1197 approbatas, sicut tempore predecessorum tuorum servate noscuntur, Mai 8. ratas haberi decernimus et inviolabiliter observari, salvis privilegiis et omni iure eiusdem et Ierosolimitani hospitalis. Nulli ergo omnino hominum liceat, hanc statuti nostri paginam infringere vel ei ausu temerario contraire. Si quis autem hoc attemptare praesumpserit, indignationem omnipotentis Dei et beatorum Petri et Pauli apostolorum eius se noverit incursurum. Datum Laterani VIII Idus Maii, pontificatus nostri anno septimo.

1197

423. Coelestinus III ab abbate Ribomontensi benedicendo palafredum seu cappam sericam seu aliquod aliud exigi vetat.

Tabul. nat. Paris. Chart. Ribomont. s. XIII. LL. 1015 1) fol. 55 et 2) 79b.

Celestinus episcopus servus servorum Dei dilectis filiis convenDec. 6. tui sancti Nicholai de Pratis1 salutem et apostolicam benedictionem. Cum a nobis petitur, quod iustum est et honestum, tam vigor equitatis quam ordo exigit rationis, ut id per sollicitudinem officii nostri ad debitum perducatur effectum. Eapropter, dilecti in Domino filii, vestris iustis postulationibus grato concurrentes assensu auctoritate apostolica sub excommunicationis pena districtius inhibemus, ne quis ab electo vestro, qui pro tempore fuerit, pro benedictione ipsius vel pro deducendo seu locando eum in sede sub obtentu alicuius consuetudinis palefridum seu capam sericam seu aliquid aliud, cum simoniacam sapiat pravitatem, exigere audeat vel extorquere presumat. Nulli ergo omnino hominum licitum sit, hanc nostre paginam inhibitionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum. Dat. Laterani VIII Id. Decembris, pontificatus nostri anno septimo.

1191-98.

424. Coelestinus III Lincolnensi ac Londonensi et abbati de Br. mandat, ut episcopum Dunelmensem a iurisdictione Eboracensis eximant; archiepiscopum intra octavam b. Martini ad sese mitti jubet.

Bibl. nat. Paris. ms. lat. 16992. fol. 252. Scripsit Martene.

Coelestinus papa III Lincolniensi 2 et Londonensis episcopis et abbati de Br. Cum ea de fratribus et coepiscopis nostris ad aures

b palafridum 2. b Si scripsi pro corporis nostri cod.
1 vel Ribomontensi. 2 Hugoni. 3 Richardo.

apostolatus nostri perveniunt, quae non soluma contra pontificalis 1191-98. ordinis gravitatem sed et in praeiudicium et militiae clericalis infamiam committuntur, gravi quamvis moerore conficimur et, quantum ea mente volvimus, intensior cordi nostro dolor cumulatur. Cum itaque venerabili fratri nostro Eboracensiumb archiepiscopo gratiam istam communi fratrum nostrorum consilio et deliberatione fecerimus, quod venerabilem fratrem nostrum Dunelmensem1 episcopum dudum per felicis memoriae praedecessores nostros a sua iurisdictione exemtum in eius plenariam potestatem sicut metropolitani proprii redegerimus, et ipsum a legatione fratris nostri Eliensis 2 episcopi emancipavimus, sperantes eius opera maturiori deinceps providentia et gravitate .; ex insperato accepimus, propter sententiam suspensionis ab omni episcopali et sacerdotali officio et excommunicationis in ipsum et suos et quosdam alios temere iaculatam, quam post multas detractiones ab utriusque partis procuratoribus celebratas irritam denunciavimus et manere, ipsum iterum excommunicationis sententia in festo purificationis S. Mariae praedictum. episcopum et clericos suos et omnes ei communicantes innodavit, per episcopatum suum eamdem fecit sententiam publicari sub anathematis interminatione prohibens, ne per episcopatum Eboracensem eidem episcopo a quoquam exhiberetur hospitium vel quaelibet victualia venderentur; quodque crudelissimum et auditu est horribile, altare de Boustant pro eo, quod praefatus episcopus in eo celebravit nec alium celebrantem audivit, contra omnem potestatem et reverentiam Iesu Christi subverti fecit. Nolentes igitur, quod tam graves et enormes excessus occasione benevolentiae nostrae ac potestatis eidem archiepiscopo gravitate affectionis speciali contra patrum ac praedecessorum nostrorum statuta indultae impuniti remaneant et aliis perpetrandi simile detur exemplum, discretioni vestrae per apostolica scripta mandamus et diserte praecipimus, ut, si quae praediximus vera esse noveritis, dictas sententias auctoritate nostra omnino cassantes et per ecclesias vestras irritas esse denuntiantes, Dunelmensem episcopum et ecclesiam suam cum omnibus suis clericis et ecclesiis suis, donec idem episcopus vixerit, ab Eboracensium archiepiscoporum iurisdictione auctoritate nostra, cessante appellatione, penitus eximatis, sicut eum tempore

1191-98. felicis memoriae praedecessoris nostri fuisse constiterit exemtum et ipsum archiepiscopum, cessante appellatione, intra octavam b. Martini1 ad praesentiam apostolicam transmittatis, salvo suo et Eborum ecclesiae iure, postquam Dunelmensis episcopus de medio fuerit divina narratione sublatus. Dignum est enim, ut, quia idem archiepiscopus permissa sibi abusus est potestate, indulti sibi privilegii beneficio alienus existat, ut, in quo peccavit, in hoc de censura sedis apostolicae puniatur.

b corrigendum videtur dispositione seu vocatione.

1 d. 11-18. Nov.