said erle fra this day furwart for all the tyme and space of ellevin yeiris nixt and immediatlie following the day of the dait of thir presentis

quhilk thing to this my present band of manrent subscriuit with my hand my propir seill is affixit At Slanys the xvj day of December the yeir of God ane thousand five hundretht fourty and foure yeiris Befoir thir witness Schir George Meldrum of Fivy knycht/ William Hay of Achery / Johne Hay in Many Dauid Rettray Maistir Alexander Hay Gilbert Hay and Maister Nichole Robisoun noter publict with vtheris diuerss PATRIK MOWAT of Bocholle

XXXII.

ALEXANDER BUCHANE OF AUCHMACOYIS BAND. I FEBRUARY

MDXLV.

Be it kend tile ale men be this present writ me Alexander Buchane of Auchmacoy To be bundin and oblist and be the fath and treuth in my body lelely and trewly bindis and oblissis me To ane nobil and potent lord George Erle of Eroll Lord Hay and Constabill of Scotland for gratitudis plesuris profitis and manteinance done and to be done to me as his lordschipis band maid to me heirapoun proportis

In witnes heirof I haue subscriuit this writ with my hand at Slanis the first day of Februar the yeir of God jm ve fourti and four yeris Befor thir witnes Mastir Nicholl Robisoun notar publict / William Hay in Auchintender Mastir Gilbert Chalmer with vtheris diuerss

ALEX BUCHANE of Auchmacoy with my hand

Ane band

maid betuix

Huntly and George Eril of Erroll and

XXXIII.

CONTRACT BETWEEN GEORGE EARL OF HUNTLY AND GEORGE
EARL OF ERROLL. III JUNE MDXLVI.

At Perth the third day of Junij in the yeir of God ane thousand ve and fourty sex yeris It is appontit and finally concordit betwyx nobill and mychtie lordis George Erll of Huntlie one that ane pairt and George Erll of Erroll one that vthir pairt in maner forme and effect as eftir followis That is to saye Athir of the saidis pairteis sall in all tyme to cum John Gordoun during thair lyftymis tak playne trew and aufauld pairt with vtheris in all

anense the mereage of

and Effem

Hay etc.

and syndre thair actionis querrellis and contrauersiis lefull and honest / And ather of thame sall fortifie vthir thair kynn freindis seruandis and pairt takarris at thair vter powar in all thair lefull honest busines and errandis during thair lyftymis aganis thair parteis quhatsumever The Qwenis Grace hir authorite moder and govirnour allanerly beand accepit And newir sall heir knaw or wit ony ewill or hurt diuisit for ather of thair personis heretagis landis rentis possessionis bot the samyne sall raueile and debait at the vtermaist of thair powairis. And for mantening of firme amitie and kyndness betwyx the houssiss of Huntlie and Erroll in tyme cumyng Johne Gordoune als callit Ogilvye third lauchfull sonn to the said George Erll of Huntlie and fear of the landis of Findlaiter sal mary and tak to wif solempnitlie in face of holie kyrk Margaret Hay secund dochter to the said George Erll of Erroll lauchtfully gottyne And sall be infeft heretabellye in coniunct fee in all and haill the landis and barrouny of Auchyndowyne with the pertinence castell and maner place of the samyne lyand within the schirefdome of Abirdene To be haldyne of our Souerane Lady the Qweyne And therfor the said Georg Erll of Erroll sall content and pay sik sowmis of monye in nayme of toichyr as sall be thocht expedient be thir personis vndirwrytyne That is to say Johne Erll of Suthirland. Wilyam postulat of Abirdene Alexander Ogilvy of Findlaiter. George Gordoune of Schewess James Gordoune of Maidlik and Robert Carnigie of Kynnard or ony twa of them for the pairt of the said Erll of Huntlie Wilyam Erll of Merschell. George Meldrvme of Five. Maister George Hay persone of Rocthuen Alexander Hay of Delgatie. William Kynnard of That Ilk. Petyr Hay of Megnetcht or ony twa of thame And failyeing twa of thir

fornemmit personis cane nocht guidly be convenit it sall be lessum to the said Erll of Erroll to fetcht with hyme ony vthir twa [freindis] as he thinkis expedient for his pairt quhilk sall be admittit as tha wer presentlie nemmit / Quha sall convyne and determin one the forsaidis poyntis and all vther debaittis contrauersiis actionis and caussiss bygayne and sall happyne to cum movit or to be movit be athir of the saidis pairteis thair freindis kynnis men and pairt takarris At Fordiss the xix and xx days of the moneth of Junij in the yeir of God forsaid to accept and begyne one the forsaidis causis and debaittis and ony twa personis in maner as said is to pronunce thair deliuerans betuyx the forsaid day and thre days thaireftir nixt to cum to the quhilkis the forsaidis parteis ar bundane and oblist to vnderly and foulfill And forder thair sall be ane contract of mariage maid in the maist swir and ampill forme to the effect forsaid betwyx the saidis pairteis be the sycht and ordinance of the personis forsaidis or ony twa of thame for ilk partie in forme forsaid / And gif this said contract may preiuge or hurt ony of the saidis pairteis or be nocht formell or substancius in it self be the consideratioune and sycht of men of law the samyne sall be ay sa oft be thair awise reformit quhill it be maid formell in it self. And for the faithfull obseruing of the premissis in euerilk poynt therof ather of the saidis pairteis are bundane and oblist and sworne to otheris be thair gryt athis the Holye Ewangelistis twychit. In witness of the quhilk baith the saidis pairteis hes subscrivit thir presentis with thair handis togydder with their selis heirto affexit day yeir place forsaidis Befoir thir vitnes Johne Drummond of Innerpeffre. Thomas Menzeis of Petquhedleis. William Kynnard of That Ilk Peter Hay of Mignutis James Gordoune of Maidlik · and Robert Carnegie of Kynnard with vtheris diuerss

GEORGE Erlle off Huntly

XXXIV.

THE LARD OF MANEIS BAND OF MANRENT MAID TO GEORGE ERLL OF ERROLL. XVIII JULY MDLIV.

Be it kend till all men be thir present lettres ws Johnne Wauss of Many and Alexander Waus my sone and appeirane air and the langast lewar of

ws tua / To haf gewin and be thir presentis giffis our band of manrent faithfull kyndnes and seruitud To ane nobill and potent lord George Erll of Erroll Lord Hay Constabill of Scotland etc and Androw Maister of Erroll his eldest sone and appeirane air. To serf the said Lord and Maister at all tymes as thai sell happin to haf ado and beis requirit be thame or ony of thame heirto lely and trewlie in all thair caussis and querrellis bissenes and adois contrar all persone and personis (except the Quenis grace and authorite of Scotland) And neuer to be sene nor cum in thair contrar in na tyme to cum. And that for diuerss gratitudis and guid deidis done to ws and ilkane of ws be the said George Erll of Erroll and Androw Maister of Erroll his sone in tymes bygane And for thair band of manteinance gewin be thame to ws at the making of thir presentis to defend and manteine ws in all tymes to cum / And this band of manrent and seruitud to remane and induir perpetualie for all the dayss and termes of the lyftymes of ws the saidis Johnne and Alexander and the langast lewar of ws tua lelie and trewly be the faythtis and trewthtis of our bodyis be this our band of manrent subscriuit with our handis To the quhilkis we haf affixit our propir sealis At Slanis the xviij day of Julij the yer of God jm fywe hundreith fyfty and four yeris Befoir thir witnes Johane Hay of Mochcallis Alexander Innes of Ardgraine Johane Morray Maister Androw Mowet

with vtheris dyuerss etc.

JHON WAUS Off Many
ALLEXANDER WAWS

XXXV.

ANE INDENTOUR QUHAIR ANDRO TULLEDAFF YOUNG LARD OF RANESTOUN IS BETUIX MAN AND SERUAND TO ANE NOBLE LORD ANDRO MASTER OF ERROLL AND CONSTABLE OF SCOTLAND. XIV NOVEMBER MDLXX.

At Slanis the fourten day off Nouember the yeir of God jm vc threscoir and ten yeris It is appoyntit and finallie agreit vpoun betuix ane noble lord Andro Maister of Erroll and Constable of Scotland on the ane pairt and Androw Tulydaff sone and apperand air to Alexander Tulydaff of Raneistoun on the vthir pairt in maner as folowis/ That is to say the said Andro

Tulydaff is off his awin fre motyve will oncoactit be the aduyss of his speciall and derest fader and freyndis becummis houssald man and servand/ and alss with hym ane vthir sufficient rydand man for all the dayis of his lyftym to the said noble lord And salbe reddie apoun hors and fute to serve the said lord apoun his lordschippis expenssis And salbe sufficientlie bodin tharto in armour wapinnis and honest abulyementis according to his estait / And salbe leill and trew in word and deid as becummis ane faythful servand to be till his lord and maister and sall nevir heir nor se of the said lord in presens or vtherwyss in his absence bot he sall defend and reveil as ane trew servand suld do in sic caussis And siclyk sall nocht oppoun the secreittis off the said lordis counsell nor na wyss concerning his lordschip that may be hourtfull skaythfull or be dishonour to his lordschip during his said lyftym vnder the pane of periurie infame credeit and tinsell of perpetuall honouris and estimatioun. Ffor the quhilk the said noble lord sall thankfullie content and pay ilk yeir to the said Andro Tulydaff during the lyftym of the said lord sexten bollis gud and sufficient aite meill to be yeirlie vpliftit and payit out of his lordschipis landis of Nedder Ardlethin And failyeing tharof out of ony vtheris landis within the barony of Slanis / And the sam to be careit to the said Andro Tulydaffis hous off Mostoun or Raneistoun betuix Yule and Candilmes. And in caiss the said sexten bollis meill be nocht payit yeirly to the said Andro Tulydaff he to be fre of his seruitud and promess forsaidis. Attour gif it happinis the said Andro Tulydaff that his sufficient hors deis or beis slane being in the said lordis company and seruice the said lord sal gif to hym ane hors agane alss sufficient as the vthir hors. And for observing keiping and faythfull fulfilling of the premissis athir of the saidis parteis bindis and obleissis tham hinc inde to abyd ferme and stable thairat promittando die rato Prouydeit alwyss that the said Andro Tulydaff with his servandis serve the said lord continewallie acontrar quhatsumevir persoun or persounis the Kingis Maiesteis aucthoritie onlie except. In witnes heiroff bayth the saidis parteis hes subscryuit this present obligatioun in maner of indentour with thair handis day yeir and place aboue writtin Befoir thir witnessis George Haye of Newraw / Neill Neilson and Johne Storie etc.

ANDRO Maister of Eroll ANDROW TULIDAF apperand of Ranistoun with my hand