tam in capite quam in membris visitetis, corrigatis et emendetis, taliter et talibus modo et forma, quod in eisdem domibus vigeat regularium institutionum observatio, et religionis decor, necnon vite et morum pudicitia ac quod alii christifideles ex vita exemplari abbatum abbatissarum, seu personarum fratrum et sororum ac aliarum personarum eorundem domorum, non scandalum, sed spiritualem consolationem, exemplaremque vitam, ad bene vivendum suscipiant. Alioquin si mandatis nostris, quod non credimus, efficaciter parere contempseritis seu etiam neglexeritis talibus remediis in premissis providebimus, quod in predictis domibus, debita regularis reformatio instituatur et vos penam transgressionis mandatorum apostolicorum et inobedientie sentiatis. Datum Rome apud Sanctum Petrum sub annulo Piscatoris die xxv junii м ccccc quinto. Pontificatus nostri anno secundo 1. Breve do papa Julio II aos superiores das casas de Santa Maria 1505 –Junho 26 Julius Papa -Dilecti filii salutem et apostolicam benedictionem. Non sine mentis nostre perturbatione accepimus quod in domibus ordinis Beate Marie de Monte Carmello regnorum Portugalie et Algarbiorum tam virorum quam mulierum vobis subiectis in quibus illorum priores et fratres ac priorisse et sorores ac persone sub regularum institutionum observatione et vite honestate ac religionis propagatione ceterorumque christifidelium exemplari vita vivere deberent serviendo altissimo in eius beneplacitis, pudicitie laxatis habenis dei timore postposito, religionisque institutionibus regularibus abiectis, vitam a religione non solum alienam, sed etiam quoad ceteros christifideles scandalosam ducunt. Ex quo ipsorum domorum bona disipantur illorumque ac domorum eorundem edificia 1 ARCH NAC., Maç. 6 de Bullas, num. 2.-Sobrescrito: Dilectis filiis universis superioribus domorum ordinis fratrum predicatorum in regnis Portugalie et Algarbiorum consistentibus. collabi permittuntur divinisque cultus, ac missarum et aliorum divinorum officiorum celebratio et decantatio negligitur, Ita ut nisi de neccessarie reformationis remedio eisdem monasteriis tam in capite quam in membris provideatur, graviora damna et scandala, ut verisimiliter coniectari potest proventura sunt. Quare cupientes ut in ipsis domibus debite religionis forma et honeste ac bene vivendi norma observentur, collaudeturque ibi altissimus in sanctitate et vite honestate, vobis et cuilibet vestrum ac aliis ad quos spectat et pertinet, in virtute sancte obedientie ac sub excommunicationis sententie pena per presentes committimus precipimus et mandamus, quatenus quantotius adhibitis vobiscum aliquibus personis honestis, dum domos sororum visitaveritis, ad singulos domos predictos, per vos vel commissarios vestros a vobis legitime deputandos, personaliter accedentes, et solum deum preoculis habentes, domos huiusmodi tam virorum quam mulierum illorumque personas tam in capite quam in membris visitetis corrigatis et emendetis, taliter et talibus modo et forma quod in eisdem domibus vigeat regularium institutionum observatio, et religionis decor, necnon vite et morum prudentia: Ac quod alii christifideles ex vita exemplari priorum et fratrum ac priorissarum et sororum, ac aliarum personarum earundem domorum non scandalum sed spiritualem consolationem, exemplaremque vitam ad bene beateque vivendum suscipiant. Alioquin si mandatis nostris, quod non credimus, efficaciter parere contempseritis, seu neglexeritis talibus remediis in premissis providebimus quod in predictis domibus debita regularis reformatio instituatur et vos penam transgressionis mandatorum apostolicorum et inobedientie sentiatis. Datum Rome apud Sanctum Petrum sub annulo Piscatoris die xxvi junii M. D. V. Pontificatus nostri anno secundo '. 1 ARCH. NAC., Maç. 6 de Bullas, num. 21.- Sobrescrito: Dilectis filiis universis superioribus domorum ordinis Beate Marie de Monte Carmello in regnis Portugalie et Algarbiorum consistentium. Breve do papa Julio II ao bispo de Coimbra 1505-Junho 28 Julius Papa -Venerabilis frater salutem et apostolicam benedictionem. Innotuit nobis quod prelati ecclesiarum et monasteriorum ac alie persone ecclesiastice tam religiose quam seculares tuarum civitatis et diocesis bona immobilia ad eorum ecclesias monasteria et beneficia ecclesiastica legitime pertinentia aliquibus personis etiam laicis sub aliquo annuo canone, sive cesu aut alia responsione annua, ecclesiis monasteriis et beneficiis predictis, seu illorum prelatis et rectoribus, persolvendo seu persolvenda, ad earundem seu aliarum personarum vitam aut alias ad aliud longum tempus non tamen perpetuum locant seu ad firmam, sub huiusmodi responsione concedunt: et licet illi quibus bona huiusmodi sic locantur circa conservationem et meliorationem dictorum bonorum intendere deberent Tamen ad id solum intenti sunt ut inde eis utilitas proveniat adeo ut postmodum cum bona ipsa ad ecclesias monasteria et beneficia ecclesiastica finitis huiusmodi locationibus redeunt seu devolvuntur ita delapidata et deteriorata sunt, ut manifeste constet huiusmodi concessiones et locationes in enormen lesionem ecclesiarum monasteriorum et beneficiorum predictorum cessisse, ceduntque etiam premissa in grave preiuditium civium et incolarum civitatis et diocesis predictarum, cum propterea fruclus dictorum bonorum qui ad eorum sustentationem cederent plurimum diminuuntur. Quare cupientes ex commisso nobis pastorali officio quantum cum deo possumus in premissis opportune providere fraternitati tue per presentes committimus et mandamus, quatenus habita per te super premissis omnibus diligenti informatione taliter auctoritate nostra provideas et ecclesiarum monasteriorum et beneficiorum predictorum bona huiusmodi sic concessa et locata non deteriorentur sed meliorentur, Ita et taliter quod cum bona ipsa finitis huiusmodi locationibus ad ecclesias monasteria et beneficia predicta redierint, meliorata et non deteriorata revertantur, super quibus premissis exequendis tibi facultatem concedimus per presentes. Non obstantibus constitutionibus et ordinationibus apostoli cis ceterisque contrariis quibuscunque. Datum Rome apud Sanctum Petrum sub annulo Piscatoris die xxvIII junii M. D. V. Pontificatus nostri anno secundo '. Breve do papa Julio I aos arcebispos e bispos de Portugal 1505-Junho 28 Julius Papa -Venerabiles fratres salutem et apostolicam benedictionem. Ex querela carissimi in Christo fili nostri Emanuelis Portugalie et Algarbiorum Regis illustris accepimus, quod plures litterarum ignari et alias minus idonei in regnis et dominiis predictis ad notariatus seu tabellionatus officium et illius exercitium admittuntur, ex quo falsitates et alia plura inconvenientia pluriumque personarum damna et incommoda proveniunt. Quare prefatus Rex ad consulendum et providendum indemnitati subditorum suorum nobis humiliter supplicavit ut providere in premissis de benignitate apostolica dignaremur. Nos igitur huiusmodi supplicationibus ut pote iustis et honestis inclinati fraternitati vestre et cuiuslibet vestrum in virtute sancte obedientie committimus et mandamus quatenus singuli in singulis vestris civitatibus et diocesibus, de fide et idoneitate quoruncunque notariorum et tabellionum vestrorum civitatum et diocesium vos diligenter informetis eosque examinetis, seu per vestros officiales examinari faciatis: et si quos tam in legalitate quam in litteratura et scriptura ad huiusmodi notariatus et tabellionatus officium exercendum idoneos et sufficientes non esse repereritis, illud exerceri non permittatis per eosdem non idoneos neque sufficientes, donec ad hoc se idoneos et sufficientes constituerint, eisque auctoritate nostra officium et exercitium huiusmodi interdicatis, ac sub censuris ecclesiasticis et aliis penis etiam pecuniariis de quibus vobis videbitur ne illud, donec idonei et sufficientes fuerint ut prefertur exercere presumant districtius inhibeatis. Non obstantibus constitu 1 ARCH. NAC., Maç. 6 de Bullas, num. 13.-Sobrescrito. Venerabili fratri Episcopo Colimbriensi. tionibus et ordinationibus apostolicis ceterisque contrariis quibuscunque. Datum Rome apud Sanctum Petrum sub annullo Piscatoris die xxviii junii M. D. V. Pontificatus nostri anno secundo '. Bulla do papa Julio II aos bispos da Guarda e de Ceuta e Fez 1505-Julho 4 Julius episcopus servus servorum Dei. Venerabilibus fratribus Egitaniensi et Septensi ac Fecensi episcopis salutem et apostolicam benedictionem. Admonet nos suscepti cura regiminis ut piis petentium presertim catholicorum regum votis favorabiliter annuamus per que sub religionis iugo Domino famulantes presertim feminei sexus persone pro earum necessitatibus et commoditatibus aliquod pie subventionis auxilium suscipiant. Exhibita siquidem nobis nuper pro parte carissimi in Christo filii nostri Emanuelis Portugalie et Algarbiorum Regis illustris petitio continebat quod ipse attendens nobilitatem opidi de Extremoz Elborensis diocesis ac personarum in eo pro tempore habitantium dignitates et qualitates et quod ad illud confluit christifidelium multitudo unum monasterium monialium ordinis Sancte Clare de propriis bonis fundavit et in eo iam nonnulle moniales dicti ordinis inibi Domino famulantes introducte sunt et quod in maiori numero successu temporis Domino famulari possint opem et auxilium preberi intendit et cum nonnulli dicti de Extremoz et Veyros opidorum diocesis Elborensis ex eorum bonis certas capellas seu capellanias dotaverint seu bona ipsa relinquerint pro stipendio aliquorum presbyterorum qui in eisdem capellis seu aliis locis ecclesiasticis missas et alia divina officia celebrare habeant ac voluerint quod satisfacto eisdem capellanis de eorum stipendio ratione onerum eis incumbentium deputato residuum inter pauperes Christi distribuere si illud quod satisfacto predictis capellanis de salario seu stipendio per dictos fundatores seu testa 1 ARCH. NAC., Maç. 6 de Builas, num. 18.- Sobrescrito: Venerabilibus fratribus Archiepiscopis et Episcopis Portugalie et Algarbiorum regnorum et dominiorum. |