Iure etenim id summum, quid dexter senio ferret, Scire erat in votô: damnosa canicula quantum Raderet: angustae collô non fallier orcae: Neu quis callidior buxum torquere flagellô. - Haud tibi inexpertum est, curvos deprendere mores, Quaeque docet sapiens braccatis illita Medis Porticus, insomnis quibus et detonsa iuventus Invigilat, siliquis et grandi pasta polenta. Et tibi quae Samios diduxit litera ramos, Surgentem dextrô monstravit limite callem. Stertis adhuc? lassumque caput compage solutâ Oscitat hesternum, dissutis undique malis? Est aliquid quô tendis, et in quod dirigis arcum? An passim sequeris corvos testâque lutôque, Securus quo pes ferat, atque ex tempore vivis? - Helleborum frustra, quum iam cutis aegra tumebit, Poscentes videas. Venienti occurrite morbo, Et quid opus, Cratero magnos promittere montes? Discite et, o miseri, caussas cognoscite rerum! Quid sumus, et quidnam victuri gignimur? ordo Quis datus, aut metae quam mollis flexus, et unde? Quis modus argento? quid fas optare? quid asper Utile numus habet? patriae carisque propinquis Quantum elargiri deceat? quem te deus esse Iussit, et humanâ quâ parte locatus es in re Disce, neque invideas, quod multa fidelia putet In locuplete penu, defensis pinguibus Umbris, Et piper, et pernae, Marsi monimenta clientis, Maenaque quod primâ nondum defecerit orca.
Heic aliquis de gente hircosà centurionum Dicat: Quod sapio, satis est mihi: non ego curo Esse, quod Arcesilas aerumnosique Solones, Obstipó capite, et figentes lumine terram, Murmura quum secum et rabiosa silentia rodunt, Atque exporrectó trutinantur verba labello, Aegroti veteris meditantes somnia: gigui
De nihilò nihil, in nihilum nil posse reverti. Hoc est, quod palles? cur quis non prandeat, hoc est?
His populus ridet: multumque torosa iuventus Ingeminat tremulos nasô crispante cachinnos. · Inspice: nescio quid trepidat mihi pectus,et aegris
Faucibus exsuperat gravis halitus; inspice sodes: Qui dicit medico, iussus requiescere, postquam Tertia compositas vidit nox currere venas, De maiore domô modice sitiente lagenà Lenia loturo sibi Surrentina rogarit.
,,Heus bone, tu palles. - Nihil est. - „,
Quidquid id est: surgit tacite tibi lutea pellis. At tu deterius palles: ne sis mihi tutor :
Iam pridem hunc sepeli: tu restas. — ,, Perge, tacebo. "
Turgidus hic epulis atque albô ventre lavatur, Gutture sulfureas lente exhalante mephites. Sed tremor inter vina subit, calidumque trientem Excutit e manibus: dentes crepuere retecti: Uncta cadunt laxis tunc pulmentaria labris. · Hinc tuba, candelae: tandemque beatulus altô Compositus lectô, crassisque lutatus amomis, In portam rigidos calces extendit: at illum Hesterni capite indutô subiere Quirites.
,,Tange miser venas, et pone in pectore dextramn!". Nil calet heic. ,, Summosque pedes adtinge manus66 que.
Visa est si forte pecunia, sive
Candida vicini subrisit molle puella,
Positum est algente catinô Durum olus, et populi cribrô discussa farina: Tentemus fauces. Tenerô latet ulcus in ore utre, quod hand deceat plebeià radere betà. PERS.
Alges, quum excussit membris timor albus aristas: Nunc face suppositâ fervescit sanguis, et irâ Scintillant oculi: dicisque facisque, quod ipse Non sani csse hominis non sanus iuret Orestes.
- barbatum hoc crede magistrum
Dicere, sorbitio tollit quem dira cicutae: Quô fretus? dic, o magni pupille Pericli. Scilicet ingenium et rerum prudentia velox Ante pilos venit: dicenda tacendaque calles. Ergo ubi commotâ fervet plebecula bile, Fert animus calidae fecisse silentia turbae Maiestate manus. Quid deinde loquere? — Quirites, Hoc, puto, non iustum est: illud male: rectius istud.-
Scis etenim iustum gemina suspendere lance Ancipitis librae: rectum discernis, ubi inter Curva subit, vel quum fallit pede regula varô: Et potis es nigrum vitio praefigere Theta. Quin tu igitur summâ nequidquam pelle decorus, Ante diem blando caudam iactare popello Desinis, Anticyras melior sorbere meracas. Quae tibi summa boui est? Unctà vixisse patellâ Semper, et adsiduô curata cuticula sole? Exspecta! haud aliud respondeat haec anus.
Dum ne deterius sapiat pannucia Baucis, Quum bene discincto cantaverit ocima vernae. Ut nemo in sese tentat descendere, nemo! Sed praecedenti spectatur mantica tergo. Quaesieris,,, Nostin Vectidì praedia?" Cuius? Dives arat Curibus, quantum non milvus oberret.“. Hunc ais, hunc, dis iratis genióque sinistro,. Qui, quando que iugum pertusa ad compita figit, Seriolae veterem metuens deradere limum, Ingemit, Hoc bene sit! tunicatum cum sale mordens Caepe, et, farratá pueris plaudentibus olla, Pannosam faecem morientis sorbet aceti.
At si unctus cesses, et figas in cute solem, Est prope te ignotus, cubitò qui tangat, et acre Despuat in mores: penemque arcanaque lumbi Runcantem, populo marcentes pandere vulvas: Tu, quum in maxillis balanatum gausape pectas, Inguinibus quare detonsus gurgullo exstat? Quinque palaestritae licet haec plantaria vellant, Elixasque nates labefactent forcipe adunca, Non tamen ista filix ulló mansuescit aratró. Caedimus, inque vicem praebemus crura sittis. Vivitur hoc pacto: sic novimus. - Ilia subter Caecum vulnus habes; sed latô balteus auro
Ut mavis, da verba, et decipe nervos, Egregium quum me vicinia dicat, Non credam? Visô si palles, inprobe, nummô; Si facis, in penem quidquid tibi venit amarum; Si puteal multa cautus vibice flagellas:
Nequidquam populo bibulas donaveris aures. Respue, quod non es: tollat sua munera cerdo. Tecum habita: noris, quam sit tibi curta supellex!
SATIRA QVINTA.
AD ANNAEVM CORNVT V M.
Vatibus hic mos est, centum sibi poscere voces, Centum ora, et linguas optare in carmina centum, Fabula seu moesto ponatur hianda tragoedo, Vulnera seu Parthi ducentis ab inguine ferrum. Quorsum haec? aut quantas robusti carminis offas
Ingeris, ut par sit centenó gutture niti? Grande locuturi nebulas Helicone legunto, Si quibus aut Procnes, aut si quibus olla Thyestae Fervebit, saepe insulso coenanda Glyconi.
Tu neque anhelanti, coquitur dum massa caminó, Folle premis ventos; nec clausó murmure raucus Nescio quid tecum grave cornicaris inepte; Nec scloppó tumidas intendis rumpere buccas. Verba togae sequeris, iunctura callidus acri, Ore teres modicó, pallentes radere mores Doctus et ingenuo culpam defigere ludó. Hinc trahe, quae dicas, mensasque relinque Mycenis
Cum capite et pedibus, plebeiaque prandianoris. Non equidem hoc studeo, bullatis ut mihi nugis Pagina turgescat, dare pondus idonea fumo. Secreti loquimur. Tibi nunc, hortante Camena, Excutienda damus praecordia: quantaque nostrae Pars tua sit, Cornute, animae, tibi, dulcis amice, Ostendisse iuvat. Pulsa, dignoscere cautus, Quid solidum crepet, et pictae tectoria linguae. Heic ego centenas ausim deposcere voces,
« AnteriorContinuar » |