CXXXVIII. CONCORDATUM INTER ABBATEM CLUNIACENSEM ET PRIOREM DE CHARITATE, CAUSA IN DEPENDENTIIS DICTI PRIORATUS. VISITACIONIS 1322 Mai 18 et 1325 Mars 3. Lettres d'accord pour réglement de la visite des prieurés dépendant de La Charité, entre l'abbé et le prieur. In nomine Domini, amen. Per hoc presens publicum instrumentum, cunctis appareat evidentius quod anno a nativitate Domini millesimo trecentesimo vicesimo quarto, die tertia mensis martii, indictione septima, pontificatus sanctissimi patris et Domini nostri, Domini Joannis, divina providentia pape XXII anno octavo, ego Joannes de Aula de Bellijoco, Matisconensis diocesis clericus, sancti Romani imperii authoritate notarius publicus, vidi de verbo ad verbum, legi ac diligenter inspexi quoddam instrumentum publicum, sanum et integrum, non rasum nec abolitum, seu in aliqua parte sui vitiatum, signo Petri, filii Bruni, olim Bipani de Montepoliciano, clerici, authoritate apostolica et imperiali notarii publici signatum, prout prima facie apparebat, cujus instrumenti tenor de verbo ad verbum sequitur in hunc modum : In nomine Domini, amen, anno a nativitate ejusdem millesimo trecentesimo vigesimo secundo, indictione quinta, die decima octava mensis maii, pontificatus sanctissimi patris et domini Domini Joannis, divina providentia pape vigesimi secundi anno sexto, in presentia nostrorum Petri et Alani notariorum et testium infrascriptorum, ad hec vocatorum specialiter et rogatorum, constituti personaliter in monasterio Cluniacensi, reverendus in Christo pater et dominus frater Raymundus, Dei gratia abbas monasterii Cluniacensis, Matisconensis diocesis, nomine suo et dicti monasterii sui et quantum in eo erat, vice et nomine conventus dicti monasterii ex una parte et venerabilis et religiosus vir dominus frater Petrus, prior prioratus de Charitate, ordinis Cluniacensis, Autissiodorensis diocesis, nomine suo et dicti sui prioratus, et quantum in eo erat vice et nomine conventus dicti prioratus Caritatensis, nec non priorum et conventuum, prioratuum dicto priori Caritatensi subjectorum, ex parte altera, sponte voluntarie et ex certa scientia et non per errorem de lite, causa, questione, controversia et differentia, tam agitata in Romana curia quam etiam extra, coram reverendo in Christo patre et domino, domino fratre Guillelmo, Dei gratia sancte Viennensis ecclesie archiepiscope et venerabili et prudenti viro, domino Gerardo de Lautrico, preposito ecclesie Avinionensis, capellano dicti domini nostri pape, commissariis in dicta causa ab eodem domino nostro papa specialiter deputatis, ut que vertitur seu verti possit inter partes easdem, ratione visitationis et correctionis, quas prefatus dominus abbas Cluniacensis dicebat et asserebat posse facere et ad se spectare et pertinere, in prioratibus monachis et personis, dicto priori et prioratui Charitatensi mediate vel immediate subjectis (1)..... (1) Ces lettres contiennent des formules et des définitions démesurément étendues et dénuées de tout intérêt. Il ne s'y trouve aucun nom de lieu ni de personnes, sauf les notaires et commissaires, étrangers à nos contrées. Bien que nous ayons copié ces textes, nous n'avons pas cru devoir les publier en entier à cause de leur longueur; elles tiennent dix-sept folios du manuscrit, folio 172 à 189. |