Imágenes de páginas
PDF
EPUB

assecutione vacantium canonicatuum et prebendarum predictorum volumus anteferri, sed nullum per hoc eis, quoad assecutionem canonicatuum et prebendarum seu beneficiorum aliorum, prejudicium generari. Aut si venerabilibus fratribus nostris Tuamensi et Clonfertensi Episcopis, ac dilectis dictarum Tuamensis et Clonfertensis ecclesiarum capitulis, vel quibusvis aliis communiter vel divisim, ab eadem sit sede indultum, quod ad receptionem vel provisionem alicujus minime teneantur, et ad id compelli, aut quod interdici, suspendi vel excommunicari, aut extra vel ultra certa loca ad judicium evocari non possint. Quodque de canonicatibus et prebendis ipsarum Tuamensis et Clonfertensis ecclesiarum, ac hujusmodi vel aliis beneficiis ecclesiasticis ad eorum collationem, provisionem, presentationem seu quamvis aliam dispositionem, conjunctim vel separatim, spectantibus, nulli valeat provideri per litteras apostolicas, non facientes plenam et expressam, ac de verbo ad verbum de indulto hujusmodi, mentionem, et quibuslibet aliis privilegiis, indulgentiis et litteris apostolicis, generalibus vel specialibus, existant, per que presentibus non expressa, vel totaliter non inserta, effectus earum impediri valeat quomodolibet vel differri, et de quibus quorumque totis tenoribus habendo sit in nostris litteris mentio specialis. Seu si dictus Ristardus presens non fuerit, ad prestandum, de observandis statutis et consuetudinibus Tuamensis et Clonfertensis ecclesiarum predictarum, solita juramenta, dummodo in absentia sua, per procuratorem ydoneum, et . . . . . ecclesias predictas accesserit corporaliter illa prestet. Volumus autem quod propter unionem, annexionem et incorporationem predictas, si vigore presentium fiant, rectorie ac vicaria predicte debitis non fraudentur obsequiis, et animarum cura in eis nullatenus negligatur, sed earum congrue supportentur onera consueta. Ac quod dicto Ristardo cedente vel decedente, seu canonicatum et prebendam ecclesie Tuamensis hujusmodi alias quomodolibet dimittente, unio, annexio et incorporatio predicte dissolute sint et esse censeantur, ipseque rectorie et vicaria in pristinum statum revertantur, eo ipso, et insuper, ex nunc irritum decernimus et inane, si secus super hiis a quoquam, quavis auctoritate, scienter vel ignoranter, contigerit attemptari. Datum Rome apud Sanctum Petrum, Anno incarnationis Dominice millesimo quingentesimo undecimo, quinto Id. Januar. Pontificatus nostri anno nono.

[Sub plumbeo sigillo pendente à filo canabeo.]

"Processus de Gnobegge, &c.

"A. D. 1497.

"Reverendissimo in Christo patri domino, domino Willielmo, miseracione divina, Archiepiscopo Tuamensis, Matheus, eadem miseracione, Episcopus Clonfertensis, ac David de Burgo Canonicus cathedralis ecclesie Clonfertensis, ac in causa rectorie de Gnobeg,

Gnobeg, ac vicariarum de Mychullyn, et Kylcommyn, et Kybrowan, ac Raffun, Enachdunensis diocesis; contra et adversus Mauritium O Flahartt super vicaria de Gnobeg, ac Rodricum O Kennewayn super vicariis de Kylcommyn et Kylrowayn, et contra Odonen O'Flaharthit, ad instanciam Wardiani, et octo perpetuorum vicariorum ecclesie collegiate Sancti Nicholai ville Galvie, dicte diocesis, omnibusque aliis et singulis ad quos dictarum vicariarum et rectorie collacio, provisio, presentacio seu quevis alia disposicio, de jure vel consuetudine, spectare dinoscitur, salutem, et nostris ymo verius apostolicis firmiter in hac parte obedire mandatis, litteras siquidem sanctissimi in Christo patris ac domini, domini Alexandri, digna Dei providencia Pape, sexti, cum cordula canapis, more Romane curie, bullatas, sanas, integras, non viciatas, non cancellatas, nec in aliqua sui parte suspectas, sed omnino prorsus vicio et suspicione carentes, prout, prima facie, nobis apparebat, per prefatos wardianum et vicarios nobis, cum ea qua decuit reverencia, presentatas, nos noveritis recepisse, quarum litterarum tenor, de verbo ad verbum, sequitur, et est talis. Alexander Episcopus, servus servorum Dei, venerabili fratri nostro episcopo Clonfertensi, ac dilecto filio Davidi de Burgo canonico ecclesie Clonfertensis, salutem et apostolicam benedictionem. Humilibus supplicum votis libenter anuimus, eaque favoribus prosequimur oportunis. Exhibita siquidem nobis nuper, pro parte dilectorum filiorum wardiani secularis et collegiate ecclesie Sancti Nicholai ville Galvie, Enachdunensis diocesis, et octo perpetuorum vicariorum, peticio, continebat quod, licet perpetua parochialis ecclesie de Mykullyn dicte diocesis, eidem ecclesie Sancti Nicholai, perpetuo canonice unita existit, tamen dilectus filius Mauricius O'flahartt, pro clerico se gerens, falso asserens vicariam predictam ad se, pretextu quarundam litterarum apostolicarum, seu alias, pertinere de jure, easdem wardianum et vicarios super hoc, inter alia, petendo vicarias hujusmodi sibi adjudicare, coram dilecto filio Milero O'Kennewan canonico Tuamensi, quem judicem super hoc competentem, auctoritate apostolica, deputatum esse dicebat ; traxit in causam, et idem Milerus in causa ipsa perperam procedens, diffinitivam, pro dicto Mauritio, et contra wardianum et vicarios prefatos, sentenciam promulgavit iniquam, a qua, pro parte wardiani et vicariorum eorundem, ad sedem fuit apostolicam appellatum, sed ipsi wardianus et vicarie, legittimo, ut asserunt, impedimento detenti, appellacionem hujusmodi non fuerunt infra tempus debitum prosecuti, quare, pro parte wardiani et vicariorum eorundem, nobis fuit humiliter supplicatum, ut, lapsu dicti temporis non obstante, appellationis predicte, ac post et contra illam attemptatorum et innovatorum quorumcunque, ac predictarum et quarumlibet aliarum litterarum, per ipsum Mauritium super hoc quovis modo impetratarum, surreptionis et obreptionis illarum, et processus et sententie hujusmodi aliorumque omnium et singulorum per Mylerum et Mauritium predictos, ac quoscunque alios judices et personas, in wardiani

et

et vicariorum ac ecclesie Sancti Nicholai prejudicium, circa premissa quocunque gestorum, nullitatis et invaliditatis tocius, quoque principalis negocii, necnon omnes et singulos quos wardianus et vicarii predicti contra dictum Mauritium, ac dilectos nobiles viros Willielmum de Burgo, et ejus fratres ac ejus natos domicellos, et ceteros eorum consanguineos, ac Thadeum M'breyn Flaharthyt, Ricardum alias Risterdum de Burgo, et quoscunque alios clericos et laicos super rectoria et vicariis hujusmodi, impedimentis, molestationibus, dampnis et injuriis eisdem wardiano et vicariis ac ecclesie Sancti Nicholai super hujusmodi et aliis rectoriis et perpetuis vicariis ac beneficiis ecclesiasticis, eidem ecclesie Sancti Nicholai similiter unitis, et illorum occasione, indebite illatis, ac aliis rebus, communiter et divisim; movere intendunt, causas aliquibus probis viris in partibus illis committere, et alia in premissis oportune providere, de benignitate apostolica dignaremur. Nos igitur hujusmodi supplicacionibus inclinati, discretioni vestre, per apostolica scripta, mandamus, quatenus vos vel alter vestrum, si vocatis Mauritio ac clericis et laicis prefatis, ac aliis qui fuerint evocandi, quod de impedimento hujusmodi proponitur veritate fulcitur, auditisque hinc inde propositis, eciam de principali negocio hujusmodi cognoscentes, legittime quod justum fuerit, appellatione remota decernatis facientes quod decreveritis per censuram ecclesiasticam firmiter observari. Testes autem qui fuerunt nominati, si se gratia, odio vel timore substraxerint, censura simili, appellatione cessante, compellatis veritati testimonium perhibere. Non obstantibus lapsu dicti temporis, necnon felicis recordationis Bonefacii Pape octavi predecessoris nostri qua cavetur, inter alia, ne quis extra civitatem et diocesim, nisi in certis exceptis casibus, et in illis ultra unam dietam a fine sue diocesis ad judicium evocetur, seu ne judices ab eadem sede deputati, extra civitatem et diocesim in quibus deputati fuerint, contra quoscunque procedere, seu alii vel aliis vices suas committere presumerint, dummodo ultra duas dietas, auctoritate presencium, aliquis non trahatur, et constitutionibus ac ordinacionibus apostolicis contrariis quibuscunque. Aut si Mauritio et clericis et laicis predictis, vel quibusvis aliis communiter vel divisim, ab eadem sede sit indultum, quod suspendi, interdici vel excommunicari non possint, aut extra vel citra loca ad judicium evocari non possint, per literas apostolicas non facientes plenam et expressam, ac de verbo ad verbum et inde indulto hujusmodi mentionem. Datum Rome apud Sanctum Petrum anno incarnationis dominice м°. CCCC nonagesimo sexto, tercio Idûs Aprilis, Pontificatus nostri anno quarto. Post quarum quidem literarum apostolicarum presentacionem et receptacionem nobis, et per nos factas, fuimus per prefatos wardianum et vicarios debita cum instancia requisiti, quatenus id executionem predictarum literarum et contentorum in eis procedere dignaremur. Nos igitur mandatum apostolicum volentes exequi, ut tenemur, competencie jurisdictionis et validitatis litterarum ac.

citacionis

citacionis citandorum per nos prius interpositis, decretis certis nostris nunciis et apparitoribus, per nostras patentes literas, dedimus in mandatis, quos predictos Mauritium, Odonem et Rodericum dictarum vicariarum et rectorie detentores, ad instanciam predictorum wardiani et octo perpetuorum vicariorum, predictos Mauritium, Odonem et Rodericum citarent seu citari facerent ad certos diem et locum, ipsisque apparitoribus coram nobis apparentibus, in die et loco prestitis, juramentis de emissione citacionis fidem coram nobis facientibus, de personali citacione predictorum Mauritii, Odonis et Roderici, corporali prestito juramento, fidem fecerent, et quod ipsis personaliter citatis, manifeste ac palam et publice dixerint, et ipsorum quilibet dixit, se nullatenus velle comparere, assumptisque nobis ante omnia duobus viris ydoniis, in locum tabellionis datis decretis per nos manifeste contumacie predictorum citatorum, proposita peticione formali coram nobis per procuratorem predictorum wardiani et vicariorum, de cujus procuratoris nobis legittime constabat assignatisque prius modis diversis terminis, pro convincenda predictorum manifesta contumacia, ipsisque minime comparentibus, nec per se neque per procuratores, in ipsorum manifesta contumacia perseverantes. Monstratis articulis ex parte wardiani et vicariorum, super veritate petitorum et relatorum, testibus super premissis rite receptis, et ipsorum attestacionibus publicatis, ac literis vestris, pariter et apostolicis, super unione predictorum beneficiorum facta ipsi ecclesie collegiate Sancti Nicholai ville Galvie, ex parte predictorum wardiani et vicariorum nobis in judicio exhibitis, et perlectis diligenter, discussis et examinatis, invenimus pariter cognovimus luculenter fore probatum, quod prefati Mauritius, Odo et Rodericus in rectoria et vicariis predictis, predictos wardianum et vicarios, de facto, perturbarunt et inquietarunt, quo minus fructus, redditus et proventus dictarum rectorie et vicariarum percipere possint, ac quod ipsi . . . . . appellacionem a dilecto filio Mylero O'Kennewan per wardianum et vicarios interpositam, et ab ejus sentenciam innovarunt et attemptarunt, fructus, redditus et proventus dictarum rectorie et vicariarum in suos . . . . usque in prejudicium non modicum dictorum wardiani et vicariorum, et ecclesie collegiate Sancti Nicholai, dampnabiliter convertendo. Ideoque nos, Altissimi nomine invocato, de cujus vultu rectum procedit judicium, cujusque oculi vident equitatem, predictam sentenciam, auctoritate apostolica qua fungimur in hac parte, infirmamus, cassamus et irritamus, et cassam et irritam, ymo verius nullam fore et esse, per presentes pronunciamus. Quapropter vobis Reverendissimo domino ac domino Willielmo archiepiscopo Tuamensi, in virtute Sancte obediencie precipimus, et precipiendo mandamus, quatenus, visis presentibus literis, predictos Mauritium, Odonem et Rodericum, auctoritate nostra, ymo verius apostolica, moneatis ut infra sex dies, lecturam presencium immediate sequentes, ut a dicta molestacione et perturbacione omnino desistant, realiter et cum effectu, qui momtis, vestris ymo verius nostris et apostolicis, non pervenerint [sic] elapsis supradictis vi. diebus, quorum duos pro primo, duos pro secundo reIRISH ARCH. SOC. NO. 15.

.....

2 A

liquos

liquos vero duos dies pro tertio et...... canonice monicionis termino ipsis assignavimus, qui in hoc culpabiles reperti fuerunt, auctoritate nostra apostolica, cum suis defensoribus, consiliariis, et fautoribus, majoris excommunicacionis vinculo innodetis, quos eciam nos, eadem auctoritate apostolica, innodamus et innodatos fore et esse, per presentes declaramus. Nichilominus vobis omnibus et singulis in salutacionem contentis, precipimus, sub penis quibus decet canonicis, et precipiendo mandamus, quatenus predictos perturbatores et molestatores wardiani et vicariorum in dictis rectoria et vicariis, cum fautoribus defensoribus suis et consiliariis, omnibus diebus dominicis et festivis excommunicatos esse, excommunicatione majori, publice nuncietis, et, licet ex superhabundanti exercetis, pulsatis campanis et candelis accensis. Insuper eciam, vobis Reverendissimo domino ac domino Willielmo archiepiscopo Tuamensi, cui ob reverenciam pontificalem officii in hiis duximus deferendum, precipimus, et precipiendo mandamus, quod hunc nostrum processum apostolicum reverenter et humiliter suscipiatis, et a vestris suscipi faciatis, necnon sibi et suis preceptis et mandatis infra sex dies, a tempore ipsius exhibicionis ot ostencionis vobis facte, humiliter pareatis et respondeatis, et a vestris subditis faciatis integre responderi, quorum sex dierum, duos pro primo, duos pro secundo reliquos vero duos dies pro tertio et monitorie canonice monitionis termino vobis assignamus: qui si monitis nostris, ymo verius apostolicis, non parieritis elapsis sex diebus, vos ab ingressu ecclesie interdicimus, et si per alios sex dies, supradictos sex dies immediate sequentes, pertinaciter non parieritis, vos ab omni pontificali officio interdicimus, et si, quod absit, per alios sex dies, predictos XII. dies immediate sequentes, non persisteris indurato, ab omnibus divinis officiis, auctoritate apostolica, vos suspendimus, per presentes, omnesque alios et singulos, majoris excommunicacionis vinculo, innodamus. Acta sunt hec in ecclesia parochiali de Ballaynpatrik, Clonfertensis diocesis, xv1°. die mensis Decembris, Anno Domini millesimo, quadringentessimo, nonagesimo septimo."

"I. H. S. MARIA.

"Et ego vero, Matheus Lorcan Enachdunensis diocesis, ac publicus, Imperiali auctoritate, notarius, suprascriptum processum apostolicum ab initio et principaliter scriptum et subscriptum per duos viros ydoneos, viz., per magistrum David O'Langayn, canonicum cathedralis ecclesie Clonfertensis, et dominum Mauritium O'ffyne, ejusdem diocesis presbiterum, jussu et rogatu prefatorum judicum, de verbo ad verbum in hanc publicam formam transumsi fideliter et exemplavi, eaque, meis signis solitis et consuetis, roboravi, unacum apposicione sigillorum supradictorum judicum, in fide et robore omnium et singulorum premissorum, rogatus et requisitus."

The

« AnteriorContinuar »