-

juuii obiit dominus Rudolphus Korsbolt, decanus hujus ecclesiae. Anno 1389. In testamento legat capellae beatae Mariae in novo coemiterio viginti solidos pagamenti.» MOLANUS, Hist. Lov., I, p. 134. De familia Corsbout, quae erat S. Petri, videsis op. cit., II, p. 743.

Petrus de Calstris, junior, decanus. « Septimo idus octobris · obiit dominus Petrus de Calstris, Lovaniensis, decanus et canonicus hujus ecclesiae. Anno 1400.- Elegit sepulturam apud patruum suum D. Petrum de Calstris, et consimiliter fundavit missam panum. Testamentum.» MOLANUS, Hist. Lov., I, p. 134.

Aegidius Rogghe decanus. « Pridie nonas januarii obiit magister Aegidius Rogghe, Lovaniensis, decanus hujus ecclesiae. Anno 1407. Fuerat canonicus et receptor capituli. Ex variis actis. Ex canonico S. Albani ecclesiae Namurcensis fiebat canonicus Lovaniensis via permutationis. Praesentatio facta anno 1388. » MOLANUS, Hist. Lov., I, p. 134.

VAN GESTEL, Hist. archiep. Mechl, J, p. 147, habet, forsan ex confusione cum Aegidio Rogghe « Aegidius Dives, alius De Rycke, decanus anno 1401. »

Godefridus de Dormale decanus. « Decimo quinto kal septembris obiit dominus Godefridus de Dormale, Lovaniensis, magister in medicina, decanus hujus ecclesiae. Anno 1412.» MOLANUS, Hist. Lov., I, p. 134. De familia de Dormale, quae erat S. Petri, cfr. ibid., II, p. 707.

Una cum duobus fratribus de Calstris, de quibus paulo ante, studuerat in Universitate Parisiensi; ibique laurea magisteri in artibus et in medecina condecoratus fuit. Die 26 octobris 1349, cum ipsis tanquam testis interfuit institutioni cancellarii Johannis de Assiaco, et vocatur Godefridus de Dormare, magister in artibus. Occurrit etiam in rotulo magistrorum facultatis medicinae Parisiensis oblato Sanctae Sedi, 26 novembris 1362, et erat tunc subdiaconus: Magister Godefridus de Dormale, subdyaconus Leodiensis

diocesis supplicat« de canonicatu sub expectatione prebende ecclesie sancti Dyonisii Leodiensis. » H. DENIFLE et AEM. CHATELAIN, Chartularium Universitalis Parisiensis, III, p. 81.

Godefridus de Curia, dictus etiam de Oosterhem, decanus. « Godefridus de Curia, alias de Osterhem, ex canonico et fundatore monasterii Bethlehem, decanus, moritur anno 1426, die 26 novembris, et in Bethlehem sepelitur.» MOLANUS. Hist. Lov., I, p. 135. — « Antea cantor ecclesiae D. Petri, fuit simul canonicus Nivellensis et decanus Sylvaeducensis (1). Cantor existens fundavit coenobium Bethleemiticum, ordinis canonicorum regularium S Augustini prope Lovanium [in pago suburbano de Herent].» VAN GESTEL, Hist. archiep. Mech. I, p. 147. — De fundatione hujus monasterii videri possunt : a) MOLANUS, op. cit., I, pp. 274 sq. et 293; b) Van Gestel, op. cit., I, pp. 216 sqq.

« Godefridus de Oesterem, magister artium et baccalarius » theologiae, Cameracensis diocesis », inscribitur matriculae Universitatis Coloniensis anno 1389. Cfr. H. KEUSSEN, Die Matrikel der Universität Köln, I, p. 11, n. 48.

Le receveur de l'Université. Sub titulo: De officio receptoris Universitatis, sequentia de hujus munere ordinabant Statuta Universitatis Lovaniensis (apud MOLANUM, Hist. Lov., ed. De Ram, II, p. 903):

1. Eligatur vir probus et legalis in receptorem Universitatis, qui Universitati idonee cavere possit; cujus officium erit

annuum.

2. Receptor secundum ordinem Facultatum singulis annis altera beati Thomae apostoli eligatur; qui electus praestabit juramentum subscriptum :

(1) Errat hic Van Gestel; etenim Godefridus noster neque inter decanos, neque inter canonicos Sylvaeducenses invenitur; cfr. SCHUTJES, Geschiedenis van het bisdom s'Hertogenbosch, IV, pp. 228 sqq.

« Ego N. juro, quod fideliter exercebo officium receptoris Universitatis, juxta statuta et ordinationes ejusdem Universitatis, et quod neminem substituam, nisi de concilio Universitatis existentem. »>

3. Receptor ante festum Regum proximum praestet coram scabinis oppidi Lovaniensis Universitati cautionem vel det fidejussorem laïcum pro summa ducentorum Philipporum; quam cautionem in proxima congregatione exhibebit Universitati.

4. Receptor signet omnes literas judicii inchoatorias sive primarias Rectoris et Conservatoris, antequam sigillentur. Pro signatura recipiet tres stuferos, exceptis literis subsequentibus primo literis super injuriis expeditis, unde quatuor stuferos recipiet; secundo literis primariis super transportu expeditis, nam tunc si transportus erit decem. rhenensium et infra, recipiet sex stuferos; si transportus erit supra decem rhenenses et infra viginti, recipiet septem stuferos; si vero transportus erit viginti henensium usque quadraginta rhenenses exclusive, recipiet octo stuferos; et si erit quadraginta rhenensium et supra, recipiet novem stuferos.

5. Receptor signet literas secundarias etiam super debito recognito; quae si sint Rectoris, pro signatura hujusmodi medium stuferum recipiet; si vero sint domini Conservatoris, duas blankas inde recipiet.

6. Receptor signet literas testimoniales studii super fructibus beneficiorum in absentia percipiendis, et pro signatura hujusmodi tres stuferos recipiet, nisi ille cujus literae erunt. fuerit de concilio Universitatis; nam tunc unum stuferum dumtaxat recipiat, et si beneficium in literis hujusmodi mentionatum sit sub dioecesi Trajectensi, recipiat duos stuferos.

7. Receptor ab eo, qui in primo suo adventu ante finem. quarti mensis suae intitulationis aut novae suae residentiae literis aliquibus uti voluerit, recipiat peculium, hoc est, siquidem ille in aliqua superiorum Facultatum studeat, novem; si vero in Facultate artium studeat, quinque stuferos.

8. Receptor per manus bedellorum recipiet a quolibet licentiando in artibus sub specie divitis duos stuferos, a birretando quatuor stuferos, a baccalaureando in superioribus Facultatibus duos stuferos, a licentiando quatuor et a doctorando sex stuferos.

9. Receptor a singulis per Rectorem nominatis viginti tres stuferos recipiat, et a singulis notariis pro qualibet stipulatione extrajudiciali unum octodenarium recipiat, et a signatore primarum literarum duas tertias partes denariorum qui solvuntur ex transportationibus.

10. Receptor ultra praemissa omnia, alia quoque emolumenta Universitati quomodocumque provenientia recipiat, et in usus Universitatis diligenter custodiat. Nihil autem exponat nisi super schedulis per Rectorem et notarium Universitatis signatis.

11. Receptor singulis annis pro stipendio suo ab Universitate recipiat in duobus terminis duodecim florenos rhenenses, et a singulis intitulandis unam pleccam.

12. Receptor bis in anno, videlicet pridie electionis novi Rectoris, de receptis et expositis coram Universitate vel deputatis ab eadem computum reddat et reliqua consignet.

Les avocats du tribunal du Recteur et des cinq juges d'appel. De horum officio, sub titulo: De advocatis curiae domini Rectoris, legitur in Statutis Universitatis (apud MOLANUM, Hist. Univ., ed. De Ram, II, p. 911):

1. Advocatus priusquam officium suum in auditorio seu consistorio domini Rectoris vel quinque judicum exerceat, praestet juramentum quod sequitur :

<«< Ego N. juro, quod jurisdictionem domini Rectoris et quinque judicum non impugnabo, sed pro viribus defendam, quatenus secundum jura, privilegia vel statuta Universitatis teneor, et quod ab omni calumnia abstinebo. >>

2. Advocatus ante susceptionem causae capiat informationes a parte, cui patrocinabitur,

3. Non suscipiat aliquam causam, quae videbitur in conscientia sua injusta, et causam susceptam relinquat, si in progressu intellexerit esse injustam.

4. Non colludat cum parte adversa, nec aliquid exigat, nisi quod jura permittunt.

5. Ne nimium lites et scripturae prolongentur, advocatus tam rei quam actoris, duabus scripturis facta omnia proponant, videlicet advocatus actoris libello et replicatione, advocatus vero rei exceptione et duplicatione, nisi causal plures scripturas postulet, quod judicio domini Rectoris. relinquitur; sub his autem duabus scripturis non comprehenduntur reprobationes testium, nec salvationes eorumdem.

Les procureurs des causes. De his, sub titulo: De procuratoribus causarum, sequentia decernebant Statuta Universitatis (apud MOLANUM, Hist. Lov., ed. De Ram, II, p. 913):

1. Procurator causarum admittendus coram Universitate praestabit juramentum intitulandorum, si prius intitulatus. non fuerit, et deinde quod sequitur :

Ego N. juro, quod officium procuratoris juxta statuta et privilegia Universitatis fideliter exercebo; non fovebo scienter causas injustas, non utar falsa probatione, dilationes non petam in fraudem, non dabo aut promittam aliquid in causis quarum procurator ero, nisi illis personis quibus jura dare permittunt, eroque contentus salario quod mihi taxabitur; et si aliquid ad meam notitiam devenerit, quod in praejudicium jurisdictionis et privilegiorum Universitatis posset redundare, id domino Rectori intimare non omittam, ipsique domino Rectori et ejus assessori in judicio reverentiam et honorem exhibebo. »>

2. Procurator per se vel per alium seu alios ne neget jurisdictionem domini Conservatoris subsistere, vel in favorem Universitatis et singulorum suppositorum concessam esse, neque aliquem informet ad hujusmodi negationem faciendam, neque causam aliquam assumat aut prosequatur, in