DLXXXVIII. LETTER FROM POPE INNOCENT II. TO WILLIAM DE CORBOIS, ARCHBISHOP OF CANTERBURY, RESPECTING URBAN, BISHOP OF LLANDAFF. [B.M. MSS. REG. 5, A. XIII., f. 199 b.] 9 OCT., AFTER 1133. INNOCENTIUS episcopus servus servorum Dei venerabili fratri WILLELMO CANTUARIENSI archiepiscopo et apostolice sedis legato salutem et apostolicam benedictionem. Quantum venerabilis frater noster VRBANUS LANDAVENSIS episcopus pro recuperandis bonis ecclesie sue laboraverit fraternitas tua non ignorat. Tandem pro eodem negotio ad sedem apostolicam sub gravissimi temporis estuatione pervenit. Ibique post expositam nobis et fratribus nostris itineris sui causa (m) languore arreptus humanitati concessit, et ad patres suos qui de hoc seculo migraverunt in bona confessione transivit. Quocirca fraternitati tue rogando mandamus quatinus LANDAVENSEM ecclesiam manuteneas et nullatenus inquietari permittas. Et ut idem locus in eo statu in quo erat quando prefatus noster frater VRBANUS episcopus ad nos nuper veniendi iter arripuit perseveret, usque dum ibi domino largiente episcopus canonice subrogetur efficias. Rogamus preterea fraternitatem tuam quatinus filios nostros VHTREDUM archidiaconum RADULPHUM canonicum RUALLANUM ISAAC. A. JOHANNEM et reliquos jam dicte ecclesie clericos pro beati PETRI reverentia habeas commendatos, et ut tam persone quam bona que eis collata sunt quiete permaneant pro nostra karitate efficias. CARATOCUM quoque presbiterum GUGANUM de LANCARUAN et GERMANOS prefati fratris nostri VRBANI episcopi pietatis intuita manuteneas et nullam eis. molestiam irrogari permittas. Data PISIS VII. idus Octobris. DLXXXIX. EXTRACT FROM THE ANNALS OF WINCHCOMBE. [B.M. MSS. COTTON TIBERIUS E. IV. f. 23.] 1134–1136. MCXXXIIII. Obiit ROBERTUS comes NORMANNORUM III. Non. Februarii apud KAERDIF castellum ROBERTI Comitis filii Regis, set in ecclesia Beati PETRI de GLOECESTRIE honorifice coram principali altari sepultus est. MCXXXVI. Facta est magna nimis WALENSIUM irruptio ecclesiarum villarum segetum animalium gravissima per WALENSES longe lateque destructio, castellorum seu aliarum munitionum exustio, hominum innumerabilium divitum et pauperum occisio dispersio et in exteras terras venditio. Inter quos prodolor nobilis ille et omnibus seculis lugendus RICHARDUS filius GILLEBERTI XVII. kalend. Maii peremptus occubuit. Factum est etiam prelium grave apud GUHER inter NORMANNOS et WALENSES ubi D. et XVI. ex his et illis corruerunt kalendis Januarii quorum corpora a lupis devorata sunt. DXC. T., ARCHBISHOP OF CANTERBURY, CONCERNING THE CHURCH OF ST. GUNLESS.2 [COTTON CHARTER XVI. 38.] 1138-1170. T. dei gratia CANTUARENSIS Archiepiscopus ANGLLE Primas universis Sanctæ ecclesiæ fidelibus salutem. Penitentibus et peccata confessis et ecclesiam Dei devota voce venerantibus pietatis instinctu admonemur misericordie solatium retribuere et indulgentie remedium compensare. Inde est quod omnibus Christianis qui devotionis intuitu. Ecclesiam Sancti GUNLEI de Novo BURGO requisierint et in aliquo benefitio pro Dei honore et animarum suarum salute eam honoraverint quindecim dierum indulgentiam de penitentia sua facimus et omnium orationum ac benefitiorum CANTUARENSIS ecclesiæ eos perpetuo participes constituimus. Vale. (1) Either Theobald of Bec, 1138-1161; or Thomas a Becket, 1162—1170. DXCI. THE LIBERTIES OF CARDIFF AND TEWKESBURY. [COTTON MSS. CLEOP: A. VII., f. 101.] § Hec sunt libertates et libere consuetudines de KERDIF et de THEOKESBURIA date et concesse per ROBERTUM et WILLELMUM comites aliquando GLOUCESTRIE. § In primis quod quodlibet burgagium dabit de annuo redditu xii. pro omni servicio. § Et quilibet burgensis potest pro voluntate sua burgagium suum quod est de purchatio suo cuicunque voluerit dare invadiare vendere vel quocunque alio modo alienare salvo tamen servicio domini comitis. § Et si illud burgagium fuerit de hereditate heres ipsius sive heredes ipsum habebunt. Et proximus heres mortuo predecessore a quo hereditas ei descendere debeat statim sine ostensione bayllivo vel preposito facienda hereditatem suam ingredietur. Et si burgensis habuerit duo burgagia et voluerit unum ipsorum alteri locare potest si voluerit locator eandem libertatem concedere ei qui dictum burgagium locaverit quam et ipse habet et ipse gaudebit. § Et si quis dimidium burgagium in capite de domino comite tenuerit eandem libertatem habebit ac si integrum teneret burgagium. § Item burgensis nullam sectam debet nisi voluntate ad molendinum sive ad pannos fullendum vel tingendos. § Item nullus burgensis dabit pro burgagio suo herietum vel relevium. Set quilibet potest pro voluntate sua filium vel filiam suam maritare sine licencia ab aliquo petenda. § Item quilibet potest bovem suum equum et aliam mercem quamcunque habuerit legalem sine licencia domini vendere. § Item quacunque morte burgensis preoccupatus fuerit nisi fuerit per nequitiam dampnatus uxor ejus et liberi sui habebunt catalla mortui vel proximi parentes ipsius tanquam heredes si non habuerit uxorem vel liberos. § Item burgensis paupertate compulsus burgagium suum vendere vel invadiare primo debet convenire heredem suum secundo et tertio et dicere ei quod inveniat sibi necessaria. Si autem noluerit de burgagio suo voluntatem suam faciat. § Item nullus libere tenens de altero dominio si burgagium habuerit potest namia tenentis sui in burgo extra burgum ducere vel portare. § Item quilibet burgensis potest braciare et furniare sine licencia et sine tolneto et consuetudine. § Et potest facere torallos columbarios et molendinum equinum et manumolendinum. § Et si burgensis summonitus fuerit ad hundredum et perexerit ad suum negocium extra villam vel fuerit presto recedere ita quod habeat unum pedem in strepo et inde habuerit duos vicinos testes quietus erit. § Item milites et libere tenentes in hundredo quieti sunt in foro de tolneto de vendicionibus omnibus et empcionibus suis ad opus suum factis nisi fuerint mercatores. § Item dominus episcopus quietus erit de dominica mensa sua set homines sui dant consuetudinem. § Item Templarii Hospitularii et monachi dant consuetudinem nisi habeant cartam domini WILLELMI et domini ROBERTI comitum. § Item careta honerata blado vel piris dabit consuetudinem. Emptor dabit jd. Careta scilicet unum obolum. § Careta honerata diversis marchandisis jd. Stallagium scilicet j. quadrantem. § Equus honeratus j. quadrantem. § Venditor ferri pro honere equi j. quadrantem. Venditor ferri qui ferrum portaverit j. quadrantem. Pro bachone j. quadrantem. § Pro v. porcis jd. Et pro v. ovibus jd. Et pro v. agnis jd. § Item marchandisa trium denariorum et infra quieta est de tolneto. Et si fuerit majoris precii quam trium denariorum dabit consuetudinem. § Item duo mercatores dabunt pro stallagio j. quadrantem. § Et qui portaverit lineam telam ad vendendum licet scindat eam dabit j. quadrantem. § Et omnes burgenses et milites et libere tenentes predicti honoris debent esse quieti apud GLOUCESTRIAM et per totum comitatum GLOUCESTRIE de consuetudine nisi de crudis coreis et pilosis pellibus. § Item burgenses non debent venire ad hundredum extra burgum pro aliqua summonicione. + Explicit hic de libertatibus et consuetudinibus THEOK'. Robertus Comes obiit A.D. 1147. Willelmus Comes obiit A.D. 1183. DXCII. GRANT BY WILLIAM, EARL OF GLOUCESTER, TO MARGAM ABBEY, OF LAND IN MARGAN, IN EXCHANGE FOR LAND OF BALDEWINE THE HARPER OF NEWBOROUGH. WILLELMUS comes GLOECESTRIE R. NORR[EIS] Vicecomiti et Baronibus et hominibus suis omnibus suis salutem. Sciatis me ecclesie S. M. de MARGAN et ejus conventu in excambio terre que fuit BALDEWINI cithariste de Novo BURGO dedisse c. acras in MARGAN, ita quietas et liberas sicut terram BALDEWINI prius habuerunt. Et insuper do eis domos ipsius BALDEWINI infra burgum cum curtillagio extra castellum. et incrementum terre SIWARDI palmarii de CARDIF. ad domum quandam faciendam . et quoddam burgagium in burgo de KENEFE. Testibus ROBERTO NORR[EIS] Vicecomite, GREGORIO filio ROBERTI, et WILLELMO filio STEPHANI, WILLELMO filio (sic) NICOLAI, H. TUSARD, RADULPHO PRENT'. Apud NOVUM BURGUM. Imperfect seal of the Earl, light brown wax, and small gem counterseal. DXCVII. See |