BEILAGEN.

I.

Adelsbestätigung für Peter Parchevich, Wien, 12. Jänner 1657. Aus dem k. ungar. Landesarchiv in Ofen.

Nos Ferdinandus tertius divina favente clementia electus Romanorum imperator semper augustus ac Germaniae, Hungariae, Bohemiae, Dalmatiae et Croatiae, Slavoniae, Ramae, Serbiae, Galitiac, Lodomeriac, Cumaniae Bulgariaeque rex, archidux Austriae, dux Burgundiae, Brabantiae, Styriae, Carinthiae, Carnioliae, marchio Moraviae, dux Lucemburgae ac superioris et inferioris Silesiae, Virthembergae et Thekae, princeps Sveviae, comes Habspurgi, Tyrolis, Ferreti, Kyburgi et Goritiae, landgravius Alsatiae, marchio sacri Romani imperii supra Anasum, Burgoviae ac superioris et inferioris Lusatiae, dominus Marchiae Sclavonicae, Portus Naonis et Salinarum etc. memoriae commendamus tenore praesentium significantes quibus expedit universis; quod cum inter alia praecipua officii nostri imperialis munera illud a nobis potissimum observetur, ut fideles subditos nostros, qui sese nobis in nostri et patriae gratiam variis virtutum ornamentis commendatos praestare student, caesarea ac regia munificentia nostra prosequamur eorumque nomina ac praeclara facta ab humana oblivione vindicantes adeoque immortalitati consecrantes eo illis vel ad majora etiam ineunda animum accendamus, libenter effusaque voluntate laudabili huic majorum nostrorum consuetudini sive quia nobis ita divinitus attributum est, sive quia longo usu compertum habemus, illa demum regnorum esse praesidia, quae in animis subditorum larga liberalitate principum collocantur, insistimus. Cum igitur ad nonnullorum fidelium nostrorum humillimam supplicationem, signanter vero fidelis nostri nobis

dilecti reverendissimi in Christo Patris domini Petri Parchevich, natione Bulgari, archiepiscopi Martianopolitani in praefato regno nostro Bulgariae existentis et residentiam habentis, nec non illinc ad aulam nostram caesaream et regiam ceterosque principes christianos certorum peragendorum promovendorumque religionis catholicae negotiorum gratia ablegati internuncii, tum ad certorum praecipuorum consiliariorum nostrorum diligentem et sedulam recommendationem nostrae propterea factam majestati, tum vero attentis et consideratis fidelitate et fidelibus servitiis fidelium quoque nostrorum, utpote: Michaelis Parchevich filiorumque suorum Joannis et Petri, item haeredum quondam Pauli fratris praenominati Petri Parchevich, archiepiscopi germani, filiorum nimirum Deodati seu Bogdani ac Marci, praeterea tertii quoque quondam fratris Antonii itidem germani filiorum videlicet: Eliae, Josephi et Mariani omnino cognomine Parchevich, item Nicolai et Petri Parchevich aliter Cserkics, praeterea Michaelis Putin, nepotis ex sorore germana, fratrum quoque consobrinorum Stephani, Marci, Michaelis et Antonii, deinde Demetrii ac alterius Antonii cognomine Kneczovics vocatorum, denique Georgii, Gregorii et Stephani Thomaeque Gyonovics fratrum consanguineorum supranominati Petri Parchevich archiepiscopi, ut praemissum est, Martianopolitani, alias eidem in secundo et tertio gradu vinctorum, quae ipsi sacrae imprimis praedicti regni nostri Hungariae coronae et deinde majestati quoque nostrae adeoque augustae domui nostrae Austriacae ac ipsi regno nostro Bulgariae partiumque eidem circumvicinarum provinciis pro locorum et temporum varietate atque occasionum exigentia cum alias semper, tum vel maxime contra infensissimum christiani nominis hostem Turcam, illibata semper fide et fidelitatis constantia non sine magno rerum fortunarumque suarum dispendio vitarumque propriarum periculo evidenti exhibuerunt et impenderunt ac in posterum quoque ferventiori constantiae zelo sese exhibituros et impensuros pollicentur: cum igitur ob id, tum vero ex gratia et munificentia nostra regia, qua quosque de nobis et republica christiana bene meritos ac virtutis colendae studiosos antecessorum nostrorum, divorum quondam Hungariae regum, exemplo prosequi eisque certa virtutum suarum monumenta, quae ad majora quaeque praestanda eos incitare possent, decernere consuevimus; eundem itaque Petrum Parchevich archiepiscopum

Martianopolitanum ac ipsius gratia suprascriptos Michaelem similiter Parchevich cum sua uxore Maria et filiis Joanne et Petro filiaque Catharina, item haeredes quondam Pauli fratris eiusdem germani pariter cum uxore Maria et filiis Deodato seu Bogdano ac Marco nec non Margaretha et Lucia filiabus, praeterea itidem quondam fratris germani Antonii filios Eliam, Josephum et Marianum matremque ipsorum Annam omnes cognomine Parchevich, item Nicolaum et Petrum Parchevich aliter Cherkichi cum uxoribus suis, filiis, filiabus, nepotibus et neptis superstitibus, pariter Michaelem Putin nepotem ex sorore germana cum filiis et filiabus, fratres item consobrinos Stephanum, Marcum, Michaelem et Antonium ac germanas cum sororibus et filiis ac uxoribus, deinde Demetrium cum filiis et filiabus sororibusque superstitibus omnibus cognomine Knezovics gaudentibus, demum Georgium, Gregorium et Stephanum ThomaeGyonovics cum uxoribus, filiis et filiabus superviventibus, omnes denique arctissimo consanquinitatis gradu secundo et tertio sibi conjunctos, uti bene meritas personas ac alias etiam nobili prosapia ortos, armis quoque et insigniis antiquis nobilitaribus donatos, verum literis privilegialibus superinde habitis facta jamdudum retroactis temporibus in istud regnum nostrum Bulgariae dicti infensissimi christiani sanguinis hostis Turcae irruptione ac exinde supersecuta rerum calamitate incendio absumptis privatos defacto et destitutos, rursus ac denuo in coetum et numerum verorum, antiquorum et indubitatorum tum praefati regni nostri Hungariae, quam Bulgariae caeterarumque partium eisdem annexarum nobilium de regiae nostrae potestatis plenitudine et gratia speciali duximus annumerandos, agregandos et adscribendos. Annuentes ex certa nostra scientia animoque deliberato concedentes, ut ipsi, sicuti antea, ita imposterum futuris et perpetuis semper temporibus omnibus illis gratiis, honoribus, indultis, privilegiis, libertatibus, iuribus, praerogativis et immunitatibus, quibus caeteri veri, antiqui et indubitati memorati regni nostri Hungariae et Bulgariae partiumque eisdem annexarum nobiles hactenus quomodolibet de iure et consuetudine usi sunt et gavisi utunturque et gaudent, uti frui et gaudere possint ac valeant, haeredesque et posteritates ipsorum utriusque sexus universi valeant atque possint. In cujus quidem nostrae erga ipsos exhibitae gratiae et clementiae ac liberalitatis testimonium veraeque et indubitatae nobilitatis signum

haec antiqua ipsorum gentilitia arma seu nobilitatis insignia: Scutum videlicet militare erectum coelestini coloris, fundum illius trijugi monticulo interoccupante, ex cujus cacumine procera arbor per medium scuti in altum directe excrevisse, eique ex depressioribus monticuli extremitatibus ab utraque parte bini hirci naturaliter effigiati, sursum erecti cornibus ac deorsum declives, aequaliter ad invicem anterioribus pedibus salientes arboremque attingendo amplexantes cernere visuntur; scuto incumbentem galeam militarem, craticulatam sive apertam regio diademate, ex eoque fulvum leonem ore patulo et lingua rubicunda exerta, pedibus anterioribus ad rapiendum dispositis inguinetenus eminentem proferente ornatam; a summitate vero sive cono galeae laciniis seu lemniscis, hinc flavis et ceruleis, illinc autem candidis et rubris in scuti extremitates sese diffundentibus scutumque ipsum decenter exornantibus, quemadmodum haec omnia in principio seu capite praesentium literarum nostrarum pictoris manu et artificio propriis ac genuinis suis coloribus clarius depicta et ob oculos intuentium posita esse conspiciuntur; eidem Petro Parchevich ac ipsius gratia supra nominatim specificatis personis ipsarumque haeredibus et posteritatibus utriusque sexus universis gratiose danda duximus et conferenda. Decernentes et ex certa nostra scientia animoque deliberato concedentes, ut ipsi sicut pridem, ita imposterum futuris et perpetuis temporibus eadem arma antiqua seu nobilitatis insignia more aliorum verorum, antiquorum et indubitatorum tam saepefati regni nostri Hungariae quam Bulgariae caeterarumque partium eisdem annexarum nobilium sub iisdem iuribus, praerogativis, indultis, libertatibus et immunitatibus, quibus iidem vel natura vel antiqua consuetudine usi sunt et gavisi utunturque et gaudent, ubique in proeliis, certaminibus, pugnis, hastiludiis, torneamentis, duellis, monomachiis ac aliis omnibus et singulis de quibusvis exercitiis militaribus et nobilitaribus nec non sigillis, velis, cortinis, aulaeis, annulis, vexillis, clypeis, tentoriis, domibus et sepulchris, generaliter vero in quarumlibet rerum et expeditionum generibus sub verae, vetustae ac sincerae nobilitatis titulo, quo eos ab omnibus cujuscunque status, dignitatis, conditionis et praeeminentiae homines existant, insignitos et ornatos dici, nominari, haberive et reputari volumus et mandamus ferre, gestare illisque in aevum uti, frui et gaudere possint ac valeant, haeredesque

et posteritates ipsorum utriusque sexus universi valeant atque possint. Imo denuo damus, nobilitamus, concedimus et aggregamus praesentium per vigorem. In cujus rei memoriam firmitatemque perpetuam praesentes litteras nostras secreto sigillo nostro, quo ut rex Hungariae utimur, impendenti communitas eidem Petro Parchevich ac per ipsum superius specificatis personis ipsarumque haeredibus et posteritatibus utriusque sexus universis valeant atque possint. Datum per manus fidelis nostri nobis dilecti reverendi Georgii Szelepcsényi episcopi Nitriensis locique ac comitatus ejusdem supremi ac perpetui comitis, consiliarii nostri et per dictum regnum nostrum Hungariae aulae nostrae cancellarii in civitate nostra Vienna Austriae die mensis Januarii duodecima, anno domini millesimo sexcentesimo quinquagesimo septimo, regnorum nostrorum Romani vigesimo primo, Hungariae et reliquorum trigesimo secundo, Bohemiae vero anno trigesimo: reverendissimis ac venerabilibus in Christo Patribus dominis Georgio Lippay de Sombor metropolitanae Strigoniensis et Joanne Pysky Colocensis et Bacsiensis ecclesiarum canonice unitarum archiepiscopis, praefato Georgio Szelepcsényi Nitriensis, Benedicto Kisdy Agriensis, Petro Petrechich Zagrabiensis, Joanne Pállfalvay Váradiensis, Francisco Szentgyörgyi Transylvaniensis, Georgio Szécsényi Veszprimiensis, Paulo Hoffmann Quinque-Ecclesiensis, dicto Joanne Pysky administratore Jaurinensis, Sigismundo Zongor Vacziensis, fratre Petro Jurjevich electo Syrmiensis, altero fratre Mariano Moravich electo Bosniensis, tertio fratre Georgio Biellavich electo Tininiensis, Thoma Pállffy Csanádiensis, fratre Joanne Caramuel Rosoniensis et Petro Mariani Segniensis et Modrusensis ecclesiarum episcopis, ecclesias dei feliciter gubernantibus; item spectabilibus ac magnificis comite Francisco Veselényi de Hadad, dicti regni nostri Hungariae palatino; comite Francisco de Nádasd, judice curiae nostrae regiae; comite Nicolao a Zrinio, praefatorum regnorum nostrorum Dalmatiae, Croatiae et Sclavoniae bano; comite Stephano de Csák tavernicorum; jam fato comite Nicolao a Zrinio agazonum; comite Georgio Erdödy de Monyorokerék cubiculariorum; comite Nicolao Pálffy ab Erdöd janitorum; comite Adamo de Battyhán dapiferorum; comite altero Adamo Forgach de Gymes pincernarum, comite Georgio de Frangepanibus a Tersath curiae nostrorum regalium in Hungaria magistris, ac memorato comite Nicolao Pálffy de