vnd rastend ist, den sein vordern und er gestifft habent, vud hin nach. wanne daz ist, daz got vber in gebewtet, so sullen wir darnach, den voruerschriben, seinen Jartag, begen auf den tag, vnd er tod vnd verschaiden ist, in aller der mazz, als wir den vormallen bey im lebentigen, begangen haben, Wir sullen auch den selben Jartag, allweg selb besorgen, mit chertzen die man darzu haben sol, vnd mus, Vnd sullen auch ich, vnd all mein Nachkomen von dem selben Jartag nu fürbaz ewigchlichen, vnd alle Jar selber, auzrichten vnd geben den gesellen bei der pfarre, vier vnd zwaintzigk Münicher Pfenning, dem Letzner daselben vier pfenning, dem Capplan auf vorgenanten altar, vier vnd zwaintzigk pfenning, dem Schulmaister zwelf pfenning, dem Guster vier pfenning, vnd vmb kertzen vuser frawn Sechtzehen pfenning, vnd wanne oder welhes Jars wir daz also versitzen vnd daz wir den oftgenanten iartag also nicht begen, mit allem zugehorn, als vor verschriben stet, in dem nachsten monad, so sein wir veruallen, geben ze peu, den dürftigen, in daz Spital Sechz schilling Münicher pfenning, vmb ein Male, Ez ist auch ze merchken, daz der obgenant Hainreich Purolfinger mir vnd allen meinen Nachkomen, mit dem oftgenanten Anger, daz opffer seins obgeschribnen altars, daz vus dauon werden, vnd geuallen solt oder möcht, widerlegt vnd widerchert hat, also daz wir nach dem selben opfer, des vorgenanten altars, nichtz mehr dar auf, noch darnach ze vordern noch ze sprechen sullen haben, weder mit recht, noch an recht, noch mit dhainen sachen wie man die genennen mag Auch ist mer ze merkchen wann kirchwey auf dem oftgenanten altar, oder daz dez Patrons tag ist, wan daz ist wir danne all weg, dez nachtes in der Vesper, mit der procession da für gen sullen, vnd dez Morgens die erste messe darauf haben sullen, vnd waz danne zu der selben messe geopfert wirt. vnd zu der obgenanten Selmesse, daz ist vnser vnd dhains mer, Ez ist auch mer ze wizzen, daz ich, noch dhain mein nachkommen, den oftgenanten anger, nu fürbaz ewigchlichen weder verchumbern, noch verchauffen sullen, in dhain weiz, da er mit der kirchen en pfröntdet möcht werden, oder wurd Täten wir ez dar vber, daz sol dhain kraft haben, Mit vrchund dez briefs, den ich obgenanter Vincenz gib, mit meinen anhangenden Insigel versigelt, daz ist geschen dez Suntags in der Vasten, als man singet Reminiscere, do man Zalt von Christi gepurd drewtzehen hundert Jar, dar nach in dem Siben vnd Sibentzigisten Jar. LXXVII. Venditio domus ad ecclesiam S. M. et hospitale 1379. Ex archivo parochiali. Ich Vlreich der Hüter burger su Münichen vnd ich Diemut seine Eleich hausfraw veriehen vnd tun chunt, offenleich au dem brief für vus vnd für all vnser erben daz wir chaufleich ze chauffen geben haben vnser aigen haus daz gelegen ist in sand Peters Pfarr an den alten Rosmargt da der pach herein get, vnd daz ettwen.. dez Pugenhawsers gewesen ist, vnd darinn wir ietzu wesenlichen sein, also mit allen zu gehören, vor vnd hinden vnd darneben besucht vnd vnbesucht, auzgenomen der Newnthalben Schilling Münicher pfening Ewigs ledigs vnd iärlichs geltz die daraus gend füniftzehen Münicher pfening hintz vnser ffrawn pfarrkirichen vnd daz pfunt Münicher pfening gen Spital, dem erbern mann Hainrichen dem Stupfen auch burger zu Münichen vnd allen seinen erben vmb achthalb pfunt Regenspurger pfening der wir mit ganzer zal verricht vnd gewert sein, wir haben auch ym daz vorgenant Haus mit aller zugehörung aufgeben vnd geuerttigt zwischen der vier wenden mit Gerichtz hand alz der Stat zu Münichen recht ist Vnd sullen auch wir vnd vnser erben dez vorgenanten Hain richs des Stüpfen vnd seiner erben dez vorgenant hauss nu fürbaz ir rechtten gewern vertreter vnd verantwurter sein mit dem rechten gegen maenickleich wo in dez not beschicht alz der Stat zu Münichen recht ist, Also ob in daz selb haus gar oder ain tay vnd in der zeit vnd sich die gewerschaft nicht vergangen hat, ze krieg oder ansprauch wurd von wem daz waer vnd wie daz chaem mit dem rechten, daz sullen wir in zehant nach der ansprach in dem nächsten Moneit austragen ausbringen vnd richtig machen mit dem rechten an allen iren schaden Taeten wir dez nicht welchen schaden si dez dann fürbay nement, denselben schaden allen sullen wir in mitsambt dem haubtgut abtun vnd ausrichten gar vnd gaentzlich an allen iren schaden an allez verziehen vnd an allen irrsal iren wortten darumb zegelauben, an ayd vnd all ander bewaernüzz, Vnd dez ze vrchund geben wir obgenant mann vnd fraw die Selbscholen in dem brief mit Marquarts des Tömmlingers burger zu Münichen Insigel versigelt der daz durch vnser bet willen an dem brief gehengt hat im vnd seinen erben an schaden vnd haben vns darunder verpunden mit vnsern trewen, staet ze halten waz hievor an dem brief verschriben ist wan wir aigner Insigel nicht enhaben der verpintnüzz vnd der pet vmb daz Insigel sind zeugen Ott Tömlinger vnd Herman Schelsner bayd burger zu Münichen vnd ander erberger Lawt genug der brief ist geben an sand Thomas tag, Do man zalt von kristes gepurd drewtzehen hundert iar darnach in dem Newnten und Sibentzigistem Jar. |