gulier plaisir, comme l'entendrez plus à plain par ledit George. Sy le veullez sur ce croire. Très-chiers et bien amez, NostreSeigneur soit garde de vous. Escript en nostre ville de Malines, le vin jour de novembre, l'an шTM xi. NUMAN. PHE. Suscription: A noz très-chiers et bien amez les députez des estaz de nostre pays de Haynnau, présentement assamblez en nostre ville de Mons. Original, aux archives de l'État, à Mons. CXII. L'ARCHIDUC PHILIPPE AU GRAND BAILLI DE HAINAUT. Il lui renouvelle l'ordre contenu dans sa lettre du 19 août précédent, au sujet des lettres de garantie du traité de Senlis. Malines, 16 janvier 1493 (1494, n. st.). DE PAR L'ARCHIDUC D'AUSTRICE, DUC DE BOURGOINGNE, DE BRABANT, CONTE DE FLANDRES, D'ARTOIS, ETC. Très-chier et bien amé, combien que vous avons jà pièça escript et mandé faire expédier et nous envoyer les lettres et seellé que, par le traictié de Senlis, estes tenu baillier pour la seureté d'icellui traictié, selon la minute que pour ce vous avons envoyée, néantmoins vous n'en avez encoires riens fait dont nous donnons merveilles. Et, pour ce, très-chier et bien amé, que, de la part du roy de France, aions esté et sommes instam ment sollicité et requis lui furnir les seellez que, de nostre part, se doivent baillier par ledit traictié, et que, se faulte y avoit de nostre costé, l'on nous pourroit argüer d'infraction dudit traictié, et par ce retourner à la guerre (que nous seroit à grant regret et de grant préjudice à noz pays et subgectz), nous escripvons devers vous, et vous ordonnons et néantmoins mandons bien expressément et acertes que, incontinent cestes veues, et toutes excusacions ou difficultez cessans, vous faictes expédier et nous envoyez vosdites lettres et seellé, selon ladite minute que vous avons sur ce envoyée, comme dit est : et n'y faictes faulte, sur tant que nous désirez obéyr, et doubtez (1), par le contraire, desplaire. Très-chier et bien amé, Nostre-Seigneur soit garde de vous. Escript en nostre ville de Malines, le xvie jour de janvier, l'an ш** XIII. NUMAN. РНЕ. Suscription: A nostre amé et féal chevalier, conseillier, chambellan et grant bailli de Haynnau, le seigneur d'Aymeries, d'Authune, etc. Original, aux archives de l'État, à Mons. (1) Doubtez, redoutez, craignez. СХІІІ, MAXIMILIEN AUX AVOUÉ ET ÉCHEVINS D'YPRES. Il leur ordonne de remettre à messire Jean de Dinteville, maitre de son artillerie, certaines pièces d'artillerie qu'il a laissées à Ypres. Anvers, 15 décembre 1494. DE PAR LE ROY. Chiers et bien amez, nous avons ordonné à nostre amé et féal chevalier, conseillier et maistre de nostre artillerie, messire Jehan de Dinteville, recouvrer et faire rassembler toute nostre artillerie en certains lieux où lui avons ordonné. Et, pour ce que savons que en nostre ville d'Ypre avons délaissié certaines pièces de nostredite artillerie, lesquelles sont encloses en ung billet en ceste nostre lettre, nous voulons et vous mandons que toutes icelles parties vous délivrés ou faictes délivrer audit maistre de nostre artillerie, pour les mectre et en faire ainsi que lui avons commandé, toutes excusacions cessans: car tel est nostre plaisir. Chiers et bien amez, Nostre-Seigneur soit garde de vous. Escript en nostre ville d'Anvers, le xve jour de décembre, anno ш XIIII. DE WAUDRIPONT. MAXIUS Suscription: A noz chiers et bien amez les advoé, eschevins et conseil de nostre ville d'Yppre. Original, aux archives de la ville d'Ypres. CXIV. MAXIMILIEN A PHILIPPE LE BEAU. Il l'approuve d'avoir remis au mois de mai de l'année suivante le chapitre de la Toison d'Or. Il lui confirme qu'il a envoyé sa procuration, pour ce chapitre, au duc Albert de Saxe. Valais (?), 19 décembre 1496. Très-chier et très-amé filz, nous avons receu voz lettres par Thoyson d'Or, faisans mention que, pour les causes contenues en icelles, avez advisé, avec les chevaliers confrères de nostre ordre de la Toison d'Or estans avec vous (1), de remectre la feste dudit ordre, que vous avions escript de tenir en nostre ville de Malines à la Saint-Andrieu derrenier passé, jusques au mois de may prouchain venant, si avant que voz affaires le puissent porter, et la faire en nostre ville de Bruxelles, ou cas que ce soit nostre bon plaisir : requérant vous en vouloir advertir. Sur quoy, très-chier et très amé filz, eu regart aux causes contenues en vosdites lettres, sommes très-bien contens de tout ce qu'en avez advisé, tant du jour que du lieu, et vous requérons encore que, pour les raisons que vous avons escriptes par noz autres lettres, vous le vueilliez ainsi faire: car desjà en avons adverti par lettres le roy d'Espaigne, le duc de Savoye et les sires du Fay, d'Irlain, de la Bastie, afin qu'ilz se treuvent en personne, ou envoyent leur procuration, selon les status de nos (1) Dans l'assemblée tenue à Berg-op-Zoom, le 26 octobre 1496. Voy. 'Histoire de la Toison d'Or, par M. de Reiffenberg, pp. 220 et suiv. |