fideliumque ministerialium nostrorum nostram precatus est clementiam, vt quandam uillulam rebus ecclesiae suae contiguam et oportunam in australi scilicet aeni fluminis litore prope hostium aquae, quae dicitur marchluppa, constitutam ad portum Malluhhinga nuncupatum, hoc est In matahgouue Comitatu Isangrimi, Quae tiam (etiam) ad curtem muninga dietam beneficium uidelicet Cundboldi comitis hactenus pertinuit, ad sanctum emmerammum donaremus Statimque nos libenti animo congruae illius intercessioni annuentes consentiente cundboldo eiusdem beneficii possessore pariterque cum Iringo comite atque Engilberto consilium dante pro beati patris nostri arnolfi imperatoris animae remedio Nostraeque mercedis incremento Praefatam uillulam in ripa ut supra dictum aeni sitam Cum omni integritate sua, ad cuiuscumque regalis ministri quicquam Inde ministerium pertineret, ad Christi martyrem emmerammum, cuius sacratissimum corpus extra moenia radesponensis ciuitatis in propria uenerabiliter humatum est ecclesia, jure perenni delegauimus in proprium Cum curtilibus et aedificiis, Mansis in ipsa uillula habitantibus et mancipiis utriusque sexus, censibus, Campis, agris, pratis, pascuis, siluis, portu et portatico, Aquis aquarumque decursibus, Molinis, Piscationibus, viis et inuiis, exitibus et reditibus, quaesitis et inquirendis, Terris cultis et incultis universisque appenditiis et adjacentiis suis. Jussimus quidem hoc praesens praeceptum nostrum inde conscribi, per quod uolumus et auctoritate nostra firmiter precipimus, ut ipsa concessionis nostrae uillula Nune et deinceps tempore perpetuo Jure firmissimo sine ullius contradictione personae integriter ad memoratum dei electum pertineat et inrefragabiliter consistat Eo tenore, vt iam fatus honorabilis episcopus eiusque successores ex eadem uillula sicut de ceteris ipsius pii patroni rebus in aeternum habeant potestatem, quicquid uoluerint, faciendi. Et ut haec auctoritas nostra inuiolabilem Christo propitio perenniter obtineat firmitudinem, Manu nostra eam roborantes Anulo nostro Jussimus sigillari. Signum domni Hludouuici (Monogramma) gloriosi regis. Engilpero notarius ad uicem Diotmari recognofecit et ss. (S. N. cum not. tir.) Data III. Martii Anno Incarnationis domini DCCCCIIII: Indictione VII: Anno uero regni pij regis HLUDOUUICI V. Actum ciuitate regina in dei nomine feliciter. Amen. Pez, Thes. I. II. 41. Lünig, Spicileg. eccles. contin. III. 105. probat. S. Emmer. 95. Nr. 35. - Ried, Cod. dipl. ratispon. I. 88. Nr. 92. boie. XXVIII. I. 136. Nr. 96. ex orig. Liber XXXIX. (Circa 906.) - Festsetzung der Zollsätze für das Ostland, welche unter dem Vorsitze des Markgrafen Aribo zu Raffelstätten verhandelt worden. Nouerit omnium fidelium orthodoxorum praesentium scilicet ac futurorum industria, qualiter questio clamorque cunctorum bawariorum episcoporum, uidelicet Abbatum ac Comitum omniumque, qui in orientales partes iter habebant, ante Hlodowicum regem uenerant dicentes, se iniuste theloneo et iniqua muta constrictos in illis partibus et coarctatos. Ille vero secundum morem antecessorum regum hoc benignis auribus audiens Arboni marchioni precepit, quatenus cum iudicibus orientalium, quibus hoc notum fieret, inuestigaret ac iura thelonica modumque thelonii exploraret. Nuncios suos Theotmarum archiepiscopum, Purchardum patauiensis ecclesie presulem et Otacharium Comitem dedit, ut hoc in suo loco iuste legitimeque corrigerent, Et isti sunt, qui iurauerunt pro theloneo in comitatu arbonis: Walto uicarius, Durinc uicarius, Gundalperth, amo, Gerpreht, Pazrich, Diotrich, aschrich, arbo, Tunzili, Salacho, Helmwin, Sigimar, Gerolt, ysac, Salaman, Humperht, Item Humperht, Engilschalh, azo, Ortimuott, Ruothoh, Emilo, Item Durinc, Reinolt, Eigil uicarius, Poto, Eigilo, Ellinger, Otlant, Gundpold, Item Gerolt, Otperht, adalhelm, Tento, Buoto, Wolfker, Rantolf, Korperht, Graman, Henno. Isti et ceteri omnes, qui in hiis tribus comitatibus nobiles fuerunt, post peractum iuramentum interrogati ab Arbone Marchione in presentia Theotmari archiepiscopi et purchardi presulis patauiensis ecclesie residente cum eis Otachario Comite in ipso placito in loco, qui dicitur Raffoltestetun, retulerunt loca thelonio et modum thelonei, qualiter temporibus Hludouici, Karlomanni ceterorumque regum iussime exoluebatur. Naues uero, que ab occidentalibus partibus, postquam egresse sint siluam pataviam et ad Rosdorf uel ubicunque sedere uoluerint et mercatum habere, donent pro theloneo semidragmam; idem scoti, id est si inferius ire uoluerint ad Lintzam, de una Naui reddant iij. semimodos, idem iij. scafilos de Sale. De mancipiis uero et ceteris aliis rebus ibi nichil soluant, sed postea licentiam sedendi et mercandi habeant usque ad siluam Boemicam, ubicunque uoluerint. Si aliquis de Bawaris sal suum ad propriam domum suam transmittere uoluerit, gubernatore nauis hoc adprobante cum iuramento nichil soluant sed securiter transeant. Si autem liber homo aliquis ipsum legitimum mercatum transierit nichil ibi soluens uel loquens et inde probatus fuerit, tollatur ab eo et nauis et subera. Si autem seruus alienus hoc perpetrauerit, constringatur ibidem, donec dominus eius ueniens dampnum persoluat et postea ei exire liceat. Si autem Bawari vel Sclaui istius patrie ipsam regionem intrauerint ad emenda uictualia cum mancipiis uel cauallis uel lobis uel ceteris suppellectilibus suis, ubicunque uoluerint in ipsa regione sine theloneo emant, qui (sic) necessaria sunt. Si autem Locum mercati ipsius transire uoluerint, per mediam plateam transeant sine ulla constrictione et in aliis locis ipsius regionis emant sine theloneo, que potuerint. Si eis in ipso mercato magister conplaceat mercari, donent prescriptum theloneum et emant, quicunque uoluerint et quanto melius potuerint. Carre autem Salinarie, que per stratam legitimam anesim fluuium transeunt, ad urulam tantum unum Scafil plenum exsoluant et nichil amplius exsoluere cogantur, Sed ibi naues, que de Trungowe sunt, nichil reddant, sed sine censu transeant. hoc de Bawaris obseruandum est. Sclaui uero, qui de Rugis uel de Baemanis mercandi causa exeunt, ubicunque iuxta ripam Danubii uel ubicunque in Rotalariis uel in Reodariis loca mercandi optinuerint, de Sagma una de cera duas massiolas, quarum uterque Scoti unum ualeat. De onece (onere) unius hominis massiola una eiusdem precii. Si uero mancipia uel cauallos uendere uoluerit, de una ancilla Tremisam I., de cauallo masculino similiter, De seruo Saigam unam, similes de equa. Bawari uero uel sclaui istius patrie ibi ementes uel uendentes nichil soluere cogantur. Item de nauibus salinariis, postquam siluam..... transierunt, in nullo loco licentiam habeant emendi uel uendendi uel sedendi, antequam ad Eperaespurch perueniant. Ibi de unaqueque Naui legitima idem quum tres homines nauigant, exsoluant de Sale scafil iij. nichilque amplius ex eis exigatur, sed pergant ad mittarim uel ubicunque tunc temporis salinarium mercatum fuerit constitum, et ibi similiter persoluant idem iij. scafil de sale nichilque plus et postea liberam ac securam licentiam uendendi et emendi habeant sine ullo banno comitis uel constrictione alicuius persone, sed quantocunque meliori precio uenditor et emptor inter se dare uoluerint res suas, liberam in omnibus habeant licentiam. Si autem transire uoluerint ad mercatum moravorum, iuxta estimationem mercationis terre temporis exsoluat solidum unum denarium et licenter transeat, reuertendo autem nichil cogantur ex soluere legitimum mercatorem idem iudei et ceteri mercatores indecumque uenerint de ista patria uel de aliis patriis iustum theloneum soluant tam de mancipiis quam de aliis rebus, sicut semper in prioribus temporibus regum fuit. Mon. boic. XXVIII. II. 203. Oefele, Scrpt. rer. boic. I. 718. - Hormayr, Historisches Taschenbuch für 1813. - Hormayr, Beiträge zur Preisfrage II. 88. Nr. 4. ex cod. tradit. patav. XL. 909. 19. Februar. Holzkirchen. K. Ludwig schenkt dem Erzbischofe Pilgrim von Salzburg und dem Grafen Arbo die Abbtei Traunsee. In nomine sancte et individue Trinitatis. Loudevvicus - divina favente clemencia rex. Si fidelium nostrorum peticionibus praecipue, quorum devocio erga nos laborare non desinit, consentimus, liquido nobis profuturum fore credimus. Quapropter omnes fideles nostri praesentes scilicet et futuri cognoscant, qualiter nos per interventum fidelium nostrorum Adaberonis, Salomonis, Dracholfi venerabilium episcoporum nec non Chounradi comitis et propinqui nostri atque Altmani missi Hattonis Archiepiscopi seu deotrici vassi venerabilis Pilgrimi archiepiscopi cuidam comiti nomine Arbo quandam abbaciam iuris nostri Trunseo dictam, quam antea Alpker et Gundperht Germani visi sunt habere, sibi et Pilgrimo archiepiscopo usque in finem vite utriusque, postea vero pro genitoris nostri nostraque redemptione ad sanctum Petrum sanctumque Roudbertum ad sanctam Juvavensem sedem in proprietatem donare decrevimus. Dedimus itaque sibi cum consultu fidelium nostrorum praenominatam abbaciam Trunseo cum monasteriis, edificiis, curtibus, mancipiis utriusque sexus, terris cultis et incultis, agris, pratis, pascuis, campis, silvis, venacionibus, aquis, piscacionibus, viis et inviis, exitibus et regressibus, molinis, quesitis et inquirendis, mobilibus et inmobilibus cum omni integritate usque in finem vite utriusque in proprietatem Et deinceps ad sanctam Juvavensem sedem perpetualiter in proprietatem, ut, quicunque presul sit praenominate sedis, ex rebus praedicte abbacie potestatem habeat per istud auctoritatis nostre praeceptum, veluti de episcopatu suo eius temporibus cuncta disponere. Et ut hec auctoritas nostra firma permaneat, manu nostra roborantes anulo nostro sigillari iussimus Et quicunque hanc infringat, deo racionem reddat. Signum domni serenissimi (Monogramma) Loudevvici Regis. Salomon cancellarius ad vicem Pilgrimi Archicapellani recognovi et subscripsi. Data XI. Kalend. Martii Anno incarnacionis domini DCCCCVIIII: Indictione XII: regnante domno Loudevvico Anno X. Actum Holzchircha in domino feliciter. Amen. Original im k. k. geh. Haus-, Hof- und Staatsarchive zu Wien. Juvavia, Anhang 121. Nr. 60. 940. 13. Juli. Sippenfeld. XLI. K. Otto I. verleiht dem Marquart, einem Va sallen des Herzogs Berthold, zehn Herrenhuben im Ufgau. (Chrismon.) In nomine sanctae et indiuiduae Trinitatis. Otto dei gratia rex. Nouerit omnium fidelium nostrorum iudustria, Praesentium scilicet et absentium, Qualiter nos per intercessionem fidelis dilectique ducis nostri perehtoldi simul et Kerungi ac hiltiboldi comitum cuidam nobili uassallo suo ac comiti marchwardo dicto X. hobas dominicales, quas pridem aurarii insederant in pago vfgovve in comitatu ejusdem marchwardi Juxta riuum fuchtebah nominatum sitas in proprietatem donauimus Cum curtilibus, agris, pratis, campis, pascuis, siluis, aquis aquarumque decursibus, exitibus et reditibus, quesitis et inquirendis omnibusque iuste legitimeque ad ipsas pertinentibus; iussimus autem hoc praeceptum Inde conscribi, per quod uolumus firmiterque Jubemus, quatenus memoratus marchwart ab hodierna die in futurum tempus de eadem proprietate liberrimam habeat potestatem tenendi, possidendi, donandi, commutandi, uendendi uel quicquid sibi libuerit, exinde faciendi. Et ut haec nostrae largitatis traditio per diuturna tempora firmum stabilemque obtineat uigorem, manu propria nostra eam firmauimus Anulique nostri inpressione caute insigniri praecepimus. Signum Domni Ottonis (Monogramma) serenissimi regis. Adalman notarius ad uicem popponis archicancellarij recognoui et ss. (S. R. cum notis tir.) Data III. idus iulij Anno ab incarnatione domini DCCCCXL: Indictione XIII. feria II. Anno autem Ottonis piissimi regis IIII. Actum sippenvelde In dei nomine feliciter. Amen. Mon. boie. XXVIII. I. 176. Nr. 122. ex orig. cum sigill. |