institutus est, cui a. 1885 renuntianti in munere successit, in quo ita se habuit ut a Bulgaris omnibus, catholicis, schismaticis et infidelibus laudatus ut verus et magnificus Bulgariae benefactor fuerit. Scripsit quaedam ad devotionem pertinentia; ib. XXXII, 201. Laboribus exantlatis aetateque fractus die 30 dec. 1916 diem supremum obiit Illmus ac Rmus D. CAROLUS GENTILI, archiepiscopus Agraensis, Prov. Tusciae. Ortum habuit Britinorii 18 nov. 1840, seraphicas lanas vestivit Caesenae 4 nov. 1859. Post adeptum sacerdotium 21 iun. 1863, missionem petiit Patnensem seu Allahabadensem in Indiis orientalibus, ubi strenue laboravit atque Superiorem regularem 1891-1896 necnon 1896-97 Vicarium generalem episcopi Allahabadensis egit. Die 29 mart. 1897 ipse episcopus eiusdem sedis, die vero 27 aug. 1898 archiepiscopus Agraensis est renuntiatus, et ut talis ad gloriam Dei conversionemque infidelium magna suscepit effecitque; ib. XXXIII, 28, 96. In conventu Pampilonensi Prov. Navarrae in Hispania die 2 ian. 1917 pie in Domino obiit Rmus P. ANGELUS M. SANTMARTIN Y ORRIO A VILLAVA, Definitor generalis actualis, natus Villavae 24 feb. 1853. Anno 1879 die 29 martii sacerdos (saecularis) ordinatus, parochum egit usque a. 1881, quo die 17 sept. Ordinem ingressus est. Iuvenibus educandis, fidelibus praedicandis se totum dedit, ac 1888-1890 in missionibus Aequatorianae Reipublicae apostolico munere functus est. Tandem ab a. 1900 ad mortem usque Definitorem generalem, ac 1907-1908 etiam Vice-Procuratorem generalem egit; ib. XXXIII, 27, 62-4. Die 2 mart. 1917 placide obdormivit in Dno. Rmus P. FULGENTIUS A GOSSENSASS, ex- Definitor generalis, Prov. Tyrolensis sept., qui 30 annos Curiae generali qua Secretarius ac qua Definitor generalis fuit addictus. Natus in pago Gossensass 1 nov. 1845, fit Capuccinus 4 sept. 1864. Studiis absolutis, curae animarum sese dedit, donec a. 1884 Romam qua Secretarius vocatus est. Ab a. 1891 usque ad 1914, uno tantum excepto anno, sui Ordinis fuit Definitor generalis. Roma redux conventum Schlanderensem regendum suscepit usque a. 1916. Plura opella conscripsit ediditque ad pietatem potissimum fovendam; ib. XXXIII, 56, 128s. Ministerio et senio confectus meritisque plenus die 18 dec. 1917 piissime in Domino obdormivit Illmus ac Rmus D. PETRONIUS GRAMIGNA, episcopus Allahabadensis, Prov. Bononiensis, natus die 13 dec. 1844 in Castro Bononiensi. Aetatis cum esset 19 annorum, Ordinem ingressus est, postquam vero sacerdos fuit ordinatus, ad missionem Allahabadensem est profectus, in qua 46 annos egregie laboravit, lingua tum anglicana tum hindustana saepe praedicans. Superior regularis exsistens, a. 1902-04 ecclesiam Allahabadensem iussu apostolico administravit, a. vero 1904 eidem Sedi episcopus datus est, et qua talis ecclesias, scholas aedificavit vel ampliavit non paucas, magna auctoritate publici Gubernii semper gaudens; ib. XXXIV, 39 s. Die 27 feb. 1918, Romae in Collegio internationali S. Laurentii a Brundusio pie obiit R. P. VICTORIUS BANKEN AB APPELTERN, ex-Provincialis tit. Belgii necnon S. Rituum Congregationis Consultor, egregius rerum liturgicarum ac canonicarum scriptor. Ortus in vico Appeltern Geldriae Provinciae in Hollandia 18 iun. 1848, die 23 dec. 1866 fit Fr. Min. Capuccinus in Provincia hollandica, 23 dec. 1873 ordinatur sacerdos, 1882-84 in missione Trapezuntina apostolice laboravit, 1884-87 in Provincia Hiberniae ius canonicum et Philosophiam docuit, 1887-1893 sedulus in missione Allahabadensi verbum Dei praedicavit, ex qua ob incipientem paralysim redire coactus est. 1897 ad Provinciam Belgii transiit ibique sex annos Liturgiam et ius canonicum tradidit. Annis 1903-10 eum iterum in Indiis invenimus in dioecesi scil. Lahorensi, ex qua rediens, post brevem moram in Belgio peractam, a. 1911 Romam vo atus ibi sedem fixit ad mortem usque. Die 5 dec. 1917 S. Congregationis Rituum consultoribus est adnumeratus. Plura egregie scripsit ediditque ad Liturgiam et ius canonicum pertinentia; ib. XXXIV, 59 s. cf. XXXII, 41 s. In nosocomio Curiae in Helvetia die 29 iun. 1918 cursum humanum terminavit A. R. P. FIDELIS BALZANI AB URBE, Prov. Romanae, Praefectus Apostolicus Raetiae, natus Romae 27 ian. 1866. Lauream iuris adeptus foroque addictus, omnia reliquit a. 1895 et Ordinem ingressus est, in quo 25 oct. 1897 ordinatus est sacerdos. Profectus est postea in missionem Raetiae Provinciae Romanae concreditam, eiusque Praefectus Apostolicus renuntiatus est 24 ian. 1913; ib. XXXIV, 170s. Die 24 iul. 1920 pie in Domino obiit Rmus ac Rmus D. IOANNES DAMASCENUS LACHAVANNE, episcopus Portus Victoriae in insulis Seychellis, natus in loco Vovray dioecesis Anneciensis in Sabaudia 28 nov. 1849, receptus in Ordinem 16 mai 1866, ordinatus sacerdos Annecii 8 mart. 1873. Praedicationi se dedit donec a. 1879 in missionem Seychellarum insularum missus est, ubi strenue variis operibus vacavit. Anno 1896 dioecesis Vicarius Generalis est renuntiatus, quod munus retinuit usquedum ipse Sedi praefigeretur 13 apr. 1916, consecratus 5 nov. eiusdem anni. Missionarius erat ingenii natura fortis, austerus, durus sibi, operosissimus; ib. XXXVII, 24-8. Romae in Collegio S. Laurentii a Brundusio, cuius et rector erat, die 5 mart. 1921 diem supremum obiit Rmus P. EUGENIUS NECCHIO AB APUA, Definitor generalis actualis, Prov. Tusciae, natus 15 iul. 1858, indutus vestimentis franciscalibus Cortonae 24 sept. 1873. Sacerdos factus praedicationi prius, dein magisterio vacavit. Quater suae Provinciae Minister electus est, postulatus etiam ad episcopalem honorem, quem tamen renuit. A Capitulo Generali ultimo (1920) electus est Definitor generalis. Omnibus in muneribus plurimi habitus est pius doctusque Pater. Florentinae archidioecesis exstiterat Examinator synodalis; ib. XXXVII, 78, 117s. Remis in Gallia, ubi sermones quadragesimales habuit, die 28 mart. 1921 repente obiit R. P. RENATUS DE NANNETIS, vulgo René de Nantes, in saeculo Carolus Guérin, egregius rerum franciscanarum scriptor, olim Moderator Periodici Annales Franciscaines atque a. 1912-1914 alius Periodici Études Franciscaines Director. Natus erat 15 mart. 1859, Ordinique nomen dedit 8 sept. 1876. Opus praecipuum edidit Histoire des Spirituels, Couvin-Paris 1909, pp. xvi, 501 in-8°, quod quoad maximam partem prius in dictis Études prodierat. Ultimum eius opusculum: Sou venirs et impressions. Couvin pendant la guerre. Lettres au T. R. P. Provincial, prodiit Parisiis 1919, pp. 100 in-8°. Auctor fuit etiam rerum asceticarum, ardensque orator sacer exstitit; cf. Étud. Francisc. a. XVII, vol. 33, 1921, 546; AFH III, 181; V, 754-6; XIV, 319, 321. Die 23 apr. 1921 obiit diem extremum Rmus P. LIBERATUS CLUTS AB EXEL, Praefectus Apostolicus missionis Sumatrae, Prov. Hollandiae. Natus in Exel 17 sept. 1855, Ordinem ingreditur 29 sept. 1876 fitque sacerdos 19 mai. 1883. Professus est deinde in scholis Ordinis scientias sacras, munereque Guardiani bis functus est; tandem in missionem in insula Borneo destinatur. Decreto 30 iun. 1911 erecta Praefectura Apostolica Sumatrae, idest divisa a Vicariatu Apostolico Bataviae, P. Liberatus primus eidem praeficitur. Post plurimas res optime gestas mortuus est repente in mari morbo cardiaco; AOCap. XXXVII, 294-6. Directio Periodici. TABULA MATERIARUM P. FRANZ PELSTER, S. I. Thomas von York, als Verfasser des Traktats . Manus quae contra Omnipotentem tenditur, . . . Pag. 3-22 Dr. MART. GRABMANN. De Thoma Erfordiensi auctore Grammaticae quae Ioanni Duns Scoto adscribitur Speculativae. 273-277 P. FERDINAND M. DELORME, O. F. M. La Legenda antiqua S. Francisci du MS. 1046 de la bibliothèque communale de Pérouse. 23–70; 278-332 P. LIVARIUS OLIGER, O. F. M. Documenta originis Clarissarum Civitatis Castelli, Eugubii (a. 1223-1263), necnon Statuta monasteriorum Perusiae, Civitatisque Castelli (saec. XV) et S. Silvestri Romae (saec. XIII). P. ANTONIUS FANTOZZI, O. F. M. Documenta Perusina de S. Ber 71-102 103-154; 406-470 333-348 nardino Senensi. P. HUGOLINUS LIPPENS, O. F. M. Une nouvelle recension du Catalogus Generalium Ministrorum Ordinis Fr. Min. . . P. MICHAEL BIHL, O. F. M. - De Tertio Ordine s. Francisci in Provincia Germaniae Superioris sive Argentinensi Syntagma (Continuabitur) 319-381 P. ANICETUS CHIAPPINI, O. F. M. Fr. Nicolai de Fara epistolae duae ad S. Iohannem de Capistrano. Accedit Fr. Iacobi de Reate ad eumdem epistola . 382-405 P. Francisco de Montilla, Memoriales y otros documentos del 471-507 III. P. SALVATOR TOSTI, O. E. M. CODICOGRAPHIA. Descriptio Codicum Franciscanorum Bibliothecae Riccardianae Florentinae (Continuabitur). . 155-170; 508-524 Sbaralea, Hyac., Supplementum ad Scriptores Ordinum s. Francisci, ed. A. Nardecchia, t. II. - (P. Mich. Bihl, O. F. M.). Marinus a Floriano, De viris illustribus Ordinis Minorum. (Idem). 173-5 Fidentius v. d. Borne, Die Franziskus-Forschung. Thadée Ferré, Histoire de l'Ordre de S. François. (Idem). Martin de Barcelona, La Orden franciscana. Estudio crítico. — (Idem) 173-81 173-6 173-9 Dominicus Facin a Bieno, O. F. M., Breviloquium biblicum ad mentem - (P. Liv. Oliger, O. F. M.). 183-6 183-7 (Idem). s. Bonaventurae. (P. Landelinus De Wilde, O. F. M.) Maccono, Franc., Bonifacius VIII in poësi Dantis et Iacoponi. — (Idem) 183-94 Legenden vom hl. Franz, übertr. von K. Toth. Idem, S. Bonaventura, versione del Dr. G. Di Fabio. (Idem) Petrus Iohannis Olivi, Quaestiones in 1. Il Sent., quaest. 1-48, ed. 198-201 525-6 525-7 525-8 525-9 548-52 552-3 553-5 Idem, Die Observanzbewegung in d. Saxonia. Pistolesi, Francesco, Sisto Ve Montalto da documenti inediti. (P. Salvator Tosti, O. F. M.) Idem, Sixtus Quintus XIII decembris MDXXI XIII decembris 561-3 563-6 Bierbaum, Max, Bettelorden und Weltgeistlichkeit an der Universität Doelle, Ferd., Reformtätigkeit des Ludw. Henning. |