Decimas tocius dominii quod ROBERTUS filius HAMONIS habuit in WALLIA de den' et omnibus rebus. X'mas omnium Baronum ROBERTI filii HAMONIS

X'mam terre quam Ecclesiam de LANDILTUIT.

per totam terram de WALLIA. Totum brachium aque de TAF ex quo exit de TAF quousque reintrat in TAF ad faciendas piscarias. Et quaslibet utilitates ecclesie. Pratum ultra aquam juxta ecclesiam. Villulam qua vocatur LANDOCAN. Terram quam dedit WALTERUS de LANBLETH'. abbas de GLOUCESTRIE habet in LANDCARVAN. Terram quam WALKELINUS dedit. Molendinum de RAZ. Et piscarias quas dedit ROBERTUS de HAIA. Terram quam ROBERTUS NICHELLI dedit. Ecclesiam de NOVO CASTELLO. Hec autem confirmacio sic incipit 'Omnes ecclesie Catholice.' Title Item. Generalis confirmacio Regis Henrici primi postea impetrata.'

DL.

PETITION OF THE CLERGY AND LAITY OF THE CHURCH OF GLAMORGAN TO ARCHBISHOP ANSELM, FOR THE ORDINATION OF URBAN, BISHOP OF THAT CHURCH.

[HARL. ROLL. A. 3, VII.]

BEFORE 11TH AUGUST, 1107.

Venerando sanctæ CANTUARIENSIS æcclesiæ metropolitano ANSELMO clerus et populus æcclesiæ CLAMORGATENSIS debitam subjectionem.

Vestræ paternitati est cognitum quantum temporis est ex quo accidentibus variis eventibus ecclesia CLAMORGATENSIS suo sit viduata pastore. ac destituta rectore. quod non solum ad nostrum verum et ad vestrum ac omnis vestræ dioceseos detrimentum pertinere dinoscitur. cum totius provintiæ sollicitudinem metropolitano constet esse commissam. Propterea elegimus WIGORNIENSIS æcclesiæ presbiterum nomine URBANUM nobis sufficientissime cognitum. natalibus et moribus nobilem. apostolica et æcclesiastica disciplina imbutum. fide catholicum. natura prudentem docilem patientem moribus temperatum vita castum sobrium

humilem affabilem misericordem litteratum in lege Dei instructum in scripturarum sensibus cautum in dogmatibus ecclesiasticis exercitatum et secundum scripturarum tramitem traditionemque orthodoxorum et canonum ac decretorum sedis apostolicæ presulum constitutiones sano sensu æcclesiasticas regulas intelligentem sanoque sermone docentem atque servantem amplectentem eum qui secundum doctrinam est fidelem sermonem et cum modestia corripientem eos qui resistunt et qui sanæ doctrinae adversantur eis resistere et redarguere prævalentem hospitalem modestum suæ domui bene prepositum non neophitum habentem testimonium bonum in gradibus singulis secundum traditionem æcclesiasticam ministrantem ad omne opus bonum et ad satisfactionem omni poscenti rationem de ea quæ in illo est spe paratum. Quem vobis quantotius petimus ordinari Pontificem quatinus auctore domino regulariter nobis præsse valeat et prodesse et nos sub ejus regimine salubriter militare possimus quia integritas præsidentium salus est subditorum. Et ubi est incolumitas obedientiæ ibi sana est forma doctrinæ.

Bishop Urban, for whose appointment while a Priest of the Diocese of Worcester, the Glamorgan folk, lay and clerical, thus petitioned the Archbishop, was but 32 years of age. The result was his consecration to the see 10th August, 1107, and his conduct well justified the appointment. He found the Church a ruin, the see neglected, the revenues considerably impoverished by the wars, and ill administered. He addressed himself at once to the Pope, then Calixtus II., and with very considerable effect, obtaining letters from Rome to King Henry I., the Archbishop, the great Nobles of the district, and the Clergy of the diocese. He attended the Council of Rheims in 1119, and subsequently made four journeys to Rome. From Calixtus II. he obtained six Bulls, from his successor, Honorius II., seventeen Bulls, and from Innocent II. nineteen Bulls, in all 42 Bulls, the great result of which was the restoration and enlargement of the Cathedral Church, a considerable increase in the revenues of the see, and the establishing of an advantageous convention with his great and close neighbour, Robert Earl of Gloucester.

Much of his energy was directed to the recovery of certain districts to the west, including Gower and parts of Carmarthen, which in the centuries preceding the Conquest, and probably down to that event, seem to have been within the spiritual jurisdiction of the Bishops of Llandaff. By some means, however, they had become included within the see of St. David's, and although the Popes took Bishop Urban's view, and strongly supported it, St. David's gained the day, and has ever since extended over Gower and into Kilvay. Nevertheless, Urban was a great Bishop, and probably the strongest advocate for the rights of the see from the conquest down to the Reformation. He may be said to have died in harness, for his death occurred in 1133 while on his way to Rome, in order further to prosecute the interests of the diocese.

DLI.

POPE CALIXTUS II. TO THE CLERGY AND LAITY OF LLANDAFF, URGING OBEDIENCE TO BISHOP URBAN.

16 Oct., 1119.

CALIXTUS Episcopus, servus servorum Dei, dilectis filiis, clericis, monachis, et laicis, in LANDAVENSIS ecclesiæ parochia constitutis, salutem et apostolicam benevolentiam.

Venientem ad nos venerabilem fratrem nostrum URBANUM Episcopum vestrum, benigne suscepimus; et oppressionem vestræ ecclesiæ audientes, debita ei affectione compassi sumus; siquidem insinuavit nobis matrem vestram LANDAVENSEM ecclesiam usque adeo monachorum quorundam, clericorum, necnon et laicorum invasionibus et rapinis attritam, ut in ea episcopus manere vix possit. Quod profecto et nobis grave est, et ad vestrarum spectat periculum animarum. Vestram itaque universitatem literis præsentibus visitantes, monemus, atque præcipimus, ut eundem fratrem nostrum affectione debita diligatis, et debitam ei tanquam patri et pastori vestro, reverentiam et obedientiam impendatis. Porro commissam sibi ecclesiam, matrem vestram, sicut boni filii adjuvare, et ablatas ei possessiones et bona recuperare, secundum datam vobis a Domino facultatem viriliter studeatis, aliis quoque ecclesiis LANDAVENSIS parochia debita persolventes revelationis et restaurationis eis manum apponere procuretis; per hoc enim, et omnipotentis Dei benedictionem, et gratiam et remissionem vestrorum consequemini peccatorum.

Datum SUESSONI. XVII. calend. Novembr.

(Rees L.L. pp. 89, 562.)

DLII.

POPE CALIXTUS II. TO WALTER, SON OF RICHARD, AND OTHERS, ADMONISHING THEM AGAINST INJURING THE CHURCH OF LLANDAFF.

[COTTON MSS. VITELLIUS C.X. f. 41 b.] 16 OCT., 1119. CALIXTUS episcopus servus servorum Dei dilectis filiis, monachis, capellanis, canonicis, WALTERO filio RICARDI, BRIANO filio COMITIS, WILLELMO filio BADRUN, ROBERTO de CANDOS, GEFRIDO de BROI, PAGANO filio JOHANNIS, BERNARDO de Novo MERCATO, GUMBALDO de BADALON, ROGERIO de BERKELE, GUILLELMO Vicecomite de CAIRTI, GUILLELMO filio ROGERII de RENNI, ROBERTO filio ROGERI, ROBERTO CUM TORTIS MANIBUS, et ceteris per LANDAVENSEM episcopatum nobilibus, salutem et apostolicam benevolentiam.

Matris vestre LANDAVENSIS ecclesiæ ad nos querela pervenit pro eo quod per vos bonis suis expoliata, et fere in nihilum redacta sit. Vnde nos affectione debita condolentes, presentes ad vos literas destinamus, monentes ac precipientes, ut terras, decimas, oblaciones, sepulturas, et bona cætera quæ aut eidem ecclesiæ aut aliis de ipsius parochia ecclesiis nequiter abstulistis et detinetis, seposita dilatione reddatis. Iniquum est enim ut filii matrem lacerent et illius bona diripiant quam omnino tueri et de suis debebant facultatibus adjuvare. Sane si nostris monitis obedire, et prædictam matrem vestram curaveritis adjuvare, omnipotentis Dei, et beati Petri, et nostram poteritis gratiam optinere, alioquin nos, præstante Deo, in vos tanquam in contemptores et sacrilegii reos, sententiam quam venerabilis frater noster URBANUS episcopus vester canonica equitate protulerit, confirmamus.

Datum SUESSONI. XVIJ. calend. Novembr.

(Rees L.L. pp. 89, 561.)

DLIII.

POPE CALIXTUS II. TO RALPH, ARCHBP. OF CANTERBURY, IN FAVOUR OF THE CHURCH OF LLANDAFF.

16 OCT., 1119. CALIXTUS episcopus, servus servorum Dei, venerabili fratri RADULPHO CANTUARIENSI Archiepiscopo, salutem et apostolicam benedictionem.

Sic fratrum quinam plenius id noverunt, suggestione cognovimus, LANDAVENSIS ecclesia ita bonis suis et per episcopos, et per laicos expoliata est, et redacta pene in nihilum videatur. Rogamus itaque sollicitudinem tuam, et precipimus, ut ei super iis qui bona ejus detinent justitiam facias, et precipue super episcopo Sancti DEUI, et super Episcopo HEREFORDIÆ, qui injuste terras et parochias ejusdem dicuntur ecclesiæ obtinere.

POPE CALIXTUS II. TO URBAN, BISHOP TAKING THE CHURCH OF LLANDAFF UNDER APOSTOLIC PROTECTION.

[COTTON MSS. VIT. C.X. f. 41.] 16 Nov., 1119.

CALIXTUS episcopus servus servorum Dei venerabili fratri URBANO LANDAVENSIS ecclesie episcopo ejusque successoribus canonice substituendis in perpetuo.

Pie postulatio voluntatis effectu debet prosequente compleri quatenus et devotionis sinceritas laudabiliter enitescat et utilitas postulata vires indubitanter assumat. Quia igitur dilectio tua ad sedis apostolice portum confugiens ejus tuitionem devotione debita requisivit nos, supplicationi tue clementer annuimus, et beati Petri sanctorumque confessorum DUBRICII, TELIAUI, OUDOCEI, LANDAVENSEM ecclesiam, cui Deo auctore presides in apostolice sedis tutelam excipimus. Per presentis igitur privilegii paginam appostolica auctoritate