1. Col.

Lomnitz. Bvdiboy de Zcalitz. Witigo de Chrymenow. Woko et Zezen fratres de Witigenow. Rapoto de Valchenberch et Rapoto filius eius. Pilgrimus de Swarcenow et Hainricus frater eius. Chadoldus filius Pilgrimi. Rvdolfus pvrcrauius de Gors. Hvgo Tvrso. Hadmarus frater eius. Otto de Rastenberch. Otto filius fratris eius et alij quam plures. Acta sunt hec anno domini millesimo ducentesimo lxv in die sancti Vrbani pape et martiris.

Otacharus dei gratia Boemie rex, dux Austrie, Styrie et Karinthie, marchio Morauie, dominus Carniole, marchie Egre ac Portus Naonis dilectis sibi... castellanis in Newenburch eorumque successoribus vniuersis nec non iudicibus et mutarijs in Ibs et in Lintza, quicumque fuerint pro tempore instituti gratiam suam et omne bonum. Cum pie petencium desiderijs sit feliciter annuendum nos iuxta instantiam et peticionem venerabilis abbatis et conuentus monasterij de Zwetel qui diuinis insistentes obsequijs deo stvdent in suis actibus iugiter complacere 2. Seite eidem monasterio indulsimus de gratia speciali vt duo talenta salis maioris ligaminis in Danubio circa festum assumptionis beate virginis per nostri districtus dominium ducere debeant sine muta que wulgo wazzermvtte vel purchmvtt dicitur annuatim damus vobis firmius in mandatis nostre gratie sub obtentu quatenus eorum procuratores et nuncios in euectione dicti salis per Danubium non debeatis occasione mute predicte vel theolonei aliquatenus inpedire sed ipsos transire libere permittatis sicut nostram diligitis gratiam conseruare. Et in huius nostre concessionis gratiam ipsis presentem dedimus litteram sigillorum nostrorum munimine roboratam: Datum Wienne anno domini m ce lxx: quarto. In inuentione sancte crucis. Testes huius sunt Pvrchardus marschaleus regni Bohemie et capitaneus Anasi. Heinricus iunior de Weitra marschalcus Austrie. Levtoldus de Tireostain. Stephanus de Myssow. Rimbertus et Hadmarus de Schoennenberch et alij quam plures.

Nos Otokarus dei gratia dux Austrie et Stirie et marchio Morauie, huius scripti testimonio scire volumus vniuersos quod abbati et conuentui de Zwetel indulsimus de gratia speciali ut duo talenta salis maioris ligaminis transducant in Danubio per terre nostre districtum annis singulis sine muta. Et ut huius nostre concessionis gratia perpetuam obtineat firmitatem eidem abbati et conuentui presens instrumentum dedimus sigillorum nostrorum munimine et subscriptione testium roboratum per manum notarij nostri Wilhelmi. Incarnati verbi anno m. cc. lij. Sunt autem testes. Albero de Chvnnringe et Heinricus frater eius Otto de Arnstein. Chalhochus de Tvlbinge. Chvnradus de Zekinge. Otto de Rastenberch. Hadmarus Asinus et alij quam plures.

Otacharus dei gratia dux Austrie et Stirie et marchio Morauie vniuersis mutarijs in Stein constitutis gratiam suam et omne bonum. Nouerit discretio uestra, 2. Col. quod nos domino abbati et conuentui in Zwetel indulsimus ut singulis annis duo talenta salis majoris ligaminis transducant in Danubio sine muta. Huius executionis ipsis nostrum dedimus priuilegium speciale sigilli nostri munimine confirmatum. Quicquid uero super hoc accrescat nostris computacionibus rescribatis. Datum anno domini m. cc. lx!

Sed antequam ad omnia priuilegia domini Otakari regis Boemie et ducis Austrie transcribenda veniamus ad fundatores nostros adiuuante domino iterum redeamus. Inter quos domini de Valchenberch quondam precipui fuerunt et domum nostram in multis necessitatibus adiuuerunt. Sed quia mater eorum videlicet Gisla de Valchenberch noscitur duxisse originem de genere Chvnnringariorum vtile est scire propagacionem Valchenbergariorum. Hec inquam domina Gisla, fuit domini Hadmari de Chvnnring secundi nostri fidelissimi fundatoris filia et domino Vlrico de Valchenberch in coniugio copulata tres filios generauit videlicet Rapotonem de Valchenberch. Albero

nem de Pvechperch et Hadmarum de Mystelbach. Qui Hadmarus de Mystelbach genuit filiam nomine Elizabeth quam domino Ortliebo de Winchelberch in coniugio copulauit ex quibus magna progenies se totam per Austriam vti hodie cernitur dilatauit. Domina autem Gisla de Valchenberch duos fratres videlicet Hainricum canem et Hadmarum habuit ex quibus etiam maxima progenies creuit. De progenie domini Hainrici canis in aliqua parte scriptum est sed de progenie domini Hadmari canis adhuc scribendum et usque ad nobilissimos et piissimos fratres Levtoldum et Hainricum de Chvnnring adiuuante domino veniendum. Hij domum nostram et ordinem supra modum dilexerunt et multa liberalitate in nostris necessitatibus se pro nobis exposuerunt. Hij exorti sunt quasi lilium de sentibus et rosa de floribus. Sed hev Hainricus etate immatura sine heredibus ex hoc seculo decessit qui tamen strennuam gubernationem domus 44.Blatt nostre dum adhuc uiueret gessit. Obijt autem iste stren1. Col. nuus et nobilis Hainricus de Chvnnring anno domini m

1. Seite

2. Seite

1. Col.

cc. lxxx. vij. In vigilia purificationis beate Marie semper uirginis fundata tamen prius domo in Velsperch fratrum minorum ordinis. Sepultus est autem in monasterio zwetlensi in sarcophago ab eo prius comparato cum capella in abside dum adhuc existeret in hac uita et vtinam Christus eum cum omnibus sanctis iuxta quorum altare quiescit foueat in eterna vita. Amen. Que autem bona domui nostre predicti fratres dominus Levtoldus et Hainricus de Chvnring fecerint non est obliuioni tradendum, sed cum ad eorum genealogiam deuentum fuerit plenius et perfectius inscribendum. Nunc autem ad genealogiam domine Gisle de Valchenberch recurramus et eam huic opusculo pingendo et scribendo subtilius inseramus *).

De Gisla domina de Valchenberch sciendum quod obijt anno domini m cc xxj in die sancte Petronelle

*) Hierauf nach der ganzen Breite der Seite Zeichnungen.

virginis et martiris et sepulta est iuxta ianuam zwetlensis monasterij in lectione monachorum. In cuius sepulture die filii eius videlicet Rapoto Albero et Hadmarus vna cum patre domino Vlrico de Valchemberch medietatem ville in Glatzmans resignauerunt et zwetlensi monasterio in remedium eius anime tradiderunt ita tamen ut in die sancte Petronelle virginis et martiris seruicium conuentui de eisdem redditibus ministretur. Que autem priuilegia de filijs vel nepotibus domine Gisle de Valchenberch habeamus vt ad noticiam aliorum deueniant huic opusculo inseramus. Sciendum tamen quod redditus in Glatzmans in priuilegio domini Friderici ducis Austrie quod prescriptum est nostro monasterio sunt cum alijs redditibus confirmati. De priuilegijs autem dominorum de Valchenberg super Weizzenpach, vel Hedreistorf aut Chambarn aut alijs in Austria redditibus nunc in proximo est uidendum. De Weizzenpach vero sciendum quod ab antiquo pertinuit ad fundatores nostros dominos videlicet de Chvnnring et eandem villam dominus Hadmarus de Chvnnring secundus fundator noster dedit filie sue Gisle de Valchenberch cum alijs possessionibus, quando ipsam a fratribus suis videlicet Hainrico et Hadmaro qui cognominabantur canes segregauit et ipsam domino Vlrico de Valchenberch copulauit. De hac separacione in vno priuilegio ipsius Hadmari secundi plenius continetur. Dominus autem Rapoto filius supradicte Gisle eandem villam Weizzenpach postmodum conuentui zwetlensis monasterij ad pitancias ouorum tempore Gotshalci abbatis contulit et super eadem donatione priuilegium tale dedit.

Qve geruntur in tempore ne labantur cum tempore debent scripti memoria et uoce testium perhennari. Innotescat igitur presentibus et sciant posteri, quod ego 2. Col. Rapoto de Valchenperch pro remedio peccatorum meorum et parentum meorum ecclesie sancte Marie in Zwetel in usum fratrum ibidem deo seruientium libera potestate contuli uillam que dicitur Weizzenbach cum omni

bus suis pertinentijs uxore mea Alheide et filio meo Rapotone et fratre meo Hadmaro consentientibus et in eadem villa proprietati aduocatie et omni iuri suo in manus domini Gotschalci tunc abbatis in Zwetel renunciantibus. Ut autem hec mea donatio ab omni calumpnia sit inmunis in posterum, feci presentem paginam sigilli mei munimine roborari, nominibus testium qui aderant subnotatis, videlicet domino Alberone de Tirnstein pincerna Austrie. Camerario ducisse Livpoldo de Horssendorf. Domino Chvnrado Posschone et fratre eius Marquardo. Ottone Preidimcer et Chvnrado aduocato, et alijs honestioribus uiris quam pluribus, qui huic donationi interfuerunt. Datum et actum in Valchenberch. Anno domini m. cc. xlv. шj? kalend. Julii.

Quomodo autem temporibus domini Gotschalci venerabilis abbatis in Zwetel vna curia in Levbs quam quidam Hainricus ciuis ibidem tune temporis possedit ad monasterium nostrum deuoluta sit littera eiusdem abbatis Gotschalci plenius cum sigillo domini Hadmari de Valchenberch continet, et quomodo predictus abbas eidem Hainrico vndecim marcas puri argenti et duo talenta denariorum wiennensium conditionaliter mutuauit. Est autem eiusdem littere talis tenor.

Notum sit tam presentibus quam futuris quod ego Gotschalcus abbas de Zwetel ex consensu et consilio conuentus mei vndecim marcas argenti examinati et duo talenta denariorum exsolui pro Hainrico de Levbs, qui uidelicet Heinricus annuente uxore sua tum pro huius 45. Blatt gratie recompensatione tum pro salute anime utrorumque 1. Seite cum omni iure hereditario obtulit sancte Marie uirgini in Zwetel curiam suam sitam in Livbs cum adiacente vinea et tredecim iugeribus agrorum per manum Theoderici iudicis eiusdem uille nullo contradicente, hac conditione interposita quod eandem curiam cum suis attinentijs usque ad diem mortis uterque eorum possideat ita tamen ut in memoriam huius facti omni anno in festo sancti

1. Col.