IX. Charte de Guillaume-aux-Blanches-Mains, archevêque de Reims, confirmant diverses transactior.s passées entre le couvent d'Igny et plusieurs propriétaires. 1182. Willelmus Dei gratia Remorum Archiepiscopus Sancte Romane Ecclesie TT. Sancte Sabine Cardinalis, Omnibus tam futuris quam presentibus ad quos littere iste pervenerint, In Domino Salutem. Noverit universitas vestra quod Enjorranus miles et Isabelis uxor ejus, et Radulfus et Willelmus frater ejus de Lagereio constituti in presentia nostra censum decem et septem librarum quos dilecti filii nostri fratres Igniacenses illis singulis annis solvere tenebantur pro villa de Baillios, ecclesie Igniacensi ipsam ecclesiam penitus absolventes quietam clamaverunt. Quapropter predicti milites coram nobis cognoverunt, quod fratres illi de predicto censu ita ipsis satisfecerant, quod a solutione ipsius census omnino expediti fuerant et absoluti. Unde jam dictum censum in manu nostra resignaverunt, et promiserunt quod se defensores ubique exhiberent paratos, et secundum consuetudinem aliorum venditorum in patria ipsa responderent; et nos eosdem fratres super hoc investivimus. Similiter Willelmus de Baillios sexdecim sextarios annone, octo scilicet frumenti et octo ordei, quos ecclesia Igniacensis ei annuatim reddebat, abbati et fratribus ejusdem ecclesie vendidit per manum nostram, et exinde in manu nostra se devestivit, et nos super hoc abbatem investivimus, concedentibus et laudantibus Ermengarde uxore ipsius Villelmi, et filiis suis Poncardo et Galcherio. Preter ea leprosi de Bainsun quinque sextarios tam ordei quam avene quos monachi Igniacenses eis annuatim reddere solebant super decima de Saviniaco, eisdem monachis per manum nostram vendiderunt et perpetua pace possidendos concesserunt. Ne autem super his omnibus aliqua sepedicte ecclesie molestia aut injuria possit inferri, eadem presenti pagine commendavimus, et sigilli nostri auctoritate confirmavimus. Actum anno ab Incarnatione domini Millesimo Centesimo Octogesimo Secundo. Datum per manum Lambini Cancellarii Nostri. Reims. Archevêché. Original en parchemin. X. Donation à l'abbaye d'Igny, par Manassès, comte de Rethel, de tout ce qu'il possédait aux territoires de Savigny et Faverolles. 1186. Villelmus Dei gratia Remorum archiepiscopus Sancte Romane Ecclesie Tituli Sancte Sabine Cardinalis, Apostolice Sedis Legatus, Universis sancte matris ecclesie filiis ad quos littere iste pervenerint, in Domino Salutem. Vestre notum facimus universitati quod dilectus filius noster nobilis vir Manasses Comes Registestensis in presentia nostra tam libenter quam liberaliter concessit monasterio Igniacensi omnia que spectant ad Territorium de Faveroles et Saviniaco sicut hucusque libere et quiete tenuit, in perpetuum possidenda. Quod ut ratum et firmum permaneat, presentis scripti patrocinio, et sigilli nostri testimonio fecimus confirmari. Statuentes et sub interminatione anathematis inhibentes, ne quis hanc nostre confirmationis paginam audeat infringere vel ex ausu temerario contraire. Salva tamen in omnibus Apostolice Sedis auctoritate. Actum anno Dominice Incarnationis millesimo centesimo octogesimo sexto. Datum per manum Lambini Cancellarii nostri. Reims, Bibliothèque de la Ville. Archives, Fonds Igny, liasse Savigny. Original en parchemin. XI. Donation, par Thibault de Cohan, aux religieux d'Igny d'une pièce de terre par lui acquise en la couture de Bully, territoire de Courville. 1191. Willelmus Dei Gratia Remorum Archiepiscopus Sancte Romane Ecclesie Tituli Sancte Sabine Cardinalis, Apostolice Sedis Legatus universis tam presentibus quam futuris in Domino Salutem. Noverit Universitas vestra quod Theobaldus de Corhaun homo quondam de capite Nicholai de Basochiis quem idem Nicholaus fratribus Igniacensibus in Capitulo eorumdem donavit ut ad Igniacensis Ecclesie proprietatem jure perpetuo pertineret terram quam adquisierat in cultura de Beully et quicquid terrarum deinceps in circuitu adquirere poterit concedente uxore sua in presentia nostra et liberis suis in presentia Girardi decani de Curvilla, igniacensi Ecclesie in Elemosynam dedit, tali conditione ut fratres igniacenses ipsam terram colant, et memoratus Theobaldus et uxor ejus quamdiu alter eorum vixerit dimidium fructuum percipiant, ita sane ut medietatem seminis et dimidium sumptuum tam in messe quam in emendatione terre persolvant et post obitum eorum predicta terra fratribus igniacensibus perpetua possessione succedet. Preterea vineam unnam quondam presbyteri de Curvilla et vineam Ebroini presbyteri de Lagereio quas igniacenses fratres possederant, tradiderunt idem fratres. G. decano de Curvilla tali conditione ut quamdiu idem G. vixerit eas propriis excolet sumptibus fructumque percipiet et post decessum ipsius sepedictis fratribus libere possidende remanebunt. Isenbardus etiam de Camera dedit eisdem fratribus viginti libras Remensis monete post decessum suum et matris sue super domum que fuit Gauberici medici quam prefatus Isenbardus ab eisdem fratribus emerat, et hoc mater ejus in presencia nostra et heredes sui in presencia fratris Johannis procuratoris domus nostre laudaverunt. Quod ut ratum perseveret et firmum, litteris fecimus annotari et sigilli nostri testimonio confirmari. Actum anno Incarnati Verbi M° Co Nonagesimo primo. Datum vacante cancellaria. Reims. Archives, fonds Igny, liasse Courville, original sur vélin. Le sceau a disparu. XII. Accord entre l'Abbaye d'Igny et le Chapitre de Reims, pour Montigny-sur-Vesle. 1190. Julianus dictus abbas Igniaci et ceteri fratres ejusdem loci, Universis sancte matris ecclesie filiis in perpetuum. Notum fieri volumus tam futuris quam presentibus quod questio inter nos et haicium thesaurarium remensem habita amicabili compositione terminata est in hunc modum. Thesaurarius assensu et voluntate Capituli Remensis concessit ecclesie nostre in pace possidendum et quiete quicquid habebamus antea in territorio ville sue de montiniaco in terris tam cultis quam incultis, vineis et pratis et usuarium in pascuis pro animalibus nostris et aisantias in marescis; aqua vero nostra est, ita quod homines prefate ville usuarium habebunt pede aut navi ad herbagium et harundinetum citra ripam ex parte ville. De cetero nichil poterimus emere vel aliquo modo acquirere in territorio ipsius ville. Quod si forte aliquid titulo elemosyne nobis fuerit collatum, ultra spacium anni elemosynam non poterimus retinere, nisi de Remensis ecclesie et ejusdem thesaurarii conscientia et voluntate. Calciata autem cum muro talis permanebit, qualis erat antequam questio moveretur. Decem vero jornales terre quos habemus in eadem villa, licebit nobis infra quinquennium commutare, et nonnisi cum hominibus predicte ville. Peracto siquidem quinquennio, ni chil poterimus commutare. Sciendum autem quod in omnibus his que concessit ecclesie nostre nichil sibi retinuit et hominibus suis preter bannum et justiciam. Viginti vero et quinque solidos quos eidem thesaurario annuatim reddere solebamus, quitos ecclesie nostre in perpetuum clamavit. In hujus autem beneficii recompensationem dedimus prenominato thesaurario LX et X libras remensis monete. Hec autem omnia ab hominibus ipsius ville facta et approbata sunt, sicut in autentico scripto domini Remensis continetur, presenti pagina communimus. Actum anno verbi incarnati M° C° LXXXX. Reims. Cartulaire C du Chapitre, sur vélin, écrit vers 1240, fol. 29, pièce 62. XIII. Accord entre les Religieux de Braisne et ceux d'Igny 1193. Frater Villelmus dictus abbas de brana totumque ejusdem loci capitulum universis sancte matris ecclesie filiis in perpetuum. Notum fieri volumus quod ad pacem reformandam super querelis quæ vertebantur inter nos et fratres igniacenses, pratum quod est inter duas plateas secus pratum quod nominatur parcus equarum ultra rivum de Orillun et pratum Cholet quod et ipsum est ultra prefatum rivum, et duos frumenti sextarios quos nobis annuatim debebant predictis fratribus quittos clamamus; predicta omnia ab omni consuetudine libera eis in perpetuum possidenda warandire debemus. Memorati autem fratres igniacenses in prescriptorum recompensationem X solidos quos eis debebamus de molendino uldredi annuatim, XIIII denarios de ductu aque et quicquid ad prefatum molendinum pertinet, et de prato cholet tres denarios, et tres obolos de terra Fulconis in monte |