et soingneuse garde de noz villes et fortes places de Haynnau, que aucun inconvénient n'en adviengne, et ainsi que avez fait jusques à ores. Vous advisant que avons baillié charge à nostredit cousin de Sasschen de vous assister et secourir contre noz ennemis, toutes les fois que en aurez mestier et vous l'en requerrez. Chiers et bien amez, Nostre-Seigneur soit garde de vous. Donné en nostre ville de Malines, le viire jour de janvier,

anno ** VIII.

Chiers et bien amez, nous vous advertissons que nostredit cousin a fait obtenir saulf-conduit, de ceulx de Brouxelles et Louvain, pour voz députez, lesquelz, en aiant enseignement qu'ilz seront envoyez devers icellui nostre cousin, à ladite journée, pourront seurement venir.

Donné comme dessus.

LETTIN.

PER REGEM IN CONSILIO.

Suscription: A noz amez et féaulx les gens des trois estas de nostre païs de Haynnau, présentement assemblez en nostre 'ville de Mons.

Original, aux archives de l'État, à Mons.

LXXIX.

LE DUC ALBERT DE SAXE AUX ÉTATS DE HAINAUT.

Il leur confirme que le seigneur de Molembais n'a pas encore reçu les instructions du Roi pour la négociation d'Arras.

Vilvorde, 14 janvier 1488 (1489, n. st.).

AELBRECHT, DUC DE SASSEN, ETC., LIEUTENANT GÉNÉRAL DE MONSEIGNEUR LE ROY ET DE NOSTRE TRÈS-CHIER SEIGNEUR ET COUSIN L'ARCHIDUC D'OSTRICE, ETC., SON FILZ.

Très-chiers et bons amis, nous avons le jour d'huy receu voz lettres, avec la copie de celles à vous escriptes par monseigneur le Roy (1), afin d'envoyer au lieu d'Arras, à la journée y servant pour la pacification des différens estans ès pays de par deçà, et illec besoingnier selon l'instruction sur ce baillée au seigneur de Molembais, en nous requérant mander à icellui seigneur de Molembais le bon plaisir de mondit seigneur le Roy sur ladite matière, car il vous a escript que de lui n'en avoit encores nouvelles, ainsi que vosdites lettres le contiennent. Sur quoy, trèschiers et bons amis, nous ne savons autre chose, que ledit de Molembais n'ait, de ceste heure, les instructions et autres choses servans à la charge à lui baillée en ceste partie par mondit seigneur le Roy. Ainsi pourrez envoyer devers lui, et il vous advertira de ce que dit est. Sy le voeulliés faire (2). Très-chiers

(1) Voy. la lettre LXXIII.

(2) Sy le vouelliés faire, veuillez le faire ainsi.

et bons amis, Nostre-Seigneur soit garde de vous. Escript à Vilvoorde, le xie jour de janvier, l'an ш et huyt.

Suscription: A noz très-chiers et bons amis les personnes des trois estaz du pays et conté de Haynnau.

Original, aux archives de l'État, à Mons.

LXXX.

MAXIMILIEN ET PHILIPPE AU PRINCE DE CHIMAY

ET AU SEIGNEUR D'AYMERIES.

Ils leur ordonnent de n'aller, ni de permettre que leurs députés aillent à la journée qui doit être tenue avec le roi de France, si le maréchal d'Esquerdes veut la tenir à Tournai, au lieu d'Arras.

Malines, 16 janvier 1488 (1489, n. st.).

DE PAR LE ROY ET PHELIPPE, ARCHIDUCZ D'AUSTRICE, Ducz de BOURGOINGNE, DE BRABANT, ETC., CONTES DE FLANDRES, ETC.

certaines causes à

Beau cousin et chier et bien amé, pour cecy nous mouvans, nous vous mandons et commandons expressément que, se le seigneur d'Esquerde (1) veult mettre à Tournay la journée prinse, et qui se doit tenir, en nostre ville d'Arras, entre le roy de France et nous et où devons envoier noz députez, vous ne alez ne soufrez aller nosdits députez audit lieu de Tournay, car nostre plaisir est tel. Beau cousin et chier et

(1) Voy. la première partie de ce Recueil, p. 67.

bien amé, Nostre-Seigneur soit garde de vous. Donné en nostre ville de Malines, le xvre jour de janvier, anno ш et viii.

LETTIN.

PER REGEM IN CONSILIO.

Suscription: A nostre beau cousin le prince de Chimay, capitaine général de nostre païs de Haynnau, et à nostre amé et féal chevalier, conseillier, chambellan et grant bailli de Haynnau, le seigneur d'Aymeries.

Copie authentique du temps, aux archives de l'État, à Mons.

LXXXI.

LE DUC ALBERT DE SAXE AU GRAND BAILLI DE HAINAUT.

La journée de Vilvorde ayant eu lieu, les députés des états de Hainaut n'ont plus à y venir; mais les états devraient députer trois ou quatre notables personnages, pour résider auprès de lui, et l'aider à conduire les affaires, selon le désir du Roi. Il envoie au bailli, pour qu'il en donne communication aux états, les propositions qu'il a faites à Philippe de Clèves et à ses adhérents. Le Sr de Molembais a ordre, si le maréchal d'Esquerdes persiste dans le refus de publier la paix de 1482, de rompre la négociation, et, en ce cas, il est inutile que les états envoient leurs députés à Arras. — Dispositions à prendre pour la réunion du plus grand nombre possible de gens de guerre dans le Hainaut.

Malines, 20 janvier 1488 (1489, n. st.).

AELBRECHT, DUC DE ZAXSSEN, ETC., LIEUTENANT GÉNÉRAL DE MONseigneur le ROY DES ROMMAIns et de nostre COUSIN, SON FILZ, EN LEURS PAYS DE PAR DEÇA.

Très-chier et bon amy, nous avons receu deux voz lettres, d'une substance, et faisans mencion que ceulx des estas de Haynnau ont député aucuns pour venir à la journée qui s'est tenue à Vilvoorde, et requérez vouloir signifier le lieu et jour

qu'ilz viendront, et les pourveoir de conduite ou de saulf-conduit. Sur quoy, très-chier et bon amy, actendu que la journée de Vilvoorde est jà tenue, et que sommes incertains quant ceulx de Bruxelles et de Flandres retourneront faire leur responce, nous ne saurions bonnement signiffier le jour ne le lieu où lesdits de Bruxelles et Flandres retourneront. Mais, pour ce que monseigneur le Roy, avant son partement, avoit ordonné que aucuns députez de chascun des pays estans en son obéissance seroient vers nous, pour journellement entendre avec nous aux affaires qui y surviendroient, nous vous mandons, de par mondit seigneur le Roy, et requerrons, de par nous, que ordonnez à ceulx des estas de Haynnau, et tenez la main vers eulx, qu'ilz députent trois ou quatre notables personnaiges pour venir devers nous, pour y tenir résidence durant l'absence de mondit seigneur le Roy, et entendre et aydier à conduire les affaires des pays, avec les autres députez qui y seront semblablement : ausquelz leurs députez ilz pouront aussi chargier de conseillier et adviser ou fait des traictez qui se conduiront avec lesdis de Bruxelles et de Flandres, avec les autres députez qui seront aussi icy présens, et les advertir de ce qui se fera. Si vous requérons que y vueilliez faire tout debvoir et diligence.

Nous vous envoierons brief ung saulf-conduit pour lesdits députez, afin qu'ilz puissent seurement venir.

Nous vous envoions aussi le double des concepts et ouvertures que avons bailliez tant à messire Phelippe de Ravestain, comme à ceulx de Bruxelles, Louvain et aussi à ceulx de Flandres, au moien desquelz ilz pourront venir à paix, afin que les communicquiez ausdits des estaz, et qu'ilz puissent savoir et entendre que voulons qu'ilz soient du tout advertiz.

Nous entendons que avez esté adverty, aussi ont ceulx des estas, du besongnié du seigneur de Molembais avec le Sr d'Esquerdes (1), touchant la convencion qui se devoit faire à Arras,

(1) Voyez la première partie de ce Recueil, p. 180 et suiv.