Item.-If any man of the said craft, dwelling within the said town, and break, disobey the said Deacon, masters of craft, or their officer, in any points forsaid, or in the execution of his office, shall pay ane new upset to the said craft, and twenty shillings to the Baillie of the town, as oft as there shall be any found and tryed culpable by the brethren of the craft.

Item. It is statute that the last entered that shall come to be freeman with the craft, shall be Officer to the same, unto the time another come to be a freeman with the said craft. And also it is statute and ordained, that the said Deacon of the craft, accompanied with the officer of the toun, shall have power to poynd and distrenzie for the duties and the unlaws as written, and in default of payment, conform to this erection, with power to close the debtor's or disobedient's booth window unto the time he make full payment and satisfaction. Also, the said Deacon, with the advice of the best and worthiest craftmen of the said craft, shall have power to make statutes to their own craft, for the common weil and profit of the said burgh and city, and the support of their poor, and therein in all time coming, as Officers and Deacon.

To do which statutes, articles and rules being read, and heard, and understood, and diligently considered, that they are, in first, for the loving of Almighty God, and for the common weil of our Sovereign Lord's lieges, and for the goodwill in time coming, to themselves, and tend to the profit of them and their poor distressed brethren of craft, and of their common charge,-We, the said Provost, Baillies, and Council, has ratified, approven, and confirmed, and be these presents ratify, approve, and confirm, for us and our successors, the said articles, in all and sundry other points as written, to the said trade craftsmen, and their successors of the said craft, in perpetual memorie, in time to come; and thir premises, to all and sundry whom it effeirs, we make manifest and known, be these our presents letters,-To the which, in witness verification of the same, the common seal of our said burgh and city, with our subscriptions manual, and our Scribe of Court, as after follows, is hanging at the said seal of Glasgow, the twenty-seventh day of June, the year o God one thousand four hundred and threescore years.

(Duly Signed and Sealed.)

III.-SEAL OF CAUSE BY THE PROVOST AND MAGISTRATES OF GLASGOW IN FAVOUR OF THE INCORPORATION OF CORDINERS, 27TH FEBRUARY, 1558, AND RATIFICATION THEREOF BY JAMES, ARCHBISHOP OF GLASGOW.

(Revised with Original by James D. Marwick, LL.D., Town-Clerk, Glasgow, January, 1881.)

TILL all and syndry quhais knawlage thir present lettres sall to cum : The Prouest Ballies counsell and comunitie of the burght and cietie of glesgw gretinge, in God euyrlastinge wittis zour vniuersiteis that the day and dait of thir presentis comperit befoir ws the craftismen of the cordownaris and barkaris of our said cietie and presentit till ws sitand In Jugement our cownsell gaddirrit thair bill and Supplicatioune of the quhilk the tennour followis In thir wordis

My lorde prouest ballies and worthy counsell of this gude toune of glesgw, wnto zour discretiouneis humilie menis and schewis zour seruatouris the craftismen of the cordownaris and barkaris Induellaris of this burght and cietie burgessis and fremen of the sammyn, thay ar to say patrik pudzen, androw craige, Johne androw, elder, robert mwre, gilbart craige, allane Stevynsoune, James braidwod, elder, Nicoll Snodgers, patrik patersoune, mychaell morsone, Johne Sym, James braidwod, zowngar, thomas craige, Johne bog and mathow bernehill and the remanent fremen of the Saidis occupatiouneis: That quhair for the louynge of almychty god the honour of holy kirk wirschep and commowne veile of this gude towne and for the proffet of all and syndry our souerane lorde and ladyis the king and quene graceis leigeis and wtheris reparing thairto, and for augmentatioune of deuine seruice at the alter of Sanct niniane situat In the metropolitane kirk of glasgw, the honour of the Sanctis crispine and crispinani our patrones we dissire that we may haue thir statutis articlis and rewlis followinge grantit and gevyn to ws be zour autorities, quhair throw gude rewle and gidinge may be had amangis ws and oure successouris of the said craft baytht maisteris and seruandis In time commynge, considirringe It is said be commowne autoritie that mwltitude but ordour makis confusioune and for to eschew the onconuenient thairof in all tyme commynge Thir articulis followinge ar our ressonabile dissires :

Item, In the first that the craftis men of the said craft maist habill and worthy thairto sall haif powar zeirlie to cheis thame ane deikin and kirk maister quhilk sal be defendit be the prouest and ballies in all thair lesum actis and Statutis for the commowne veile of this burght and cietie foirsaidis Alsswa that euyrry man of the Saidis craftis pretendinge to set wp bwitht In this gude toune he sal be maid first freman witht the toune and pay to the wphaldinge and reparatioune of the said alter the sowme of thre pundis sex schilling awcht penneis for his vpset, Alsswa that all fremen sonneis within this said burght and cietie In the vpsetinge of thair bwithtis of new, sal pay allanerlie for thair vpset to the reparatioune of the said alter sex schillinge awcht pennyis money, Item that euyrry prenteiss at his entres to the saidis craft sall pay to the reparatioune of the saidis alter the sowme of twenty schillingis money, Alsswa that euyrry maister of the said craft sall pay oueklie to the reparatioune of the said alter ane penny scottis and euyrry seruand (prenteissis being exceptit) sall pay Inlykmaner oueklie ane half penny to thame quhilkis hapins to be deput to the gaddirringe of the Sammyn, and als that euyrry man of the saidis occupatioune baytht fre and unfre that presentis to the markat ony werk or barkit leddir to sell sall pay ilk time thay present werk ane penny to the vphald of the suffraige of the said Alter, Alsswa It is statut and ordaneit that all thay quhilk ar absent fra the four quarter comptis beand dewlie warneit and requirit be the officiare of the craft sall pay to the alter foure schillingis, Alsswa It is statut and ordaneit that nayne freman tak ane prenteiss for schortar space nor the space of sevyn zeiris and sall haif powar to tak bot ane prenteis allanyrlie In the sevyn zeir, and gif ony beis fwndyn doand in the contrer he sall pay to the alter thre pund sex schillinge aucht penneiss, Item It is statut and ordaneit that nayne maner of man freman nor wthir be thayme self thair seruandis nor wthir In thair naymeis, feiche ane wthir mannis stand in the mercat eftir that It be laid or set as vse is wnder the payne of aucht schillinge to be payit to the prouest or ballies and sex schillinge to the alter, Alsswa It is statut and ordaneit that nayne maner of man, freman nor wthir present ony werk to the mercat quhill nyne houris of the day wnder the payne of ane pund of wax, and attour It sall nocht be leswm to nayne wnfreman to stand betuix ane freman

and the corce wnder the payne of ane pund of wax, and at nayne freman ressaue vpone his stande ane wnfremanis werk wnder the payne of four schillingis wnforgiffin, and alsswa It sall be lefull to the deikin and kirk maistiris for the commowne veile of oure souerane lorde and ladyis lgieis to seirs and exeme baitht maid werk and barkit leddir presentit to the merkat or ony wthir place, and be thair fwndyn ony werk insufficient or leddir evill and Insufficientlie barkit the deikin sal aduerteis the ourmen of the toune thairof and thaireftir the awner of the Insufficient werk or barkit leddir sall tyne the sammyn, Item It is statut and ordaneit that nayne maister sall tak ane wthir mannis seruand nor his prenteis without he haif licence of his maister that he was seruand last to and wnto the tyme he haif maid compt reknynge and payment of his Intromissione with his maisteris gudis quhair-witht he intromittit, and gif ony dois in the contrer of this statut he shall pay awcht schillingis to the ballies and sex schillingis to the alter, Item gif ony man of the saidis craft duelland within the said burght and cietie disobayis the saidis deikin and kirk maister or thair officiar In ony of the poynteis foirsaidis or in the executioune of his office sall pay ane new vpset and twenty schillingis to the ballies als oft as thair beis ony fwndyn culpabile, and attour it is statut and ordaneit that the said deikyn sall haif power to poynde and distrenze for the dewteis and wnlawis abone vrittyn and in default of payment conforme to this erectioune witht powar till clois the dettour or disobayaris bwitht and wyndo wnto the tyme he mak full payment and satisfactioune, Alsswa the said deikin witht the aduyis of the best and worthyest craftismen of thair craft sall haif power to mak statutis to thaire awne craft for the commowne veile and proffet of the said burght and cietie and for the vphald of the said alter and suffraige to be done thairat In all tyme commynge as efferis ane deiken to do, Quhilkis Statutis articlis and rewlis being red hard and wndirstande and diligentlie considvirit that thay ar in the first for the lovynge of almychty god awgmentatioune of diuine seruice and for the veile of our souerane lorde and ladyis liegis and for gude rewile In tyme commynge amangis thayme of the said craft, we the saidis prouest ballies and counsell witht the consent assent approbatioune and ratificatioune of ane maist reuerend fadir James be the mercie of God archbischop of glesgw hes ratefyit appreuit and

confirmeit and be thir presentis ratefyis appreuis and confirmeis for ws and oure successouris the foirsaid articlis In all and syndry thir prymeissis abone vrittyn to the saidis craftismen and thair successouris of the said craft in perpetuall memoreall In tyme to cum, and thir premissis to all and syndry quhame it efferis we mak manifest and knawin be thir our present lettres to the quhilkis In witnes and verificatioune of the Sammyn the Seile of the said maist reuerend fadir oure lorde and prelat In verificatioune of his consent and approbatioune togiddir witht oure commowne seile to thir presentis ar appendit at our burght and cietie foirsaid the twenty sevyn day of febuar the zeir of god Jm Vc and fyftie awcht zeiris (27 February 1558).

IV.-SEAL OF CAUSE BY THE PROVOST AND MAGISTRATES OF GLASGOW IN FAVOUR OF THE INCORPORATION OF CORDINERS, 27TH JUNE, 1569.

(Revised with Original by James D. Marwick, LL.D., Town-Clerk, Glasgow, January, 1881.)

To all and sindry to quhais knawlege thir present Letres sall to cum : The Prouest Baillies counsale and communitie of the burght and Citie of glasgw greting In God euirlesting Wittis zour vniuersities That the daye and dait of thir presentis Comperit befoir ws The craftismen of the Cordinaris and barkaris being Crodinaris of oure said citie And presentit to ws sittand In Jugement oure counsale gadderit thair bill and supplicatioun of the quhilk the tenour followis in thir wordis

My lord prouest Baillies and worthie counsale of this gude toun of glasgw vnto zoure discretioun humilie menis and schawis, zoure seruitouris The craftismen of the cordinaris and barkaris being Cordinaris Induellaris In this burght and citie, Burgessis and fremen of the samyn, Thai are to saye Allane steinsoune, James braidwod, zoungare, Gilbert craig, Nichol snodgers, Johne gilmoure, Johne andro, eldar, James braidwod, eldar, Matho camrone, Hectoure galbrayth, patrik ker, Robert zoung, patrik patersoune, Allane Mathie, Williame hill, Johne bartoune, Williame culane, archibald craig, Robert mure, Thomas craig, Johne craig, matho bornhill and