1257, 16 Mai.

53

Bulle d'Alexandre IV adressée au Chapitre de Genève, au sujet des bénéfices ecclésiastiques.

Alexander Episcopus servus servorum Dei, dilectis filiis capitulo Gebennensi, salutem et apostolicam benedictionem. Devotionis vestre merita nos inducunt, ut petitionibus vestris favorem benivolum impendentes, illa vobis concedamus precipue, que vos ad ecclesiam vestram possunt a vexationis et scandali materia preservare. Hinc est quod nos vestris supplicationibus benignum impertientes assensum, auctoritate vobis presentium indulgemus, ut de dignitatibus, personatibus, ecclesiis, prebendis, pensionibus et aliis ecclesiasticis beneficiis ad vestram collationem aut presentationem spectantibus, sive curam habeant sive non animarum agnexam, nulli sine vestro consensu valeat provideri, nec vos ad providendum cuiquam de illis cogi aliquatenus valeatis per litteras sedis apostolice, vel legatorum ipsius generales aut speciales impetratas, per quas super eisdem dignitatibus, personatibus, ecclesiis, prebendis, pensionibus et aliis beneficiis non sit jus alicui acquisitum, seu de cetero impetrandas, nisi eedem littere apostolice impetrande de hac indulgentia specialem et expressam fecerint mentionem. Nos enim omnes interdicti, suspensionis et excommunicationis sententias, si quas in vos vel aliquos vestrum contra huius indulti nostri tenorem a quoquam ferri contigerit, decernimus irritas et inanes. Nulli ergo omnino hominum liceat hane paginam nostre concessionis et constitutionis infringere vel ei ausu temerario contraire. Si quis autem hoe attentare presumpserit, indignationem omnipotentis dei et beatorum petri et pauli apostolorum eius se nouerit incursurum. Datum laterani xvij. Kal. Junii, pontificatus nostri anno tercio.

(Arch. Gen. P. H. No 64.)

54

Cession de droits au monastère de St-Victor faite par Nantelme et Willelme d'Avully.

Willelmus fratres filii domini Guichardi da willie militis, non vi, non dolo

inducti, spontanei, non coacti, sed ex certa scientia, dederunt et concesserunt pro remedio animarum suarum et antecessorum suorum in perpetuam elemosinam Deo et ecclesie S. Victoris Gebenn. quicquid habent vel habere debent aut possident vel quasi in terris arabilibus et non arabilibus, pratis et nemoribus, sitis in finagio de Colovray et de Valavrens, de quibus terris, pratis et nemoribus, dicta domus S. Victoris dabat annuatim dictis. fratribus duodecim denarios censuales. Pro quibus terris, pratis et nemoribus predicti fratres confessi sunt se recepisse et habuisse a Willelmo de Villeta canonico Gebenn. ex parte predicte domus decem solidos Gebenn. in pecunia numerata. Promittentes etiam supradicti fratres, dictam elemosinam sepedicte domui deffendere, garantire, super sancta Dei evangelia, si aliquis ipsam domum molestaret in predictis et contra predictam elemosinam in judicio vel extra per se vel per alium aliquatenus de cetero non venire. In cujus rei testimonium, sigillum Curie Gebenn. Episcopi ad requisitionem partium presentibus duximus apponendum. Datum A. D. mo. cc. quinquagesimo septimo, mense Maii.

(Arch. Gen.)

1257, 10 Août.

55

Accord entre Aubert de Prevessin et l'abbaye de Bonmont.

Noverint universi. . . quod cum ego Aubertus de privissins movissem calumpniam contra... Abbatem et Conventum Bonimontis super duabus carratis feni et novem posis terre sitas apud Chisera, quas petebam ab eis ratione dotis matris mee, ad quam dotem dicebam eas spectare, tandem ego ad commonitionem bonorum virorum intelligens Deo placitum et anime mee esse profuturum a vexatione dictorum Religiosorum desistere et ad eos manum extendere liberalem . . . de consensu et voluntate expressa Petri et Willelmi filiorum meorum, et Aymonis mariti bonafilli filie mee, duas carratas feni et novem posas terre superius memoratas . . . quitto, solvo et dono . . . supradictis Abbati et Conventui Bonimontis . . . Ego prefatus Aubertus tradidi sepedictis Religiosis presentes litteras quas vir religiosus D. Thorumbertus prior de Satignie . . . sigilli sui munimine roboravit. Actum apud Bonummontem in festo B. Laurentii A. D. 1257o. (Arch. Laus. Inv. anal. vert. Paq. 145.)

1258, 21 Février.

56

Transaction entre le Chapitre de Genève et Martin, curé de Bossey et d'Evordes.

Ay. Dei permissione Gebennensis Episcopus eiusdemque loci Capitulum, universis presentes litteras inspecturis salutem in domino sempiternam. Noueritis quod cum causa verteretur inter Aymonem de Anassiaco canonicum Gebenn. nomine Capituli Gebenn. ex una parte et Martinum capellanum de Bosse ex altera, nomine capellanie, super jure personatus et capellanie ecclesiarum de Bosse et desuordes. Tandem compromiserunt in Reigmondum de Thoiri et Girardum de St°. Jorio canonicos Gebenn. juramento prestito hinc et inde, qui dicti Reigmondus et Girardus dictum suum, compositionem seu ordinationem protulerunt et fecerunt in hunc modum. Cum causa verteretur inter Aymonem de Annassie canonicum Gebenn. nomine capituli ex una parte et Martinum capellanum de bosse ex altera, nomine capellanie, super jure personatus et capellanie ecclesiarum de bosse et desuordes. Tandem compromiserunt in reigmondum de Thoiri et Girardum de Sto. jorio canonicos Gebennenses et juramento firmarunt quod quicquid prefati Reigmondus et Girardus dictarent vel ordinarent super premissis, judicio vel concordia, seu eciam propria voluntate, firmiter obseruarent. Et prefatus aymo de anassie promisit bona fide procurare quod Capitulum Gebenn. approbaret et laudaret quicquid isti amicabiles compositores vellent super hiis ordinare et etiam sigillo Capituli sigillari. Eo modo promisit prefatus Martinus quod dominus Episcopus Gebenn. ordinationi dictorum Reigmondi et Girardi consentiret et eam idem dominus Episcopus sigillo proprio sigillaret. Tandem vero, die partibus assignata, a dictis Reigmondo et Girardo partibus presentibus, de consensu carumdem partium et de cumuni concordia, prefati Reigmondus et Girardus taliter ordinauerunt de premissis. Quod idem Martinus vineam de cresto de chierz et omnes terras, prata, vineas, nemora si sunt arbores, batior, fola, et omnia alia immobilia ad dictas ecclesias pertinentia, diuidat equaliter et fideliter in duas partes, quarum unam habeat et percipiat idem Martinus capellanus nomine capellanie et Capitulum aliam nomine personatus. De aliis autem sic ordinauerunt, quod idem Capellanus de decimis omnium noualium percipiat nomine capellanie medietatem et aliam medietatem percipiat Capitulum nomine personatus. Denarium vero panis

benedicti, denarium visitationis, denarium domus noue benedicte, denarium baptismi, denarium sponsi et sponse in ipsa desponsatione oblatum, denarium portule imponende, denarium, candelam, oblationem bladi mulieris surgentis a lecto partus que venit audire primam missam, denarium pueri in prima tonsura benedicendi, primicias et recepta nomine capellanie percipiat capellanus. Item oblationem nouiter defuncti que sit in prima missa et pro ipso defuncto oblata cadauere presente, tricenarium, septenarium, terciam partem pidantiarum tantum helemosinam que duodecim denarios non excedit. Pratum situm sub villa de bosse ubi sunt salices et fontes, decimam nascentium, milii, panicii, canabi et omnis leguminis, decimarn similiter vini medietatis vinee site in cresto de chier que eidem capellano in portione continget, decimam occhiarum in quibus occhiis vinee non fuerunt preterquam de vino et medietatem decime occhiarum in quibus fuerunt vince dum sine vineis extabunt. Et terciam partem grosse decime desuordes, pro qua tercia parte decime capellanus debet facere sumptus unius lampadis in ecclesia desuordes, idem capellanus integre percipiat nomine capellanie. Item de terris dictarum ecclesiarum habitis ante adquisitionem Manegodi quondam capellani de bosse quas capellanus per se sumptibus propriis excoluerit, idem capellanus integre percipiat decimam, omnem vero aliam decimam tam bladi quam vini totaliter percipiat Capitulum tam in terris adquisitis quam in omnibus aliis, excepta quadam portione decime quam percipit ecclesia de contamina in parrochia de bosse tantum. Mortuaria quidem, elemosinas, anniuersaria, absolutiones et duas partes pidantiarum, et omnes ouentiones que peruenient quoquo modo imposito uel imponendo, censeantur. Et omnes census diuidat capellanus quorum omnium medietatem habeat, et aliam percipiat integre capitulum memoratum. De candelis taliter est ordinatum quod illuminato altari residuum diuidatur. Pro hiis autem que dictus Martinus et antecessores sui capellani in ecclesiis desuordes et de bosse adquisierunt seu meliorauerunt, dedit dictus Aymo pro portione sibi contingente ratione personatus nomine Capituli supradicti, dicto Martino, quatuor libras monete gebenn. quas confitetur se recepisse et habuisse in bona pecunia numerata. Renuncians exceptioni pecunie non habite et non numerate. Hanc autem ordinationem preceperunt prefati Reigmondus et Girardus a predictis partibus sub virtute prestiti iuramenti perpetuo firmiter obseruari. In cuius rei testimonium quia ego dictus Girardus sigillum non habeo, sigillum curie domini Gebenn. Episcopi, una cum sigillo dicti Reigmondi presentibus feci apponi. Actum est Gebennis in claustro, presentibus Ma

gistro Willelmo de Vrsis, Aymone sacrista, Emione, johanne buemondi decano anassiaci, canonicis Gebenn. et nobis Reigmondo et Girardo supradictis qui fecimus ordinationem supradictam. Ao Di mo cco quinquagesimo septimo. ix. Kal. Marcii. Et nos dicti Episcopus et Capitulum, predictam compositionem et ordinationem factam per predictos Reigmondum et Girardum laudamus et approbamus et eidem consentimus. Et nos dictus Episcopus ipsam auctoritate diocesana perpetue confirmamus. Actum Ao. Di. mo. cc. quinquagesimo septimo.

(Arch. Gen. P. H. No 62.)

57

1258, Mars. Vente d'un casal faite par Martin et Étienne de Cologny, frères, citoyens de Genève, à Simon Vercez, chanoine de Genève.

Aymo dei permissione Gebennensis Episcopus, uniuersis presentes litteras inspecturis, salutem in domino. Noueritis quod in nostra constituti presentia, Martinus et Stephanus dicti de colognie, fratres, ciues Gebennenses, spontanei, non cohacti, non vi uel dolo inducti, ex certa scientia, vendiderunt et titulo perfecte venditionis tradiderunt casale suum situm Gebennis, quod habebant retro ecclesiam beate Magdalenes, supra portam aquariam. Quod casale durat, ex una parte, a domo Petri tauelli quondam ciuis Gebennensis usque ad domum que quondam fuit Martini ciuis Gebennensis que est nostra modo, et ex alia parte, usque ad casale filiorum a la sada quondam uxoris Willelmi portarii insule Gebennensis, pro quadraginta duabus libris Gebennensibus, Symoni de Vercez canonico Gebennensi sibi et assignatis suis, in perpetuum pacifice possidendum. Quas quadraginta duas libras confitentur dicti Martinus et Stephanus se recepisse et habuisse a dicto Symone in bona pecunia numerata. Promittentes sub vinculo sacramenti corporaliter prestiti coram nobis, se contra huiusmodi venditionem, per se vel per alios, non venturos. Renuntiantes exceptioni non numerate pecunie, doli et in factum et omni iuris auxilio et consilio legum et canonum scripti et non scripti, per quod dicta venditio posset aliquatenus impediri seu eciam retractari. Nos autem dictam venditionem ratam et gratam habentes, ipsam voluimus, laudamus et eidem expresse consentimus. Ita tamen quod dictus Symon dictum casale seu