gniaco, Guillelmum de Corvolio, de Commaigniaco, Girardum de Villericis, de Festo, prioratuum priores prefatos, per nos ad id deputatos, eadem die secunda mensis Augusti presentari fecimus, petentes et requirentes ut suum eidem postulacioni preberet assensum. Quiquidem reverendissimus dominus cardinalis, auditis postulacionibus, peticionibus et supplicacionibus nostris, habito cum egregiis viris et famosis doctoribus sibi tunc assistentibus consilio, more pii patris monasterio nostro compaciens, eidem postulacioni nostre annuendo consensit, quatenus Sanctitati vestre et Sancte Sedi apostolice placuerit. Ea propter eidem vestre Sanctitati devote et humiliter unanimi voto supplicamus quatenus hujusmodi postulacioni nostre misericorditer annuendo prefatum reverendissimum dominum cardinalem nobis et monasterio nostro concedere digneris in patrem et pastorem, curam, regimen et administrationem ipsius monasterii in spiritualibus et temporalibus eidem quoad vixerit commictendo ut, Deo auctore, sub ejus felici regimine monasterium nostrum regulari observancia floreat et optata in spiritualibus et temporalibus suscipiat incrementa; et ut evidencius appareat premissa fore vera, hoc presens nostre postulacionis decretum per notarios publicos infrascriptos subscribi et signari sigillique dicti nostri conventus fecimus appensione communiri.

Datum et actum in monasterio nostro et loco capitulari prefatis sub anno a nativitate Domini millesimo quadringentesimo sexagesimo secundo, indicione decima, die vero predicta, secunda scilicet dicti mensis Augusti, pontifficatus vestre Sanctitatis anno quarto, presentibus ibidem nobili domicello et honorabilibus et discretis viris

Karolo de la Brosse, Benedicto Miloti, Johanne Barbeti jurisperitis, illustrissimi principis domini ducis Burgundie consiliariis, et domino Georgio Gayroteti, presbitero Eduensis diecesis, testibus ad premissa vocatis et rogatis.

Minuta processus electionis seu postulationis suprascripte.

In nomine sancte et individue Trinitatis Patris et Filii et Spiritus Sancti, amen. Noverint universi et singuli presentes licteras seu presens publicum instrumentum inspecturi, quod cum de anno presenti currente, millesimo quadringentesimo sexagesimo secundo, indicione decima, die vero vicesima mensis Jullii, pontificatus sanctissimi in Christo patris et domini nostri domini Pii divina providencia pape secundi anno quarto, monasterium Sancti Martini extra muros Eduenses, Ordinis Sancti Benedicti, ad Romanam Ecclesiam nullo medio pertinens, per obitum quondam domini Johannis Parvi Johannis, ultimi illius monasterii abbatis, vacaverit et fuerit abbatis solacio destitutum, corpore ipsius abbatis dicta die ecclesiastice tradito sepulture, illiusque exequiis venerabiliter et debite celebratis, venerabiles et religiosi viri frater Johannes du Verne, prior major, ceterique fratres et monachi tunc presentes et capitulum seu conventum facientes de provisione dicti monasterii et electione futuri abbatis diem dare presencium videlicet secundam mensis Augusti anni predicti cum continuacione sequencium dierum, si opus foret, ad eligendum et pro

videndum de futuro abbate, statuerunt et prefixerunt licterasque citatorias ad citandum et vocandum absentes priores a monasterio dependentes aliosque electioni abbatis hujusmodi tam de jure quam de consuetudine interesse debentes decreverunt, ipsosque absentes ad dictam diem citari et evocari fecerunt, prout de hiis constare potest per publica instrumenta manibus notariorum publicorum confecta. Adveniente igitur dicta die secunda mensis Augusti, congregatisque omnibus qui electioni hujusmodi interesse poterant et debebant, decantata devote et solemniter missa Sancti Spiritus in qua omnes dicti conventus fratres qui ipsa die missam non celebraverant receperunt Eucaristie sacramentum, demtis duobus infirmis in suis cellis existentibus et non valentibus dicte misse interesse et uno quem propter certam indisposicionem ex consilio majorum ipsa die non convocaverunt, decantato hymno Veni Creator Spiritus ad sonum campane, ut moris est, aliisque de jure requisitis observatis, capitulum seu locum capitularem dicti monasterii processionaliter et devote ingressi fuerunt: videlicet fratres, etc.

Quibus ibidem congregatis vocatisque et acersitis secum pro directore et consiliario venerabili et egregio viro magistro Thoma Laplotte, decano Autissiodorensi, in utroque jure licentiato, nobisque notariis et testibus infrascriptis, propositoque verbo Dei et caritiva monicione facta de modo eligendi per prefatum dominum decanum, supradictus prior major vice, sua et omnium et singulorum de conventu, monuit omnes et singulos excommunicatos, suspensos et interdictos et quoscumque alios, si qui forsitan inter eos essent, qui de jure vel de

consuetudine dicto electionis negocio interesse non deberent, quod de dicto capitulo recederent, alios eligere libere permictentes, protestans quod non erat sua nec aliorum intencio tales admictere tanquam jus in electione habentes, quodque talium voces, si qui reperirentur interfuisse, postmodum nulli prestarent suffragium nec offerrent alicui nocimentum, sed prorsus pro non receptis et pro non habitis haberentur. Quibus monicione et protestacione sic factis, prefatus prior major in dicti subprioris et dictus subprior omnesque alii et singuli fratres supradicti in ipsius prioris majoris manibus corporale juramentum prestiterunt de eligendo in abbatem dicti monasterii illum quem quilibet ipsorum crederet ecclesie seu monasterio in spiritualibus et temporalibus utiliorem, nec illi vocem dare quem verissimiliter sciret precio, promissione aut dacione alicujus rei temporalis per se vel alium pro se electionem procurasse. Postea vero propositis per prefatum dominum. decanum variis viis et formis per quas ad electionem deveniri posset, videlicet Sancti Spiritus seu communis inspiracionis, compromissi et scrutinii viis aliaque media quam partim ex scrutinio et partim ex compromisso doctores vocant, placuit ipsis fratribus et religiosis omnibus et singulis experiri si per viam communis inspiracionis hujusmodi electionis negocium adimplere possent cum protestacione de recurrendo ad alias si per eam negocium ipsum non adimpleretur. Tunc surrexit frater Franciscus Célérier, supranominatus. Surgens de medio dixit « In nomine Patris et Filii et Spiritus Sancti, ego eligo et nomino in abbatem hujus monasterii fratrem Johannem de Cussigneyo priorem de Bragneyo » supras

criptum; ad cujus vocem quamplurimi ex ipsis fratribus surrexerunt dicentes quilibet « et ego pariter; » sed frater Ferricus de Luziaco, subprior predictus, surgens dixit: « et ego eligo abbatem monasterii Flavigniaci » ; et sic interrupta fuit via illa. Postea vero tractantes quam ex aliis viis sequi et tenere vellent, tandem placuit eis viam illam communem que partim ex scrutinio et partim ex compromisso est eligere, nominaveruntque ex eorum unanimi consensu supradictos religiosos fratres Johannem du Verne, priorem majorem, Guillelmum de Corvolio, de Commaigniaco, et Michaelem Musseti, Sancti Augustini, Nivernensis diocesis prioratuum priores, quibus plenam generalem et liberam potestatem dederunt ut ipsi, secreto et sigillatim voluntatibus omnium requisitis et scructatis ac eis in scriptis redactis, illum in quem major et sanior pars dicti conventus consentiret eligere tenerentur. Quiquidem tres compromissarii seu scrutatores potestatem sibi traditam acceptantes et in partem juxta dictum locum capitularem secedentes, vocatisque secum domino decano suprascripto nobisque notariis et testibus, primo ad invicem vota sua scrutati sunt videlicet Guillelmus de Corvolio et Michael Musseti prefati predictum fratrem Johannem du Verne, priorem majorem, juramentum per ipsum et singulos eorum nuper prestitum ad memoriam reducendo, adjurando eum per Patrem et Filium et Spiritum Sanctum, in anime sue periculum, ut secundum Deum et conscienciam suam in illum dirigeret votum suum quem dicto monasterio magis utilem et magis ydoneum reputaret. Ipse autem taliter adjuratus consensit et votum suum direxit in persona reverendissimi in Christo patris et domini domini