Ad. de Blakeburn, Alex. de Kyuerdal, Henr. de Clayton, Willo del Hakkyng, et alijs.

IV. Motiue, rationes domini Henrici de Lascy, comitis Lincoln, facte domino Pape pro appropriatione ecclesie de Whalleye.

R

ATIONES comitis Lincoln, motiue, et inductiue ad supplicationem ipsius comitis dño Pape factam p appropria

tione ecclesie de Whalleye Abbati et conuentui Loci Benedicti de Stanl. concedenda benignius audiend.

Locus in quo situm est monasterium antedictum p inundationem aque maris ultra idem arcatur quam habitatio eiusdem Loci conuentus requirit, ac per quemlibet fluxum et refluxum maris continue decrescit. Ita quod infra paucos annos dictus Locus inhabitabilis penitus afficietur, unde euidens necessitas aliam habitationem requirit. Item singulis annis, saltem in maiorib3, maris fluxib3 totus situs dicti monasterij Loci Benedicti de Stanl. vi maris inundatur, ecclesia et domus omnes ibidem site quandoq. ad altitudinem trium, quinq., quatuor pedum aqua salsa replentur, ex quo, non solum rerum, sed et corporum quam graue periculum religiosi, et eorum familia ibi commorantes, frequentes incurrunt, cui periculo et dampnis grauiorib3, nisi p mutationem Loci, quoquo modo non poterit subueniri. Et hec sunt que necessario dicti monasterij translationem inducent.

Item predicti viri religiosi nullum alium Locum habent, ad quem commode casu noui monasterij construendi se possent transferre, quod ppendens dictus Comes Linc. eorum patronus eis compatiendo eorum periculo, ac indempnitati non modice volens pspicere, amore diuino ius patronatus ecclesie de Whalleye antedicte sub spe appropriationis ipsius eis adquirende de licentia dñi Regis speciali casu construendi nouum monasterium in solo ecclesie antedicte contulit eisdem intuitu pietatis. Cuius comitis ac Regis benigni affectus absq. appropriatione predicte ecclesie debitum non possunt effectum sortiri.

Item voluntas dñi Regis Anglie in presenti casu est quam plurimum ponderanda, qui dictorum religiosorum periculum, necessitatem, ac dicte appropriationis securitatem ppendens, ius patronatus, quod ipsis dedit comes Lincoln antedictus de predicta ecclesia de Whalleye ex casu premissa, benigne approbauit, et que pprium statutum eam confirmauit eisdem ex gratia speciali. Item fauor religionis est in hijs attendendus, ac summa ratio que p religione facit.

Item prefatum summum pontificem ad concedend. mouere debet, quod illud idem quod nunc petitur dñus Couentr. et Lichef. episcopus iamdudum affectans quartam partem ecclesie de Whall. antedicte appropriauit Religiosis eisdem, ac dicte sue appropriationis confirmationem ab utroq. suo capitulo sui gratia ipsis fieri in scriptis intuitu caritatis.

Item predicta translatio, ad solum antedictum, non solum est necessaria religiosis predictis, qui maiorem partem bonorum suorum in partib3 illis habent, sed etiam patrie in circuitu sterili et paupertate grauate quam plurimum pfutura cum p hospitalitatem et elemosynarum largitionem quas ipsi religiosi ibidem facturi indigentib3 frequentius solito vel potius singulis dieb; et ppetuis temporib3

succurretur.

Item ad hanc appropriationem faciend. dñum Papam multum mouere debet augmentatio cultus diuini, cum p eam si fiat ita ordinauerit comes Lincoln antedictus, quod numerus monachorum augebitur de viginti monachis ppetuis temporib3 in dicto monasterio Deo assidue seruituris, et panimab3 dictorum dñorum Pape et Comitis singulis dieb3 imppetuum missas celebraturi, plusquam unquam antea in eorum monasterio consueuerant deseruire. Nec credat aliquis quod p istam translationem cultus totaliter cesset diuinus in loco in quo nunc sita est Abbathia prenotata, quia ut ipsius Loci Benedicti de Stanl. celebris memoria habeatur auctoritate dñi pape interueniente placet Comiti et Abbati antedictis super hijs taliter ordinari, ut cunctis dieb3 et temporib3, dummodo dictus Locus

Benedictus de Stanl. possit inhabitari ibidem tres vel quatuor monachi qui hospitalitatem tenebunt, et alia opera facient Deo semper intenti secundum sui ordinis disciplinam.

In recapitulatione premissorum est sciendum quod per hanc appropriationem, si fiat, augebitur numerus seruorum Dei secundum facultates dicte ecclesie de Whalleye, largitio florebit elemosynarum, multiplicabitur gratia hospitalitatis, et patrie sterili in multis ppetuis temporib3 succurretur. Et preter hoc nominaliter, p animab3 predictorum dñorum Pape et comitis Lincoln, qui nunc sunt, singulis dieb3, quamdiu duret mundus, celebrabuntur xx. misse p xx. monachos dicte domus, ad hoc specialiter deputandos in eadem, preter alias orationes et elemosinas infinitas, que cunctis temporib3 fient ibi p eisdem, cum ista appropriatio et dicte Abbathie translatio ducte fuerint ad effectum. Assignatis iam rationib3 quib3 predictus comes Lincoln mouebatur ad premissa, sequitur forma donationis de iure patronatus dicte ecclesie de Whalleye facte dictis religiosis in hec verba.

Uniuersis sancte matris ecclesie filijs ad quos presens scriptum puenerit Henr. de Lascy, comes Lincoln, constab. Cestrie, dñus de Ros et de Reweynnok salutem in dño. Noueritis nos caritatis con

templatione (ut supra folio quarto prox. precedente.)

V. Litera domini Couentrensis et Lichfeldensis episcopi de recordatione donationis de aduocatione ecclesie de Whalleye facte nobis propter periculum circumferendi originale domini comitis Lincoln.

a

NIUERSIS hoc scriptum visuris vel audituris, Rogerus, permissione diuina Couentr. et Lich. episcopus salutem in dño. Noueritis nos cartam nobilis viri Henr. de Lascy, com. Linc. factam dilectis filijs Abbati et conuentui de

CC

Stanl. inspexisse in hec verba, Uniuersis sancte matris (&c. ut in supra folio primo precedente usq. ad finem.) Quia vero periculosum esset fratrib3 dicti monasterij originale istud secum circumferre, ut eius transcripto fides indubitata adhibeatur, nos predictus episcopus presentib; sigillum nostrum ad requisitionem fratris Ad. de Leyk predicti monasterij monachi fecimus apponi. Dat. apud Teruen in Oct. natiuitatis beate Marie virginis anno gratie m° cco lxxx quinto. Et consecrationis nostre vicesimo octauo.*

VI. Litere domini Johannis electi Dublinensis de recordatione donationis de aduocatione ecclesie de Whalleye facte nobis propter periculum circumferendi originale domini comitis Lincoln.

a

NIUERSIS hoc scriptum inspecturis vel audituris, Johannes miseratione diuina Dublinensis electus salutem in omni saluatore. Noueritis nos cartam magnifici viri dñi H. de Lascy, comitis Lincoln, factam dilectis nobis in Cristo Abbati et Conuentui Loci Benedicti de Stanl. in Cestrishiria inspexisse in hec verba. Uniuersis sancte matris ecclesie filijs (et cetera omnia ut supra in folio primo prox. precedente usq. ad finem.) Quia vero periculosum esset fratrib3 predicti monasterij tale originale secum circumferre, ut eius transcripto fides indubitata adhibeatur, nos predictus electus, caritatis intuitu, presenti scripto sigillum nostrum fecimus apponi. Dat. apud Wynlaton in Oct. natiuitatis beate Marie anno gratie mo cco lxxx quinto.

*This certificate of Bishop Roger de Meuland is given by Madox, formulare Anglicanum, and he describes the seal. Adam de Leyk does not appear as one of the monks in Dr. Whitaker's list, unless it is so written for Adam de Lostoke.

VII. VIII. IX. Carta, triplex, domini Rogeri de Meuland, Couentrensis et Lichfeldensis episcopi de Licentia transferendi abbathiam de Stanlawe usq. ad Whalleye.

R

OGERUS permissione diuina Couentr. et Lichef. episcopus, dilectis in Cristo filijs Abbati et conuentui Loci Benedicti de Stanl. salutem cum benedictione et gratia salutari. Ex insinuatione nobilis viri dñi Henr. de Lascy, Com. Lincoln, patroni vestri, intelleximus quod maris vicinitas vobis est adeo inimica, quod situm et locum abbathie predicte inundationes maris latenter occupant et consumunt, ita quod in breui mora tuta vobis in loco eodem aliqualiter non patebit. Propter quod nobis supplicauit humiliter et deuote, ut vobis remedium in hac parte paterna sollicitudine adhibere curaremus, et licentiam vos transferendi ad alium locum tutum in nostra diocesi situatum vobis concedere dignaremur. Cum igitur ex cura suscepti regiminis teneamur quieti ac securitati religiosorum modis quib3 possumus prouidere eiusdem nobilis viri deuotis precib; inclinati. Si ppter maris pericula sicut idem nobis suggessit collegio vestro tuta mora non pateat in Loco de Stanl. predicto transferendi vos ad alium locum tutum in nostra diocesi quem idem patronus vester vobis viderit oportunum, transferendiq. ad eundem ossa nobilium apud vos nunc humatorum liberam vobis concedimus facultatem. Omnib3 vobis et monasterio vestro sub nomine de Stanl. iuste et rationabiliter concessis post translationem hanc in suis firmitate et robore ppetuis temporib3 duraturis. In cuius rei testimonium presentib3 sigillum nostrum est appensum. Valete. Dat. apud Prees v. kalend. Decembr. anno dñi mo cco lxxxv, et consecrationis nostre xxviij.