statuimus ut ecclesia vestra cum sua dignitate ab omni secularis servitii gravamine libera maneat et quieta. Quecunque vero concessione pontificum, liberalitate principum, oblatione fidelium, vel aliis justis modis ad eandem noscuntur ecclesiam pertinere ei firma in posterum et integra conserventur. In quibus hec propriis duximus nominibus annotanda. LANDAVIAM scilicet cum territorio suo, ecclesiam ELIDON, ecclesiam sancti YLARII, Sancti NISIEN, Sancti TEILIAUI de MERTHIR mynor, Sancti TEILIAUI de LANNERGUALt, Lan Ildut, LANN PETYR, CULALANN, LANN CYNGUALAN, LANN TEILIAU, portulon, LAN TEILIAU TALYPONT, LANN GEMEI, LANN DODEI CILCYNHINN CRUCH guernen, villam LANN CATGUALATYR cum ecclesia Sancti CYUUI, villam Sancti TYUAUC cum ecclesia, villam HENRIU cum ecclesia, villam MERTHIR TEUDIRIC cum ecclesiis, villam Saneti OuDOCEI cum ecclesia, villa Saneti NUUIEN cum ecclesia, villam TYUYSAU cum ecclesia, villam LANN CINN cum ecclesiis, villam LANNGUERN CYNUC cum ecclesia, villam MERTHIR DINCAT cum ecclesia: LANNGARTH, Sancti TEILIAUI de PORTHHALAUC, Sancti TEILIAUI DECRESSUNE, ecclesiam Sancti CLETAUCI, ecclesiam Sancti SULBIU, villam PENVEY cum ecclesia, LANHELICON, LANN MIHACGEL maur, villam CAIRDUICIL cum ecclesia, ecclesiam Sancti CATOCI, LAN COIT, TALPONTESCOP, LANGUONHOILL, RIUBREINN, CAIRCASTELL, PENNIPRISC, TREFMEIRION, OURDEUEIN, TREFMAIN, TREFMEIBION, GUICHTRIT, TREFRITA, LANN DINUUL cum ecclesia, et cum decimis, oblationibus sepulturis, territoriis, refugiis et libera communione earum. Quecunque preterea in futurum largiente Deo juste atque canonice poterit adipisci quieta ei semper et illibata permaneant. Decernimus ergo ut nulli omnino hominum liceat predictam ecclesiam temere perturbare, aut ejus possessiones auferre, vel ablatas retinere, minuere, vel temerariis vexationibus fatigare sed omnia ei cum parochie finibus integra conserventur tam tuis quam clericorum et pauperum usibus profutura. Siqua igitur in futurum ecclesiastica secularisque persona hanc nostræ constitutionis paginam sciens contra eum temere venire temptaverit, secundo tertiove commonita, si non satisfaccione congrua emendaverit potestatis honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et domini redemptoris nostri JHESU CHRISTI aliena fiat, atque in extremo examine districte ultioni subjaceat. Cunctis autem eidem ecclesie justa servantibus, sit pax domini nostri JHESU CHRISTI quatenus et hic fructum bone actionis percipiant, et apud dictum judicem premia eterne pacis inveniant. Amen. Ego Calixtus catholicæ ecclesiæ episcopus. S. Datum SUESSIONI per manum GRISOGONI Sanctæ ROMANE ecclesie diaconi Cardinalis ac bibliothecarii, XVIJ., Kalend, NOVEMBR. Indictione XIII. Incarnacionis dominicæ anno millesimo centesimo XVIIIJ. Pontificatus autem Domini CALIXTI secundi ao. primo. AFTER 1119. summo patrono [COTTON MSS. VITELLIUS C.X. f. 40 b.] Venerabili CALIXTO apostolico et totius Christianitatis URBANUS LANDAVENSIS ecclesiæ episcopus fidele servitium et orationes debitas. Ecclesia Dei, nostraque sub Deo et vobis vestræ misericordiæ et pietati hanc dirigit epistolam, suppliciter rogat, ut pro summo rege, CHRISTO, eam precipiatis diligenter vobis recitari et a vobis misericorditer exaudiri. A tempore antiquorum patrum dilectissime pater et domine sicut cyrografum1 sancti patroni nostri TELIAUI testatur hæc ecclesia predicta prius fundata in honore sancti PETRI apostoli aliarum omnium ecclesiarum GUALIÆ semper magistra extitit in dignitate et in omni privilegio, donec tandem per seditiones et tot bellorum flagitia et inveterato antecessore meo HERWALDO et inde debilitato, ecclesia cepit debilitari, et fere viduata pastore et annichilata indigenarum crudelitate et invasione super venientis gentis NORMANICE. Semper tamen religiosi viri ad serviendum in ea heserunt, tum propter ANGLORUM vicinia, a quibus in ecclesiastico quidem ministerio nichil discrepabant, quia apud eosdem fuerant tam nutriti quam eruditi, tum etiam quod ab antiquis temporibus, id est a tempore ELUTHERII pape sedis ROMANE episcopus illius loci, et post adventum AUGUSTINI in BRITANNIAM insulam DOROBERNENSIS ecclesie metropolitano ejusdem archiepiscopo simul et regi ANGLORUM semper fuerat subditus et per omnia obediens. Novissime autem WILLELMO Rege regnante, maxima cleri parte jam deleta. XXIIIJ. tamen canonicis ecclesia fuerat munita. Quorum in presenti nulli preter duos in ea remanent et in dominio ecclesie quatuor carrucæ et quatuor libræ, nec tantum in territoriis ablatis nunc ecclesia desolata et despoliata, verum etiam in decimis ablatis sibi et omnibus clericis totius episcopatus tam laicali potestate quam monarchorum invasione, quam etiam fratrum nostrorum episcoporum HERFORDIE videlicet et Sancti DEUI territorium simul et parochia grandi invasione. Nunc precor vos ut patrem velut inermis armatum et debilis fortem quatinus ecclesie nostræ vobis commissæ succurratis, ut qui vos fecit, ipse vos manuteneat et post laboris terminum perducat vos ad perhenne solatium. Amen. (Rees L.L. pp. 83, 555.) (1) The Book of St. Teilo. DLVI. WILLIAM, ARCHBP. OF CANTERBURY, TO URBAN, BISHOP OF LLANDAFF, ORDERING HIM TO ATTEND A COUNCIL AT LONDON, ON 8TH SEPT., 1125 (?). [COTTON MSS. VITELLIUS C.X. f. 33.] SUMMONITIO WILLELMI CANTUARIENSIS ARCHIEPISCOPI. WILLELMUS CANTUARIENSIS archiepiscopus URBANO LANDAVENSI episcopo salutem. Litteris istis tibi notum facere volumus quod JOHANNES ecclesiæ ROMANÆ presbiter Cardinalis atque Legatus legis ordinacione nostraque conniventia con cilium celebrare disposuit LUNDONIE in nativitate beate semper virginis MARIE. Propterea precipimus ut in prefato termino in eodem loco nobis occurras cum archidiaconibus et abbatibus et prioribus tuæ dioceseos, ad definiendum super negotiis ecclesiasticis et ad informandum seu corrigendum quæ informanda vel docenda seu corrigenda docuerit sententia convocationis nostræ. Council of London or Westminster, 8th or 9th of September, 1125, on discipline, and against the immoralities of priests. (Nicholas p. 234.) DLVII. CARDINAL LEGATE JOHN'S INDULGENCE IN FAVOUR OF THE CONTRIBUTORS TO THE REBUILDING OF LLANDAFF CATHEDRAL. [COTTON MSS. VITELLIUS C. X. f. 32 b.] 1108-1133. EXHORTATIO JOHANNIS PRESBITERI CARDINALIS ET LEGATI ROMANÆ ECCLESIÆ SIMUL ET PERDONATIO AB EO DATA OMNIBUS AUXILIATORIIS LANDAVENSEM ECCLESIAM. Frater JOHANNES sanctæ ROMANÆ ecclesiæ presbiter Cardinalis et Legatus fidelibus omnibus per ANGLIAM et WALIAM constitutis salutem et benedictionem. Ad LANDAVENSEM ecclesiam ex debito nostræ legationis accedentes et paupertate oppressam et bonis suis ac possessionibus expoliatam invenimus. Veruntamen venerabilis frater noster URBANUS ejusdem loci episcopus ecclesiam ipsum reedificare a fundamentis incepit, quod sine elemosinarum vestrarum auxiliis non poterit consummare. Rogamus itaque universitatem vestram et remissionem vobis injungimus peccatorum, ut locum ipsum beneficiis vestris et elemosinis juvare et sustentare velitis. Nos quoque in beneficium vos et orationes matris nostræ ROMANÆ ecclesiæ suscepimus indulgentiam [quam] CANTUARIENSES archiepiscopi fecerunt apostolica auctoritate firmantes. Preterea de habundantia sedis apostolicæ XIIIJcim. vobis dies de vestra remittimus poenitentia. Obedientes vos monitis nostris gratia divina custodiat. (Rees L.L. pp. 46, 589.) DLVIII. BULL OF POPE HONORIUS II. TO WILLIAM, ARCHBISP OF [COTTON MSS. VITELLIUS C.X. f. 29.] 19 APRIL (1128 ?) HONORIUS etc. etc. Dei venerabilibus fratribus WILLELMO CANTUARIENSI archiepiscopo apostolice sedis Legato et episcopis per ANGLIAM constitutis salutem et apostolicam benedictionem. Frater noster URBANUS LANDAVENSIS episcopus ad sedis apostolice clementiam veniens, se in conventu et ante nostram presentiam, super episcopis BERNARDO Sancti DEUI, et RICARDO HERFORTENSI de parochia episcopatus sui ab eis detenta, querelam deposuisse asseruit. Ceterum fratres ipsi nullum ei de queremonia sua responsum reddentes ordine transposito, eandem super aliis ceperunt impetere. Quod tam sacrorum statutis canonum, quam legalibus sanctionibus obvium esse non extat ambiguum. In judicio namque et unius disceptatione negotii, reus, nisi per exceptionem, actor effici nequaquam potest. Ipse vero ordinem judicii postulans, ut prius, de his quæ objecerat sibi rationabiliter responsum daretur a tua discretione frater archiepiscope, qui pro judice residebas, expetiit. Quia vero quod optabat optinere non potuit, magnum sibi gravamen sentiens irrogari, ROMANAM audientiam, quæ oppressis commune suffragium est, appellavit, et prenominatos episcopos BERNARDUM et RICARDUM, ut in nostra presentia mediante quadragesima, suis responderent queremoniis, invitavit. Verum ipse nobiscum aliquandiu moratus est, invitati vero prefixo termino nec venerunt, nec responsales miserunt. Nos igitur ex communi fratrum nostrorum episcoporum et cardinalium deliberacione, audita super hoc duorum testium assertione, eum de parochia unde conquestio fuerat, videlicet ERGIN, ISTRATUI, GUHhir, Cetgueli, Cantref BUCHAN, salva justicia ecclesiarum HERFORTENSIS et Sancti DEUUI |