» rue de Diest), in propria domo; ubi anno 1769 habitabat » D. Gerardus Joris, juris utriusque licentiatus et scabinus » Lovaniensis ». Ita Bax, qui addit: Vide MS. Mechl., p. 928.

Cui eodem anno, kalendis juniis, succedit

2. Dominicus de Bassadonis, natione Burgundus, ecclesiarum Vesuntionensis (Besançon) S. Stephani atque S. Donatiani Brugensis (ab anno 1448) canonicus; item metropolitanae B. Mariae Cameracensis canonicus et archidiaconus, necnon S. Waldetrudis Montibus Hannoniae et S. Petri Lovanii (ab anno 1477 post mortem Guilielmi ab Ascha) praepositus, hocque titulo Universitatis Cancellarius, matriculae Universitatis illatus 8 maii 1482. Decem annis cancellariae honorem obtinuit. Demissa praebenda canonicali Brugensi anno 1480, obiit vo idus (id est 8") junii (1) 1487; sepultus Lovanii in ecclesia D. Petri.

3. Nicolaus Ruter, vulgo Le Ruistre, Luxemburgensis de quo fusius agimus ubi de fundatione collegii Atrebatensis (infra, III, pp. 157 sq.). Anno 1484 canonicus ad S. Donatianum Brugis, anno sequenti praepositurae divi Bavon is Harlemi commendatarius perpetuus, protonotarius apostolicus, nec non anno 1485 praepositus et archidiaconus Arnhemiensis sub episcopatu Ultrajectino, canonicus et archidiaconus Bruxellensis in ecclesia Cameracensi, canonicus quoque ecclesiarum collegiatarum Lyranae (2) et Teneraemundanae, trium ex ordine ducum ac principum Burgundiae consiliarius, 10 junii 1487 capituli S. Petri Lovaniensis praepositus et Academiae Cancellarius, demum creatus fuit anno 1501 episcopus Atrebatensis. Vivere desiit Mechliniae 15 novembris 1509, postquam anno praecedenti Lovanii aere suo fundasset collegium Atrebatense.

66

(1) Vernulaeus scribit junii; at Valerius Andreas (Fasti acad., ed. 2, p. 59) habet julii. Priorem praefero, eo quod posterior eum

hic exscripsisse videatur, et quod ille sibi constans Rutherium suc

- cessisse referat iv idus junii ejusdem anni. » Note de Paquot.

"

(2) Nicolas Le Ruistre posséda la dixième prébende du chapitre de Saint-Gommaire, à Lierre; voyez Analectes, XVII, p. 417.

Ejus nomine praepositurae Lovaniensis cum annexa dignitate Cancellarii possessionem adiit Franciscus Buslidius, vulgo dictus Busleiden, itidem Luxemburgensis et praepositus cathedralis Leodiensis.

Cui sufficitur 16 februarii 1510

4. Conradus Renner von Ghingen, patria Germanus, ex illustri Brunswicensium ducum genere, vir admirandae prudentiae, sacrorum canonum doctor, Carolo V. imperatori a consiliis, et apud catholicos in Hispania reges orator. Cancellarii dignitate annis viginti tribus ornatus fuit, absens semper ab Academia.

Cui libere resignanti, die 1 julii 1532, successit

5. Rogerius de Tassis, Mechliniensis, filius Joannis Baptistae, cursorum, vulgo postarum (postes), imperatori Carolo V. magistri, a quo originem ducunt hodierni comites ac principes de Tassis (Tour-et-Taxis). Fuit noster juris utriusque doctor, S. Romanae Ecclesiae protonotarius, cathedralis ecclesiae Antverpiensis annis 45 decarus, et capituli S. Petri Lovaniensis anuis 61 praepositus. Obita pro Philippo II., rege catholico, ad Romanum pontificem legatione, patriae redditus et ecclesiae suae, octogenarius decessit Antverpiae 16 martii 1593; tumulatus illic in templo patrum tertii ordinis S. Francisci, quos Bogardos vocant.

« Aliquando a Joannne Austriaco Romam missus, pluri» mis annis in Urbe commoratus est, obita pro Hispaniarum » rege ad Pontificem legatione. In praedicto Antverpiensi » decanatu resedit et fortis ecclesiae suae et religionis fuit ⚫ propugnator, ac certe dura sustinuit tempore tumultuan» tium calvinistarum, et notanter anno 1579, quando existens » vicarius episcopatus, sede vacante, cum ceteris ecclesias» ticis eductus per sedecim dies in navibus fuit detentus captivus, et dein, lata sententia, cum aliis quadraginta » tribus ecclesiasticis e civitate exesse debuit, et exulavit » per sex annos usque ad reductam anno 1585 civitatem. » Tempore sui exilii Lovanii resedit. » Haec BAX.

Vide ejus epitaphium in opere, cui titulus: Verzameling van graf- en gedenkschriften van de provincie Antwerpen. Antwerpen. Kloosters der orde van St-Franciscus, p. 6. In hoc epitaphio legendum est postridie idus martii, non vero, ut vult Bax, pridie idus martii: quod patet, non solum ex ipso epitaphio, sed et ex calendariis anniversariorum editis in opere allegato, pp. 19 et 26. Cfr. etiam FR. SWEERTIVS, Monvmenta sepulcralia.... ducatvs Brabantiae, pp. 172 et 173.

De Rogerio de Tassis deque difficultatibus, quas Antverpiae movit episcopo Laevino Torrentio, videsis DE RAM, Synopsis actorum ecclesiae Antverpiensis, p. 145. Cfr. etiam VAN GESTEL, Historia archiepiscopatus Mechliniensis, I, p. 61; et pro ejus familia PAQ OT, Mémoires, éd. in-fol. II, pp. 624 svv.; DIERCXSENS, Antverpia Christo nascens et crescens, ed. altera, VI, pp. 283 svv. ; et HOYNCK VAN PAPENDRECHT, Analecta Belgica, Il, 2, pp. 121-128.

6. Georgius ab Austria, filius legitimatus Georgii Austrii, primum Valentini apud Hispanos, postea Leodiensis apud Eburones antistitis, qui et ipse talis erat Maximiliani I, imperatoris, primum militiae saeculari adscriptus fuit. De co Erycius Puteanus in suis Epigrammatibus, ubi Georgium ita loquentem inducit:

Austrius ille ego, marte ferox, tranquillior aevo
Quam doleo citius non placuisse togam!

Deinde statum ecclesiasticum amplexus Alberto Pio et Isabellae Clarae Eugeniae, Belgarum principibus, a cubiculis et eleemosynis factus est; itemque ad S. Salvatorem Harlebaci in Flandria a 19 junii 1877 praepositus (quam dignitatem anno 1600 resignavit Guilielmo de Brandt, ejus possessioncm nacto 26 septembris); demum fiduciarius, vulgo commendatarius, prior S. Salvii Cluniacensis ordinis apud Valencenas (1).

4

(1) Designatus anno 1597, paullo post hujus prioratus, nunc abbatiae, sibi coadjutorem elegit Guilielmum, filium Joannis Richardoti, sanctioris Concilii praesidis, "Ita PAQUOT, Oultremannum

secutus,

Demum, die 2 aprilis 1597, nominatur ecclesiae collegiatae D. Petri Lovaniensis praepositus, postquam annis quatuor capitulum praeposito et Universitas Cancellario caruisset, atque ad haec muria assumptus est 3 junii 1598.

In Academia Lovaniensi duas bursas fundavit in collegio Busjidiano, (coram notario Wouters ad 12m julii 1735), et tertiam in collegio Bruegeliano; quarum duae priores etiamnum hodie existant. Vide quae habentur in articulis Fondations boursières, ubi de his collegiis tractamus. Magistro quondam usus fuerat Cornelio Valerio, publico elegantioris latinitatis in collegio Buslidiano professore, cui etiam grati animi causa tumulum excitavit.

Vita excessit Bruxellis 21 aprilis 1619; sepultus Lovanii in ecclesia D. Petri, ad dexteram partem sanctuarii, ante altare majus, ubi olim legebatur ejus epitaphium litteris aeneis caeruleo lapidi, sub gentilitiis insignibus, infixis : H. S. E. GEORGIUS AB AUSTRIA | ALBERTI AUSTRII | BELGII PRINCIPIS | Cubicularius | H. ædis præPOSITUS ACAD. CANCELL. | Ob. XXI APR. C. 13c. xix. | R. I. P.

Successor illi ab archiducibus Alberto et Isabella 27 aprilis 1617 datus fuit

7. Caius Antonius Hopperus, Joachimi Hopperi Frisii, equitis, juris utriusque doctoris ac sigillorum praefecti, tilius, ad S. Petrum Anderlaci canonicus et S. Romanae Ecclesiae protonotarius; vir Belgicarum antiquitatum, inprimis ecclesiasticarum, peritus, et probitate morum insignis, qui, Swertio teste in Athenis belgicis, ecclesiae Frisiae historiam conscripsit. Cetera docet ejus epitaphium, quod olim legebatur in choro ecclesiae S. Petri Lovaniensis, ad januam sinistram D. O. M. | PAUSA VIATOR ET QUEM NON CERNIS NOSCE | CAIUS ANTONIUS HOPPERUS FUI DONEC VITA DESIIT Ao 1634 21 AUGUSTI | FRISIUS NOBILI GENERE QUEM | IOACHIMUS BRUXELLIS ET MECHLINIE AMPLISSIMORUM CONSILIORUM SENATOR BELGICI IN HISPANIA PRAESES FILIUM HABUIT, HÆC ECCLESIA PRÆPOSITUM | ACADEMIA CANCELLARIUM ET JUDICEM CONSERVATOREM | MUNERE SI FUNCTUS BENE OPERA MERCEDEM HABENT | SI NONDUM | DEUMQUE PRO ME PRECATUM VADE TUI MEMOR.

Aliud epitaphium in choro ecclesiae S. Petri Lovanii juxta aram majorem positum tradit Bax D. O. M. | CAJUS ANTONIUS HOPPERUS | JOACHIMI HOPPERI J. U. D. EQUITIS | PHILIPPO JI REGI CATHOLICO IN HISPANIA A CONSILIIS STATUS BELGICI | AC SIGILLI PRÆFECTI | FIL. S. R. E. PROTONOTARIUS | A SERENISS. principibus | ALBERTO ET ISABELLA CLARA EUGENIA ANNO C. 13. cxv| V KAL. MAJI DECLARATUS SUCCESSOR | GEORGII AB AUSTRIA, A MORTE EJUSDEM DIGNITATE AC MUNERE | CANCELLARII DEFUNGITUR | ANNO C15. 15. CXXXIV | XII KAL. SEPTEMB.

Caio Antonio Hoppero coadjutor successorque in utroque Cancellarii et Conservatoris privilegiorum dignitate ab archiducissa Isabella datus est anno 1624

8. Franciscus Joannes de Robles d'Annapes, toparcha d'Escout-s.-Main, Insulis Flandrorum e stirpe perillustri, a Cantabriis oriunda, natus est anno 1595. Pater illi fuit Joannes, comes d'Annapes ab archiduce Alberto creatus anno 1605, baro de Billy, olim Germanorum pedictum chiliarcha, vulgo colonellus, Curtracensis agri praetor anno 1590, Insulensis, Duacensis et Orchiaci supremus praefectus sive. gubernator anno 1593, et defunctus anuo 1621. Mater fuit Maria de Gavere, dicta de Liedekerke, domina de Wevelghem. Clericali militiae adscriptus, Insulensis ecclesiae S. Petri, deinde Cameracensis B. Mariae canonicus statim designatus est; quod postremum sacerdotium sua pensione dimisit. Postea Lovaniensibus et academicis, quae dixi, muneribus admotus,subinde regio nosocomio Mechliniensi, a Philippo II. erecti (1), praefectus, tum et Leopoldo Guilielmo, archiduci ac Belgarum moderatori, ab eleemosynis fuit, primusque a sacris oratorii Bruxellensis regii. Demum anno 1652 ad Iprenses infulas, jam octennio vacantes, vocatus, Bruxellis in dicto mox oratorio ritu solemni consecrationem episcopalem accepit quinto idus octobris 1634, coram archiduce memorato, manus illi imponente Francisco Ganda

(1) De hoc nosocomio videsis G. VAN CASTER, Histoire des rues de Malines, p. 242