ges, et en laissier joyr les preneurs selon le contenu de leurs lettres. Et laquelle récompense baillée par lesdicts d'Ourscamps audict pryeur de Sainct-Amand monte quarante-sept solz tournois de redebvance chascun an plus que ce que lesdicts abbé, religieulx et couvent de Sainct-Martin avoecq ledit pryeur de Sainct-Amand ne baillent ausdits d'Ourscamps. Tout lequel présent eschambgement contenu dessus, nous, abbé et couvent d'Ourscamps, et pareillement nous, commis en qualité que dessus, avoecq les pryeur et couvent dudict Sainct-Martin et le pryeur et procureur dudict Sainct-Amand-lez-Thourotte, membre dépendant de nostre dicte abbaye, promectons, et avons en couvent léallement et de bonne foy, ledit eschambgement par nous faict maintenir et garandir l'un vers l'aultre, et avoir ferme, estable et agréable à tousiours, héritablement, sans jamais y contrevenir, sur paine de payer tous dommaiges et interrestz, lequel seroit défaillant. Davantage promectons de faire corroborer, ratiffier et approuver ce présent eschambgement par nos successeurs; dont en tesmoing de vérité, nous, commis en qualité que dessus, avons à ces présentes lettres faict mectre le scel ordonné en ladicte abbeye et monastère; et nous, pryeur et couvent dessus nomméz, avons aussy mis et appendu le scel de nostre couvent dudict Sainct-Martin, et pareillement nous, abbé, religieulx et cauvent d'Ourscamps, avons aussy mis et appendu le scel de nostre couvent, qu'y furent faictes et données en Tournay, le dixième jour de novembre l'an mil cincq cens quarantequatre, Par moy, Jacques Backelere, commis susdit. 1545.1. Février 26. CXXXVIII Compiègne. Le cardinal de Salviatis, par son procureur Camille Blanquet, clerc de Boulogne, afferme S. Amand pour sa vie-durant à Jhérome du Piré et à Antoine Julien, vicaire de Machemont. Ce bail est dressé par les notaires Laurent Coffin et Jacques Bourguignon et visé par les gardes scels Raoul Martin, seigneur de Chanteraine, receveur des aides et Jacques Alard, tabellion. Le détail de ce bail est å la page 80. S. Amand carton 1261. Original velin. Pour damp Jhérosme du Piré, prebstre, religieulx et fermier dudit lieu, contre monssieur le révérendissime cardinal de Salviatis, prieur de Sainct Amand. A tous ceulx que ces présentes verront Raoul Martin, selgneur de Chanteraine et recepveur des aydes pour le roy nostr sire en la ville et eslection de Compiengne, et Jacques Alart, tabellion, gardes des seaulx royaux de la baillye de Senlis establiz de par le roy nostre dict seigneur és prévostéz et chastellenye dudict Compiengne et de Choisy, salut. Savoir faisons que pardevant Laurens Coffin et Rocq Bourguignon, notaire du roy nortre dit seigneur, et de par luy crééz juréz commis, et establiz és dictes prévostez et chastellanie, comparut noble. homme Camille Blancquet, clerc de Boullongne, procureur de illustre et révérendissime cardinal monseigneur Jehan, cardinal de Salviatis, évesque Albanensis, abbé commandataire de Sainct-Martin en Tournay, et prieur du prieuré de SainctAmand, lez-Tourotte, membre deppendant de ladicte abbaye de Sainct-Martin, en Tournay, annexé à la table dudict abbé, et fondé souffisament de lettres de procuration dont il a fait apparoir, coppie de laquelle collationnée à l'original est atachée à ces présentes. Et recongnut oudict nom procuratoire, pour le prouffict de révérendissime cardinal de Salviatis, avoir baillé et délaissé, baille et délaisse dès maintenant, la vye durant dudict reverendissime cardinal de Salviatis, à domp Jherosme du Piré, prebstre, religieulx profex de l'église et abbaye dudict Saint-Martin en Tournay, demourant oudict prieuré de Sainct-Amand, présent prieur audict tiltre, toute la prieuré, maison, manoir, granche, jardin, viviers, boys, vingnes, préz, fossé à poissons, estangs, lieu, pourprins, appartenances et deppendances dudict prieuré, tant en justice, cens, surcens, rentes, moisons, grains, fermes, muyaiges, revenuz et possessions appartenans et appendans audict prieuré, quelque part qu'ilz soient scituez et assiz, sauf la réservacion faicte par ledict Blancquet, escuyer, de ce dont cy-aprèz sera parlé; pour en joyr par ledict domp Jhérosme, présent preneur et acceptant, durant la vye dudict révérendissime cardinal de Salviatis, aux charges, clauses et conditions qui s'enssuyrent, c'est assavoir que le dict du Piré aura avec luy ung religieulx dudict Sainct-Martin en Tournay ou bien ung autre homme d'église audict prieuré de Sainct-Amand, pour faire continuer et célébrer le service divyn tel que ordonné est estre faict, dict et célébré audict prieuré de Sainct-Amand, sans diminution d'icelluy si myeulx ne voulloit faire ledict du Piré; oultre à la charge de payer par chacun an durant le temps dudit bail aux religieux Célestins de Rouen, la quantité de dix-huyt muys de grain tel que deu leur est; au curé de la cure dudict Machemont, ou son visce gèrent, par cha. cun an douze muydz de grain tel et au jour que deu est; au prieur de Saint-Estienne de Choisi ou son vicaire six muydz de grain aussy par chacun an, et aussi tel et au jour que deu luy est; aux religieulx, abbé et couvent de Sainct-Mard lez-Soissons, ou leur fermier, ung muy et demy de grain, tel est au jour que deu est; au bailly dudict prioré douze mynes de grain; à son lieutenant autres douze mynes de grain; et au procureur dudict prieuré audict Compiengne six mynes grain, les deux pars bled et le tiers avoyne, pour leurs pentions ordinaires et acoustumées; au curé de Sainct-Yllaire aussi deux muydz de grain ; aux religieulx, prieur et couvent de l'hostel Dieu Saint-Nicolas, au pont de Compiengne, six mynes de blé, mesure dudit Compiengne, au jour et tel que deulz sont: Et des grains dessusdicts. acquicter et indempniser ledict révérendissime cardinal de Salviatis. Plus sera tenu et a promis ledict domp Jhérosme payer par chacun an pour la visitacion que l'évesque de Noyon ou ses officiersont accoustumé faire audict prioré de Sainct Amand, dix livres tournois. A Hubert de Ligny, dit le visconte, pour le droict qu'il va acoustumé prendre sur les vingnes dudict SainctAmand, sera tenu payer audict de Ligny la somme de dix livres tournoys. Au ssi sera tenu ledict du Piré payé la censive et la rente que doibt la maison, dicte « la maison de Sainct-Amand, assize à Compiengne, que l'on dit monter à cent solz tournois. Et davantaige où il seroit trouvé ledit prieuré de Sainct-Amand estre tenue et reddevable d'aucune aultre rcddevance annuelle envers aucunes autres personnes, qui ne seroient cy-dessus spéciffiées et déclairées, sera tenu ledict du Piré en acquicter ledict révérendissime cardinal, et du tout indempniser. Et oultre et par dessus les charges et reddevances dessusdictes, ycelluy du Piré et sire Anthoine Jullien, prebstre, vicaire de la cure duditet Machemont, ont promis, et seront tenuz, l'un pour l'autre, et chacun d'eux pour le tout, sans division ne discussion, renonçans par exprés au bénéfice de division, payer par chacun an audict révérendissime cardinal de Salviatis, Blancquet, ou au porteur de ces présentes, par chacun an au jour Saint-Andry, cent livres tournois, dont le premier payement et terme sera et eschera ou jour Sainct Andry prochainement venant et que l'on dira mil cinq cens quarante six et ainsi continuer tant que ledict bail aura lieu. Ouquel présent bail ainsi faict que dessus, ne sont comprins vingt-neuf muydz de grain deubz, par chacun an au jour Sainct-Martin d'iver, ou autre jour en l'an, par Pierre de Jeu, cènsier de Devincourt, à cause de la tenure qu'il tient dudict prieuré de Sainct-Amand, la quantité de vingt-sept muydz de grain deulz par chacun an audict jour Saint-Martin d'iver, ou autre jour en l'an, par les religieulx, abbé et couvent Nostre-Dame d'Ourscamps, que ledit Blancquet, comparant, a retenu et retient pour ledict révérendissime cardinal. Item, a retenu aussi la somme de cinquante livres tournois que doit chacnn an Amand Robber, fermier du bacq à Berryve, prèz Noyon. Et si a encores retenu et retient à soy les menues dismes dudict Machemont, montant à soixante-quinze solz, ou quatre livres qarisis. Item, la reddevance que ladicte prieuré a droict de prendre sur aucunes vingnes, assizes auprès de Noyon, que on dict monter à vingt-cinq livres parisis. Item, tous les cens et rente deubz en argent audict prieuré de Sainct-Amand aux jours de Saint-Remy, Sainct-Martin d'iver et autres jours eu l'an, le tout sans diminution des charges dessusdictes, et desdicts cent livres tournois que lesdictz du Pirè et Julyen sont tenuz payer. Est aussi acord! que si durant le temps dudict bail la ferme et marché dudict Pierre du Feu venoit à augmenter, et aussi pareillement la reddevance deue par lesdictes d'Ourscamps en ce par cas ledict remon et augmentacion sera et demourera au prouffict dsdict révérendissime cardinal. Et de tout l'oultre plus, si remont y eschiet, durant ledict bail, demourera au prouffict dudict domp Jhérosme du Piré; ensemble tout ce qui poura advenir à jcelluy prieuré, sauf le procès du sieur de Nancel, qui viennent au prouffict dudict bailleur, sera tenu ledict preneur de tenir et entretenir les édiffices et bastimens dudict prieuré de SainctAmand et maison de Compiengne de tous entretènemens nécessaires et menues réparacions, ycelluy premièrement réunit en bonne nature. Si durant ledit bail sourdoit et venoient aucuns procès concernans le faict dudit prieuré, et celluy dudict preneur: en ce cas se démèneront lesdicts procès aux despens dudict cardinal de Salviatis. Et si sera tenu aussy ledict révérendissime cardinal payes les décimes, si aucunes décimes se lyèvent pour le roy sur ledict prieuré de Sainct-Amand durant le temps dudict bail. Et aprèz le premier an faict par ledict preneur, et il trouve que en ce il ne puisse faire son prouffict, il luy sera loisible quttter ledit bail en le signiffiant troys moys devant : Si comme tout ce ledict comparant, bailleur, oudit nom procuratoire disoit estre vray pardevant lesdictz notaires; es mains desquelz il a promis et juré par ses foy et serment, et soubz l'obligacion de tous et chacuns les biens temporel et revenu dudict prieuré, tant et si avant que faire le peuls à justiciers, partout eù trouvez seront tenir, entretenir, garandir et avoir pour agréable tout le contenu cy-dessus, sans jamais y contrevenir en aucune manière, sous peine de tous coustz, frais et despens payer. Renonçant à toutes choses à ses lettres contraires mesmement au droict disant général renonciation non valloir. En tesmoingt de ce, nous, à la relation desdictz notaires, avons mis à ces présentes lesdictz seaulx. Ce fut faict et passé audict Compiengne, le vingt-sixiesme jour de fébvrier l'an mil cinq cens quarante-cinq. (Signé) BOURGUIGNON. (Signé): L. COFFIN. CXXXIX 1545.2. Mars 4. Compiègne. Camille Blanquet fondé de pouvoirs du Cardinal de Salviatis, donne procuration à Jhérome du Piré, pour représenter son abbé. Cet acte est dressé par les notaires Antoine Coin et Yves Martinė, visé par les gardes scels Raoul Martin seigneur de Chanteraine et Jacques Alart tabellion. S. Amand carton 1261. Original velin. ru, l'autre existe encore. Un sceau du baillage a dispa A tous ceulx qui ces présentes lettres verront, Raoul Martin seigneur de Chanteraine, et Jacques Alart, tabellion, gardes des seaulx royaulx de la baillie de Senlis, establiz de par le roy nostre sire ès prévostez et chastelenie de Compiengne et de Choisy, salut. Savoir faisons que par-devant Anthoine Coin et Yves Martiné, notaire roiaulx èsdictee prévostez et Chastellenie, fut présent en sa personne noble homme Camille Blanquet, clerc de Boullongne, procureur de illustre et révérendissime cardinal de Salviatis, évesque Albanensis, abbé et mandataire de Saint-Martin en Tournay, prieur du prieuré de Saint-Amandlez-Thorotte, dépendant dudict Saint-Amd, fondé de lettre de procuration passée en Court de Romme, le vingt-neufième jour de janvier mil cinq cens quarante-six, dont est apparu, aiant pouvoir par icelles de substituer et faire ce qu'il s'ensuict; lequel, oudit nom, a substitué et soulz estably procureurs ponr le dict sieur cardinal, damp Jérosme du Piré. En tesmoing de ce, nous avons scellé ces présentes desdicts seaulx. Ce fut faict et passé audict Compiengne, le quart jour de mars l'an mil cinq cens quarante-cinq. L'abbé Jean Duquesne obtient, contre le cardinal Jean Bertrand archevêque de Sens, une sentence du maître des requêtes, qui maintient le prieuré de S. Amand sous la dépendance de l'abbaye de S. Martin, comme faisant partie de la manse abbatiale, S. Amand carton 1261. Original velin. Le sceau est en cire enveloppé de papier. Sentence des maistres des requestes touchant la prioré de Saint-Amand-les-Thorotte rendue contre le cardinal de Sens à Paris, le XXVe d'octobre XVc LX. A tous ceulx qui ces presentes lectres verront. Les gens tenans les requestres en palais à Paris, conseillers du roy nostre sire en sa court de parlement, commissaires en ceste partie, salut. Comme certain procès ayt ésté pendant pardevant nous entre le catdinal arcevesque de Sens, demandeur et complaignant en cas de saisine et de nouvelleté, pour raison de possessoire du prieuré de Sainct-Amand et ses circonstances et deppendances, d'une part, et domps Jehan, abbé de Sainct-Martin de Tournay, ayant prins la cause pour domp Florent de Maisières, prestres, religieux profex de ladicte abbaye Sainct-Martin de Tournay, Berthelemy de Maisières, lieutenant de Machemont, pour ledict abbé Saint-Martin de Tournay, Jehan Vermant (1), Martin (1). Ce nom lisiblement écrit dans cette charte, se trouve changé en celui de Bernard dans celle qui suit. |