In Christi nomine, amen. Anno a nativitate eiusdem millesimo CCCLXXXVIII, indicione XI, die veneris XXIX mensis maij. Hec est inquisicio et inquisicionis titulus que, seu qui, fit et fieri intenditur per reverendissimum in Christo patrem et dominum Iohannem, Dei et apostolice sedis gratia, episcopum Taurinensem; nec non per venerabilem virum dominum fratrem Anthonium de Septo de Savilliano, ordinis fratrum Predicatorum, inquisitorem bereticepravitatis et mero officio ipsorum contra et adversus fratrem Anthonium Galosnam de Sancto Raphaello, in eo et super eo quod ad aures et noticiam ipsorum domin orum episcopi et inquisitoris pervenit. Frater Anthonius Galosna de Monte Sancti Raphaelis, diocesis Taurinensis, iuravit ad sancta Dei evangelia in manibus dicti domini episcopi, tactis corporaliter scripturis, imposita sibi pena excomunicationis et alia quacumque pena, arbitrio ipsorum domini episcopi et domini inquisitoris moderanda. Et primo interrogatus quem habitum portat, respondit quod habitum tertii ordinis sancti Francisci. Item, quot anni sunt quibus cepit dictum habitum. Respondit quod XIII anni elapsi vel circa. Interrogatus qui ei dedit seu posuit dictum habitum. Respondit quod frater Benedictus Canterius commorans in Chere, magister dicti tercii ordinis tercie regule. Interrogatus ubi erat quando recepit dictum habitum. Respondit quod ante altare maius ecclesie Sancti Francisci dicti loci Chere. Interrogatus qui erant presentes. Respondit quod dominus |