decretis baccalarius, canonicus et infirmarius nyciensis, officialis maurianensis, locum tenens reverendi in Christo patris domini domini Aymonis de Provanis, miseratione divina episcopi nyciensis, vicarii et locum tenentis reverendissimi in Christo patris et patris domini domini Guillermi, eadem miseratione et Sancti Martini in montibus, sancte romane ecclesie presbyteri cardinalis de Estoutevilla, |