II. Ordre de l'évêque Pierre de Faucigny aux curés du diocèse d'inviter leurs paroissiens à secourir par leurs dons l'hôpital du pont du Rhône.

10° des Kalendes de Juillet 1317 (22 Juin).

P.. divina permissione Gebenn. Episcopus universis et singulis capellanis ac aliis ecclesiarum Rectoribus in civitate et dyocesi Geb. constitutis ad quos presentes littere pervenerint Salutem in domino sempiternam. Veniens ad nos dominus Hugo de expagnie presbiter Rector capelle et hospitalis pontis rodani Gebenn. et nobis humiliter intimavit quod in dicto hospitali quasi qualibet die affluunt undique non modica quantitas pauperum et egenorum, et quod dictum hospitale quam plurimum refectione indiget, qui pauperes substentari, nec dictum hospitale reparari et refici nec in statum congruum reformari, Nisi vestro et parochianorum vestrorum auxilio et consilio mediante commode non possunt. Hinc est quod vobis mandamus et exortamur in domino, cum nobis constet de premissis per testimonium fide dignorum, ut parochianos et subditos vestros fideliter et efficaciter inducatis ut de bonis sibi a deo collatis ad substentationem dictorum pauperum et refectionem dicti hospitalis, cum ad predicta facienda eorumdem non sufficiant proprie facul tates, manus suas porrigant adjutrices, et elemosinas suas transmitant, ut per hec et alia bona que vos et ipsi feceritis possitis ad eterne felicitatis gaudia pervenire. Nos enim de omnipotentis dei misericordia et beate Marie matris ejus ac beatorum Petri et Pauli, apostolorum ejus, meritis confidentes, omnibus benefactoribus dicti hospitalis qui dictas elemosinas transmiserint penitentibus et confessis. XL dies de

injunctis sibi penitentiis misericorditer relaxamus. Datum cum appositione sigilli nostri X Kal. julii, Anno domini m° ccco decimo septimo. Valeant presentes littere quamdiu dictus rector vixerit in humanis. Et nicholominus dictos benefactores omnium bonorum que fiunt et fient in tota dyocesi nostra facimus participes et consortes. Datum ut supra.

III. Qued, compositio facta inter curatum ecclesie parrochialis Sancti Gervasii Gebenn., ex una parte, et dominum Hugonem de Espagny tunc rectorem dictorum capelle et hospitalis ex altera, de quadam discordia inter ipsos curatum et rectorem pro tunc habita prout infra continetur.

Août 1341.

In nomine domini Amen, Per hoc presens publicum instrumentum cunctis appareat evidenter quod cum questio seu discordia verteretur inter dominum Hugonem de Virier, curatum ecclesie Sancti Gervasii Gebenn. nomine ipsius sue ecclesie ex una parte; et dominum Hugonem de Espagny rectorem capelle beate Marie virginis et hospitalis pontis Rodani Gebennensis nomine ipsorum suorum capelle et hospitalis, ex altera, super eo videlicet quod dictus curatus asserebat se in quibusdam casibus officiare posse et debere ac divina celebrare in dicta capella, dicto rectore ejusdem capelle in contrarium asserente. Tandem partes ipse pro se et successoribus suis in dictis suis beneficiis, coram me notario et testibus infrascriptis se compromiserunt in amicos communes arbitros arbitratores seu amicabiles compositores, Videlicet venerabilem virum et discretum dominum Johannem de Quin

taz, canonicum Gebenn., electum per dictum rectorem, et dominum Guillelmum de Juria curatum de Maeez electum per dictum curatum. Ac in virum venerabilem et discretum dominum Johannem Coperii concanonicum dicti domini Johannis de Quintaz, pro medio ab utraque parte electum; quibus sic electis partes ipse dant et concedunt pro se et dictis suis successoribus plenam et liberam potestatem disponendi et ordinandi qualiter in futurum dicti curatus et rector ac eorum successores in dictis suis beneficiis se habere et portare debuerint super facto ipsorum capelle et hospitalis. Promittentes per eorum propria juramenta tactis evangeliis sacrosanctis pro se et dictis successoribus suis, rectum gratum et firmum se perpetue habituros et servaturos in manu mis notarii sollempniter stipulantis nomine et ad opus cujus seu quoruni intererit in futurum quidquid per dictos electos concordatum fuerit in hac parte et pronunciatum seu declaratum. Ac in contrarium per se vel per alium in toto vel in parte non facturos. Quibus sic habitis ipsi electi hujusmodi compromisso in se recepto concorditer in hac parte pronunciaverunt ut sequitur, ac eciam declaraverunt ; Primo quod dictus rector capelle non possit celebrare in dicta capella sua diebus dominicis et festis collendis clero et populo, donec ipse curatus oblaciones in sua magna missa parrochiali receperit. Et si dictus rector nollet vel non posset tantum expectare ita quod antea ipsum celebrare contingeret in dicta capella, oblaciones ad ejus manum venientes teneatur dicto curato reservare et restituere, et hoc ejus consciencie relinquitur. Item quod dictus rector oblaciones et alia ad dictam capellam suam proveniencia possit recipere et habere nisi in casibus hic expressis. Item quod dictus curatus infra dictam capellam possit officium sue cure per se vel per alium exercere tempore necessitatis temporis utpote quod esset valde frigidum vel pluviosum aut ventosum vel pons Rodani destructus quod comode transitus per ipsum fieri non posset, aut infantes qui

baptizandi fuerint ita debiles viderentur quod non possent expectare quod deportari possent apud ecclesiam parrochialem. Ibidem videlicet in dicta capella ex parte dicti curati possint baptizari dum tamen fontes ibidem remansuros non faciat. Et divinum officium pro corporibus defunctorum dicto tempore vel poute se habentibus ut supra, possit celebrare et corpora ipsorum defunctorum reponi. Et omne emolumentum quod tunc ibidem proveniri contigerit tam pro infantibus ibidem sic baptizatis quam pro dicto divino officio pro dictis corporibus ibidem repositis, habeat et percipiat ipse curatus. Ita tamen quod ipse curatus cum premissa exercere voluerit ut supra, hoc faciat cum suis propriis ornamentis et libris ac aliis sibi necessariis, predictis autem occasionibus temporis et pontis ac debilitatis infancium cessantibus, celebrare et officiare non possit idem curatus in dicta capella nisi de voluntate dicti rectoris. Item quod custodia clavium et ornamentorum ipsius capelle remaneat penes dictum rectorem, vel mandatum suum. Et dictas claves in dictis casibus idem rector dicto curato administrare teneatur seu appertam tenere cappellam eandem. Item quod dictus curatus in solidum habeat audire confessiones infirmorum existencium in hospitali dicte capelle et omnia sacramenta ecclesiastica eis necessaria administrare, ac medietatem omnium bonorum que habuerint tempore mortis sue percipere quecunque fuerint sive sint vestes vel alia, et dictus rector reliquam medietatem. Item quod omne emolumentum quod proveniri contigerit ratione sepulturarum dictorum decedentium in ipso hospitali in solidum percipiat et habeat ipse curatus. Item quod ipse curatus vel alter pro ipso quocienscumque dictam capellam apertam reperierit et sibi necesse fuerit, possit in dicta capella crucem recipere et deportare secum ad dandam ultimam uncionem infirmis sue parrochie, et crucem ipsam in dicta capella reportare teneatur cum expletum fuerit, pro quo crux ipsa ita recepta fuerit. Item quod dictus curatus possit ibi parrochianos suos des

ponsare quin sibi placuerit. De mulieribus vero de puerperio surgentibus reconciliandis et eucaristia Christi in dicta capella reponenda, relinquitur ordinacioni venerabilis capituli Gebennensis die mercurii prope venienti, faciende. Et volunt dicte partes quod si in futurum inter eas super premissis aliqua discordia exoriri contigerit, super ipsa discordia dicti tres ut supra electi possint ordinare et eos sedare, ac ubi non essent omnes tres possent duo. Que premissa tam dictus curatus quam dictus rector jam dictis juramentis suis pro se et successoribus suis emollogaverunt ac sub vi eorumdem juramentorum suorum mihi ut supra stipulanti promiserunt contra ipsa non facere vel venire. Datum ante fores ecclesie Gebenuensis. V° kl. Augusti anno domini millesimo ccc° XL° primo Indicione nona, Testibus presentibus et rogatis viro ven. et discreto domino Johanne de Barban. can. Gebenn. et dominis Rod. de Siez curato sancti Leodegarii Gebenu. Johanne de Ponte de Crusill. et Jo. de Miolles capellanis Girodo de Vallier et Guillelmo Sortes. Deinde videlicet die mercurii supra dicta, que fuit prima dies Augusti anno et indicione quibus supra, super claustrum Gebenn, in capitulo more solito congregatis viris ven. et discretis dominis Stephano de Compesio, sacrista, Henrico de Balmis, Johanne de Barban, Girardo Tavelli, Johanne de Flecheria, Johanne de Chissier, Raymondo de Thoren, Jacobo de Vallibus, Johanne de Pontevitreo, Roleto de Montemaiori et Jo. de Quintaz canonicis Gebennens, et capitulum facientibus, ipsi domini canonici habita deliberacione super premissis eorum ordinacioni ut supra relictis, ordinaverunt et pronunciaverunt ut sequitur, videlicet quod quocienscunque casus occurret predicto curato, et dictis successoribus suis quod parrochianas suas surgentes de puerperio reconciliare voluerit in dicta capella, sero precedenti mane quo ibi ita reconciliare easdem voluerit, clavem dicte capelle sibi accommodari aut dictam capellam sibi apperiri petere per dic