an wifen an waid an waffer an holtz an holtzmarcken an wegen an ftegen an erbawen vnd vnerbawen ertrich an befuchten vnd vnbefuchten wie daz alles genant oder gehaiffen ift vnd mit allen diensten nutzen gülten vnd zugehörung die fi geltent oder gelten mügen an klainem vnd an groffem mit befetzen vnd ze entfetzen vnd mit allen rechten vnd ehafftin vnd alz wir den hoff vnd Seld von Erharten von Erfslingen feligen vnd feinen erben erkaufft vnd wir mangew Jar mit nutz vnd mit gewer herbracht ynne gehebt vnd genoffen haben vnd vnfer rechtz aygen gewefen find für freye ledige vngerichtbere vnuogtbar vnlehenbar vndienstbariu vnftuirbare guter vnd für rechtes aygen recht vnd redlichen verkaufft vnd ze kauffen geben haben vnd geben in kraft dez briefs dem Erwirdigen vnd Gaistlichen herren herren Johannfen Abpt dez Gotzhus fant Virich vnd fant Affren zu Augspurg feinem Gotzhus vnd Conuent vnd allen iren nachkomen oder wem fy es hinafür geben vnd verkauffen fchaffen oder lazzent ze haben vnd ze nyez en ewicklichen vnd geruwicklichen ze rechtem aygen vmb fechs hundert guldin vnd vmb drey Guldin guter reinischer Guldin die wir alfo berait von in darumbe eingenomen vnd enpfangen vnd anderhalb an vnfern vnd vnfer erben nutz vnd frumen gelat vnd gewendet haben vnd wir haben alfo dem obgenanten herren Abpt Johannjen feinem Gotzhus vnd Conuent vnd allen iren nachkomen den obgenanten hoff auch die feid zu Herrenfinningen auch daz gericht daz wir daruf gehebt haben vnd was wir da felbs gehebt haben es fey an dem brief benent oder nicht benent mit allen iren zugehörung nutzen vnd Gülten rechten vnd eehaftin alz vor gefchriben stat zu rechtem aygem vfgeben vf dez Richs ftrauzz vnd vns des alles verzi. gen vnd verzeichen vns dez alles wie daz krafft vnd macht hat Rrr2 vnd vnd haben mag für vns vnd für alle vnfer erben vnd nachkomen alz mon fich aigens durch recht vnd pillichen vfgeben vnd verzeichen fol nach aygens recht vnd nach landes der herschafft recht darinne der hoff vnd Selde gelegen find Also daz wir noch dehain vnfer erben oder frunde noch funft yemant anders von vnfern wegen wie der oder die genant waren darnach vnd daran dehainerlay recht noch Anfprach nymmer mer gehaben fullen noch mugen weder mit gaiftlichem noch weltlichem rechten noch on recht noch funft mit dehainen andern fachen in dehain weifs noch wege an alles gefarde Wir fullen auch dem egenant Apt Johannfen feinen Gotzhus vnd Conuent vnd nachkomen den obgenanten hoff auch die Seld zu herrenfinningen vnd was wir dafelbs gehebt haben es fey an dem brief benent oder nicht nichtz vfsgenomen noch hindan gesetzt allez mit allen iren zugehörung Also stätten vnd ferttigen vnd ir recht geweren fein für alle irrung vnd Ansprach die in vnd irem Gotzhus mit dem rechten daran befchehen nach aigens recht vnd nach landes vnd der herfchafft recht darynne der oftgenant hoff vnd Seld gelegen find an allen iren vnd ires Gotzhus fchaden vnd wurden fy in irem Gotzhus vnd nachkomen darüber alles oder fein ain tail oder ichtes daz zu ir yeglichen darein gehörret yemant ansprach mit dem rechten in folichen zilen vnd zeitten darynne mon aigen nach aigens recht vnd landes recht alz hie vor begriffen ftat pillichen statten vnd fertigen fol die felbig irrung vnd Anfprach ir fey aine oder mer vnd was fy der fchäden nemen fullen wir vnd vnfer erben vnuerschaidenlichen dem obgenanten herrn Abpt Johannfen seinem Gotzhus vnd Conuent vnd iren nachkomen ze handt vnd vnuerzogenlichen in ainem monat dem nachften nach ir manung entlofen abtun gelten vnd vfstragen an allen widerfprechen vnd gentzli gentzlichen an allen iren fchaden Tatten wir dez alfo nicht fo habent vnfer herre der Abpt fein Conuent vnd ir nachkomen oder wer in dez hilffet vollen Gewalt vnd gut recht vns vnd vnfer erben allenthalben vnd vnuerfchaidenlichen darumbe anzegreyffen zenötten nyder ze legen vnd ze pfenden vf aller vnd yeglicher vnfer habe vnd gut ligende vnd farende mit gaiflichem oder mit weltlichem rechten weders in aller pass füget oder mit in bayden vnd in welhes gericht, fy wellent oder an gericht wie vnd wa fy dez von vns vnd vf aller vnfer habe bekomen mugen vf dem lande oder in ftetten oder wo fy dez finden vnd in aller befte füget fo lang vil vnd genug vntz daz in volkomenlich genug befchicht vnd beschehen ist nach dez briefs fag da mit tund fy noch ir helffer noch freuelund an dem allem noch an ir yeglichem befunder nicht wider vns noch vnfer erben vnd wider dhain herfchafft noch recht gaiftlich noch weltlich noch wider dhainen Landfrid Landgericht gesatzt puntnufs noch verainung der herren noch stetten wie danne folche verainung genant mugen fein die yetzund find oder noch vf erftan mochten vnd wider nichtes noch nyemand in dhainerlay weifse alz lang vnd alz vil pis daz dem benanten vnferm herren dem Abt feinem Gotzhus Conuent vnd nachkomen genug befchicht nach dez briefs fag vmb alles vnd yeglichs befunder daz an difem brief begriffen vnd geschriben ftat gar vnd gentzlichen an allen abgank vnd an allen iren schaden Wir fullen auch vnferm Herrn dem Abpt feinem Gotzhus alle alt brief die wir von dem obgenanten Erharten von Erfslingen faligen ynne haben die vber difen hoff vnd Seld gehörret vnd fagent ir fey ainer oder mer vbergeben vnd die in irem Gotzhus antwurten vnd war auch daz wir oder vnfer, erben oder funft yemant anders von vnfern wegen icht alt brief ynne hetten oder hinafür funden darynne der obgenant hoff vnd die Seld als ze herrnfinningen auch daz gericht darüber vnd was wir dafelbs gehebt haben darynne begriffen waren oder ichtes daz ze ir yeglichem darzu vnd darein gehörret in welher weifs oder maynung daz war ir wär ainer oder mer diefelben brief alle fullen nu füron wider den gagenwirtigen kauff vnd brief tod vnd krefflos haiffen vnd fein vnd in irem Gotzhus vnd nachkomen dhainen fchaden fagen noch pringen war fy darwider für gezaigt oder verhörret wurden es war vor gaiftlichem oder vor weltlichem gericht vnd richtern oder anderthalben in dhain weg vnd des alles zu gutem vrkunt geben ich obgenanter Vlrich Röflin Anna mein eliche hauffraw vnferm oftgenanten herren feinem Gotzhus vnd nachkomen difen brief für vns vnd vnfer erben befigelten vnd geueftnet mit dez frumen veften Rudolffen Hälen an den zeiten pfleger zu Laugingen aygem anhangenden Infigel vnd mit der Erfamen vnd weifen Hainrich Lauterbach vnd Stephan Ayfinger bed burger zu Laugingen aygen anhangenden Infigeln a) daz fy all drey durch vnfer beder fleiffigen bete willen an difen brief gehenkt hand zu gezucknufs aller obgefchribner fach doch in felbs vnd iren erben an fchaden vnder die Infigel wir vns bai de verpinden bey vnfern guten truien allez daz war vnd ftatt ze halten daź an difem brief von vns gefchriben ftat Geben an Freytag vor fant Vlrichs tag dez hailigen Bifchoff. Do man za let nach Crifti gepurdt vierzehenhundert vnd darnach in dem fechs vnd viertzigesten jaren. a) Tria figilla funt illaefa. b) Prima Julii. Num. CLXXIII. Num. CLXXIII. Emtio mancipiorum in Finningen. An. 1446. EX ORIGINALI. Ich VRSULA VON ERSSLINGEN Erhart von Erfslingen feligen witibe. vnd ich Jörg vnd ich Erhart von Erfslingen bed mein elich Sun Bekennen offenlichen mit difem, brief für vns vnd für all vnfer erben vnd tun kunt aller menglichen Daz wir mit veraintem wolbedachtem mut vnd guter vorbetrachtung mit raut willen vnd gunft vnfer nachften vnd beften frunde vnfer aygen lüt an Mannen vnd an frawen mit nomen ain geschlacht genant Vlrich zürn Lorentz zürn Andres zürn Jörg zürn Jos zürn vnd Anna zürnin Item Chuntz Hagelin Item aber ain ge fchlacht mit nomen Lienhart Guldn Hanns Guldin Peter Guldin vnd mer ainer genant Hanns Guldin Bernhart Guldin Katherina Guldnin Barbara Guldnin Elfpet Guldnin vnd irem driw Kind Item mer ain gefchlacht mit nomen Martin Wigant Peter Wigant vnd Margret ir mutter Item aber ain gefchlacht mit nomen Adelhait Bürlabeifin vnd irm fünff kind vnd ir mutter Hanns Hetzler ir Sun vnd Diepoldt Hetzler auch ir Sun vnd Hanns Walther Item mer ain gefchlacht mit nomen Elfpet Ochnin vnd irm zway kinder Item aber ain gefchlacht mit nomen Margreta Polfteterin vnd zwen ir brüder, vnd Elfpeta Mayrin vnd zwen ir Brüder vnd Michel Plöfs die yetz genanten aygen lüt vnd gefchlacht vnd was zu ir yeglichem gehörret oder von recht gehorren fol fy feyen an difem brief benenet oder nicht benenet vnd alz wir die vnd vnfer vordern faligen pis her ynne gehebt vnd genoffen haben vnd vnfer recht libaygen lüt gewefen find recht vnd redlichen verkaufft vnd ze kauffen geben haben |