a quoquam effectum presentium impediri. Actum Olomuz. III. Kalendas. Decembris. Anno domini MCCLXVII. Ex originali in archivo archiepiscopali Cremsiriensi. Apographum in codicibus Cremsiriensi C. VI. et Olomuc. I. membr. fol. 42. Excusum incorrectius in Serie episcoporum Olomuc. a F. Richter edita. CDIII. Bruno, episcopus Olomucensis, fundat anniversarios Adolphi patris sui et Adelheidis matris in ecclesia Olomucensi. Dt. Olomucii, 111. Kalendas Decembris, 1267. Bruno dei gracia Episcopus Olomucensis. Vniuersis Christi fidelibus hanc litteram inspecturis salutem in auctore salutis. Cum sit pium et salubre cogitare et aliquid ordinare de remediis animarum nos vt convenit pro animabus patris et matris nostre solicite cogitantes ordinamus de consilio et consensu dilectorum in Christo Bartholomei decani Herbordi prepositi Magistri Iohannis Archidiaconi Olomucensis Simonis Custodis Allexii prepositi in Wolframskirchen Archidiaconi Znoymensis Heydolphi prepositi et Archidiaconi Cremsiriensis et aliorum Canonicorum nostrorum tunc presencium quod III. Nonas Ianuarii agatur perpetuo Anniuersarius patris nostri Comitis Adolphi in Ecclesia Olomucensi in vigiliis et officio misse sollempniter decantandis et anniuersarius matris nostre Adelheydis VII. Idus Aprilis similiter peragetur. Ad hos duos anniuersarios celebrandos deputamus quatuor talenta duo quidem ad anniuersarium patris et totidem ad matris anniuersarium. Et dabuntur cuilibet Canonico presenti XII denarii et cuilibet vicario perpetuo VI denarii et hec de vno talento. Item de alio thalento dabitur dimidium talentum scolaribus de quo eciam quatuor denarii dandi sunt cuilibet campanario qui deseruiunt in ecclesia maiori. Item dimidium talentum inter pauperes diuidetur. Et sic est in vtroque anniuersario faciendum. Hec quatuor talenta recipienda sunt annis singulis de bonis et de censu in Brunesuerde in Frideberg et in Zwenser cum et eundem censum deputauerimus vt in aliis apparet litteris pro anniuersariis eciam aliis celebrandis. Quod autem hec ordinacio cum sit pia et salubris robur obtineat perpetue firmitatis et nullatenus postponatur presentem paginam ad rei memoriam sempiternam nostri et capituli nostri sigillorum fecimus communiri. Actum Olomuz III. Kalendas decembris Anno domini M. CC. LXVII. E codice Olomucensi II. fol. 85. CDIV. Agnes, relicta Ekhardi de Miroslaw ratificat donationem juris patronatus in Droskowice factam monasterio Oslowanensi a marito suo. Datum in Myslibořice, pridie Kalendas Decembris, 1267. Vniuersis Christi fidelibus presens scriptum uisuris. uisuris. ego Agnes relicta domini Ekhardi uiri nobilis de Mirslaus. Ne ea que legittime et pia deuotione ordinantur propter Christum futuris temporibus possint a malignis malignorum hominum suggestionibus retractari necesse est litterarum apicibus eternari. Ad totius igitur litis et calumpnie depressionem notum sit presencium inspectoribus et auditoribus vniuersis quod donationem et resignationem iuris patronatus ecclesie ville de Droscuwitz quam felicis recordationis maritus meus Abbatisse et conuentui de Osla contulit propter deum ius suùm in ipsas transfundendo quod habebat in eadem sicut in litteris exinde confectis plenius dinoscitur contineri ratam gratam et firmam habeo. et ob salutem anime sue et carorum nostrorum tam uiuorum quam mortuorum renunccio omni iuri quod habere uidebar de ecclesia antedicta abbatisse et conuentui memorato et quia sigillo proprio carui ad ampliorem rei memoriam domini Heinrici plebani de Mirslaus rogaui sigillo roborari ut exinde reciperet firmamentum. Datum in Miselboritz anno domini M. CC. LXVII. Pridie Kalendas Decembris. Domino Hartlibo. Heinrico de Mirslaus et Gundackaro de Miselboritz plebanis. Westone Wolvramo. Ir. Subpriorissa. domina D. et Ger. monialibus de osla et aliis quam pluribus tunc ibidem collectis presentibus. Ex originali ejusdem monasterii cum sigillo illaeso. CDV. Otto, civis Olomucensis, resignat monasterio Gradicensi laneos duos in Topolany. 1267. Deperire potest omnis humana promissio que firmari non uidetur robore literarum. Pateat igitur vniuersis presentibus quam futuris presentem notulam inspecturis quod Ego Otto humilis ciuis Olomucensis vna cum filiis meis omne ius quod in bonis duorum laneorum in Thopolan videbar habere sub testimonio proborum virorum ciuium Olomucensium primo Stephani tunc aduocati. deinde Heyczonis de noua Ciuitate, Conradi Pertoldi Sdislai. ad manus venerabilis domini Rv. abbatis Gradicensis et conuentus totaliter resignaui. Quare idem venerabilis dominus Rv. abbas Gradicensis considerans me sibi et ecclesie sue plurima seruicia inpendisse et posse impendere. ratione dictorum bonorum in Thopolan. vnum laneum in uilla nominata repsin michi contulit quiete ac pacifice perpetuo possidendum ita tamen quod si filii mei post terminos vite ad seruiendum dicte ecclesie fuerint minus apti aut ipsorum seruitium non placuerit. non tantum ipsi filii mei verum etiam alii qui dicti lanei possessores extiterint, sepe dicto domino Rv. abbati et suis successoribus tres fertones argenti in festo beate Valpurgis. soluere teneantur tres uero presentas que visitationes vocantur scilicet in natiuitate domini IIII. pullos in pascha XL. oua in Penthecosten IIII. caseos quorum quiuis IIII. denarios valeat singulis annis reddere non obmittant saluis collectis. Si vero me aut filios meos nominatos laneos vendere contigerit de voluntate ipsius domini R. abbatis et suorum successorum talibus tenemur vendere qui sibi boni aut vtiles videantur. Et ut hoc factum permaneat illibatum presentem litteram duorum sigillorum munimine. meo videlicet ac ecclesie Olomucensis roboraui. Huius rei testes sunt hii. Frater Budis tunc Prior, Cornelius suprior Matheus Florentius, Vrbanus Heyricus Caluus Voyzlaus custos Anthonius Michael Valerianus Heyricus Kamerarius sacerdotes. De ordine vero fratrum Predicatorum frater Chualko tunc Prior et frater Lucianus lector. Ciues autem Olomucenses. primo Stepanus tunc aduocatus deinde Heyczo de noua Ciuitate Conradus Pertoldus Sdizlaus. Acta sunt hec anno domini MCCLXVII. Ex originali cum duobus sigillis in archivo ejusdem monasterii. CDVI. Bruno, episcopus Olomucensis, concedit capitulo Cremsiriensi facultatem eligendi decanum et canonicos. Datum Cremsirii, Idibus Decembris, 1267. Bruno dei gracia episcopus Olomucensis. Vniuersis Christi fidelibus hanc litteram inspecturis eternam in domino salutem. Cupientes quod ea que per nos deliberatione pia et prouida statuuntur, firma semper et illibata persistant; ac per scripti memoriam ad futurorum noticiam perducantur, Tenore presentium notum facimus quod dilectis in Christo capitulo ecclesie 8. Mauricii in Cremeser nostre diocesis quam nos cepimus edificare de nouo, in ipsa creando prebendas, vt per se deinceps ad prebendas easdem canonicos, et decanum, de gremio ipsius ecclesie libere possint eligere, plenam damus et concedimus facultatem. Ita quod canonici omnes conueniant, et debitam obseruent formam secundum canonum statuta in electionibus huiusmodi celebrandis. Collationem vero prepositure in eadem ecclesia Cremeserensi nobis et nostris successoribus reseruamus. et est Olomucensis ecclesie canonico, et non alterius ecclesie, dum vacauerit conferenda. In cuius rei testimonium et euidentiam et memoriam sempiternam, presentem paginam inde conscribi, nostrique sigilli iussimus munimine roborari. Datum in Cremeser. Idibus Decembris Anno MCCLXVII. Ex originali in arch. archiepiscopali Cremsiriensi. Apographum CDVII. Otakarus, rex Boëmiae et marchio Moraviae, inhibet civibus Litoviensibus, ne emtionem horti cum curia a se magistro hospitalis s. Spiritus de Sassia concessam impediant. 1267. 0.(takarus) dei gratia Rex Boemie, Dux Austrie et Stirie et Marchio Morauie.. Iudici et ciuibus uniuersis in Lutouia constitutis gratiam suam et omne bonum. Quoniam magistro hospitalis s. Spiritus de Sassia, quod in ciuitate uestra in leuamen infirmorum iam pridem edificari constituimus facultatem dedimus redimendi ortum cum curia a Crisone conciue uestro Lutouiensi, inhibemus uobis per presens scriptum, ne quisquam prefatum magistrum super eadem emptione audeat impedire uel aliquomodo grauare, alioquin offensam nostram se grauiter nouerit incursurum. Anno domini MCCLXVII. E copia simplici in archivo ecclesiae parochialis Litoviae. CDVIII. Suděhna, relicta Ludkonis, ciuis Uncoviensis, confert hortum et laneum agrorum in dotem hospitalis Litoviensis fratrum s. Spiritus de Sassia. 1267. Notum sit omnibus tam presentibus quam futuris presens scriptum inspecturis. Quod ego Sudehna relicta Ludkonis ciuis de Unisow in dotem hospitalis s. Spiritus fratrum de Sassia in ciuitate Lutouiensi a Serenissimo domino Rege Otacharo collocati, et in consummationem ecclesie s. Marie ibidem hortum aput ciuitatem antiquam Lutouiensem et laneum agrorum a me iusto emptionis titulo aquisitos pro remissione meorum et mariti mei prefati peccaminum et omnium amicorum nostrorum contuli in euum possidendos. Hec acta sunt in presentia iudicis et scabinorum predicte ciuitatis Lutouiensis et sub sigillo eorum conscripta. Anno incarnationis dominice Millesimo LXVII. E copia simplici in archivo curiae Litoviensis. |