d'auoir veu de la parte d'vn seigneur dudit Modalue faire execution de la personne d'vn nomme Seruais N. apprehendé et conuaincu du crime de bestialité sur l'extremité de laditte terre de Cacque Herbette ioindante celle dudit Ochain, d'auoir veu telle execution faite qu'il n'auoit atteint que l'aage de huiet ans au plus, comme aussi d'auoir veu de la parte d'un seigneur dudit Ochain executer pour sorcier un certain Matieux Goujon aupres desdits trous de de renard n'ayant pour lors atteint que l'aage d'enuiron douse a treise ans, en outre d'auoir collecté de la part feu monsieur de Houdoumont la deisme sur les terres de la seigneurie de Modalue l'espace de vingt cincque ans ensuitte des susdittes limittes, finalement d'auoir encor veu et touiours ouy dire que depuis laditte croix la limitte de la seigneurie de Modalue reprennoit encor son tour iusques au lieu dit sur Champeau apres un gros fraisne qui se treuue presentement couppé qui est tout ce qu'il se peut recorder desdites limittes vers Tibiemont, offrant en cas de besoing reiterer les presentes attestations et record in forma iuris pardeuant tous iuges que besoin serat. Present venerable sire maistre Pierre Massar prestre aumosnier de S. E. hault et puissant seigneur messire Jean Gaspar Ferdinand comte de Marsin et du Saint Empire, lequel partie faisant pour saditte Excellence at a moy ledit notaire demandé vne ou plusieurs copies autenticques de la presente pour s'en seruir en temps et lieu ainsy qu'il treuuera a propos. Ce fait déclaré et attesté au chateau de saditte Excellence audit Modalue, presents comme temoins a ce specialement requis et appellés vénérable sire maistre Arnould Wilmotte pasteur dudit Modalue et Guilleaume Bettemans de Bruges, ayant ledit Palenge marqué et les temoins signé l'original de cette. Nicolas Pierart Notaire admis au premis present et requis in fidem. 1673. Archives du château de Modave, no 97 de l'Inventaire général. N° 14. 1685, 20 juillet. Dessente de l'ancienne et noble famille des de Ville. Laquelle depuis l'an 1400 a possédé la Terre et Seigneurie de Ville en Ardenne, plusieurs fiefs et grands biens de Père en Fils, a occupé les premieres charges du Pays, traité des mesmes tiltres que les gens de qualité et a porté depuis ledit siecle 1400 Les armes qu'ils ont encore auiourdhuy scauoir d'argent au Lion ram pant de geule chargé d'vne fasce d'azur accompaigné de trois etoilles d'or deux en chef et vne en pointe. Lambert de Ville Cheualier seigneur de Ville en Ardenne releua la terre et seigneurie de L'abbaie de Stavelot l'an 1411 (vide regre Abbé de merode n. 202). Stassar de Ville fils de Lambert de Ville Seigneur de Ville releua la ditte Terre de Ville et puis la vendit à Willeaume de Ville comme se voit au Relief de l'an 1445 du 20e auril, (vide registre Abbé de Merode. n. 282. n. 308 et 625), il fut marié a damoiselle Clemence fille legitime Pirar Stienne de la maison de Marchin (vide les conuenances de l'an 1431 enregistrées a la grande Greffe des Escheuins de Liége regre 1435. 36 et 37. fol. 105). Ledit Pierar Stienne est enterré aux Freres Mineurs a Huy ou il a sa Tombe a l'entrée de l'Eglise, il auait espousé en premiere nopce Noble Demoiselle Jenne Fizinne, (vide la sentence de l'an 1458 des escheuins de Liege rendue en faueur de Iean de Ville au suiet des biens de laditte lenne Fizinne sa grande mere). Jean de Ville Bourguemaistre de la Ville de Huy fils de Stassar de Ville et de Damoiselle Clamence fille Pierar Stienne de Marchin comme se voit de la sentence de l'an 1458 le 16 mars enregistrée a la Grande Greffe des Escheuins de Liege au suiet des biens de damoiselle Jenne mere de la dite Clamence, fut marié a damoiselle Marie Clinchar fille legitime du St Jean de Clinchar iadis Bourguemaistre de la Ville de Huy et de Damoiselle Agnes comme se voit de l'accord fait entre ledit Jean de Ville et Collar Clinchar l'an 1490 au suiet des biens dudit Colar et par la sentence arbitralle de l'an 1481 au suiet des biens du premier marit de ladite damoiselle Maroie Clinchar femme audit de Ville — il eut en mariage le fief du moulin a postice (1) qu'il releua de l'euesque de Liege l'an 1488, registre petit Horne fol. 139 (vide registre aux embriueurs de la Cour de Huy l'an 1480), ils sont enterrez dans l'eglise parochiale de Sainct Mengold ou ils ont legatez trois muids de bled de rente pour vn anniuersaire. Jean de Ville fils de Jean de Ville et de damoiselle Marie Clinchar comme est a veoir du relief qu'il fit du moulin a postice l'an (1) Le moulin à postice était «< seans a Huy empres la porte de Cons» tantinoble, joindant damont a la brassine Remey de Constantinoble et » daual au pont de la maison de paradis » (Reliefs du moulin à postice, aux archives de l'Etat à Liége). 1525 le 16 may luy deuolu par la mort de Iean de Ville et damoiselle Maroie sa mere (vide registre Cornelis de Berghes premier fol: 38 stock. i. fol: 256). Il eut pour femme noble Demoiselle Jenne de Maue qui releua le meme fief apres la mort de son marit le cinquieme auril 1538 (vide registre Cornelis de Berghes premier fol: 38. Stock i. fol: 258). Ladite demoiselle Jenne Maue estoit fille de Simon Maue et de Marie de Malempré et auoit pour frère vn abbé des Neufmostiers lez Huy et le chantre de nostre Dame comme est a veoir de leurs anniuersair a st Quelin et de la tombe dudit Abbé et Chantre qui est au milieu de la Neffe de l'abbeie des Neufmoutiers. Jean de Ville Bourguemaistre de la ville de Huy fils de Jean de Ville et de damoiselle Jenne de Maue releua de L'euesque de Liege le moulin a postiche l'an 1582 le 5 feburier (vide registre de Groesbeeck fol 176). Il eut pour femme damoiselle Isabeau Seuxhier fille de Jean Seuxhier et de Catherine de Belen (comme se voit des partages de l'an 1571 le 2e Ianuier), ladite Famille des Seuxhier est alliée avec les Jouppille, les Berloz et plusieurs familles nobles (voyez la tombe de Mathias de Iouppille dans la neffe des neuf-moustiers lez Huy). Ledit Jean de Ville fut traité par tout des mesmes qualitez que les Argenteaux, Berlaimont et autres familles receues (voyez entre autres documens l'achapt qu'il fit l'an 1569 le 22o decembre de la terre de Denuille a la Cour de Han surlesse). Ledit Jean de Ville fit son testament l'an 1587 le Ile juillet et sa femme le fit l'an 1611. Ledit Jean est enterré avec sa femme dans l'eglise parochiale St Mengold sous vne pierre sepulchrale sur laquelle ils sont taillez en bosse en habit decent et ledit Jean de Ville a ses quatre quartiers ascendans De Ville Maue Clinchar et Fizinne et le sien et Celuy de sa femme au dessus de leurs testes. - Jean de Ville fils de Jean de Ville et de damoiselle Isabeau Seuxhier fut frere de Leonard de Ville qui releua le fief du moulin a postice a la Cour feodale de L'Eglise de Liége l'an 1599 le 10 nouembre, il fut allié a damoiselle Marie de Treu fille d'Estienne de Treu et de mademoiselle Jenne Paheau dit Crehen (vide les conuenances de mariage de l'an 1571), lequel Estienne de Treu estoit fils d'Estienne De Treu et de Françoise Dawir, et ladite Jenne Paheau estoit fille de noble homme Jean Paheau dit Crehen et de noble damoiselle Jenne Veron qui ont leurs tombes dans l'église de St Mengold a Huy - lesdites familles de Dawir, Paheau dit Crehen et Viron sont nobles et quartiers receus - ledit Jean de Ville et Marie de Treu firent leurs testaments l'an 1603, ils sont enterrez au milieu de la neffe des Peres Croisiers a Huy auec leurs quatre quartiers De Ville Seuxhier De Treu Paheau. Jean de Ville Bourguemaistre de la Ville de Huy fils de Jean de Ville et de damoiselle Marie De Treu releua le moulin a postisse de la Cour feodale l'an 1635 luy escheu par la mort de Leonard son oncle, il espousa noble damoiselle Jenne Ouuerbrouck fille de Jacque Ouuerbrouck et de damoiselle Jenne Haeck (vide traité de mariage de l'an 1600). Ladite Jenne Haeck estoit fille de Mathieu Haeck et de Margarite Blanche (vide les partages des enfants dudit Mathieu Haeck de l'an 1582 du 5. bre), laquelle Margarite Blanche estoit fille de Iean Blanche de Sart et de damoiselle Marie fille feu Leonard Stienne (vide les partage des enfans de Iean Blanche 1577 le 25 iuin). Lesdites Familles des Haeck et Blanche sont très nobles et anciennes (vide les attestations). Le Susdit Jacque Ouuerbrouck estoit fils Gerard Ouuerbrouck et de damoiselle Isabeau Dama et auoit pour frere vn chantre et vn Escolostre a Nostre Dame a Huy (vide les partages de Gerard Ouuerbrouck de l'an 1574). Le susdit Jacque eut pour enfans Gerard Ouuerbrouck, Mathieu Ouuerbrouck mort sans enfans, Isabeau espeuse a Jean Tornon, famille annoblie l'an 1536 (vide l'annoblissement) et Jenne Ouuerbrouck femme dudit Jean de Ville (vide les partages des enfans lacques Ouuerbrouck et lenne Haeck de l'an 1615). La famille des Ouuerbrouck est noble et traitée de Cheualier dans les patantes de L'empereur de l'an 1597 — Ledit Jean de Ville et Jenne Ouuerbrouck firent leurs testaments l'an 1648 et sont enterrez dans l'Eglise des Pères Augustins a Huy sous vne tombe avec leurs quatre quartiers — De Ville De Treu Ouuerbrouck Haeck. Winand de Ville fils de Jean de Ville et de Dame Jenne Ouuerbrouck releua l'an 1651 le predit moulin a postice luy paruenu par la mort de son Pere et de sa mere, est allié a noble Dame Catherine Elisabeth de Lerneux (vide les conuenances de l'an 1651. le ge ianuier). Ladite demoiselle est fille de feu Noble seigneur Francois de Lerneux Seigneur de Presle, Euerquoy etc, et de noble Dame Marie Bex. Ladite Dame Catherine de Lerneux auoit pour freres Herman de Lerneux, seigr de Presle qui espousa noble dame Marie de Finia, Arnold de Lerneux qui espousa noble Dame Anne de Corte, Francois de Lerneux qui espousa noble Dame..... de Katenis et Jaspar de Lerneux, encore viuant qui en premieres 1 nopces at espousé noble dame Marie Tornon, et en secondes nopces noble Dame Catherine Beche Burten comme est a veoir du testament Francois de Lerneux seigneur de Presle et de Dame Marie Bex de l'an 1636 le 20 juin. Ledit Francois de Lerneux estoit fils de Noble Seigneur Herman de Lerneux Seigneur de Presle et noble Dame Elisabeth Gilteau (vide testament Herman de Lerneux de l'an 1628 le 14 feburier et de sa femme de l'an 1651). Ledit Herman de Lerneux eut pour enfans Francois de Lerneux et Anne Marie de Lerneux alliée a noble seigneur Pierre de Corte seigneur de Tilleur, Wisserwer, Mont St Halent, Waleffe, Borlé, Celle et Termoigne et Escheuin de la souueraine iustice de Liege, de laquelle sont venues trois filles, Marguerite, Elizabeth mariée a noble seigneur Jean Boyleau, seigneur de Pouhon et Vien, Marie mariée a noble seigneur Henry de Corte seigneur de grand et petit Az, Hermée, et plusieurs fois Bourguemaistre de Liege, et Anne mariée a noble seigneur Arnold de Lerneux (1) Le susdit Herman de (1) Elle épousa en secondes noces Louis Wilquet, seigneur de SaintHalen, qui légua Biesmerée à Winand de Ville. Voici la généalogie plus complète des de Corte ou Curtius: Jean Curtius, seigneur d'Oupeie, Grand-Az, Tilleur, Vivegnis |