en la bona gratia del legat et del comte de Montfort so et que ieu vous rendray entre vostras mas la plassa et castel al nom deldit legat et comte pourveu que els bous me fares mon acord et apontamen sans perdre del meu et ieu lor prometias de los ben servir envers touz et contre toutz. Laquala causa lodit Brocard a promesa de far coma lodit Peyre Rogie avia dict et deus promes ladita causa et accordz de tene et observa et incontinen lodit Rogie a fait dosta los fers de las cambas deldit Brocard losqualz avia portatz tant que avia demorat prisonie et la barba ly a faita fa ct la habillat honestamen et demvers lodit legat la trametut ben montat et acompaniat aldit Carcassona ont era touta larmada et quand lo comte la vist en tala forma et maniera nes estat esmerveillat et ly a demandat coma era sortit de Cabardes et adonc ly a tout contat dont lodit comte de Montfort es estat fort joious et n'a sentit bon grat aldit Peire Rogie et ses accordat de fa so que el et lodit Brocard seren promes et sa venguda ly a mandada de so que lodit Rogie es estat ben conten et a faita preparativas tant de viandas que dautres causas necessarias en tala causa et adonc son partitz lesdit legat et comte per ana prendre possessieu del Cabardes et ledit capitany les a ressaubutz fort honorablamen et lor a baidat las claus et adonc es estada mesa una bona garniso dins lodit castel. Et tout so dessus fait coma dit es belcop d'autres plassas se son rendudas et metudas entre las mans deldit legat et comte et quasi tout lo pais per lors sen es vengut lodit legat an touta son armada devers Lavaur laquala cieutat era duna dona apelada dona Guirauda Jaquala avia un fraire home vaten apelat Aymeriguat senhor de Montreal et de Laurac lo gran mas lodit legat et comte las ly avian preses lasditas plassas et ly avian tuatz et murtritz sos homes sinon paucs que ly eran demoratz per lasqualas causas Aymeriguat sera retirat an sa sor aldit Lavaur an una bona et granda compania quel avia aguda. Et adonc es vengut et arribat lodit legat et comte de Montfort en sas gens davant lodit Lavaur et lo sely y a pausat car ladita vila es forte et granda et ben torneíada de valatz preions et dedins de bons homes et valens losqual se defendian ben aldit legat loqual y tenguet lo sety mai de sies meses sans y fa res a lor profit car adonc les vieures eran tant cars que no sen podian troba per argen a causa que los de Tolosa tenian toutz los passatges sarratz talamen que den loc no sen podian gaire ave aldit sety dont passavan pro de mal et dins lodit Lavaur ero lodit Ayme riguat coma dit es. Or dit l'historia et libre que dementre que lodit sety era davan Lavaur que una armada dAlemans losquals eran be sies mille venian dona secours aldit legat et comte de Montfort losqualz se aneren lotia al loc de Monioire ou a lentour per aqui les uns pres des autres car anaven sarradamen per so que eran en la terra dels ennemics et adonc un que avia espiatz losditz Alemans sen venguet a Tolosa on era lodit comte Ramon an grand cop de senioria lo ont era o comte de Fois home valen et entreprenen ainsi que monstret alqual comte de Fois ledit espia ses adressat per so ly dire so que aian entendut lodit comte sans fa autre delay a fait arma sas gens de bela neit audit Monioiri et ambel se so metutz forsa gens del pais, et sen son anatz embosca dins la forest que qualia que lesdits Alemans passessen per ana aldit Lavaur et aquis les an attendutz entre lendema matiu coleil levan que losdits Alemans son vengutz par passa ladita forest mas no son estatz gaire avant quand lodit comte de Fois lor a commensat a frappar dessus de tala sorta que non sen es salvat quun que totz no son estatz mortz ou hlassatz ou preses la ont lodit comte et las gens del pais an presa una granda richessa et apres aquo lodit comte de Fois sen es anat a Montgiscard an la presa que avia faita et lasdites gens del pais sen son tiratz cascun en son endrect et adonc aquel que era salvat (que fouc grand causa que non escapet que el) Sen anet aldit legat et comte de Montfort conta la granda desconfitura que era estada faita et que sy prestamen non anaven al secours tout era perdut et tuat laquala causa ausida per lodit legat et comte incontinen an fait arma ben quatorze mille homes et aldit Monioire es anat et qui may a pogut ana et corre a corregut que lun natendia pas l'autre per secours lors gens mais tard son arribatz car toutz seran retiratz et non trobet lodit comte Montfort (loqual y ero en persona) home a qui parla sinon que les blassatz et mortz quera grand pietat dont lodit comte de Montfort es estat miech desesperat et a fait carga sur forsa carrretas los que neran que blassatz per los fa pensa et garie dont belcops ne so mortz per les porta aldit sety mais lodit comte de Montfort es demorat a Montjoire per fa enterar los morts afin que las bestias no les mangessen. Et apres aquo sen es tornat aldit sety de Lauaur fort fachat et incontinen que y estat a fait apresta sas gens per donna, l'assaut per se venga de so que lodit comte de Fois en avia fait environ la festa de Sta. Croux de May que aisso foret fait et adonc que touta la gen es estada presta lodit comte de Montfort a fait prepara la guata laquala era un engin per tira peyras e abatre las muralias laquala faita mena dins lo valat et talamen an fait que la villa an gazaniada nonobstant forsa valenta gen que y avia dedins an faita tala tuaria tant d'homes que fennas et petitz effans que no y laissaven a mettre a mort et adonc un noble home (ainsi que montret) anet devers lodit comte quand vit ladita tuaria per ly demenda un nombre de donas que seran retiradas en certen loc ams lours petitz effans lasqualas ly foren donadas et adonc lodit siur coma noble las va totas prendre tant vielias que jouenes et las va baillar en garda as un tas de sas gens lor commandan sur pena de la vida de no fa tort a deguna mais las gardessen be et honestamen so que fouc fait. deldit castel an vingt de sas gens tant solamen et es anat troba lodit comte de Monfort loqual la recullit fort honestamen et gratiosamen et ses pres a Et adonc ledit comte de Montfort a fait prendre ben quatre vingtz homes dels plus apparens de ladite ville et aussy lodit Aymeriguat fraire deladita dona Guirauda dama deldit Lavaur a fait prendre en saly dire que el avia mes sas gens en grand piatat compania ben.quatre vingtz caualiers et gentilhomes losquals fec toutz peniar et estranglar en auten gibet que fes fa davans lodit Lauaur mais sur toutz los autres ne fec fa un nault per peniar lodit Aymeriguat❘ com le plus grand de toutz les autres et apres tot so dessus a faita prendre ladita dona dama deldit Lavaur et dins un poulx touta bieua la faita descendre et estant al fons a ly gitat tant de caliaux dessus que touta la ne a couverte et faita morir dins lo potz de mala mort. Et apres ant tuatz toutz so que eran dins lodit Lavaur que foret un plus grand murtre que lo del dit Montioire le siur que avia lasditas damas deman- | dadas et bailladas en garda a sas gens lor a baillat conged per sen ana la ont lor plairia et fouc una grand noblessa et adonc avia en la compania deldit comte de Monfort un grand et riche home loqual sapelava de son nom Ramon de Salvaniac que era de Caors loqual merchan avia fornit et fornissia grandas somes dargen dont lodit comte ly era grandamen tengut per lasqualas somes et deutes ly fouc baillat en pagua la piliaria del dit Lavaur dont aguet unà inestimable richessa. Or dit l'historia que apres la presa de Lavaur lodit comte de Monfort a presas toutas las plassas de lentour dont a aguda mainta richessa et sen es anat al castel de Monferran loqual tenia lo fraire deldit comte Ramon apellat Baudoin loqual era valen et ardit mais la plassa no ero pas de las plus fortes et lo sety es estat metut davan et an donat lassaut per lo prendre si podian mais lodit comte Baudoy per lor assaut no ses esbahit ny los que eran an el mas se son portatz valentamen et aquelz que eran an el losqualz sapelavan lo viscomte de Monclar et un autre gentilhome apelat Pierre et Pons le Ros de Tolosa et Nuc dElbral et St. Espossa, Ramon de Peyregord et autres jusqual nombre de quatorze tant solamen mas ben balens et adonc lodit comte de Monfort a fait mena calabres et peyrieras per abatre ladita plassa et lodit assaut an donat la on eran plus de quatorze mille homes mais los de dedíns se son valentamen defendutz que peyrieras calabres trabuquetz tout lor an brullat et romput en tala faisso que jamay plus no sen son pogutz aiuda et les an fait sortre del balat de ont eran intratz que pro que ny an fait demora talamen que nan agut plus de les assalir so que quand lodit comte de Monfort a vist ses esbahit vesen que lo castel nero pas gaire fort et ses informat qual era dedins dont ly es estat dit que lo fraire del comte Ramon y era capitany dont el ses emmagenat que aquo nera pas sans y ave de valenta gen an el et per so a mandat lodit comte de Monfort aldit comte Baudoy que sasseguressa a fe de gentilhessa de lor veni parla laquala causa ausida lodit Bodoy es sallit et el mettessas et que son fraire no lo aymavo gaire de lo mettre en una plassa ny forta ny defensable et quel no lor podia melior trametre a les cargaria et que vist tout so dessus et que a la fin no se poiran defendre vist aussi tantas de plassas que ly an mesas an lor poder plus fortas que aquela et seria conten que lodit comte Baudoy sen anet vidas et baguas salvas del et sas gens pourveu que jamay contre lodit comte de Monfort ne se ar mara et ny en res ny per res et aussi ly promet que sel an el bol demora ly donara pro seniorias per son estat entretene et que de tout so que gasaniara le fara participan so que lodit comte de Monfort fasia afn dave melior argumen dassallir le comte Ramon alqual lodit Bodoy a respondut quel faria en la forma el maniera que lodit comte ly avia dict et so se son promes et jurat de cascun cartier. Et adone lodi: comte Bodoy a baillada et dilieurada ladita plassa de Monferand aldit comte de Monfort et devers son fraire le comte Ramon es vengut que ly a contat tout coma es estat fait delaquala causa lodit comte Ramon es estat may corrossat que ai aguessa perduda tonti sa terra et a dit a sondit fraire que jamay plus davan el no se trobe et que el es quel aía no volra de ma per se esse ainsi acordat et aliat an son enemic et adonc lodit comte Bodoy es anat denvers lodit comte de Montfort loqual la reculhit ainsi que promes ly avia et pey ses retirat dins lo loc de Borniquel loqual era de sondit frairé et per lors lo comte de Monfort es tirat vers Rabastens Galiac Montagut losqualz se son rendutz et donatz la Garde Pechelsis la Guippia et S. Antoni et tout le pays es estat en son poder e d'aquella reductieu de pays lauesque d'Alby es estat causa car aquels pais era tout ple deretges et daqui lo comte Monfort es tirat vers Bruniquel per y mettre lo sietge mais lodit comte Baudoy ly es anat a lendavan et ly a demandada ladita plassa car autre loc n'avia per se retira la qualla ly a donada et otracjada per ne fa a son plazer et comandamen. Dementre que tout aisso se fasia arribet an una grand compania et armada per aiuda lodit legat et comte de Monfort lo comte de Bar loqual es arribat et repaousat a Montgiscard loqual ero anat troba an una bela et noble compania lo comte de Monfort aldit Mongiscard per lo reculby et apres ! ave sejornat sen son partitz al cap de quatre ou cinq jours et dreit a l'autre host son anatz loqual era coma dit es aldit Albiges et y an assemblat lo conseil per loqual es estat arrestat quels vendrian metre lo sety devant Toloza per la prendre et ne git: lo comte Ramon loqual ne era be advertit et per aquo avia fait pervesieu de bona hora de gens et sa que mestie y fasia. Et ainsi nan falit a executa losdit legat et comis |