tolomeo Angeli, de porta Eburnea, de numero et collegio presentium Camerariorum, offitialibus et superstitibus seu comissariis electis et deputatis super spendio dictorum centum quinquaginta florenorum pro co[n]structione et muralio capelle noviter faciende et iam incepte apud ecclesiam s. Francisci de porta s. Subxanne ob devotionem et reverentiam gloriosi confessoris s. Bernardini de Ordine b. Francisci, vigore legis edite in consilio Camerariorum sub hodierna die manu infrascripti notarii nostri, cum sit solempniter inter nos obtentum ad bussolam et fabas albas et nigras secundum formam statutorum per omnes decem. Datum in palatio nostre residentie, die III maii.

Imprimis quod, cum in anno proxime preterito et die... (1) maii (sic) fuerit in consilio Camerariorum solempniter reformatum quod de dicto mense in honorem et reverentiam gloriosi confessoris s. Bernardini tunc de dicto mense novissime canonizati et in cathalogo Sanctorum assumpti, fieret luminaria et processio solempnis per plateam comunis Perusii usque ad ecclesiam s. Francisci, expensis Comunis ob devotionem multiplicemque fidem populi perusini erga dictum gloriosum sanctum, ad recognoscendum benefitia multiplicesque gratias ab ipso glorioso sancto in eodem populo divinitus impartitas, qui dum fuit in humanis temporibus nostris, suis predicationibus et exortationibus ipsam civitatem perusinam et populum predictum reduxit de vitiis ad virtutes, ad bene honesteque vivendum, et etiam propter infinita miracula que cotidie operatur in patria, permaxime in devotionem et fidem deducta est: que processio et luminaria devote et solempniter facta extitit; et in presentiarum honestum, conveniens et congruum videatur ut ipsa processio et luminaria fiat eo modo ut melius et devotius fieri poterit ad prelibati gloriosi sancti honorem et reverentiam, ut ipse suis meritis ac sua pietate dignetur intercedere ante co[n]spectum omnipotentis Dey pro ipsa civitate nostra ac memorato populo perusino; idcircho prelibati dd. Priores et Camerarii existentes in dicto loco ad consilium congregati, factis, propositis exibitisque consiliis et matura deliberatione prehabita et facto, posito et misso partito ad bussolam et fabas albas et nigras secundum formam statutorum, die videlicet precedenti inter dictos d. Priores et solempniter obtento per omnes decem mittentes et restituentes eorum fabas albas del sic, non obstantibus quinque fabis nigris in contrarium repertis etc. deliberaverunt, statuerunt, ordinaverunt et reformaverunt quod in festo et solempnitate dicti gloriosi Sancti celebranda die vigesima astantis mensis maii fiat processio et luminaria

(1) Lacuna in orig. Lex condita fuit die 23 iunii (cf. doc. supra cit. sub n. 20).

solempnis ad eius honorem et reverentiam, ut melius et devotius fieri poterit, ad quam accedant processionaliter omnes religiosi et omnes officiales dicte civitatis, ut hactenus in aliis processionibus extitit consuetum et congregentur omnes in ecclesia s. Laurentii et apud ipsam ecclesiam, in qua celebratur missa solempnis apud altare erigendum ad honorem et reverentiam ipsius s. Bernardini, que missa illuminetur certis faculis accensis expensis comunis Perusii. Et demum ipsa missa celebrata, erogetur clericis venientibus ad ipsam processionem pro aluminando et honorando ipsam et etiam devotissimam ymaginem et figuram prelibati Sancti illa quantitas cere seu facularum et candelarum, que erogatur et prout et sicut fit et consuetum est fieri in festivitate b. Iohannis Batiste, que celebratur de mense iunii; que processio et luminaria recedat a dicta ecclesia s. Laurentii una cum offitialibus predictis et vadat per totam plateam et stratam porte s. Subxanne usque ad ecclesiam s. Francisci. Et quod omnes et singule facule d. Priorum et Camerariorum et aliorum offitialium, ipsa processione completa, dentur, erogentur et offerantur ac relapsentur ad ecclesiam s. Francisci, videlicet ad capellam, que noviter erigitur apud ipsam ecclesiam in honorem et reverentiam prelibati gloriosi s. Bernardini, pro fabrica dicte capelle. Et quod quinque Camerarii de presenti collegio Camerariorum iam electi sub die tertia presentis mensis ad expendendum quantitatem centum quinquaginta florenorum dicta die per consilium Camerariorum deputatorum pro dicta fabrica et habeant et habere intelligantur vigore presentis ordinamenti plenariam commissionem erogandi, tribuendi et expendendi in constructione et fabrica ipsius capelle pretium ex ipsa cera redigendum. Et predicta in presenti ordinamento contenta intelligantur et locum habeant et effectum sortiantur pro presenti anno tantum et non successive futuris temporibus. Aliquibus in contrarium facientibus non obstantibus, quibus derogaverunt expresse. Ann. Dec. 1451, f. 56r.

31.

Distributio cere pro luminaria b. Bernardini.

1451, 20 maii. Dicta die [xx maii]. Distributio cere seu facularum et candelarum erogandarum hoc mane venientibus ad processionem et luminariam fiendam ad honorem et reverentiam s. Bernardini secundum quod fit in luminaria et processione que fit in festivitate b. Iohannis de mense iunii, excepta cera que datur pro certis capellis, que in presenti processione et luminaria non datur nec erogatur, hoc est videlicet:

Dd. Prioribus, notario, cancellario et coadiutori, facule XIII, librarum LII; Potestati et barigello, facul. 11, lib. VIII; dd. Camerariis artium, facul. XLVIII, lib. CXLIIII; Conservatoribus, consultori, notariis et fancello, facul. VII, lib. XXI; Massariis, consultori, notariis et fancello, facul. vi, lib. xvIII; notariis super registris ordinariis, facul. II, lib. vi; notariis super registris subsidiorum, facul. II, lib. VI; capitaneis partis Ghelfe, consultori et notariis, facul. VII, lib. xXI; offitialibus massari

ritiarum, notario et fancello, facul. III, lib. XII; offitiali super muris, facul. I, lib. III; offitialibus super custodia et notario, facul. vi, lib. xvIII; fancello subsidii, facul. 1, lib. III; offitiali Bullectini, facul. 1, lib. III; Vicario d. Episcopi, facul. 1, lib. III; d. Archipresbitero, facul. 1, lib. 111; Canonicis s. Laurentii, lib. xv; Priori clericatus, lib. XII; Fratribus s. Francisci, lib. xvIII; Fratribus s. Dominici, lib. xvIII; Fratribus s. Agustini, lib. XVIII; Fratribus s. Marie Servorum, lib. xvIII; Priori s. Mathey, lib. 1; Fatribus s. Marie Nove, lib. x; Fratribus s. Florentii, lib. x; Priori s. Simonis, lib. III; Capellano dd. Priorum, lib. 11; Maestati de Volta, lib. vIII; Humiliatis, lib. II; altari s. Laurentii erigendo ad honorem s. Bernardini, facul. III, lib. XVI.

Ad rationem solidorum XII pro libra, summant floren. 56, solid. 64 ad rationem 40 bolonenorum pro quolibet floreno. Summant libras 472. Ann. Dec. 1451, f. 57r.

(Continuabitur).

P. ANTONIUS FANTOZZI, O. F. M.

!

CODICOGRAPHIA

DESCRIPTIO CODICUM FRANCISCANORUM

BIBLIOTHECAE RICCARDIANAE FLORENTINAE.

(Continuatio) (').

Cod. n. 3204 (3033) membr. mm. 162X112 ff. 258 saec. XIV exaratus. In principio et ad calcem folium chart. adest pro custodia; tituli cum notis marginalibus rubricati. Dimidia pelle contectus cum inscriptione dorsi litteris deauratis: Chronicon | Vetus | P. I. Continet

f. 1r-258v. [Polychronicon ab origine mundi usque ad imperatorem Claudium II (a. 268-270), auctore Paulino episc. Puteolano, O. F. M.].

Rub. (difficilis lectu) Incipit nobilium historiarum... epythoma tam in Testamento veteri quam in novo, cuius primum caput prohemiale de materia et forma et fine operis ». Prooemium inc. Progreditur quasi aurora consurgens, pulcra ut luna, electa ut sol, terribilis ut castrorum acies ordinata; Cant. VI. Sermone XI super Cant. ait Bernardus): In anima tria intueor: intelligentiam, voluntatem et memoriam... » .

Opus inc. In principio secundum Dyonisium XII De divinis nominibus laudare nos convenit eum... ». Ultimum caput Rub. CLXIII. De imperio Valeriani et Galieni et sibi contemporaneis, cuius prima pars de quibusdam martiribus», des. « In Terracina civitate Campanie consuetudo erat ut iuvenis VI vel VIII (sic) mensibus in delitiis et lasciviis nutritus... Cesarius igitur dyaconus, ex Affrica illuc veniens, in die solempnitatis contra hanc clamabat insaniam; propter quod in carcerem clauditur. Quod videns Leonicius clamavit: < Vere Dominus Deus est quem predicat Cesarius»! Et expolians se clamide eum induit, coram omni populo petiit baptismum ». Tres adsunt lacunae ut in ipso codice notatur: f. 182v.« Hic non reperitur singnatum a capitulo CV usque ad capitulum CXXVIII exclusive »; f. 190v. « Hic non reperitur singnatum a capitulo CXXXI usque ad capitulum (C)XXXVIII exclusive »; et f. 258v. « Hic non reperitur singnatum a capitulo CLXIV usque ad capitulum CLXXII».

(1) Cf. AFH I, 116-25; 433-42: II, 123-30; 319-24; 480-4; III, 333-40; 551-58; 739-48; IV, 360-65; 748-54; V, 352-9; VI, 156-67; 328-37; 748-58; VIII, 226-73; 618-57; IX, 395-442; XIII, 586-601; XIV, 243-58.

Passim ponuntur tabulae genealogicae patriarcharum, regum et imperatorum, modo rubro, modo nigro atramento exaratae, sed plerumque spatium, eis deficientibus, vacuum relinquitur. Continuationem istorum chronicorum perhibet sequens codex.

Cod. n. 3205 (3034) membr. mm. 163115 ff. 171 et 1 f. chart. in principio et in fine ad custodiam, cum titulis et notis marginalibus rubris, saec. XIV exaratus; f. 171v. vacuum. Dimidia pelle contectus; dorsum inscribitur litteris aureis: Chronicon | Vetus P. II. Exhibetur

f. 1r-171r. Continuatio Polychronici eiusdem Paulini ep. Puteolani ab imperio Iuliani Apostatae usque ad Bonifacium VIII].

«

Rub. «CLXXII" capitulum. De imperio Iuliani et sibi contemporaneis, cuius prima pars de vita et moribus et quibusdam actibus eius. Inc. Iulianus imperavit anno uno et mensibus 8 secundum leronimum; Beda ait annis duobus et mensibus 8 ipsum regnasse...>. Ultimum capitulum: Rub. « CCXLIIII capitulum de pontificatu Bonifatii octavi et sibi contemporaneis, des. Hic Bonifatius duos legatos misit in Franciam et in Angliam, videlicet Penestrinum et Albanensem, quia guerra superius dicta inter regem Francie et comitem Flandrie nimis crescebat. Dicitur autem habuisse ortum eo quod comes filiam suam filio regis Anglie daret, rege Francie irrequisito». Auctor canonizationem Caelestini V a. 1313 peractam etiam tangit. In hoc altero codice pro tabulis genealogicis regum et imperatorum omissis semper spatium vacuum relinquitur. Istorum chronicorum excerpta ad res italicas pertinentia ab imperatore Othone I usque ad imp. Henricum VII, omittens biographias Sanctorum, edidit L. Muratori sub falso nomine Iordani, ap. Antiquitates italicae medii aeri, Mediolani 1741, t. IV, col. 951-1034. Hic nos summatim adnotamus quae Ordinem Minoriticum spectant.

=

1. f. 129r-133v., 137v-149v., 151v-152v. [Vita S. Francisci Assis.).

Rub. (in margine) « Beatus Franciscus ». Inc. « Eodem anno [MCCVI] b. Franciscus mundum deserens perfecte sequtus est Christum; quod ex eo colligitur quia MCCXXVI transiit ex hoc mundo ad Patrem et XX annis vixit in Ordine... Apparuit gratia Salvatoris nostri Dei... ». Rub. [f. 152 v] XXIII pars. De canonicatione beati Francisci, des. « Informatus itaque non solum ex auditis, sed ex visis oculis et manibus contrectatis, veniens personaliter ad civitatem Assisii MCCXXVIII, XVII kalendas augusti, die dominico, cum maximis, que longum foret enarrare, sole[m]pniis beatum patrem cathalogo sanctorum ascripsit ». Textus, qui, nonnisi paucis exceptis, ex Legendis Maiore et Minore s. Bonaventurae conflatur, est conformis editioni iuxta cod. Vat.-Lat. n. 1960 a M. Faloci Pulignani curatae, ap. Miscell. Franc., (MF) VIII, 52-75, si sequentia excipias.

f. 132 rv. Rub. «XXVIa pars. De profectu Ordinis sub manu ipsius, inter verba factus igitur evangelicus preco civitates circuibat et castra non in doctis humane» et «sapientie verbis, set in virtute Spiritus annuntians verbum Dei > MF 1. c., 56 b, 1. 16-17, haec inseruntur tribus columnis disposita: Rub. Fratres notabiles ». « Thomas de Celano legendas veteres beati Francisci [conscripsit], ex quibus frater Bonaventura unam compilavit