sub obedientia generalis Ministri prefati Ordinis Minorum existentia. Unde Generalis et fr. Alfonsus Zamoren. prefati a nobis de oportuno super hoc remedio supplicarunt.

Nos igitur attendentes quod, si premissa nobis fuissent exposita, nunquam Fratribus ipsis de Observantia talem concessionem fecissemus (1), cupientes paci et tranquillitati ipsorum Fratrum prospicere, huiusmodi supplicationibus inclinati fraternitati tue expresse precipiendo committimus et mandamus, quatenus sub penis et censuris ecclesiasticis et aliis iuris remediis conventum et loca predicta ac Fratres sub obedientia generalis Ministri Ordinis Min. existentes conserves et manuteneas, ac ad illa cum predictis fratribus Minor. conservandum et manutendum, donec aliter desuper statuerimus, dilectum filium nobilem virum ducem Mutinensem nostro nomine stricte requiras et, ut sic fiat, omni oportuno remedio, via et modo procures et efficias; non obstantibus quibusvis litteris et facultate dictis de Observantia Fratribus desuper concessis et illis Vicario ultramontano decimo halendas decembris presentis anni cum clausula motu proprio commissis, quas interim, quousque re bene intellecta aliter desuper provideamus, suspendimus. Ceterisque in contrarium facientibus non obstantibus quibuscumque.

Datum Rome apud S. Petrum sub annulo Piscatoris, die xx decembris, pontif. nostri anno decimo.

Mittimus tibi supplicationem presentibus introclusam, manu venerabilis fr. A(rdicini) (2), episcopi Alerien., referendarii nostri domestici, in presentia nostra signatam. Volumus igitur et tibi committimus et mandamus ut, vocatis vocandis, ad illius executionem procedas iuxta eius signaturam.

Datum Rome apud S. Petrum sub annulo Piscatoris, die xx ianuarii, pontif. nostri anno duodecimo.

Originale.

XI, 31.
(Continuabitur).

L. Grifus.

FRANCISCUS PENNACCHI.

(1) Desiderantur hae litterae concessionis alteraeque in fine memoratae. (2) De Porta, 1475, creatus cardinalis 1489, 1493: Eubel, Hier., II1, 21, 95.

CODICOGRAPHIA

INDEX REGESTORUM FAMILIAE ULTRAMONTANAE

(Saec. XVI et XVII)

Omnibus qui studio historiae Minoriticae Religionis vel perfuncto-
riam operam dederunt, plane perspicuum est, Ordinem nostrum a sae-
culo XV, et quidem definitive solemniterque vi bullae Leonis X Ite
et vòs, Unionis vocatae, anni 1517, duplicem in familiam distinctum
fuisse, Cismontanam nempe et Ultramontanam. Haec quidem nomina,
etsi fuerunt olim correlativa, ideoque non modicam confusionem gene-
rantia scriptorum nostratum patriam ignorantibus, hodie tamen eo-
rumdem significatio fixa habetur: idcirco per primum regiones linguae
italicae designantur simulque Austria et Polonia cum Oriente: per al-
terum vero Anglia, Germania aliaeque nationes Europae Septentrio-
nalis, Gallia insuper, Hispania et Lusitania, comprehensis quoque ha-
rum duarum ditionibus sive in America sive in India Extremoque
Oriente.

Utraque Familia pro negotiis propriis gerendis in Curia Romana
suum habuit Procuratorem deputatum, qui documenta et rerum gesta-
rum notitias, quae suae parti utilitatis esse possent, in tabulario re-
ponere studebat: attamen archiva duplicis Familiae tantummodo sae-
culo XVI ineunte divisa inveniuntur.

Archivum amplissimum Curiae Cismontanae, totaliter quidem de-
perditum non est, ut credebatur, sed pars quae restat extra Ordinem
conservatur, innacessibilis nunc studiosis; verumtamen spes non modica
nutritur ut quae tradita in custodiam agnoscuntur, vel in proximum
Ordini restituantur vel saltem ipsi ad consulendum praesto sint.

Archivum vero Curiae sive Familiae Ultramontanae, ab anno 1884
in conventu SS. Quadraginta Martyrum in Urbe (1) fideliter servatum,
scriptoribus nostratibus saeculi XVII et etiam XVIII, praesertim
summo Ordinis chronologo fratri Lucae Waddingo, valde familiare

(1) Quo recessit Curia generalitia in fine a. 1885, cf. Acta Ord. Min., V, 1886, 4.

fuit, utpote qui plurimis eiusdem scrinii documentis in suis operibus
usi sunt, et adhuc pro historia Ordinis in praedictis regionibus ultra-
montanis est fons principalis, si Archivum Vaticanum excludamus.
Etsi enim plura instrumenta ex illo desumpta, in chronicis generalibus
Ordinis sint evulgata, maior tamen pars documentorum inedita rema-
net, nec pauca inveniuntur ex citatione tantum imperfecte cognita,
quae si diligenter riteque ederentur, non parva utilitas historiae
generali Ordinis eo ipso proveniret, maximum autem emolumentum
litterarium Provinciis ultramontanis conferretur. Hinc opportunitas
exurgit ut quamprimum saltem index rerum ibi contentarum ante stu-
diosorum oculos ponatur, ut unaquaeque Provincia illico videat quae-
nam elementa adhuc incognita existant ad propriae historiae recon-
structionem convenientia; quae utilitas ex alio quoque capite probata
apparet.

Ob diversas translationes quas occasione rei publicae turbatae,
saeculo praeterito, Archivum Ultramontanae Familiae expertum est,
plures actorum libri, antiquiores praesertim, lamentabile detrimentum
sunt pássi, et aliqui, pro dolor! disparuerunt, quorum contenta ex uno
generali indicum volumine, in statu tamen pessimo hodie redacto, co-
gnoscere licet. Iamvero, nemo est qui non videat, quantum celeri in-
vestigationi necnon codicum conservationi consulitur per indices typis
editos, in quibus lector statim perspicit an existat necne in manu-
scripto, quod desiderat, et in priori casu, quonam in folio contineatur;
relate vero ad regesta deperdita, de quibus sermonem supra fecimus,
certe esset damnum irreparabile, si superveniente alia rerum publica-
rum perturbatione, etiam unicus eorumdem index periret, cui periculo
providendum est per sollicitam editionem.

Hoc est autem quod nunc facere intendimus, laborem tamen no-
strum circumscribentes in regestis saec. XVI et XVII Familiae Ul-
tramontanae, reliqua et ea quae ad Excalceatorum et Recollectorum
pertinent in posterum completuri, si tempora otium et opportunitatem
praestaverint.

Omnia fere volumina Familiae Ultramontanae suum indicem affe-
runt; pro illis autem in quibus desideratur, vel etsi adest, imperfectis-
simus apparet, utilissimum supplementum praesto est in Indice Ge-
nerali voluminum, quem iam citavimus, incoepto a P. Francisco Ber-
trana, olim Secretario Generali eiusdem Curiae, qui eumdem ad suum
usque tempus perduxit, magno atque indefesso labore, ideoque a suc-
cessore in officio meruit summis laudibus extolli, uti legitur in nota
apposita titulo libri, qui talis est.

Index omnium rerum quae in omnibus regestis originalibus nostrae
Curiae Romanae pro Ultramontana Familia continentur, a Reverendo
P. F. Francisco Bertrana, Provin[ciae Catalau]niae alumno et conventus

Sanctae [Mariae a] Iesu Barchinone praedicatore, necnon in [Roma]na
Curia Secretario Generali fideliter co[nfectum] jussu Rdi. admodum Pa-
tris fratris Iosephi [a Copons] Lectoris Sacri Palatii, Sanctae Inquisi-
tionis in [Hispania Qualificatoris et Provinciae Catalauniae Patris Ex-
Provincialis, necnon in hac Romana Curia Commissarii Generalis. Anno
Dominicae Incarnationis 1673.

Iuxta hunc indicum catalogum, continuatum usque ad 1729, ade-
rant hoc anno in praedicto Archivo Familiae Ultramontanae sequentia
volumina, quorum septem priora, numerationem antiquam conservarunt:
Registrum Ium: ab anno 1501 usque ad 1591.

11um: : a 1593 ad 1623.

IIIum: a 1623 ad 1634.
IVum: a 1634 ad 1643.

Vum: a 1643 ad 1648.
VIum: a 1648 ad 1654.
VIIum: a 1654 ad 1666.

VIIIum: a 1666 ad 1674 (deperditum).

IXum: a 1674 ad 1682 (hodie n. XI).
Xum: a 1682 ad 1688 (deperditum).

XIum: a 1688 ad 1691 (deperditum).

XIIum: a 1691 ad 1693 (hodie n. XIII) (1).

XIII: a 1693 ad 1695 (hodie n. XIV).

XIVum (I1 pars): a 1695 ad 1697 (deperditum).

XIVum (II pars): a 1697 ad 1700 (hodie n. XV).

XVum: a 1700 ad 1701 (hodie n. XVI).

XVum (scripturarum): a 1700 ad 1707 (hodie n. XVII).

XVIum: a 1707 ad 1722 (deperditum).

In volumine praedicto sequuntur hi indices aliorum regestorum
eiusdem Familiae:

Index omnium quae in Appendice ad XI Reg. Curiae Ultram. ab
anno 1688 usque ad (1691?) (Reg. deperditum).

Index omnium quae cont. in tomo 1o Appendicis ad XVI Reg. Cur.
Ultram. ab a. 1707 usque ad 1722 (hodie n. XVIII).

Index omnium quae cont. in t. II° App. ad XVI Reg. Cur. Ultram.
(hodie n. XIX).

Index omn. quae cont. in Appendice ad XVIII Reg. Cur. Ultram.
ab a. 1723 usque ad 1726 (hodie n. XXI).

Index omn. quae cont. in App. ad XIX Reg. Cur. Ultram. ab a. 1727
ad 1729 (deperditum).

Manuductio atque consiliativae Monitiones experientia partae per
adm. R. P. fratrem Angelum de Zeuallos, Procuratorem Generalem Or-
dinis, pro exercicio muneris Procuratorum et Commissariorum Ultramon-

(1) Hodie numerum XIIum affert quaedam collectio documentorum ad
quaestionem de alternativa Prov. Limae et Las Charcas, a. 1682, pertinentium.

-

-

tanorum in Romana Curia, annotatae quinta die Iunii anni 1682.
Fol. 16 (originalis): « Incipiunt consulta R. P. Arroyo facta, qui Ca-
stillae erat ». Fol. 89 (absque titulo): « Tempore P. Hieronymi de Sosa,
Provinciae Castellae ». Fol. 102: < Incipiunt informationes factae tem-
pore A. R. P. fratris Ioannis Perez Lopez, Procuratoris Generalis Or-
dinis, instituti die 22 Maii 1691. Fol. 146: « Incipiunt informationes
factae tempore R. A. P. fratris Antonii de Ledesma, Procuratoris Ge-
neralis Ordinis (Textus desideratur).

-

Index omnium quae continentur in tomo n. 32 a. 1655.
Reg. Cur.
Ultram., tempore R. P. fratris Francisci Bertrana, Secretarii. (Est col-
lectio decretorum et aliorum instrumentorum typis mandatorum, hodie
n. IX signata).

Index omnium quae continentur in II tomo Reg. 33 pro Ultram.
Familia, tempore R. P. fratris Francisci Bertrana, Secretarii, anno 1655
(deperditum).

Tractatus de aliquibus martyribus et Sanctorum Ordinis....

Index omnium quae in Reg. 35° littera H continentur, et cura R. P.
fratris Francisci Bertrana, Secretarii Generalis Cur. Ultram. exaratae
fuerunt 1655 (hodie n. VIII).

In Archivo Familiae Ultramontanae, post praedicta regesta, se-
quentia veniunt, seriem actorum continuantia usque ad annum 1827.
N. 22. Reg. Parvum Curiae, ab a. 1733 usque ad 1744.
N. 23. Reg. XX, pars III et IV: ab a. 1735 ad 1740.
N. 24. Reg. XXI: ab a. 1740 ad 1750.
N. 25. Reg. XXIII: ab a. 1750 ad 1762.
N. 26. Reg. XXIV: ab a. 1762 ad 1764.
N. 27. Reg. XXV: ab a. 1764 ad 1769.
N. 28. Reg. XXVI: ab a. 1769 ad 1790
N. 29. Reg. XXVII: ab a. 1790 ad 1792.
N. 30. Reg.: ab a. 1798 ad 1806.

N. 31. Reg. ab a. 1815 ad 1827.

Tandem sequuntur regesta sive Archivum Excalceatorum Recol-
lectorumque, et plurima alia manuscripta in quorum descriptione im-
praesentiarum nobis non interest cunctari.

Indicem rerum omnium saeculi XVI et XVII ex regestis Fami-
liae Ultramontanae daturi, lectores volumus esse monitos, nos antiquum
ordinem supradictorum regestorum omnino sequi, et relate ad scriptio-
nem, ipsi textui ad finem librorum existenti, fideliter, quantum pos-
sibile fuit, inhaerere. Si vero agatur de regestis quae in Archivo de-
siderantur, vel etsi adsunt, mutila tamen et corrupta habentur, ad in-
dices generales confugimus vel ex integralibus documentis indicem
eorumdem complevimus. Insuper in bullis et aliis diplomatibus ipsorum
datam adiunximus, ad calcem praeterea declarantes scriptores qui eadem
documenta ediderunt vel quos de ipsis sermonem fecisse invenimus, hos
quoque auctores corrigentes si in chronologia minus recte scripsisse
probantur. Alia notatu digna suis in locis exprimere curabimus.