facultatibus sanctum ipsorum propositum, in quantum possumus, studeamus promouere. Hinc est, quod nos piam et sanctam circa promouendum dei seruicium nobilis et illustris uiri domini uidelicet Ottonis de Mahhlant deuotionem considerantes ipsum in fundatione ecclesiarum dei pie et sancte desudantem de facultatibus ecclesie beati Stephani prothomartyris et nostre, prout potuimus, adiuuare studuimus. Ipse nimirum cum heredem possessionum suarum. secundum carnem non haberet in terris, christum omnis patrimonii sui heredem sibi constituere uolens in celis, cenobium quoddam cysterciensis ordinis in honore beate dei genitricis Marie in Povmgartinperge fundauit, alterum denique iuxta riuum Saebinich in territorio paterne hereditatis in honore beati Johannis apostoli et euangeliste fundauit ipsumque cenobium large satis prediis, siluis, pratis, pascuis, rebusque aliis dotauit atque ditauit. Tradidit siquidem eidem monasterio castrum suum in Saebinich cum omnibus eidem castro adtinentibus cultis et incultis, uiis et inuiis, aquis aquarumque decursibus, pratis, pascuis, et partem silue, que beinwalt uocatur, quam ab Heinrico Tůmaduocato ratisponensi, Heinrico duce Austrie et Chonrado marchione annuentibus conparauit. Porro ne aliqua lis de terminis ipsius silue postmodum possit oriri, nos et terminos ipsius distinctos huic scripto iussimus annotari. Protenduntur siquidem fermini ipsius silue a loco, ubi fluuius Saebinich intrat in danubium usque ad callem, qui ducit ad sanctum Georium, qui uulgo Griezstich (sic) uocatur; ab hinc usque ad fluuium Ispir et in ipsius fluminis descensu usque ad summitates montium Tasperch et Glokis et ab hinc in descensu montium usque ad locum, ubi riuulus weidebach intrat in danubium, hanc inquam siluam in prescriptis terminis sitam totam cum omnibus ad eam pertinentibus tam cultis quam colendis supra dicto cenobio tradidit et priuilegio domini Chinradi regis confirmauit. Tradidit etiam supra dicto cenobio uillam in Shatirle totam cum omnibus ad eam pertinentibus et in Longave ecclesiam sancti Mychaelis et omne patrimonium suum, quod ibidem habuit preter castrum Lewinsteine, et in foro julii mediam partem uille, que Tritshent uocatur, cum omnibus eius appendiciis pratis scilicet, pascuis, uinetis et oliuetis. Ecclesias quoque, quas tam ipse quam patres sui in territorio patrimonii sui fundauerant, cum omni iure, quod in eis ratione fundi habuit, jus scilicet patronatus et dotem earundem ecclesiarum supra dicto monasterio donauit: Parrochiam scilicet in Saebinich, in qua ipsum monasterium fundatum est, et Chrocin, Niwenchirchen, Chunigiswisen, Dunninpach, et ecclesiam sancti Georii, sed et uxor ipsius domina Juta comitissa de Pilsteine ecclesiam in Sinewelvelden in territorio patrimonii sui sitam cum consensu fratris sui comitis Chinradi de Pilsteine cum omni jure, quod in ea habuit, jus scilicet patronatus eidem monasterio contulit sicque tandem spiritu sancto conmoniti et ipse et iam dicta coniux sua ipsum cenobium cum omnibus illuc et tunc collatis et postmodum conferendis totum supra altare sancti Stephani prothomartyris per manus domini Heinrici ducis et marchionis austrie delegauerunt. Nos igitur fidem et deuotionem ipsius erga nos et beatum Stephanum intuentes omnia, que de manu nostra in beneficio habuit in decimationibus, mansis, areis et uinetis, excepto castro in Griffensteine cum suis pertinentiis conmuni Kathedralium et ministerialium nostrorum consilio prenominato cenobio per manus Heinrici ducis et marchionis Austrie perpetuo possidenda contulimus et ecclesias quasdam parrochiales ad nos pleno jure spectantes, uidelicet Munichspach et Mittirchirchen, Sachsin, Niwenstat et in omnibus earum et supra dictarum ecclesiarum terminis tam cultis quam colendis terciam partem decimarum, In parrochia ueró Saebinich, in qua ipsum cenobium situm est, decimam totam et indiuisam, Preterea dimidiam partem decimarum in tribus parrochiis Staevce et Valwa et Gawats, quas dux Austrie de manu nostra et ipse Otto de manu ducis in beneficio habuit et ipse duci et dux nobis ea condicione resignauit, ut eas prefato Ottoni in subsidium sue nouelle plantacionis conferremus, quod et ad peticionem ipsorum fecimus et sic tandem ad peticionem ipsius Ottonis canonicos regulares ibidem deo perpetuo seruituros collocauimus, quibus et supra dictam parrochiam in Saebinich, in qua ipsum monasterium fundatum est, pleno jure contulimus sic, ut prelatus ipsius monasterii unum de confratribus suis ipsi ecclesie preficiat, qui et plebem in diuinis cum omni diligentia procuret et tamen singulis diebus et ad refectorium et ad dormitorium suum redire non negligat, quem et, si negligentem inuenerit amoueat et alterum sibi magis ydoneum substituat. Indulsimus etiam ipsis, ut, si quando terram sub interdicto diuinorum poni contigerit, ipsi nichilominus celebrent, clausis tamen ianuis et personis exconmunicatis exclusis. Liberam quoque sepulturam ipsis concedentes indulgemus, ut, si quando prelatum ipsius loci uiam uniuerse carnis ingredi contigerit, ipsi liberam habeant potestatem eligendi alterum, quem magis ydoneum et utilem inuenerint. Verum quia plerique ratione aduocatie ecclesias dei diuersis exactionum uexare solent angariis, nos una cum ipso domino Ottone et ipse nobiscum tantum malum precauere uolentes dominum Walchinum fratrem ipsius domini Ottonis et heredes ipsius post ipsum aduocatos supra memorato monasterio constituimus sub pena exconmunicationis firmiter inhibentes, ut nec ipse dominus Walchinus nec aliquis heredum suorum nec quisquam alter postmodum ipsis quacunque sorte succedentium aduocatorum aliquid seruicium a fratribus dicti monasterii uel ab hominibus ipsorum ratione aduocatie aliquatenus exigere presumat, sed tantum diuine remunerationis intuitu ipsos ab inuasione et uiolentia malignorum hominum defendere studeat, nullum quoque sibi subaduocatum nisi de peticione fratrum ipsius monasterii subrogare presumat. Nos igitur sepedictum monasterium cum omnibus illuc et nunc collatis et postmodum conferendis in nostram et beati Stephani prothomartyris protectionem suscipientes, auctoritate dei patris et filii et spiritus sancti apostolorum Petri et Pauli, Johannis euangeliste, Stephani prothomartyris et potestate, qua nos fungimur, precipimus sub pena eterne dampnationis firmiter inhibentes, ut nullus successorum nostrorum, nec alter quispiam siue ecclesiastica siue secularis persona prescripta ipsius monasterii jura infringere uel res ipsius inuadere uel quocunque modo usibus fratrum ibidem deo seruientium subtrahere presumat. Si quis autem, quod deus auertat, hanc nostram institucionem et donacionem postmodum ausu nefario uel infringere temptauerit uel inmutare, si tercio conmonitus congrua satisfactione non emendauerit, iram et indignationem dei omnipotentis incurrat, in tremendo die districti examinis cum Juda mercatore pessimo eternaliter puniendus. Conseruantibus autem pax a deo et misericordia et in presenti et in futuro seculo conseruetur. Amen. Igitur ut omnia hec omnes tam futuri quam presentis temporis homines sciant esse iugiter et inuiolabiliter conseruanda, presentem paginam hinc inde conscribi et sigilli nostri inpressione et testium subscriptione iussimus confirmari. Huius rei testes sunt: Gebhardus comes de Porchhvsin, Chinradus comes de Pilsteine, Chinradus marchio, Chinradus comes de Ragitze, Vlricus de Berneke, Haertwicus de Hagenowe, Waltherus de Treism, Haertwicus de Ravna, Albertus de Stamheimen et frater eius Livpoldus, Alrammus de Chambe, Palmarus de Halse et frater eius Dietherus, Gebhardus de Chadilhohisperge, Marquardus de Wesin, Hartmit de Hage, Dietricus de Smida, Rüdiger camerarius, Siboto dapifer et alii quam plures. Data Wiene anno incarnationis dominice M. C. XL. VII. XVII Kalendas Junii, Indictione V. In expeditione ierosolimitana, Anno pontificatus nostri VIIII. Regnante Chinrado rege romanorum anno imperii sui decimo. Acta sunt hec Patavie VI. jdus Mai iam dicto anno incarnationis domini IIII. jdus Mai, Regnante Chinrado rege romanorum cum consilio et consensu kathedralium et ministerialium ecclesie Pataviensis, quorum nomina subscripta sunt, Albwinus prepositus, Rvdipertus decanus, Chinilinus archipresbiter, Gerboto archipresbiter, Albertus custos, Heinricus scolasticus, Sigehardus, Fridericus, Jacobus, Octauianus, Otto canonici. Ex ministerialibus Marquardus de Wesen, Ridigerus iudex, Hartmidus pincerna, Siboto dapifer, Rüdigerus caтеrarius, Walchinus de Shaltarn, Arnoldus de Chraenzingen, Otaker de Widach, Vlricus de Tagibrehtshvsin. Ex nobilibus Haertwicus de Hagenowe, Pabo de Zollingen, Hadimarus de Ahvsin, Dietricus de Pimgartin, Wernhardus de Horbach, et alii quam plures. Original auf Pergament mit Siegel im Museum Francisco-Carol. zu Linz. CLVI. 1147. 16. Mai. Wien. Bischof Reginbert von Passau bestätigt die Stiftung des Klosters Waldhausen durch Otto von Machland und verleiht demselben einige Besitzungen. In nomine sancte et indiuidue trinitatis Rebinbertus (sic) dei gratia sancte patauiensis ecclesie episcopus Vniuersis christi fidelibus in perpetuum Amen. Diuersis huius mundi malis de die in diem magis ac magis inualescentibus Pauci sunt et Rari, qui uel ecclesias in christo fundare uel fundatas et penuria rerum attenuatas largicione elemosinarum suarum ad laudem et seruitium dei studeant roborare. Ideoque necessarium est valde, vt nos, qui pontificalis fungimur officio dignitatis, si quos ad hoc feruore sancti spiritus inuenerimus accensos, eos non solum verbo exhortacionis confouere sed et de propriis facultatibus sanctum ipsorum propositum in quantum possumus studeamus promouere. Hinc est, quod nos piam et sanctam circa promouendum dei seruicium Nobilis et jllustris viri domini Ottonis de Machlant deuotionem considerantes ipsum in fundacione ecclesiarum dei pie et sancte desudantem de facultatibus ecclesie beati Stephani prothomartiris et nostre prout potuimus adiuuare studuimus. Ipse nimirum cum heredem possessionem suarum secundum carnem non haberet in terris, Cristum omnis patrimonii sui heredem sibi constituere volens in celis Cenobium quoddam Cirsterciensis (sic) ordinis in honore Beate dei genitricis in Pawmgartenperge fundauit, Alterum denique iuxta riuum Saebnich in territorio paterne hereditatis sue in honore beati Johannis apostoli et ewangeliste fundavit Ipsumque cenobium large satis prediis, siluis, pratis, pascuis rebusque aliis dotauit atque ditauit Tradiditque eidem Monasterio castrum suum in Saebnich cum omnibus eidem castro attinentibus cultis et incultis, viis et inviis, aquis aquarumque decursibus, pratis, pascuis et jus littoris quod Steg Recht in wlgo dicitur cum piscacionibus in aluco danubii et omnia alia jura in ipso danubio et in littore eiusdem danubii a loco, vbi Riuulus baidenpach intrat in danubium in ascensu supra vsque ad riuulum iuxta ruptum Castrum domine helchin et partem silue, que beinwalt vocatur, quam ab Heinrico tumaduocato Ratisponensi Heinrico duce Austrie et Conrado Marchione annuentibus comparauit. Porro ne aliqua lis de terminis ipsius silue postmodum possit oriri, nos et terminos ipsius distinctos huic scripto jussimus annotari. Protruduntur (sic) siquidem termini ipsius silue a loco, vbi fluuius Saebnich intrat danubium vsque ad callem, qui ducit ad Sanctum Georgium, qui wlgo triestich vocatur, Abhinc vsque ad fluuium ysper et in ipsius fluminis descensu vsque ad summitates montium Taxperchk et glocks et abhinc in descensu montium vsque ad locum, vbi Riuulus Baidenpach intrat danubium. Hanc inquam siluam in prescriptis terminis sitam cum omnibus ad eam pertinentibus tam cultis quam colendis supradicto cenobio tradidit et priuilegio domini Conradi Regis confirmavit. Tradidit etiam supradicto Cenobio villam in Schaterle cum omnibus ad eam pertinentibus. Et in langawe ecclesiam sancti Michaelis et omne patrimonium suum, quod ibidem habuit preter castrum lebenstain et in foro julii mediam partem ville, que trieshent vocatur cum eius appendenciis, pratis, siluis, pascuis, vinetis et oliuetis. Ecclesias quoque, quas tam ipse quamque patres sui in territorio patrimonii sui fundaverant cum omni jure, quod in eis ratione fundi habuit, jus scilicet patronatus et dotem earumdem ecclesiarum supradicto Monasterio donauit, Parrochiam scilicet in Saebnich, in qua ipsum Monasterium fundatum est, et Chrucin, Nivnkirchen, Chunigswisen, dunninpach et ecclesiam sancti Georgii; sed et vxor ipsius |