der Selben kvr kongen ze Behem vnd mit allen den vorgenanten korfursten, des Romischen Reichs, vnd Sonderlich mit den hochgebornen fürsten vnd herren hern Rudolf den Jungern, vnd hern otten gebrudern herczogen ze Sachsen hern Albrechten vnd hern woldmarn fursten ze Anhalt vnd Grauen ze Uschanie, den vnser vorgenanter her der Romische kong von konglichen gewalt, vnd von besundern gnaden den aneval, der vorgenanten Marken ze Brandemburg vnd ze Lusicz, mit der Stymme vnd der kvr, di eyn Margrafe ze Brandemburch hat an der wal eyns Romischen konges, geben vnd verlihen hat, vnd mit allen andern fursten Geistlichen vnd werltlichen. Grauen herren freyen vnd Steten, di dem vorgenanten vnserm herren dem Romischen kong gehorsam vnd vndertenig ze sein, vnd di, in dem Selben verbuntnuzz sten, vnd bleiben wellen, vnd geloben mit guten trewen, an eydes Stat on geverde, das wir mit den vorgenanten fursten, vnd Si mit vns, dem vorgenanten vnserm herren dem Romischen kong, vnd vnser yclicher dem andern vmb des vorgenanten Romischen Reichs vnd vnser kurfurstlichen, recht, ere vnd wirde ze beherten, vnd zebehalden, beholfen, vnd beraten Sein wellen mit leib vnd mit gute vnd mit aller vnser macht wider allermeniclich, vnd Sonderlich wider Graeuen Gunthern von Swarczburch der Sich des Reichs freuenlich. vnd ze vnrecht wider vnsern herren den vorgenanten vnd wider den Stül ze Rome wider vnser vnd des Reichs Recht angenomen hat vnd annymet vnd wider all sein helfer vnd gvnner. di er hat ader noch gewinnen mag vnser herre her karl der Romisch kong sey lebende ader tod, vnd bynamen geloben wir, mit den vorgenanten kvrfursten vnd andern kvrfursten vnd andern fursten Grafen herren Steten, als vorgeschriben Stet, das wir, wider den vorgenanten Grafen Gunther, noch nimant anders wi er genant sei, er sey gekorn. ader würde gekorn bei vnsers vorgenanten herren leben, vnd wider in der Sich des Reichs, angenomen hat, ader annymet, auf geruket ist ader auf geruket wirt, vnser vorgenanten herre sey lebende. ader tod, ader wi er Sust von dem Reich liezze, des got nicht enwolle, einen Romischen kong, halden wellen noch Sullen, noch in zo dem Reich newins kisen, ader vnser kvr di wir haben, an der wal, eins Romischen konges, an in wenden in dheinen weis, Ouch geloben wir, wer das ymant einer ader mer dann eyner dem vorgenanten Grafen Gvnther ader einen andern der ze konge, auf geruket wurde beholfen weren, vnd In eynen kong halden vnd im helfen wolden, das wir des, vnd der Selben, ir weren, vil ader wenig Offenbar vind sein wellen vnd vns mit den selben nymer verrichten noch Svnen. es sei denne das si den Selben, vf gerukten kvng aller Sache begeben, vnd bey vns geloben vesticlich ze bleiben dornach geloben wir mit guten trewen an eydes Stat, als vorgeschriben Stet, das wir in dise verbuntnuzz, eide vnd gelubde bringen vnd Nemen wellen alle di fursten Bischoue Stifte Capitel, Grauen herren vreyen dinstmann, Stete und ander leute, So wir allermeist mugen, di alle dise vorgenanten Stuke Sweren, Sichern, vnd geloben Sullen gancz, Stet vnd vnczebrochen ze behalden, vnd dorvmb zvgeben ir Svnderlich brife, Ouch geloben wir fur vns vnd vnser nachkomen, Erczbischoue ze Trire, mit guten trewen an eydes Stat, das wir alle di vorgenanten Stuke in aller meinunge als vor gescriben Stet, gancz vnd vnuerrukket haben vnd halden wellen, vnd do wider nicht zetvn, noch dowider ze komen. heimenlichen ader offenbar, in dheinen weis, Mit vrkvnd dicz briefs versigelt mit vnserm Insigel der Geben ist ze Coln, an dem Reyn Nach Christs gepurt drevczenhvndert vnd ni dem Nevn vnd virczigsten Jar. an dem nehsten dinstag nach Santh valentins tag. - In tergo: Bischoff Baldram briff darinen er sich verpf. wie die andern Churfurstenn als keiser Carolum sie Erwelet habenn, vnnd Ime Zugesogt wider Graff Gunther von Schwarczburk, hulff zuleisten anno 1349. wi di kurfursten den keiser karl irwelt habin vnd gekorn repulso de Swartzborg. ... Wir Karl von gnaden Romischer Kunig ze allen zeiten Merer des Reichs vnd kunig ze Behem Veriehen vnd tun kunt Offenlich mit disem briue Allen den di | in sehin horen oder lesen Alleyn der Hochgeborne fridrich Lantgrafe ze Düringe Marggraue ze missen In dem Osterlant vnd ze landsperg Gräue ze Orlamunde vnd Herrn | des Lande ze Plyssen vnsir liber Swager vnd furste vnd di Hochgebornen fridrich Balthazar Ludwig vnd Wilhelm seine Son, stur sich vnd alle ir erbin vnd nachomen | in den vorgenanten iren furstentum Landen vnd Herscheften mit νης vnd den hochgebornen Johansen Herczogen ze kernthin Grauen ze Tyrol vnd ze Garcz vnd Wenczlabin | vnsern Brüdern vnd vnser allir Erben vnd nachkomen kungen ze Behmen vnd der kronen doselbest marggrafen ze merhin vnd Grafen ze Luczemburch sich verbunden habin vnd | vereynet vnd vns gelobt mit geswornem eide in guten Trewen An alle geuere daz si vns vnsern Brudern vnd allin vnsern Erben den vorgenanten Ewiclichen behulfen sullin vnd wellin sein ze behalden vnser furstentum Erbe lant herschefte gut ere vnd gewonheit, die wir iczund habin ader noch erkrigen vnd gewinnen mochten wi | vnd von welchen Sachen di an vns qwemme wider allermeniglich nimant auszenemen di vns angreiffen hindern ader beschedigen wolten in dheinen weys Ader di | wir angriffen hindern oder beschedigen wolden vnd wir den iren Widersachen zu widersten ader si anzergriffen nach dem als der hulfe not wirt So wir vnd si beste | mugen an geuerd Doch gelobin wir Karl Romscher kunig vnd kunig ze Behem Vnd wir Johans von gotsgnaden Herczog ze kernthin Grauen ze Tyrol vnd ze | Görcz vnd Wenczlaben Seyne bruder datz wir an den vorgenanten fridrichen Lantgrafen ze During Marggrafe ze meyssen vnsern liben Swager vnd frunde vnd seinen kindern ire Erben vnd nachkomen zwischen Weinachten di Schirist komen vnd dannen vbir eyn ganczes Jar Wider Ludwigen Steffan vnd ander ire Bruder Herczogen in | Beyern Ettwenne ludwiges kinder von Beyern der sich Cheyser nante keyner Hulfe muten noch begern wollin vff ir gut, lant ader Erbe ze zihen Wer awer daz | di vorgenannten Herczogen vff vns vnserr Reiche furstentum Herscheften vnd lande zugen, So sullin Si vns zebehalden vnser Reiche furstentum Herschefte vnd lant | wider si als wider ander vnser feynde vnd widersachen beygestendig vnd geholfen sein, So si beste mugen vnd alls der Hulfe not wirt an geuerde | Wer auch das der vorgenannt fridrich Marggraue ze Missen oder sein Erbin Inn wennig der vorgenannten frist mit den Herczogen ze Beyern vnsern Widersachen ze Chrige wurden, in welchir Schicht datz gescheh So sol furbacz di vrist ws sein vnd sullin dann vns vnsirn brudirn vnd vnsern vnd iren Erben wider diselbin Hertzogen ze Beyern Als wider | ander vnser feind vnd widersachen beholfen sein vnd des ze vrkund vnd gueten gedechtnuzz habin wir karl Romischer kung vnd kung ze Behem Vnd wir Johans Hertzog ze kernthin Grauen ze Tyrol vnd ze Görcz derwegen vnsir beyder Insigel gelegt An disen brief Vnd vber datz gelobin wir mit gesampterhant mit geswornen Ayden in guten treuen An alle geuerd das wir des Hochgebornen Wenczlaben vnsirs brudirs Insigel Schaffen wellin An disen gegenwortigen briue so wir schirist mugen Wer awer das | es von Hindernuzz ader von dheinen Sachen welherley di wer an disem brif nicht queme dennoch sol diser gegenwortig brif alle Chraft hobin vnd in allin den gelubden eyden verbuntnuzz vnd macht bleiben als ob desselben vnsers bruders Insigel daran komen wer mit getzeug ditz briefs der Gebin ist ze dresden. | Nach Christes gepurd dreuzehnhundert vnd in dem Achtvndvirczikisten Jar An sand Thomas Tag des Heiligen Czwelfpoten In dem dritten Jar vnserer Reiche. Original auf Pergament mit zwei Wachssiegeln. Das kaiserliche ist nur theilweis 1 Wir karl von gots gnaden Romischer kuenig ze allen zeiten Merer dez Reichs vnd kung ze Behem veriehen vnd | tun kunt offenlich mit disem briefe, Wann der Hochgeborne Fridrich marggrafe ze myssen vnser liber | Swager vnd fuerste sich mit seinen kinden fridrich Balthasar vnd ludwige vnd andern seinen erben | in vnsern dinst verpflichtet hat, daz sie vns beholfen vnd beistendig sullen sein beinamen wider graff gunthern von Swartzburg hern ze Arnstet vnd wider alle andern vnser widersachen nynmand vzzenemen | darumb geloben wir in mit guten truwen an eydes stat dacz wir vns mit dheinen vnsern widersachen | beinamen mit Grauen Gunthern dem vorgenannten vnd mit allen den di darin wachsen oder die | sich in den Crieg flechten nymer berichten wellen noch sune oder dhein berichtigung mit in hoben, ez sei dann mit dez vorgenannten vnsers swagers vnd seiner erbin guten willen Rat wort vnd wizzen vnd wir Johans von gots gnaden Herzog ze kernthyn Graue ze Tyrol vnd ze Gorcz beken | nen vnd geloben in aller der weizz als do vor geschriben stet den vorgenannten Hochgebornen fursten | Hrn fridrich marggrafen ze meyssen vnd seinen sunen alle die gelubde in allen iren bunden gentz stet vnd on allen bruch halten wellen on allez geuer. Mit vrkund ditz briefs versigelt mit vnsern | Insigeln der geben ist ze 1349 Dresden noch Christs geburt drewzenhundert vnd newen vnd fier- Jan. 3 czig Jar | dez nehsten Sunnobuncz vor dem obirsten tag In dem dritten Jar vnser Reiche. Orig. auf Pergament mit 2. Wachssiegeln, wovon das kaiserliche nur halb vorhan den ist. In fidem copiae. 8* |