et effectum apostolicorum processuum predictorum, ut premittitur, emanatorum et etiam publicatorum, per quos processus, executio et verius prosecutio hujusmodi remedium et inobedientium Sancte Matris Ecclesie, e dicto Dno nostro Pape nobis tanquam Vicario memorato, prout et aliis committitur et mandatur. Et proinde volentes tam eisdem mandatis apostolicis obedire, ipsamque in quantum possumus exequi reverenter, quam dicte Ecclesie providere Vos auctoritate, qua plene fungimur in hac parte tenore presentium citamus, requirimus et monemus primo, secundo et tertio, et peremptorie vobisque in virtute sancte obedientie ac sub pena privationis et perpetue amotionis a dictis vestris canonicatu et prebenda Ecclesie Paduane predicte districte precipiendo mandamus, quatenus usque ad triginta dies a die presentium presentationis vobis vel affixionis facte in foribus dicte Ecclesie Paduane in antea proxime computandos, quorum dierum decem pro primo, decem pro secundo et reliquos decem pro tertio ultimoque et peremptorio vobis termino ac omnimoda dilatione et monitione canonica assignamus, coram nobis in Episcopali Curia Paduana debeatis personaliter comparere, purgaturus hujusmodi rebellionem ac persistentiam et pertinentiam vestram predictam et etiam debitam facturus residentiam in supradicta Ecclesia Paduana. Alioquin si infra dictum terminum non comparueritis, ut prefertur, et alias in hac parte plenarie non feceritis, que mandamus, contra vos ad sententiam privationis et perpetue amotionis a dictis canonicatu et prebenda, quos ut premittitur in dicta Ecclesia Paduana obtinere noscimus secundum formam et juris ordinem procedemus, vobis amplius non citato, non monito, non requisito, non vocato nec etiam expectato. In quorum etc.

Datum Padue in Curia episcopali, sub anno Dominice Nativitatis millesimo, tercentesimo, octuagesimo, Indict. tertia, die Veneris vigesimo septimo mensis Aprilis.

Ego Vivianus Not. scripsi.

Prima, secunda et tertia contumacia.

Sententia privationis contra Dominum Nicolaum de Socia Canonicum Paduanum.

1380, die martis 29 mensis Maij, presentatio Dni Guillielmi de Phigiaco

electi in Canonicum Paduanum per privationem Nicolai de Socia.

Quinto mensis Junii confirmatio Dni Guillielmi in Canonicum Paduanum.

DOCUMENTUM CXXXIV.

DIVERSORUM.

Ann. MCCCLXXXIII. 17 Februarii.

In Christi nomine Amen. Anno a nativitate ejusdem M. CCC. LXXXIII. Indict. 6, die martis 17 mensis Februarii, Rdus in Xpto Pater et D. D. Raimundus Dei et Apostolice Sedis gratia Episcopus Paduanus exposuit et narravit, quemadmodum ipse ad honorem Dei et pro anime sue salute affectabat et intendebat Monasterium S. Marie Montis Crucum sue Paduane Diocesis nunc vacans, in quo nullus erat Frater, nulla erat observantia, nullus denique erat cultus, sed erat notorie, re et nomine destitutum, ad regularem statum reducere, regulis reformare Monasticis, et in ipso Monasterio tot Fratres bone vite et regularis observantie, annuente Domino, collocare, quod divinus cultus semper vigeat, et ob ministrorum defectum divine laudis organa nullo tempore suspendatur. Exposuit etiam et narravit idem Dominus Episcopus, sicut est omnibus manifestum, quod Monasteriolum S. Marie de Alto Montis Silicis consuetum olim per aliquas Moniales pauperime gubernari, jam longis retroactis temporibus propter sui paupertatem destructum erat totaliter et collapsum cum ruerit edificium et structura claustralis, ut vix ulle reliquie maneant. Idcirco volens dictum Monasteriolum, in quantum sibi possibile est reformare et de nihilo quodammodo ad aliquid revocare, de expresso consensu, consilio, beneplacito, et voluntate venerabilium virorum Dominorum Angeli de Castellione Aretino juris utriusque Doctoris Archipresbyteri et Canonici, ac Gerardini de Burgo Manerio Canonici amborum in sacris ordinibus constitutorum, et etiam Johannis de Henselminis, Ludovici et Francisci de Buzzacarinis, Mimi de Senis, Philippi de Mediolano et Guillielmi de Phigiaco omnium Canonicorum Ecclesie Padua ne, ibidem presentium, facientium et representantium totum Capitulum ejusdem Ecclesie Paduane, cum nullus alius preter supradictos Dominos Angelum et Gerardinum de eodem Capitulo essent in sacris ordinibus constituti. Idem Rdus Pater Dominus Raimundus Episcopus Paduanus auctoritate ordinaria et omni modo, jure et forma, quibus melius et efficacius potuit jam dictum Monasteriolum S. Marie de Alto Montis Silicis eidem Dno Episcopo immediate subjectum cum juribus et pertinentiis suis quibuscumque donavit et subjecit supradicto Monasterio S. Marie Montis Crucum. Ita ut amodo et de cetero in perpetuum dictum Monasteriolum S. Marie de Alto Montis Silicis, cum dictis ejus juribus ad dictum Monasterium Montis Crucum pertinere dicatur, et in perti

nentiis ipsius Monasterii Montis Crucum includatur et computetur, ejusque naturam et normam assumat et servet consuetudines et statuta et ejus privilegiis gaudeat. Et Fratres, qui in eodem Monasterio Montis Crucum pro tempore fuerint, fructus, redditus et proventus ejusdem Monasterii et loci S. Marie de Alto Montis Silicis tanquam proprios exigere debeant et habere, ut inde substentari valeant, et incumbentia onera supportare. In quorum etc.

Acta fuerunt hæc Padue in Episcopali Palatio in Stuffa dicti Dni Episcopi Paduani, anno, indictione, die et mense, quibus supra, presentibus etc.

Omissis.

Ego Vivianus Notarius etc.

In Christi nomine amen. Anno a Nativitate ejusdem 1383, Indict. 6, die martis 17 mensis Februarii. Rdus in Xpto Pater D. D. Raimundus Dei et Apostolice Sedis gratia Episcopus Paduanus humili et devota narratione exposuit quemadmodum ipse, cum Monasterium S. Marie Montis Crucum sue Paduane Diocesis eidem Domino Episcopo immediate subjectum esset in spiritualibus totaliter, et in temporalibus multipliciter desolatum, destitutum et collapsum, omnisque esset in eo dissoluta religio, affectans et intendens ad honorem Dei, et pro anime sue salute Monasterium ipsum, expensis propriis et sumptibus reformari, et ad statum regularem reducere. Et superinde considerans ac fama et magistra rerum experientia docente plene cognoscens vite integritatem, conversationis honestatem et observantiam regularem, ac humilitatem, unitatem, caritatem et devotionem Deo auctore vigentes in religiosis ac sancte et commendabilis vite viris Priore, Fratribus et Eremitis loci et ordinis sancte Camaldulensis eremi Aretine Diecesis ad eosdem Priorem, Fratres et Eremitas sue mentis intuitum Domino inspirante convertat. Et super inde Monasterium ipsum S. Marie Montis Crucum cum juribus et pertinentiis suis eidem Sancte Camaldulensi Eremo et ordini supradictis annectere, applicare, unire, incorporare, subjicere et donare plenissima deliberatione decreverat. Quapropter idem Dominus Episcopus Paduanus ex incumbenti sibi pastoralis officii debito, ex tunc animadvertens hujusmodi subjectionem, incorporationem et donationem ad loci reformationem, Religionis fundamentum, devotionis incrementum et Dei servitium aspirare. De expresso consensu, consilio, beneplacito et voluntate venerabilium virorum Dominorum Angeli de Castillione Aretini juris utriusque Doctoris Archipresbyteri, et Canonici, et Gerardini Canonici amborum in sacris ordinibus constitutorum, ac Joannis de Henselininis, Ludovici et Francisci de Buzzacarinis, Mimi de

Senis, Philippi de Mediolano et Guillielmi de Phigiaco omnium Canonicorum Ecclesie Paduane facientium, nulli alii Canonici ejusdem Ecclesie, preter predictos Dominos Angelum et Gerardinum essent in sacris ordinibus constituti, et representantium totum Capitulum dicte Ecclesie Paduane constitutorum in presentia ejusdem Domini Episcopi specialiter ad hanc causam, ac etiam de beneplacito' et consensu ven. et religiosi viri Dni Fratris Pauli Abbatis S. Michaelis de Murano ordinis antedicti tanquam procuratoris et sindici ac procuratorio et sindicario nomine dictorum dominorum Prioris dicte Camaldulensis Eremi et ejusdem ordinis generalis, ac Fratrum Eremitarum Capituli et Conventus dicte sancte Camaldulensis Eremi ad hoc per eosdem specialiter deputati ibidem presentis ac dictis nominibus hujusmodi annectionem, applicationem, incorporationem, subjectionem, unionem et donationem, quia hac humili et devota intentione volentis, stipulantis, acceptantis et recipientis vigore et auctoritate mandati in hac parte eosdem dominos Priorem generalem, et Fratres Eremitas ac Capitulum et Conventum dicte Camaldulensis Eremi sibi facti, ut de mandato hujusmodi constat publico instrumento scripto sub signo et nomine Leonardi de Castellione Cantio Notarii publici in 1383, Indict. 6, die 27 mensis Januarii, viso et lecto per me Notarium infrascriptum, ac omni modo, jure et forma, quibus melius et efficacius potuit Christi nomine invocato ac B. Marie semper Virginis Matris ejus, sub cujus vocabulo dictum Monasterium est fundatum ipsum Monasterium S. Marie Montis Crucum dicte Paduane Diecesis, cum omnibus et singulis terris, vineis, pratis, nemoribus, possessionibus, domibus, casamentis et bonis quibusvis mobilibus et immobilibus, ac juribus tam spiritualibus quam temporalibus et pertinentiis universis ad ipsum Monasterium S. Marie Montis Crucum spectantibus et pertinentibus, quoquomodo supradicte sancte Eremo Camaldulensi, ac ejusdem Camaldulensis Eremi Prioris, fratribus et Eremitis presentibus et futuris commisit irrevocabiliter et in perpetuum ac subjecit, univit, incorporavit, annexuit et donavit, ac in jus et in proprietatem dicte sancte Camaldulensis Eremi convertit et transtulit; et etiam omnia jura episcopalia tam legis Diocesane, quam jurisdictionis remisit et donavit, et plene et libere ab omnibus juribus episcopalibus exemit et liberavit, intendens, quod in futurum naturam sortiatur dicte sancte Eremi Camaldulensis, cui ipsum univit, incorporavit et donavit, abdicando omnia et singula jura episcopalia, salvis tamen pactis, conditionibus, et reservationibus, que sequuntur videlicet. In primis, quod in ipso Monasterio Montis Crucum tot fratres Eremitæ dicti Camaldulensis Ordinis teneantur continue et esse debeant, quod in illo secundum facultates reddituum ipsius Monasterii potuerint commode substentari. De quorum numero fratrum et eremitarum tenendorum ibidem idem Dominus Episco

pus tam Domini Prioris dicte Camaldulensis Eremi, ejusdemque Ordinis generalis, quam fratrum eremitarum ipsius Eremi et Ordinis Camaldulensis conscientias oneravit. Item quod Prior et fratres hujusmodi, qui pro tempore fuerint in eodem Monasterio Montis Crueum vivere debeant sub observantia vite eremitice et regule dicte sancte Camaldulensis Eremi et secundum laudabiles ordinationes et constitutiones ejusdem, que in eadem Eremo presentialiter observantur, et in posterum observabuntur per Priorem et Eremitas predictos. Item quod Prior dicti Monasterii Montis Crucum manualis et temporaneus esse debeat, et non perpetuus instituendus et removendus per Dominum Priorem dicte Eremi Camaldulensis, ejusdemque Ordinis generalem, dicteque Eremi eremitas, secundum observantias suas in similibus consuetas. Item reservavit sibi idem Dominus Episcopus Paduanus ad vitam dumtaxat usufructum habitationum tam factarum, quam fiendarum per eum extra sectam ejusdem contigue versus meridiem, et Canale, volens et intendens, quod post ejus obitum tam habitationes ipse, quam usufructus earum ad ipsum Monasterium devolvatur, et transeat pleno jure. Item voluit, quod Prior et fratres eremite, qui pro tempore. fuerint in Monasterio supradicto teneantur, et debeant dictum Dominum Episcopum cum sua honesta familia introducere, intromittere sive recipere intra sectam Monasterii, et quamlibet ejus partem, quandocumque et quotiescumque dicto Domino Episcopo videbitur placebit, et presertim cum divina officia celebrantur diurna pariter et nocturna. Item demum voluit idem Dominus. Episcopus et mandavit, ut Fratres et Eremite, qui in eodem Monasterio pro tempore fuerint, omnibus et singulis annis in perpetuum in festivitatibus Nativitatis D. N. J. C. ac Passionis, Resurrectionis et Assensionis ejusdem, nec non in festivitatibus B. Marie Virginis gloriose Missam conventualem pro ejus anima debeant celebrare, et alias de codem Rdo Patre Dno Raimundo in orationibus suis tanquam de Benefactore suo mentionem facere specialem. Quibus omnibus sic peractis, ut premissum est, suprascriptus Dominus Frater Paulus Abbas Monasterii de MuriaBo etc humiliter acceptans et devote recipiens etc.

Ego Vivianus Not.

Omissis.