Whall. predicte aliqualem controuersiam fuisse subortam nobis nichilominus reseruata. In cuius rei testimonium has nostras pronunciationem, sententiam, et confirmationem fecimus nostri sigilli appositione muniri. Dat. apud Prestecote xij. kaln. Julij anno dñi m. ccc. septimo decimo. Et consecrationis nostre vicesimo primo.

LXXVI. Dimissio et approbatio domini Walteri de Langeton, Couentrensis et Lichfeldensis episcopi, de ecclesijs nostris Eccles, Rachedale, Whalleye, et Blakeburn in visitatione sua, sub manu publica.

I

N Dei nomine, Amen. Cum dudum nos Walterus permissione diuina Couentr. et Lich. episcopus, archidiaconatum Cestrie in partibus Lancastrie inter aquas de Ribbel et de Mersee, nostre diocesis, anno dñi m.ccc. septimodecimo, auctoritate ordinaria visitantes, omnes religiosos et alios ecclesias parochiales in eisdem locis in usus proprios obtinentes ad certos dies et loca fecissemus coram nobis iudicialiter euocari, ad proponend. et ostendend. pro iure suo quicquid habent super retentione ecclesiarum predictarum. Ac religiosi viri Abbas et conuentus de Whalleye, dicte nostre diocesis, ecclesias parochiales de Eccles, Rachedale, Whalleye, cum capellis, et de Blakeburn cum capellis, in partibus Lancastrie antedictis appropriatas possidentes ut premittitur coram nobis vocati, multa et varia instrumenta siue priuelegia tam super appropriatione dictarum ecclesiarum cum capellis sibi facta quam et super ordinatione vicariarum in dictis ecclesijs in forma iuris exhibuissent coram nobis. Nos visis et inspectis exhibitis per eosdem religiosos et diligenter examinatis, inuocato Cristi nomine, pronunciamus dictos religiosos super retentione ecclesiarum predictarum cum capellis suis ut premittitur sufficienter fore munitos et canonicos possessores, ipsosq. ut sit munitos ab officio nostro in hac parte dimittimus et absoluimus per decretum. Insuper predecessorum nostrorum vestigijs inherentes,

concessiones, appropriationes de dictis ecclesijs cum capellis suis factas Religiosis eisdem, quantum ad nos attinet, tenore presentium approbamus et confirmamus. Potestate ordinandi de quibusdam iuribz et obuentionib3, de quib3 inuenimus inter eosdem religiosos et dñum Ric. de Swyneflet vicarium ecclesie de Whalleye predicte aliqualem controuersiam fuisse subortam nobis nichilominus reseruata. Has autem nostras pronunciationem, dimissionem, absolutionem, et confirmationem per magistrum Nich. de Guthmundele clericum nostrum publicum auctoritate sancte Romane ecclesie Notarium scribi volumus et publicari, et sigilli nostri nichilominus impressione muniri. Acta sunt hec apud Prestecot xij. kaln. Julij. anno dñi prenominato, Indictione xv., pontificatus sanctissimi patris et dñi, dñi Joh. diuina prouidentia pape xxij. auno primo. In presentia reuerendorum virorum magistrorum Philippi de Turuill, Lich., et Rob. de Weston Landan ecclesiarum canonicorum testium ad hoc specialiter rogatorum

et vocatorum.

Et ego Nich. de Guthmundele clericus Lincoln. diocesis publicus sancte Romane ecclesie notarius premissis ut prescribuntur omnibus et singulis presens interfui premissa sic fieri vidi et audiui et in hanc publicam formam redegi, Signoq. meo solito et consueto signaui rogatus. Et dictus pater sigillum suum presenti instrumento fecit appendi ad maiorem huius rei euidentiam et ubiorem cautelam.

LXXVII. Dimissio et approbatio domini Rogeri de Norburgh, Couentrensis et Lichfeldensis episcopi, in visitatione sua de ecclesijs nostris Eccles, Rachedale, Whalleye, et Blakeburn.

a

NIUERSIS sancte matris ecclesie filijs ad quos presentes litere peruenerint, Rogerus permissione diuina Couentr. et Lich. episcopus salutem in dño sempiternam. Uniuersitati vestre tenore presentium intimamus quod nuper ex debito pastoralis sollicitudinis archidiaconatum Cestrie personaliter

visitantes comperimus quod religiosi viri Abbas et conuentus de Whalleye, Cisterciensis ordinis, nostre diocesis, ecclesias parochiales de Eccles, de Rachedale, de Whalleye, cum capellis suis, et de Blakeburne cum capellis, archidiaconatus predicti tanquam appropriatas sibi et suo monasterio aliquamdiu possederunt et adhuc sic possident in presenti. Volentes itaq. de titulis quos ijdem religiosi in hijs ecclesijs se habere pretendunt effici certiores eosdem super ipsorum exhibitione et probatione canonica coram nobis ad certos diem et locum fecimus euocari, quib3 die et loco prefati Religiosi iuxta formam vocationis legitime comperentes, expositis et obiectis ex officij nostri debito parti dictorum religiosorum compertis omnibus supradictis et ab eadem parte iudicialiter confessatis, exhibitisq. postmodo super assecutione dictarum ecclesiarum cum suis pertinentijs pluribus instrumentis et literis tam apostolicis quam quorundem predecessorum nostrorum necnon Lich. et Couentr. ecclesiarum capitulorum, assignauimus parti eorundem religiosorum certos diem et locum ad faciend. et recipiend. super hijs exhibitis et ulterius in ipso negotio quod iustitia suaderet. Quo die adueniente, habita super premissis omnibus disputatione et discussione diligenti, et demum in negotio concluso, prefixoq. termino parti dictorum religiosorum ad audiend. nostram pronunciationem siue sententiam in hac parte. Nos auditis et intellectis quibuscunq. propositis et exhibitis per partem eorundem religiosorum habitaq. super hijs plena deliberatione et examinatione, ac seruato in omnibus iuris ordine qui requiritur in hac parte, quia inuenimus prefatos religiosos super assecutione et appropriatione ac etiam retentione dictarum ecclesiarum cum omnibus suis capellis sufficienter fore munitos, ipsos canonicos possessores fuisse et esse pronunciauimus et declarauimus, iustitia suadente, eosdem ab examine nostro in hac parte per decretum nichilominus dimittentes. In quorum omnium testimonium, sigillum nostrum presentib3 duximus apponend. Dat. apud Wybbenbur. iiijo non. Julij anno dñi m.ccc. vicesimo tertio, et consecrationis nostre secundo.

LXXVIII. Indentura inter nos et parochianos ecclesie de Whalleye et quarundem capellarum eiusdem de decima feni.

h

EC indentura testatur quod cum controuersia mota fuisset inter religiosos viros fratrem Robertum Abbatem de Whal

leye et eiusdem Loci conuentum, ordinis Cisterciensis, ex parte una, et parochianos capellarum ecclesie de Whalleye, videlicet de Brunlay, Colne, Aluetham, Chirche, Haslyngden, parochianosq. villarum de Symondeston, Padiham, Twyselton, Hapton, Reued, Dounom, Penhulton, et Chateborn, ex parte altera, p decima feni. Dicta controuersia sub hac forma tandem amicabiliter conquieuit. Videlicet quod omnes et singuli dicti parochiani et eorum heredes tam presentes quam futuri imppetuum soluent de cetero singulis annis fide media dictis Abbati et conuentui et eorum successoribus pro decima cuiuslibet plaustrate feni unum quadrantem argenti bone et legalis monete tempore quadragesimali quando computant cum procuratoribus dictorum Abbatis et conuentus de alijs minutis decimis in ecclesia de Whalleye et in capellis eiusdem supradictis. Dicti vero Abbas et conuentus concedunt pro se et successoribus suis imppetuum quod ipsi percipient de qualibet plaustrata feni unum quadrantem argenti de dictis parochianis et eorum heredibus pro decima feni eorum ut predictum est sine ulteriori exactione, si tamen ista conuentio statutis ordinis Cisterciensis antedicti non obuiet, nec canonicis institutis. Et si statuta ordinis prefati vel canonica instituta virtute istius indenture in suo robore stare non permiserint vel destruxerint, predicti parochiani non confitentur seipsos victos in controuersia predicta nec concedunt ipsos esse decimaturos alio modo quam decimauerunt ante confectionem istius indenture. Et predicti Abbas et conuentus concedunt pro se et successoribus suis quod causa receptionis predicti quadrantis si concordia predicto modo facta stare non poterit, decimam feni de dictis parochianis non exigent,

nisi easdem alijs causis pristinis non potuerunt recuperare. Et si contingat quod aliqui dictorum parochianorum portent fenum suum vel aliter intrent quam per plaustratas soluent dictis Abbati et conuentui unum quadrantem argenti pro decima tanti feni de quanto poterint esse una plaustrata, mensurante conscientia donantis, exceptis personis illis qui quadrantem predictum procuratoribus predictorum Abbatis et conuentus soluere recusant modo supradicto versus quos predicti Abbas et conuentus habeant legitime actionem suam de retentione decime feni sui. Predicti et parochiani decimas garbarum suarum in horrea sua propria induci facient vel easdem in campis dimittent, secundum quod dicti Abbas et conuentus pro utilitate sua duxerint eligend. Et ad ista omnia et singula premissa fideliter tenenda quidam de maioribus parochianorum predictarum capellarum et villarum, videlt. Joh. de Aluetham, Henr. fil. Johannis de Clayton, Gilbertus de Legh, Johannes de Legh, Oliuerus de Stansfeld, Ad. de Walschagh, Willmus de Hallested, Nichus de Holden, Johannes de Balschagh, Rog. de Cattelawe, Ric. de Briddest wysel, Johannes le Parker, Jacobus de Walton, Johannes del Holt, Ric. del Schagh, Ric. de Ewod, Johannes de Dynelay, Ric. de Grenacre, Joh. del Clogh, Ric. de Whitaker, Johannes de Symondeston, Johannes de Shutelisword, et Ad. de Briddestwysel, pro se et heredibus suis ac communitate ceterorum parochianorum parti huius indenture penes dictos Abbatem et conuentum residenti sigilla sua apposuerunt. Parti vero huius indenture penes dictos parochianos remanenti prefati Abbas et conuentus sigillum suum commune apposuerunt ad maiorem fidem et certitudinem premissorum. Dat. apud Whalleye in festo sancti Hillarij anno dõi millesimo tricentesimo tricesimo tertio.