No. 273.

1496 (28. Apr.). Wir Johanns Pfalzgraue by Ryne 2c. thun kunt, das wir vß sunderlicher andacht vnd neigunge, so wir jnn vnserm herken tragen zu dem lieben hern und ersten marteler s. Stephan, eyn stuck von der hiernschale desselben heiligen s. Stephans, so vns dan von dem Apt zu Rodenkirchen by Bolanden gelegen worden ist, dem Dechandt vnd Capittel der jzgenanten s. Stephanskirchen zu Menz, damit dasselbe heyltumb mee geeret, werde, gegeben haben.

Geb. zu Siemern, off dornstag nach dem Sondage Jubilate, a. d. m.cccc.xcvi.

(Das Siegel hängt unbeschädigt an.)

No. 274.

Orig.

1497 (17. Aug.) Wir Heinrich vnd Sittich von Iringshusen gebrudere Bekennen, das wir hern Wilhelmen landgrauen zu Hessen 2c. verkaufft haben unser dorf Rulfferode mit aller oberkeit, Hirlichkeith, In vnd zugehorunge, in maissen vnser alternn seligen vnd wir solch dorff Ingehabt vnd gebrucht haben, vmme zweyhundert vnd zwenzigk guter gnemer Rinischer gulden an golde frangforter werunge uff widerkauff.

Geb. of donrstag n. assumpc. Marie, a. d. M.CCCC.XCVII. (Die Siegel fehlen.) Orig.

No. 275.

1498 (26. Apr.). Wir Philips pfalzgraue by Rin 2c. Bekennen, das wir durch vnnsere Hoffmeister vnd Rete mit vnnserm lieben getruwen Casper Orlenhaupt vertragen sin vmb die Vogthy zu Nackheim, darzu er von wegen sin selbs, Annen vnd Catherinen von Nackheim, closterfrauwen zu den wyssen frauwen zu Meink vnd zu Rosental als von Hannßen von Nackheim seligen ererbt, mit vns gerechtigkeit gehabt, welcher closterfrauwen gerechtigkeit der ben. Casper dan an sich bracht vnd also, das vnns derselb Casper Orlenheupt dieselb vogthy mit irer eigenschafft vnd aller gerechtigkeit zu vnnsern vnd vnnser erben hannden erblich gestelt vnd der auch genklich vbergeben hatt. Dagegen haben wir Ime versprochen, wann vnns oder vunsern erben eyn lehen Ihensit Rins ledig werde, das jerlich x. oder xii. gulden gelts oder den wert ongeuerlich ertragen moge, das wir Ime vnd sinen lehenserben das lyhen wollen.

Dat. Heydelberg, off dornstag nach s. Forgen tag, a. d. M.CCCC.XCVIII.

(Das Siegel Kaspar Orlenhaupts hängt unversehrt an.) Orig.

No. 276.

1500 (29. Juni). Wir Wendel vnd Aßmuß von Riedern die gebruder Bekennen, das wir verkaufft habenn hern Philipssen Grauen zu Hanawe vnd sinen erben vnnser Schloßchin oder Burgk zcu Harperßhausen midtsampt dem hoffe, hauß, schewern, garten vnd Frem begriffe vns zum halben theyle zustendigk midt allen zu vnd Ingehorungen, dorzu hundert vnnd Sechs morgen ackers, Sechzehenhalben Manßmot wiesen, auch etliche kappen Genß, Somer vnnd fasennacht huner midt Fren Rechten, zinßen, fruchten vnd hawe zehent daselbst, deßglychen die korn gulte von der erden Inn Altheymer margk vnd ein gegenwechssel Heynriche Kriegs gewest ist, Item die erden vor dem forst hyne vnd Vlriche Schymar ikt Innen hot, Item ein weyher zwuschen den Geylingen gelegen, dorzu ein virtel am hoffe zu Altheym, wesse vuns dene gebrudern allenthalben von vnserm vatter Philipssen von. Riddern seyligen, der solichs von vnserer Mutter seyligen ererbt vnd furters vns vfferstorben vnd zu handen komen. Vnd dorvmb hot vns der obg. kauffer Sechs hundert gutter Rynischer gulden Inn vnsern Nuze also bare bezalt vnd wol geweret. Geb. am Montag f. Peter vnnd Pauls tag, n. Chr. geb. ...

m.ceeee.

(Die Siegel der Aussteller hängen wohl erhalten an.) Orig.

No. 277.

1500 (30. Juni). Wir Wilhelm von gotis gnaden Lantgraue zu Hessen 2c. Bekennen Nachdem nach totlichem abgange etwan hern Wilhelms lantgrauen zu Hessen, vnsers lieben vettern seliger gedechtnis, vnser lieben getruen Burgermeyster, Raithe und ganze gemeinde vnser Stat Biedencap vns als Frem rechten erbhern eyne rechte Erbhuldigung gethan haben, das wir nu dorvmb Ine solche gnade gethan, Also das wir Sie sollen vnd wullen lassen by allen alden gnaden, ge= wonheiden, friheiden vnd rechten, als sie von vnsern Aldern herbracht han.

Geb. off dinstag f. Iohans Baptisten obint, a. d. M.CCCCC. (Das Secretsiegel des Ausstellers hängt unversehrt an.) Orig.

No. 278.

1500 (20. Juli). Wir Wilhelm vonn gotis gnadenn Landgraue zu Hessen 2c. Bekennen, nachdem der hochgebornn Fürst her Philips pfalzgraue bie Rhein 2c. vnnser lieber vetter in Irrunge vund forderung zwuschen dem hochgebornenn furstenn etwan hern Wilhelmen Landgrauen zu Hessen ic. vnnsern Lieben vettern seligen gedechtnis vnnd dem woilgebornen vnnserm Lieben Neuen vnnd getruen Otten Grauen zu Solms uff Irer beydersyts verwilligung vnd zulaßen, Inhalt des vertrags oder entscheits brieff derhalbenn vnnserm Vettern seligen vbergeben, datum stehit Frangkfurt uff Samstag noch s. Kilianstag in a. d. M.CCCC.LXXXIX. hat, das

Graue
vonn Solms obg. die fleckenn. Wolffers
heim, Wecksheim, auch das halbtheil zu Gruningen
vnnd das dorff Roitgen vnnserm vetter seligen zu eigenn ge-
macht vnnd die vonn seiner Liebe zu Erblehen widderumb ent
pfangen hait, vnnd dwil nun Graue Otto die gemelten Fleckenn
obgerurter maißenn zu eigen gemacht vnnd vbergeben, Auch
also by vnnserm vettern seligenn entpfenglich getragenn hait,
Vff das wir dan demselben entscheide des stucks als nachvol-
gender rechter Erbe vnnsers vettern seligenn auch nachkommen,
So liehenn wir dem egen. Grauen Otten vnnd sinen Erbenn
die bestimpten flecken Wolfferßheim, Weckesheim ganz,
Auch Gruningen halp vnnd das dorff Roitgen, luth des
gerurtenn vertrags vund In Craft dießs Brieffs zu rechtem
Erblehin nach Erblehenn recht vund gewonheit.

Geb. zu Marpurg, Montags nach Alexii, a. d. M.D.
Orig.

(Das Siegel fehlt.)

"

89 ist immer talentorum zu lesen, und 3. 11 v. u. cantarum.