I. DOCUMENTOS REFERENTES Á LA VIA ROMANA AFLUYENTE Á ILURO. (A) Diploma del rey Luis el Balbo, en que se menciona la via romana de la marina, la iglesia de San Martin y varias alquerias de la comarca iluronesa, año 878. In nomine Domini Dei aeterni, et Salvatoris nostri Jesu Christi, Ludovicus, misericordia Dei Rex. Si sacerdotibus in quibuslibet necesitatibus Ecclesiasticis, nostra auctoritate sublevandis consulimus, et ad ministerium suum liberius exequendum opem ferimus, a summo Pontifice Domino nostro Jesu Christo aeterna. remuneratione largiri nobis praemia non ambigimus. Notum sit igitur omnibus fidelibus sanctae Dei Ecclesiae nostrisque praesentibus scilicet et futuris, quia venerabilis Frodoinus. Barchinonensis Episcopus ad nostram accedens clementiam deprecatus est regiam celsitudinem nostram quatenus ipsam Ecclesiam et Sedem Barchinonensem sub inmunitatis nostrae tuitione susciperemus, sicut dominum genitorem nostrum Karolum imperatorem constat fecisse. Cuius precibus libenter acquiescentes praecipiendo iubemus, ut nullus iudex publicus, vel quislibet ex iudiciaria potestate, in Ecclesias aut loca, aut agros, seu reliquas possessiones, quas moderno tempore in quibuslibet pagis vel territoris infra ditionem regni nostri iuste et legaliter memorata tenet et possidet Ecclesia, vel ea quae deinceps ȧ catholicis viris divina pietas in iure ipsius Ecclesiae tam ingenuos quam servos super terram ipsius voluerit augeri, ad causas audiendas, aut freda, vel tributa exigenda, aut mansiones vel paratas faciendas, aut fideiusores tollendos, aut homines ipsius Ecclesiae, tam ingenuos quam servos super terram ipsius conmanentes, vel francos iniuste vel iuste distingendos nec ullas redibitiones aut illicitas occasiones requerendas, nostris et futuris temporibus ingredi audeat, vel ea quae superius memorata sunt penitus exigere praesumant, sed liceat memorato Praesuli suisque succesoribus res praedictae Ecclesiae cum omnibus sibi subiectis sub inmunitatis nostrae defensione quieto ordine possidere et nobis fideliter deservire. Petit etiam venerabilis Frodoinus Episcopus ob amorem Dei et reverentiam S. Crucis, in cuius honore praedicta Ecclesia Barchinonensis dedicata est et S. Eulaliae, cuius corpus in ipsa |