PRÉFACÉ ET INTENTION DE L'AUTEUR. Cr après s'ensuivent les choses advenues depuis l'an de l'incarnation de Nostre-Seigneur Jésus-Christ mil quatre cent quarante - huit, jusques en l'an mil quatre cent soixante - sept ans, tant au royaume d'Angleterre, comme au royaume de Franche et ès pays de Philippe-le-Grand, duc de Bourgongne; lequel Philippe estoit duc de Bourgongne, de Brabant, de Lembourg, Luxembourg, comte de Flandres, d'Arthois, Bourgongne, Haynault, MONSTRELET. T. XII. MÉM. DE J. DU CLERCQ. 1 Hollande, Zélande et de Namur; marquis du Saint-Empire, sieur de Frize, de Salins et de. Malines, et avec ce possessoit des pays de Picardie, Amiénois, Vermandois, Ponthieu, Boullenois et autres pays; et par espécial les choses advenues de la cognoissance de moy, Jacques Du Clercq, escuyer, sieur de Beauvoir en Ternois, fils de maistre Jacques Du Clerc, licentier ès droits, conseiller dudit Philippe duc de Bourgongne, en la chastellenie de Douay, Lille et Orchies, demeurant à Lille; desquelles je, Jacques Du Clercq dessusdit, demeurant en la cité d'Arras, en ma maison nommée le Monnoye, ay enquis au mieux que j'ai sceu et peu, et les ay mis par escript au plus vray que j'ay sceu et peu Et. certifie à touts que je ne l'ay fait pour or, ne pour argent, ne sallaire, ne pour complaire à prince quy soit, ne homme ne femme quy vescut. Mais l'ay fait en manière de passer le temps, et adfin que ceux à venir puissent veoir les choses passées, et prendre exemple aux choses de vertu et fuire celles de vices; ne voullant aussy favoriser ne blasmer nul à mon pouvoir, fors seulement desclarer les choses advenues. Et prie à tous princes, chevalliers et seigneurs, que sy j'ay en ce mis chose quy les desplaise, que sur moy ne le veullent imputer à mal, car je ne lay fait à nulle intention de nuire ou vitupérer personne, ny par hayne; et aussy s'il y a quelque chose qui plaise, ne m'en soit sceu gré, car je ne l'ay fait pour avoir leur amour, ny pour leur complaire, ny à intention de les amender. Et combien que ce n'est pas tout ce que j'ay escript des choses advenues, et n'est seulement que des choses advenues durant le temps dessusdit qui dura jusques à la mort d'icelluy Philippe-le Grand, duc de Bourgongne, desquelles choses j'ay compilé ce présent livre ; et des choses depuis advenues, j'ay intention d'en faire ung aultre volume ou deux, selon ce que je vivray, ou qu'il adviendra des choses en mon temps. mm MÉMOIRES DE JACQUES DU CLERCQ. LIVRE PREMIER. CY COMMENCHENT LES FAITS ADVENUS TANT AU ROYAULME DE FRANCHE COMME AILLEURS ET PAR ESPÉCIAL ÈS PAYS DE PHILIPPE 2 " DUC DE BOURGONGNE, COMMENCHANT EN L'AN DE GRACE ET INCARNATION DE NOSTRE-SEIGNEUR MIL QUATRE CENT QUARANTE-HUIT, ET FINANT EN L'AN MIL QUATRE CENT SOIXANTE-SEPT, QUE ICELUY DUC MOURUt. CHAPITRE PREMIER. Comment les Anglois prindrent Fougières, en Bretaigne; et des seigneuries que les Anglois possessoient en Franche. EN l'an de l'incarnation de Nostre-Seigneur JésusChrist mil quatre cent quarante-huit, durant les tresves d'entre Charles, roy de Franche, septiesme |