Imágenes de páginas
PDF
EPUB

Antonio Guidi Fomagioli, porte Heburnee, civibus perusinis, honorabilibus Camerariis et superstitibus electis super expendio ducentorum florenorum pro cera et banderia seu gomfalone pro processione fienda de canonizatione s. Berardini, florenos ducentos, ad rationem xxxvi bolonenorum pro floreno, cum sic sit obtemptum inter nos ad bussolam et fabas albas et nigras secundum formam statutorum et ordinamentorum comunis Perusii, vigore legis edite per m. dd. Priores et Camerarios sub presenti millesimo et mense iunii manu infrascripti nostri notarii.

Ex palatio nostre solite residentie, sub dicto millesimo, die xxv iunii.
Ann. Dec. 1450, f. 73v.

24.

Processio in honorem s. Bernardini.

1450, 28 iunii..

A dì 28 de giugno [1450] per la canonizazione de santo Berardino fu fatta qui una bella e divota processione: et prima li Disciplinati delle Fraternite, e poi tutti li Ordini de' Frate, li quali tutti haveno le candele. Anco ce andò Monsignore e li Priori, li quali ebbero le facole de libre 4 l'una, e li Camorlenghi de libre 3; et andarce de molti citadini, e donne e picoli e grande, tutti con le candele in mano a loro spese. Et partirono da s. Lorenzo et andarono per fina a s. Francesco, dore li si fece uno notevole e bello offizio. Et el Comuno nostro ce spese in la cera fiorini 200. Et fu fatto uno pennone de taftà, nel quale ce fu pento santo Berardino; et quello se porta in processione. Et fu ordinato che la festa de dicto santo Berardino se debia fare a dì 20 de maggio e che tutta la cera che se porterà, lassarla.

Graziani, 1. c. p. 626-7.

25.

Ordinamentum super deputatione
loci s. Berardini.

1451, 19 martii.

Eodem die [XVIIII mensis martii]. In primis quod in omni republica bene iusteque instituta et ordinata illud memoriter tenendum est et observandum quod apud maiores sepe numero factitatum, ut pro meritis hominum decus, honor et insingnia in virtutum memoriam traderentur, tanto magis ea que spectant et respiciunt ad honorem et gloriam omnipotentis Dey et ad salutem animarum. Cum itaque recolenda memoria (sic) s. Berardinus, optimus predicator, dum esset in civitate Perusii per suas predicationes et do[c]trinam civitatem ipsam et populum perusinum a multis vitiis et pechatis extraxit et liberavit; numquid ergo videtur placeret eundem s. Berardinum honorandum et decorandum ad ipsius memoriam perpetuam? Et dd. Priores etc. statuerunt, quod fiat quedam capella cum altare ad honorem prefati s. Berardini, in qua debeat divinum offitium celebrari ad suy reverentiam, memoriam et honorem. Et quod presentes magnifici Priores habeant arbitrium ple

nissimum et liberam potestatem una cum tribus Camerariis et uno cive de principalibus civitatis Perusi per eos eligendis pro qualibet porta, ad deputandum locum in quo debeat fieri dicta capella et ubi eisdem comode et utilius videbitur pro dicta capella seu representatione, nec non habeant arbitrium expendendi pro dicta capella florenos trescentum, ad rationem XXXVI [bolonenorum] pro quolibet floreno, non expendendo de subsidio 1451 sed de aliis vero tantum possent expendere; hoc intellecto quod ottineatur et optineri debeat inter dictos m. d. Priores et Camerarios et cives per eos ut supra eligendos per viginti fabas albas, aliquo non obstante.

Ann. Dec. 1451, f. 34v.

Electio camerariorum et civium ad deputandum lochum pro capella s. Berardini.

Die XVIII mensis martii. Convenientes ad invicem magnifici dd. Priores omnes decem existentes in dicta audientia ante capellam palatii eorum solite residentie, habentes auctoritatem, potestatem et bayliam a collegio Camerariorum artium civitatis Perusii eligendi et deputandi tres Camerarios et unum civem de principalibus pro qualibet porta, ad deputandum locum in quo debeat fieri capellam (sic) s. Berardini et expendendo pechuniam iam obtemtam, videlicet trescentum florenos, ad rationem XXXVI bolognenorum pro quolibet floreno, non expendendo pechuniam subsidii 1451, volentes circha electionem predictorum Camerariorum utiliter providere singula singulis referendo omni meliori modo, via, iure et forma quibus magis et melius potuerunt, devenerunt ad [e]lectionem et nominationem, eligerunt, vochaverunt et nominaverunt, videlicet infrascriptos: Orlandum Tomassi, Antonium Tanci, Lucham Patrigniani, Baldassarem civem, Camerarios porte s. Angeli; Galiazum d. Bobii, Bartolomeum Andree, Merchiorem Gori, Pandolfum Nelli civem, Camerarios porte s. Petri; Angelum Paulutii, Andream ser Larii, Iohannem Gostanzi, Nicholaum Tomassi civem, Camerarios porte Solis; Andream Iacobi Sciri, Iohannem Iacobi, Bartolomeum ser Petri, Felicem Mathey civem, Camerarios porte s. Subxanne; d. Bonchambium Iohannis, Bartolomeum Angeli, Iohannem Francisci, Rodolfum Fabritii civem, Camerarios porte Heburnee.

Ann. Dec. 1451, f. 35r.

26.

Deputatio capelle s. Berardini.

1451, 22 martii. Eodem die [XXII martii]. Supradicti magnifici d. Priores omnes decem presentes collegialiter existentes in audientia ante capellam palatii eorum solite residentie, Camerarii et cives supra nominati numero viginti novem, absente Felice Mathey Francisci porte s. Subxanne eorum sotio et collega, scientes et notitiam habentes vigore supradicte legis habere arbitrium, potestatem et balyam a collegio Camerariorum, prout

patet manu mey notarii, ad eligendum locum pro capella fienda ad perpetuam memoriam s. Berardini; cum gloriosus Deus sua pietate nostris temporibus Italiam [per] servum suum s. Berardinum de Senis Ordinis Minorum illuminare digniatus sit sacris salutaribus monitis et do[c]trinis, presertim populum hunc perusinorum, cuy sepissime verbum vite predicavit et sic populus ipse perusinus, qui sedebat in tenebris peccatorum, visitatus a prefato Dey servo et conversus vidit lucem mangniam, quem tanta caritate et animi ardore sanctus ille pater diligebat, ut persepe in suis predicationibus dicere solebat apostolicum illud: Filioli mey, quos iterum parturio donec in vobis formetur Christus (1), dumque in aliis civitatibus predicaret Perusinos filios suos nominare solebat (2), conatus est hic extinguere vitia, virtutesque plantare; cum igitur anno superiori in Sanctorum catalogo ipse Sanctus, qui vitam suam ad honorem Dey et animarum salutem consumavit, canonice ascriptus sit, congruum dingnumque visum est ut a suis dilectis filiis pius pater pro singulari benefactore, protectore ac apud pium et misericordem Deum intercessore nominatus sit et habitus ac ut decet exaltatus. Propter quod matura sumpta deliberatione, exibitis pluribus et diversis consiliis inter eos et misso partito ad bussolam et fabas albas et nigras, mictentes et restituentes in eorum bussolam viginti fabas albas del sic, non obstantibus novem fabis nigris in contrarium repertis etc. eligerunt, deputaverunt, declaraverunt et determinaverunt quod apud ecclesiam s. Laurentii, chadredalem perusinam, in capite platee perusine sitam, ubi predicando populum hunc ad vitam Dey reduxit, construatur et edificetur ac edificari debeat dicta capella cum altare in ea existente, ad perpetuam memoriam et reverentiam dicti s. Berardini, aliquo non obstante.

27.

Ann. Dec. 1451, f. 35v.

Bollectinus de 111 floren. pro capella s. Berardini in s. Laurentio.

1451, 26 aprilis.

Tenore presentium precipimus et mandamus vobis Antonio Penini civi nostro, depositario pechuniarum comunis Perusii, quatenus viso presenti nostro bollectino, detis et solvatis aut solvi et dare faciatis infrascriptis spectabilibus civibus nostris, videlicet: Baldassari Cherubini, Ridolfo Fabritii, Pandolfo Nelli, Nicholao Tomassi, Felici Mathei Francisci, per nos electis et deputatis super edifichatione et co[n]structione capelle s. Berardini in ecclesia s. Laurentii nuper deputate maioris ecclesie catredalis (sic), florenos trescentum ad rationem XXXVI bolognenorum pro quolibet floreno, non expendendo de subsidio presentis

(1) Gal. IV, 19, cum transpositione.

(2) Ute. g. in praedicatione a Sancto habita Senis a. 1427 (cf. Le prediche volgari cit., t. I. 97, 319 s.; t. t. III, 497).

anni 1451, vigore legis super hoc condite per d. Priores et Camerarios artium manu nostri notarii infrascripti sub presenti millesimo et die XXII mensis martii, cum sit inter nos solempniter obtentum ad bussolam et fabas albas et nigras secundum formam statutorum et ordinamentorum comunis Perusii, aliquibus in contrarium facientibus non obstantibus. Datum in palatio nostre solite residentie, die XXVI aprilis 1451. Ann. Dec. 1451, f. 43v.

28.

Ordinamentum quod erogentur CL floren. pro capella s. Bernardini, que erigitur ad ecclesiam s. Francisci.

1451, 3 maii.

Cum pro parte Guardiani et Fratrum capituli et conventus ecclesie s. Francisci de Perusio fuerit coram ipsis dd. Prioribus et Camerariis humiliter supplicatum quod, cum ipsi intendant quandam capeHam noviter erigere iuxta dictam ecclesiam s. Francisci ob reverentiam beati confessoris s. Bernardini de Ordine beati Francisci noviter canonizati, quam superioribus diebus fundare inceperunt ex nonnullis elemosinis per quasdam devotas personas dicti s. Bernardini ob eius reverentiam impensis et erogatis, et totis licet conatibus ad ipsam capellam erigendam et complendam se exponant, ipsarum tamen elemosinarum hucusque impensarum non suppetant facultates; quare pro eorum parte fuit humiliter supplicatum ut comune Perusii super huiusmodi edificatione manus porrigeret adiutrices ut tam pium opus ad suum finem deduceretur; considerantesque prelibati magnifici dd. Priores et Camerarii devotionem multiplicemque fidem, quam in prelibatum gloriosum Sanctum civitas gerit propter miraculorum copiam divinitus impartitam et gratias innumeras a fidelibus obtentas: hac re proposita inter ipsos, prelibati m. d. Priores et Camerarii collegialiter et in unum ad consilium congregati in dicto loco, exibitis consiliis et matura deliberatione prehabita, et facto, posito et misso partito, videlicet die precedenti inter dictos d. Priores et solempniter obtento per omnes decem mittentes et restituentes eorum fabas albas del sic, nulla faba nigra in contrarium reperta, et. hodie misso inter dictos Camerarios numero quadragintaquinque et obtento per triginta octo mictentes et restituentes eorum fabas albas del sic, non obstantibus septem fabis nigris in contrarium repertis etc. providerunt, deliberaverunt, statuerunt et ordinaverunt quod erogetur amore Dey et ob reverentiam dicti gloriosi confessoris s. Bernardini dicte capelle noviter faciende et erigende apud dictam ecclesiam s. Francisci de porta s. Subxanne, pro co[n]structione et fabrica ipsius, quantitas centum quinquaginta florenorum ad rationem triginta sex bol. pro quolibet floreno, de quibuscumque pecuniis et introytibus ipsius Comunis tam presentibus quam futuris, excepto quod de denariis subsidii presentis anni MCCCCLI; et dicta quantitas expendatur et erogetur et extribuatur per quinque Camerarios de presenti collegio, unum videlicet pro qualibet porta, eligendos per presentes dominos Priores, qui sint et esse intelligantur offitiales superstites et

commissarii ad dictam quantitatem expendendam in co[n]structione predicta; non tamen per hoc preiudicando seu derogando electioni facte de certis aliis civibus et superstitibus iam per ipsos Fratres super huiusmodi fabrica et edificatione seu co[n]structione electis; qui cives sic electi in eorum comissione remaneant circha alias elemosinas erogatas et erogandas. Aliquibus in contrarium facientibus non obstantibus, quibus derogaverunt expresse.

29.

Ann. Dec. 1451, f. 50r.

Electio quinque Camerariorum super spendio
CL florenorum ut supra erogatorum.

1451, 3 maii.

Dicta die [III maii]. — Prelibati m. d. Priores existentes collegialiter congregati in dicta audientia ante capellam palatii eorum residentie omnes decem presentes et in concordia, volentes commissa exequi, ut tenentur, et devenire ad electionem dictorum quinque Camerariorum, unius videlicet pro qualibet porta, qui sint superstites offitiales et comissarii ad expendendum et erogandum dictam quantitatem centum quinquaginta florenorum ad rationem triginta sex bol. pro quolibet floreno deputatorum, hodierna die in Consilio Camerariorum pro fabrica et constructione capelle noviter erigende et construende apud ecclesiam s. Francisci porte s. Subxanne ad honorem et reverentiam s. Bernardini secundum arbitrium eis datum et atributum per Consilium ipsorum Camerariorum, elegerunt, vocaverunt et deputaverunt ad predicta infrascriptos quinque Camerarios, videlicet: Galeazzum d. Bobii de Ubaldis, consulem mercantie de porta s. Petri; Francischum Nicolay de nobilibus de Montemelino, auditorem cambii de porta Solis; Antonium Zantii, camerarium artis canestrariorum de porta s. Angeli; Salvutium ser Bartolomey, Camerarium artis pesciaiolorum de porta s. Subxanne; Bartolomeum Angeli, Camerarium artis magistrorum lapidum et lignaminis de porta Eburnea.

Ann. Dec. 1451, f. 50v.

Bullectenus de CL florenorum pro capella
s. Bernardini.

Priores artium civitatis Perusi. - Mandamus vobis Antonio Apennini depositario pecuniarum nostri Comunis quatenus visis presentibus de quibuscumque pecuniis dicti Comunis et de quibuscumque introytibus ipsi Comuni debitis vel debendis, excepto quod de pecuniis debitis et exactis seu debendis et exigendis de subsidio presentis anni MCCCCLI, detis et solvatis florenos centum quinquaginta ad rationem nonaginta soldorum pro quolibet floreno, celeberimis viris honorabilibus civibus nostris Galeazzo d. Bobii de Ubaldis, de posta s. Petri, Francischo Nicolay de nobilibus de Montemelino, de porta Solis, Antonio Zantii, de porta s. Angeli, Salvutio ser Bartolomey, de porta s. Subxanne, et Bar

« AnteriorContinuar »