leurs ordonnances près d'icelluy Fourmigny, a ung guet ou a ung petit pont de pierre; et lors les Anglois doubterent et laisserent le camp, et se reculerent sur la riviere pour la mectre a leur dos. Voyant ce, le comte de Clermont, qui avoit de cinq a six cens lanches, avecq les archiers et sa compagnie, et le connestable de Franche, les assaillirent vigoureusement et en la fin les desconfeirent autour d'icelle riviere, et la feurent morts et occis, par le rapport des heraulx, des prestres et des bonnes gens qui la estoient, trois mille sept cens soixante quatorze Anglois, et sy feurent prins messire Thomas Bririel, messire Henry Morbery, Janequin Basquiers (1), et plusieurs aultres Anglois, jusques au nombre de xije, et les morts feurent enterrés en quatre fosses. Mathago eschappa et s'enffuit a Bayeulx, et aussy feit messire Robert Vere, et s'en alla a Caen; et en icelle bataille morurent, du costel des Franchois, de six a huict cens hommes seulement, et polroient aulcuns dire que ce fust grace de Dieu pour les Franchois qui eurent ceste victoire, car ils n'estoient en tout, par le rapport des beraulx, qu'environ trois mille combattants, et les Anglois estoient de six a sept mille, et par ce peult apparoir assés la grace de Dieu sur les Franchois, lesquels sy gouvernerent bravement et valliamment, et entre aultres ceulx de dessoubs l'estendart sy

(1) Bacquier

fei

porterent honnorablement et honestement, et sy rent ceulx du connestable, les Srs de Montgarou (1), de St Severe, et par especial le seneschal de Poitou; car les Anglois chargerent l'effort sur ses gens et sur ceulx du bailly d'Evreulx, que gouvernoit le S du Manny (2) tellement, qu'ils gaignerent du costel ou ils estoient en bataille, deux coulleuvrines sur eulx, et lors le seneschal descendit a pied et feit descendre ses gens, puis assaillit sy durement les Anglois, qu'il les reboutta par l'ung des bouts de la bataille la longueur de quatre lanches et recouvra les deux coulleuvrines, et a ceste reboutte morurent sept cens Anglois. Ce veant, les aultres Franchois se porterent sy valliamment, qu'ils eurent la victoire, et leur demoura le camp, et il fust fait chevallier le comte de Chastres, frere du comte de la Marche, Godefroy de Valoingnes, fils du comte de Valoingnes et Danneguet, et le Sr de Vannet, fils du comte de Villers, le S' de St Severe, le Sr d'Allenchon, et plusieurs aultres.

(1) Montgary.

(2) De Manye, Magny.

CHAPITRE XXV.

Comme la ville de Vires et aultres villes feurent mises en l'obeissance du roy de Franche; et du siege mis debvant la cité de Bayeuls, et comme on l'assaillit par deux fois, et enfin fust rendue par composition.

APRÈS la desconfiture que feirent les Franchois sur les Anglois a la bataille de Fourmigny, les seigneurs franchois allerent mectre le siege devant la ville de Vires; ny fust guerres, car messire Henry de Morbery, qui estoit prisonnier, en estoit capitaine, si feit tant par composition, que les Anglois qui dedans estoient de trois a quatre cens, s'en allerent, leurs corps et leurs biens saulfs, dedans Caen. Après la ville de Vires rendue, le connestable de Franche, le S de Laval, et aultres qui estoient en leurs compagnies, se partirent et s'en allerent vers le duc de Bretaigne, soubs qui ils estoient, lequel duc, avecq la compagnie dessusdite, alla mectre le siege en personne devant Avrance (1), et le tint trois semaines, et cependant feit faire des grandes approches et feit battre la muraille d'engins, tellement que

(1) Avranches.

ung nommé Lampot, qui en estoit capitaine, rendit icelle ville d'Avrance au duc de Bretaigne, et s'en alla, ung baston au poing tant seulement, et ses compagnons pareillement, qui estoient de iiij a vc. Pareillement se rendit la place de Couloigne, qui est une forte place et imprenable, tant qu'il y ait a manger, car elle est toute assise sur une roche en la mer, près du mont St Michel; ils estoient dedans de quatre vingts a cent Anglois, lesquels s'en alle→ rent, leurs corps et leurs biens saulfs, a Chierbourg.

Assés tost après la prinse de Vires, les comtes de Clermont, de Chastres, et aultres de leurs compagnies qui avoient tenu le siege devant Vires, allerent mectre le siege devant Bayeulx, et se logerent es faulxbourgs du costel devers Carentan, les comtes de Dunois, lieutenant general du roy de Franche, de Nevers, d'Eu, les Sr de Cullant, grand maitre d'hostel du roy, et de Jalloingnes, son frere, Delval de Baul, et plusieurs aultres chevalliers et escuyers; et de l'aultre costel es faulxbourg des Cordeliers, se logerent le Sr de Montenay, conduiseur des gens du duc d'Allenchon, Pierre de Louvain, Robert Gorungam (1), et grand nombre de francqs archiers. Le siege clos de tout costé, les Franchois battirent fort la ville de canons, bombardes et aultres engins, par l'espace de seize jours continuellement, et tellement l'oppresserent de mines et tren

(1) Coningam.

TOMEI.

24

quis, qu'elle estoit preste a assaillir; mais le roy de Franche avoit pitié de la destruction de la cité et ne le vollut consentir; neanmoins sans leur congié ne sceu et sans aulcune ordonnance, d'ardeur que les gens de guerre avoient de gaigner, ils assaillirent la cité deux fois en mesme jour, et il y eust des belles armes faictes d'ung costel et d'aultre et sy porterent de tout costé très valliamment, et en y eust des morts des deux lez, tant des traicts, comme des coulleuvrines; mais en la fin les Franchois se retrierent sans riens faire, pourtant qu'ils ne l'assaillirent que d'ung costel, et sans ordonnance de leur capitaine, et fust leur faulte, car s'ils l'eussent assaillie par l'ordonnance des capitaines et de deux costels, sans faulte nulle elle euist esté prinse d'assault; d'icelluy assault fust fort espouvanté le S' de Mathago, car il y eult tués de valliants gens anglois, et a ceste cause parlamenta icelluy Mathago avecq le comte de Dunois et aultres sieurs franchois, et rendit la cité aulx Franchois et s'en alla a Chierbourg lui, Jannequin Vachier (1), et touts les autres Anglois qui soubs eulx estoient, ung baston en leurs poings seulement, lesquels estoient nombrés a ix Anglois des plus valliants gens de guerre qui fuissent en Normandie de leur parti, et issirent de la cité par la porte du chastel; les Franchois leur laisserent a aulcuns, pour l'honneur de la gentil

(1) Basquier, etc.