dartzu schicken vnd das besehen lassen sollen. Erfindt sich dan, das dem obgenannten vnserm gnädigisten herrn dem cardinal vnd bischoue zu Augspurg oder den seinen durch irn grund vnd bodem gegraben wäre, so sollen sie das nach erber lewt erkantnus, der sy sich darumb verainen sollen, abtragen ongeuarlichen.

Auch von der laden wegen des gotzhaws zu sant Petern am Berlach gelegen sprechen wir, mügen dieselben las den, so in die egenanten von Augspurg darfür gegeben haben, souil zinss ertragen, als die vorigen laden, das es dan darbey beleiben solle.

Denne des zins halben der viervndtzwantzig schilling, so dem egemelten gotzhauss gegeben werden sollten, darumb dan ain brieue vorhanden soll sein, dartzu aber die mer genanten von Augspurg geantwurt haben, das sy nicht erfarn künnen, das solcher zinssé bei irn zeitten nye geuordert noch gegeben worden sey, sprechen wir, das sich die egenanten von Augspurg darumb erfarn sollen, vnd setzen das zu irh gewissen.

Mer von des prugkzolls wegen, darfür man genss gegeben hat, darbey soll es alls noch beleiben nach inhalltung der stat buch, vnd den von des zols wegen, der dem obgenanten vnserm gnädigisten herrn dem cardinal vnd dem gestifft zugehört, sprechen wir, das man den auch geben vnd nemen soll nach inhaltung des buchs.

i

Vnd denn füro der andern stuck halben, so dan baid egemelt partheien ausserhalb der egemelten Commission wilkürlich, wie vorgeschriben stat, auch auf vns kommen vnd gegangen sind,

Des ersten, als die egedachten burgermaister ratte vnd bürger gemainlichen der stat zu Augspurg vermainen, das in vnd den in der egemelt vaser gnädigister herr der cardinal vnd bischoue zu Augspurg vnd seiner gnaden nachkommen als bey vier tawsent guldin schuldig sey, so dan bischof Friderich loblicher gedachtnus gemacht hab, darwider aber der obgenant vnser gnädigister herr der cardinal vnd bischoue zu Augsburg vermaint, das sein gnað der nicht schuldig zu betzaln 'sey, sprechen wir, wolten die egenanten von Augspurg oder die irn den obgenanten vn

sern gnädigisten herrn den cardinall vid bischoué zu Augsburg oder seiner gnaden nackommen vorderung nicht vertragen, so sollen sie sich gleichér pillicher recht darumb verainen.

Auch von der gemaind wegen in der Sinkalten, bey Menchingen gelegen vermainen die egemelten von Augspurg, das sy macht haben, darjnn zu vischen, darwider aber der obgenant vnser gnadigister herr cardinal vnd bischoue zu Augspurg vnd das capitel der hohen gestift daselbst vermainen, das solichs der egemelten von Menchingen gemaind sei, vnd das sy darjn ze vischen nicht macht haben sollen, sprechen wir, ob sich baid egemelt partheien guetlichen darumb betragen mügen, dass es alsdann darbei beleiben solle, mocht aber solichs nit gesein, das sy sich dann ains gemainen mit gleichen zusatze darumb verainen, vnd das sy der sachen baidenthalben vor den zu endtlichen austrag komen sollen.

Füro von des wildtspans wegen sprechen wir, das dem obgenanten vnserm gnädigisten herrn dem cardinal vnd bischoue zu Augsburg vnd seiner gnaden nachkomen der wildspan nach laut irer kayserlichen vnd küniglichen brieue vnd freyhait darüber sagend beleiben vnd ir sein soll, doch nach dem vnd vorhere den vorgenanten von Augspurg vnd den irn zu jagen vnd ander waidwerkh zu treiben zwischen dem Lech vnd der Wertach an etlichen enden nicht gewert worden ist, das denne der vorgenant vnser gnädigister herr der cardinall vnd seiner gnaden nachkomen den obgenanten von Augspurg iru bürgern vnd irn nachkomen allso noch vergönnen vnd sy an solichem jagen vnd waidwerck ze treiben fürohin auch nicht irren, noch in das weren sollen, noch ir gnaden amptleut zuthonn gestatten, zu Mechingen anzufahen, zwischen der egenanten zwaier wasser herab bis das sy inainander fliessen. Ob aber das were, das in dem obgeschriben krayse yemand herde machen vnd krämatvögel fahen wöllte, der ain markt vogler were vnd die kramatvögel zu vailem kauf verkauffen wurde oder wollte, dieselbigen sollen ir kramatvogelherde von ainem yetlichen bischof zu Augspurg oder seiner gnaden anwalt, dem das empfohlen ist, besteen vnd mit irm erlaubnusse voglen.

Vnd darauf so sollen die ladung vnd gerichte, so danne der sachenhalb in dem kaiserlichen houe yetzo hangend, absein, alles getrewlich vnd ongeuarlich etc.

Die beschließung des spruchs beschah vnd ist auch der brief geben am donrstag dem achtenden vnfers lieben Herrn fronleich. namstag des jars alls man zallt nach Christi vnsers lieben Herrn gepurt vierzehnhundert vnd darnach in dem sechsvndfünfftzigi. ften jarn. (S. Mon, boic. 34. 1. S. 478 ff.)