Normandie, la commune d'Angleterre conceut très grande haine allencontre du duc de Suffort et ceux de sa partie, qui estoient conseillers du roy; et à ceste cause fust le duc de Suffort envoyé en exil; lequel, en le menant et passant ung bras de mer, il fust rencontré d'ung navire d'Angleterre, et fust prins, et lui trencha-t-on la teste; et après ce fait, les communes de l'évescié de Salesbury s'esmeurent; et fust l'ung d'eux à l'évesque trencher la teste.

CHAPITRE II.

Du capitaine apostat et de petit lieu qui esmeut une partie de la commune d'Angleterre contre les nobles, et comment plusieurs princes et seigneurs feurent par lui mis à mort et décapités ; et en la fin comment il fust occis.

EN l'an mil quatre cent cinquante, ung nommé Jean Cade, lequel estoit apostat, esmeut une partie de la commune de Treux (Kent), et jusques au nombre de vingt mille combattants, desquels il fust fait capitaine; et ne sçavoit on bonnement d'où il estoit. Laquelle communauté avec leur capitaine, allèrent tenir ung camp, ainsi que à dix mille près de Londres, qui font environ cinq lieues, allencontre desquels le roy d'Angleterre vuida de Londres pour les combattre; mais quand il fust adverti que c'estoient

gens populaires et meschants gens, il fust conseillé de ne les combattre, et y envoya le duc de Belingam (Buckingam), pour leur dire que le roy leur mandoit que touts ses loyaux subjets vuidassent du champ. Et incontinent que le le cry fust fait, le ca pitaine respondit qu'il estoit l'ung d'iceux, et se partist; et en allant, il rencontra messire Hamffroy Staffort, et Guillaume Staffort, son frère, lesquels il combattit et les tua. Ce faict, le roy retourna à Londres, et se bouta au chasteau de Wallingfort. Et après ce, alla ledit capitaine en la ville de Londres, et y entra franchement le quatrième jour de juillet. Il desrobba ung marchand appellé Philippe Malpas, et se logea la nuit hors de Londres, en la grande rue appelle Sortswerbe ; et le lendemain il entra à Londres, vestu d'une robbe de velour atout une espée en sa main; feit tirer le sieur de Say hors de la tour de Londres, et le feit mener en la halle, où il fust incontinent jugé à mourir, et incontinent on lui trancha la teste en la principale rue de Londres, appellée Cepe (Cheapside); et la teste fust mise en une lanche, avecq la teste de son beau-frère et les autres qui feurent tués, comme dict est; et son corps fut mis en detrais à la queue de deux chevaux. Après ce, ralla ledict capitaine en son logis, et là se tint le jour ensuivant, et fist decoller ung grand larron nommé Hol Bardin. Puis print conseil, icellui capitaine, comment il pourroit desrobber ceux de la ville de Londres. Duquel fourfaict ceux de Londres feurent

advertis. Sy ordonnèrent le sieur Destalles et Mathieu Goughe, capitaines, avecques grand nombre de gens pour les prendre subitement. De quoi icellui capitaine fust adverti, et seit guet autour de son hostel; lequel guet cria alarmes à la venue du sieur Destalles et Mathieu Goughe. Et fust icellui sieur recullé jusques au plus près du mont qui est au plus près de Londres; mais enfin, le sieur Destalles feit le capitaine reculler jusques à l'autre pied du pont, et en ce faisant, Mathieu Goughe entra ⚫ en une maison pour dormir, cuidant avoir recullé ses adversaires du tout; mais ledit capitaine les reculla derechief comme debvant; et comme ledit Mathieu eust ung peu dormi, il issit dehors, criant son enseigne, cuidant estre avecques ses gens ; et là fust tué par les gens du capitaine. Quant le capitaine veit que ceux de Londres estoient multipliés, il feit ardoir le pont qui y avalle, adfin nul luy que approchast; mais les archiers ne laissèrent à les assaillir toute la nuict, jusqu'au lendemain, que l'archevesque de Cantorbéry et l'archevesque d'Yorck feirent tant, que les gens du capitaine s'en rallèrent en leur pays; et demoura le capitaine seul à privée maisnie (suite) et lors s'enffuit en la terre de Tanet; mais ceux de Londres envoyèrent après pour le prendre. Et ainsi qu'il estoit assis au disner, un Gallois entra en la maison pour le prendre; lequel, si tost qu'il le veit, entra en ung jardin, auquel jardin ledit Gallois lui donna ung coulp dont il mourut; et fust son corps porté en la ville de

Londres, et la teste mise sur le pont de Londres. Et assez tost après, le roy Henry d'Angleterre print grande punition de touts les plus grands qui estoient avecques icelluy capitaine, et qui auroient esté consentants de faire ce qu'il avoit fait.

CHAPITRE III.

Comment le duc d'Yorck fust rappellé et fust régent d'Angleterre, et eust le gouvernement du royaume, et de la mort du duc de Sombreset.

ASSEZ tost après la mort du capitaine dessusdit, le duc de Sombreset retourna du pays de Normandie, et fust le principal du conseil du roy d'Angleterre, avecques la royne. Le duc d'Yorck, voyant le duc de Sombreset, qui avoit esté cause de la perte de Normandie, estre principal du conseil du roy; entre lequel le duc de Sombreset et le duc d'Yorck il y avoit grande haine, icellui duc d'York assembla grand nombre de gens de guerre, et, arrivé à Londres, alla devers le roy Henry, et feit tant, que le duc de Sombreset, qui estoit logié aux Jocobins, fust fait prisonnier, et mis dans la tour de Londres; lequel duc de Sombreset la royne soustenoit; et estoient eux deux si fort alliez ensemble, qu'on ne pouvoit avoir raison de lui. Et à ceste cause fallut que le duc d'Yorck partist, car il n'osoit plus converser avecques le roy. Après lequel son

partement il revint jusques à cinq mille près de Londres, et avecques lui et en sa compagnie, le comte de Brenbre etle sieur deCobham, avecques bien vingt mille combattants. Pour lesquels combattre le roy vuida de Londres, avecques lui le duc de Presse, le duc de Norffort (Norfolk), le duc de Benguignam (Buckingham) et le duc de Sombreset, et des autres seigneurs, desquels la plus grande partie aimoient bien le duc d'Yorck; à laquelle cause la paix fust faite. Et alla le duc d' Yorck avecques leroy, à Londres; mais icelle paix ne dura guerre. Il faillit que le duc d'Yorck se partist de la cour du roy par le duc de Sombreset qui le haioit.

Et en l'an mil quatre cent cinquante-six ou environ, retourna le duc d'Yorck devers le roy, avecques lui le comte de Werwick et le comte de Salleburry, et bien douze mille combattants; et rencontra le roy en une ville nommée Saint-Albain, lequel avoit avecques lui grand nombre de gens de guerre, et estoit avec lui le duc de Sombreset, qui conseilla au roy de combattre le duc d'Yorck; et illecquesse combattirent l'ung contre l'autre; et perdeit le roy la journée'; et y fust tué du costé du roy le comte de Northombellant, le duc de Sombreset, le sieur de Cliffort et plusieurs autres gentilshommes. Et après ceste bataille, le duc d'Yorck gouverna tout le royaume d'Angleterre paisiblement, et fust fait protecteur et régent d'Angleterre ; mais ce ne dura mye longuement.