censura cogatis ueritati testimonium perhibere. Contradictores et rebelles si qui fuerint censura consimili compescendo. prouiso tamen ante omnia, ut venerabilis Pater dominus Olmucensis Episcopus, per uos prius humiliter moneatur, ut prescriptum presentatum secundum ea que premittuntur de predicta Ecclesia inuestiat infra certum tempus, per vestram discretionem moderandum, cuius reuerencie taliter deferri uolumus in hac parte. Alioquin extunc procedatis in prescripto negocio secundum traditam uobis formam, facientes circa premissa quidquid potest iure fieri permittente, ne propter vmbram habitus prenotati, ubi certi ordinis uel relligionis ueritas non subsistit, iusticia retardetur. Quodsi forsan ambo hiis exsequendis interesse non potueritis, alter vestrum ea nichilominus exsequatur. Datum in Castris ante Cruceburg anno domini M. CC. XCV. IIII. Kalendas Nouembris.

Ex originali ejusdem monasterii cum sigillo laeso.

XXXVI.

Bonifacius VIII. papa omnes libertates et immunitates monasterii Oslowanensis confirmat. Dto. Romae Nonis Decembris 1295.

bus

...

Bonifacius episcopus seruus seruorum dei. Dilectis in Christo filiaAbbatisse et Conuentui Monasterii vallis sancte Marie in Ozla Cisterciensis ordinis Olomucensis diocesis Salutem et apostolicam benedictionem. Cum a nobis petitur quod iustum est et honestum tam uigor equitatis, quam ordo exigit rationis, ut id per sollicitudinem officii nostri ad debitum perducatur effectum. Eapropter dilecte in domino filie uestris postulacionibus grato concurrentes assensu omnes libertates et immunitates a Romanis Pontificibus predecessoribus nostris siue per priuilegia, seu alias indulgentias, uobis et Monasterio uestro, nec non libertates et exceptiones secularium exactionum a Regibus et Principibus aliisque Christi fidelibus rationabiliter uobis seu monasterio predicto indultas sicut eas iuste ac pacifice obtinetis, uobis et per uos eidem Monasterio, auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere uel ei ausu

temerario contraire. Si quis autem hoc attemptare presumpserit indignationem omnipotentis dei et beatorum Petri et Petri (sic) et Pauli apostolorum eius se nouerit incursurum. Datum Rome apud Sanctum Petrum Nonis Decembris. Pontificatus nostri anno primo.

Ex originali in archivo curiae Brun. f. O. I. n. 14.

XXXVII.

Bonifacius VIII. papa monasterio Tišnowicensi omnes libertates et immunitates confirmat. Dto. Romae Nonis Decembris 1295.

Bonifacius Episcopus, seruus seruorum dei, dilectis in Christo filiabus, abbatisse et conuentui monasterii de Porta celi, Cisterciensis ordinis, Olomucensis diocesis, salutem et apostolicam benedictionem. Cum a nobis petitur, quod iustum est et honestum, tam uigor equitatis, quam ordo exigit rationis, ut id per sollicitudinem officii nostri ad debitum perducatur effectum. Eapropter, dilecte in Domino filie, uestris iustis postulationibus grato concurrentes assensu, omnes libertates et immunitates a Romanis Pontificibus, predecessoribus nostris, siue per priuilegia seu alias indulgentias uobis et monasterio uestro concessas, nec non libertates et exemptiones secularium executionum, a regibus et principibus aliisque Christi fidelibus rationabiliter uobis seu monasterio predicto indultas, sicut eas iuste ac pacifice obtinetis, uobis et per uos eidem monasterio authoritate Apostolica confirmamus, et presentis scripti patrocinio communimus. Nulli ergo omnino hominum liceat, hanc paginam nostre confirmationis infringere, uel ei ausu temerario contraire. Si quis autem hoc attentare presumpserit, indignationem omnipotentis dei, et beatorum Petri et Pauli apostolorum eius se nouerit incursurum. Datum Rome apud sanctum Petrum, Nonis Decembris, pontificatus nostri anno primo.

E codice Tišnow. in Museo Morav.

XXXVIII.

Bonifacius VIII. papa mandat scholastico ecclesiae Olomucensis, ut bona a monasterio Oslowanensi alienata revocare studeat. Dto. Romae V. Idus Decembris 1295.

Bonifacius Episcopus, seruus seruorum dei. Dilecto filio... scholastico ecclesie Olomucensis, salutem et apostolicam benedictionem. Ad audientiam nostram peruenit, quod tam dilecte in Christo filie ... abbatissa et conuentus monasterii de Osla Cisterciensis ordinis, Olomucensis diocesis, quam ille, que in monasterio ipso precesserunt easdem, decimas, terras, domos, redditus, vineas, ortos, siluas, Grangias, Piscarias, villas, Castra, Casalia, nemora, maneria, viridaria, pascua, molendina intra iurisdictiones possessiones, et quedam alia bona ipsius monasterii, datis super hec litteris, confectis exinde publicis instrumentis, factis renunciationibus, iuramen-· tis interpositis et penis adiectis, in grauem eiusdem monasterii lesionem nonnullis clericis et laicis, aliquibus eorum ad vitam, quibusdam vero ad non modicum tempus et aliis perpetuo ad firmam, vel sub censu annuo concesserunt, quorum aliqui super hiis confirmationis litteras in forma communi, dicuntur a sede apostolica impetrasse. Quia vero nostra interest, super hoc de oportuno remedio prouidere, discretioni tue per apostolica scripta mandamus, quatinus ea, que de bonis ipsius monasterii per concessiones huiusmodi alienata inueneris illicite vel distracta, non obstantibus litteris, instrumentis, renuntiationibus, penis et confirmationibus supradictis, ad ius et proprietatem eiusdem monasterii legitime reuocare procures; contradictores per censuram ecclesiasticam appellatione postposita compescendo. Testes autem, qui fuerint nominati, si se gracia, odio vel timore subtraxerint, censura simili appellatione cessante compellas, veritati testimonium perhibere. Prouiso, ne aliquis extra suam Ciuitatem et diocesim auctoritate presentium ad iudicium euocetur, nec procedatur in aliquo contra eum. Datum Rome apud sanctum Petrum V. Idus Decembris. Pontificatus nostri anno I.

Ex originali in archiyo curiae Brunensis f. 0. I. n. 13.

XXXIX.

Bonifacius VIII. papa scholastico Olomucensis ecclesiae mandat, ut bona a monasterio Tisnowicensi alienata revocare studeat. Dto. Romae V. Idus Decembris 1295.

Bonifacius episcopus, seruus seruorum dei, dilecto filio scholastico ecclesie Olomucensis salutem et apostolicam benedictionem. Ad audientiam nostram peruenit, quod tam dilecte in Christo filie abbatissa et conuentus monasterii de Porta celi, Cisterciensis ordinis, Olomucensis diocesis, quam ille, que in monasterio ipsi precesserunt, easdem decimas, terras, domos, redditus, vineas, hortos, siluas, grangias, piscarias, villas, castra, casalia, nemora, maneria, viridaria, pascua, molendina, iura, iurisdictiones, possessiones et quedam alia bona ipsius monasterii, datis super hoc litteris, confectis exinde publicis instrumentis, factis renuntiationibus, iuramentis interpositis et penis adiectis, in grauem eiusdem monasterii lesionem, nonnullis clericis et laicis, aliquibus eorum ad uitam, quibusdam uero ad non modicum tempus, et aliis perpetuo ad firmam uel sub censu annuo concesserunt, quorum aliqui super his confirmationis litteras in forma communi dicuntur a sede apostolica impetrasse. Quia vero nostra interest, super hoc de opportuno remedio prouidere, discretioni tue per apostolica scripta mandamus, quatenus ea, que de bonis ipsius monasterii per concessiones huiusmodi alienata inueneris illicite uel distracta, non obstantibus litteris, instrumentis, renunciationibus, iuramentis, penis et confirmationibus supra dictis ad ius et proprietatem eiusdem monasterii legitime reuocare procures, contradictores per censuram Ecclesiasticam, appellatione postposita compescendo. Testes autem, qui fuerint nominati, si se gratia, odio uel timore subtraxerint, censura simili, appellatione cessante, compellas ueritati testimonium perhibere, prouiso, ne aliquis extra suam ciuitatem et diocesim authoritate presentium ad iudicium euocetur, nec procedatur in aliquo contra eum. Datum Rome apud S. Petrum quinto Idus Decembris, Pontificatus nostri anno primo.

E codice Tišnowic.

XL.

Bonifacius VIII. papa monasterio Tiśnowicensi indulget, ut bona, quae sorores justo titulo contingunt, recipere et retinere valeat. Dto. Romae XVII. Kalend. Januarii 1295.

Bonifacius episcopus, seruus seruorum dei, dilectis in Christo filiabus, abbatisse et conuentui monasterii de Porta celi in Tischnowitz, Cisterciensis ordinis, Olomucensis diocesis, salutem et apostolicam benedictionem. Deuotionis uestre precibus inclinati presentium vobis auctoritate concedimus, ut possessiones et alia bona mobilia et immobilia, que liberas personas sororum vestrarum, mundi relicta vanitate ad vestrum monasterium convolantium et professionem facientium, in eodem iure successionis uel alio iusto titulo, si remansissent in seculo, contigissent, et ipse potuissent aliis libere erogare, feudalibus duntaxat exceptis, valeatis petere, recipere ac etiam retinere, sine iuris preiudicio alieni. Nulli ergo omnino hominum liceat, hanc paginam nostre concessionis infringere, uel ei ausu temerario contraire. Si quis autem hoc attentare presumpserit, indignationem omnipotentis dei, et beatorum Petri et Pauli, apostolorum eius, se nouerit incursurum. Datum Rome apud S. Petrum, decimo septimo Calendas Januarii, pontificatus nostri anno primo.

E codice Tisnowic.

XLI.

Bernhardus, episcopus Misnensis, pro ecclesia monasterii Sarensis indulgentias elargitur. Datum Chotěboř XIII. Kal. Februarii 1296.

Bern. dei gratia Misnensis ecclesie episcopus. Vniuersis Christi fidelibus presentes literas inspecturis salutcm in domino. Gloriosus Deus in sanctis suis in ipsorum glorificacione gaudet, in veneratione beate Marie iocundius delectatur eo, quod ipsa utpote eius mater meruit sublimius collocari. Cupientes igitur, ut monasterium in Sare, Pragensis diocesis congruis frequentetur honoribus, nos de omnipotentis dei misericordia et