I. ORGANIZACJA UNIWERSYTETU KRAKOWSKIEGO.
1. Dyplom erekcyjny uniwersytetu krakowskiego (12. V. 1364). 1
(Stanisław Krzyżanowski: Poselstwo Kazimierza Wielkiego do Awinionu i pierwsze uniwersyteckie przywileje, Rocznik krakowski 1900, IV, s. 60-64, oraz fotografja oryginału).
In nomine Domini Amen. Ea, quae ex regalis magnificentie beneplacito, eximia nimirum devocione et fidei puritate, ad profectum subditorum et salutem humane condicionis, piis et graciosis affectibus ordinantur, adhibicionem fidei conquirant et gaudeant maiori fulcimine firmitatis, quia nichil valet quod statuitur, nisi statuta ex ampliori diligencia observentur. Proinde Nos Kazimirus dei gracia Rex Polonie ac terrarum Cracovie, Sandomirie, Syradie, Lancicie, Cuyavie, Pomoranie, Russieque dominus et heres, cupientes ferventi desiderio, veluti ex debito tenemur, ut res utilis, omnisque prosperitas humane condicionis dilatetur, meliora prospicientes, nec ea dubitantes clericis et subditis regni nostri profutura, in Cracovia civitate nostra locum ubi studium vigeat generale in qualibet licita facultate, nominandum, eligendum, constituendum et ordinandum duximus, et inantea futuris perpetuis temporibus esse volumus in hiis scriptis. Sitque ibi scienciarum prevalentium margarita, ut viros producat consilii maturitate conspicuos, virtutum ornatibus redimitos, ac diversarum facultatum eruditos; fiatque ibi fons doctrinarum irriguus, de cuius plenitudine hauriant universi literalibus cupientes imbui documentis. Ad quam scilicet Cracoviam universi non solum regni nostri et regionum circumiacencium incole, sed alii ex diversis mundi partibus libere et secure confluant civitatem, preclaram huiusmodi sciencie margaritam assequi affectantes. Quibus omnibus et singulis subscriptos articulos in presenti cirographo contentos promittimus et bona fide spondemus tenere irrefragabiliter ac observare, videlicet rectoribus universitatis, doctoribus, magistris, scolaribus, scriptoribus, stacionariis et bedellis ac eorum fa
1) Kaz. Morawski, Historja Uniw. Jagiell. tom I, Kraków 1900; Józef Muczkowski, Wiadomość o założeniu uniw. krak., Rocz. Tow. nauk. krak. 1849, IV; St. Krzyżanowski, Poselstwo Kaz. W. do Awinionu, j. w.